Kulonga 29
29
Milawo yakubenga Aloni alimwi abana bakwe basankwa pabupailishi
(Bene Lefi 8:1-36)
1“Ono mbweshi ukacite kuli Aloni alimwi abana bakwe basankwa pakubabenga ayi bansebensele mulimo wa bupailishi mbulya. Ukabwese mucende mwaana alimwi ambelele shisankwa shobilo shitacite kampenda kali koonse. 2Ukasebenseshe fulaulo ubotu abuumbi wa witi, sombi utacite cimena, akupanga shimaande shimwi shakusenkanya amafuta a olifi, shimwi shitakabi amafuta, ashalo shimwi shipampamene shinanikitwe mafuta. 3Kuswawaawo ukashibike mumutaanga akushibenga kuli ndime pakunoobenga milambu ya mucende alimwi ambelele shisankwa shobilo.
4“Mpeeke ukalete Aloni alimwi abana bakwe basankwa kumulyango wa Tente ya Cipangano akubalwiita ayi balisalashe amaanshi. 5Lyalo ukafwalike Aloni shakufwala sha bupailishi, nkokwaamba ayi mwinjila, mungaanjo wa mukati lya efodi, efodi, cakufwala ca pacaamba, alimwi alaamba. 6Ukamufwalike cisani ca kumutwi akwaangawo keshibilo kasalalite kakubengwa kalembetwe ayi ‘Wakabengwa kuMwaami Lesa.’ 7Ndyeshi ukabwese mafuta, ukamutilile pamutwi akumunanika.
8“Alimwi ukalete bana bakwe basankwa akubafwalika minjila, 9balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.
10“Lyalo ukalete mucende kunembo lya Tente ya Cipangano akulwiita Aloni alimwi abana bakwe basankwa ayi babike maansaabo pamutwi wa nguwo. 11Ukamucaile pameenso angu pamulyango wa Tente ya Cipangano. 12Alimwi ukabwese bulowa bumwi bwa mucende, ukasumpemo munwe akunanika shintu shili anga ngameeca sha kucipaililo. Lyalo bulowa boonse mbweshi bukacaaleewo ukabutile pacapanshi ca cipaililo. 13Kuswawaawo ukabwese mafuta oonse afweka shamukati, cipansha cibotu ca kulini, alimwi ansa shobilo amafuta a nshisho, akushitentela pacipaililo ayi ngumulambu kuli ndime. 14Sombi nyama, cipaya alimwi amala a mucende, mukashitentele pansengwe lya misumba. Uyu ngumulambu wakukusha shibiibi sha bapailishi.
15“Mpeeke ukabwese mbelele yomwi isankwa, akulwiita aloni alimwi abana bakwe basankwa ayi babike maansaabo pamutwi wa njiyo. 16Ukeecaaye, akubwesa bulowa bwa njiyo alimwi akubusanseela mumbasu shoonse shone sha cipaililo. 17Ukatimboole mbelele isankwa iyo mushipansha shipansha. Ukasaanshe shamukati amyeendo ya njiyo ya kwisule, akushibika pamutwi alimwi ashipansha shimwi. 18Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.#Efe 5:2; Fili 4:18
19“Lyalo ukabwese mbelele imwi isankwa iyo isebenseshekwa pakubenga, akulwiita Aloni alimwi abana bakwe basankwa ayi babike maansaabo pamutwi wa njiyo. 20Ukeecaaye, akubwesa bulowa bwa njiyo bumwi akunanika Aloni alimwi abana bakwe basankwa kumatwi a kululyo, kuminwe inene ya kumaansa a kululyo alimwi akushikumo shinene sha kumyeendo ya kululyo. Bulowa boonse bweshi bukacaaleewo, ukabusanseele mumbasu shoonse shone sha cipaililo. 21Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.
22“Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo. 23Ono mumutaanga wa shimaande uyo wakapekwa kuli ndime, ukushemo cimaande comwi comwi kumishobo yoonse. Nkokwaamba ayi, cimaande cisenkene amafuta a olifi, citacite mafuta alimwi acimwi cipampamene. 24Shakulya shoonse ishi ukape Aloni alimwi abana bakwe basankwa, alimwi akubalwiita ayi bakashibenge kuli ndime ayi ncipo ca cakutambeeka. 25Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.
26“Lyalo ukabwese ntiti ya mbelele akwiibenga kuli ndime ayi ncipo cakutambeeka. Cipansha ici ca mbelele iyi cilaakunooli caako.
27“Kuswawaawo na muntu wabikwa pabupailishi, ntiti iyo alimwi alibelo lya mbelele isho shitoosebenseshekwa pamulimo wakubikwa pabupailishi, shilyeelete kubengwa kuli ndime ayi ncipo cakutambeeka akubikwa palubasu ayi ncabapailishi. 28Uyu ulaakunooli mulawo wangu wa nshiku shoonse ayi na bantu bangu batoopa cipo ca bwanabwankashi, ntiti alimwi alibelo nsha bapailishi. Ico ncipo bantu nceshi bakanoopa ndime neMwaami Lesa.
29“Mpomunyaawo shakufwala sha bupailishi shakwe Aloni shilaakupekwa kubamulunyungu lwakwe basankwa na akafwe, kwaamba ayi bakanoofwala pakubikwa pabupailishi. 30Ono mwaana musankwa uyo weshi akapyane Aloni baishi pabupailishi akwinjila muTente ya Cipangano kwaamba ayi asebensele muMusena Usalalite, ulyeelete kufwala shakufwala ishi sha bupailishi kwanshiku shosanwe ashobilo.
31“Lyalo ukabwese nyama ya mbelele isankwa iyo isebenseshekwa pakubika Aloni alimwi abana bakwe basankwa pabupailishi, akwitelekela muMusena Usalalite. 32Pamulyango wa Tente ya Cipangano, Aloni alimwi abana bakwe basankwa balyeelete kulya nyama iyo, pantu pomwi ashimaande shakacaala mumutaanga. 33Balyeelete kulya sheesho shakasebenseshekwa pakulekelelwa shibiibi shabo ndibakabikwa pabupailishi. Bapailishi beenkabo mbobeelete kulya, ceebo cakulya ici cilisalalite. 34Na nyama imwi nabi cimaande cimwi shabula kulikwa kushikila akuciindi ca macuunsa, shilyeelete kutentwa. Tasheelete kulikwa ceebo shilisalalite.
35“Ulyeelete kucita shoonse shiyandika pakubikwa Aloni alimwi abana bakwe basankwa pabupailishi. Ulyeelete kutola nshiku shosanwe ashobilo, akucita kweelana ambondakakwaambila. 36Pabushiku bomwi abomwi, ulyeelete kubenga mucende womwi ayi ngumulambu wakulekelela shibiibi. Mulambu uyo ulaakusalasha cipaililo. Pesule, ukacinanike mafuta a olifi ayi ucisalashe. 37Ukanoocita mbomunya ubo kwanshiku shosanwe ashobilo shoonse. Lyalo cipaililo cilaakunoosalalite abuumbi, alimwi cintu cili coonse ceenga cakumyaako cilaakucisikwa ceebo cipaililo cilisalalite.
Milambu ya nshiku shoonse
(Shakube 28:1-8)
38“Anu lyoonsebo pabushiku, ukanoobenga mulambu pacipaililo wa bana ba mbelele bobilo bacite mwaaka womwi. 39Mwanaambelele umwi akanoobengwa macuunsa alakwe umwi macolesha. 40Ono pakubenga mwanaambelele wakutaanguna, ukanootenta akilogilamu yomwi ya fulaulo wa witi upelekete, usenkene alita yomwi ya mafuta a olifi eene eene alimwi alita yomwi ya waini ayi ncipo ca cakunwa. 41Alakwe mwanaambelele umwi ukamubenge macolesha akutenta fulaulo, mafuta a olifi alimwi awaini. Shoonse shikanokweelene bweenka mbuli sha macuunsa ayi ncipo ca shakulya kuli ndime neMwaami Lesa. Bweema bwa nshisho bulansangalasha. 42Inshiku shoonse mulambu wakutenta uyu, nkokwaamba ayi bana ba mbelele ashipo shoonse isho, ulyeelete kubengwa kunembo lyangu pamulyango wa Tente ya Cipangano. Uko nkweshi nkanookumanina abantu bangu akunokwaamba awebo. 43Uko nkomunya, ndaakunookumana abene Isilaeli alimwi bulemu bwangu bulaakusalasha musena uyo. 44Ndaakusalasha Tente, cipaililo, Aloni alimwi abana bakwe basankwa ayi bakansebensele mulimo wa bupailishi. 45Lyalo ndaakwikala pakati ka bene Isilaeli akuba Lesa wabo. 46Abalo balaakwishiba ayi ndime Mwaami Lesa wabo uyo wakabakusha mucishi ca Ijipiti kwaamba ayi nkekale pakati kabo. Nebo ndime Mwaami Lesa, Lesa wabo.
Currently Selected:
Kulonga 29: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 29
29
Milawo yakubenga Aloni alimwi abana bakwe basankwa pabupailishi
(Bene Lefi 8:1-36)
1“Ono mbweshi ukacite kuli Aloni alimwi abana bakwe basankwa pakubabenga ayi bansebensele mulimo wa bupailishi mbulya. Ukabwese mucende mwaana alimwi ambelele shisankwa shobilo shitacite kampenda kali koonse. 2Ukasebenseshe fulaulo ubotu abuumbi wa witi, sombi utacite cimena, akupanga shimaande shimwi shakusenkanya amafuta a olifi, shimwi shitakabi amafuta, ashalo shimwi shipampamene shinanikitwe mafuta. 3Kuswawaawo ukashibike mumutaanga akushibenga kuli ndime pakunoobenga milambu ya mucende alimwi ambelele shisankwa shobilo.
4“Mpeeke ukalete Aloni alimwi abana bakwe basankwa kumulyango wa Tente ya Cipangano akubalwiita ayi balisalashe amaanshi. 5Lyalo ukafwalike Aloni shakufwala sha bupailishi, nkokwaamba ayi mwinjila, mungaanjo wa mukati lya efodi, efodi, cakufwala ca pacaamba, alimwi alaamba. 6Ukamufwalike cisani ca kumutwi akwaangawo keshibilo kasalalite kakubengwa kalembetwe ayi ‘Wakabengwa kuMwaami Lesa.’ 7Ndyeshi ukabwese mafuta, ukamutilile pamutwi akumunanika.
8“Alimwi ukalete bana bakwe basankwa akubafwalika minjila, 9balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.
10“Lyalo ukalete mucende kunembo lya Tente ya Cipangano akulwiita Aloni alimwi abana bakwe basankwa ayi babike maansaabo pamutwi wa nguwo. 11Ukamucaile pameenso angu pamulyango wa Tente ya Cipangano. 12Alimwi ukabwese bulowa bumwi bwa mucende, ukasumpemo munwe akunanika shintu shili anga ngameeca sha kucipaililo. Lyalo bulowa boonse mbweshi bukacaaleewo ukabutile pacapanshi ca cipaililo. 13Kuswawaawo ukabwese mafuta oonse afweka shamukati, cipansha cibotu ca kulini, alimwi ansa shobilo amafuta a nshisho, akushitentela pacipaililo ayi ngumulambu kuli ndime. 14Sombi nyama, cipaya alimwi amala a mucende, mukashitentele pansengwe lya misumba. Uyu ngumulambu wakukusha shibiibi sha bapailishi.
15“Mpeeke ukabwese mbelele yomwi isankwa, akulwiita aloni alimwi abana bakwe basankwa ayi babike maansaabo pamutwi wa njiyo. 16Ukeecaaye, akubwesa bulowa bwa njiyo alimwi akubusanseela mumbasu shoonse shone sha cipaililo. 17Ukatimboole mbelele isankwa iyo mushipansha shipansha. Ukasaanshe shamukati amyeendo ya njiyo ya kwisule, akushibika pamutwi alimwi ashipansha shimwi. 18Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.#Efe 5:2; Fili 4:18
19“Lyalo ukabwese mbelele imwi isankwa iyo isebenseshekwa pakubenga, akulwiita Aloni alimwi abana bakwe basankwa ayi babike maansaabo pamutwi wa njiyo. 20Ukeecaaye, akubwesa bulowa bwa njiyo bumwi akunanika Aloni alimwi abana bakwe basankwa kumatwi a kululyo, kuminwe inene ya kumaansa a kululyo alimwi akushikumo shinene sha kumyeendo ya kululyo. Bulowa boonse bweshi bukacaaleewo, ukabusanseele mumbasu shoonse shone sha cipaililo. 21Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.
22“Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo. 23Ono mumutaanga wa shimaande uyo wakapekwa kuli ndime, ukushemo cimaande comwi comwi kumishobo yoonse. Nkokwaamba ayi, cimaande cisenkene amafuta a olifi, citacite mafuta alimwi acimwi cipampamene. 24Shakulya shoonse ishi ukape Aloni alimwi abana bakwe basankwa, alimwi akubalwiita ayi bakashibenge kuli ndime ayi ncipo ca cakutambeeka. 25Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.
26“Lyalo ukabwese ntiti ya mbelele akwiibenga kuli ndime ayi ncipo cakutambeeka. Cipansha ici ca mbelele iyi cilaakunooli caako.
27“Kuswawaawo na muntu wabikwa pabupailishi, ntiti iyo alimwi alibelo lya mbelele isho shitoosebenseshekwa pamulimo wakubikwa pabupailishi, shilyeelete kubengwa kuli ndime ayi ncipo cakutambeeka akubikwa palubasu ayi ncabapailishi. 28Uyu ulaakunooli mulawo wangu wa nshiku shoonse ayi na bantu bangu batoopa cipo ca bwanabwankashi, ntiti alimwi alibelo nsha bapailishi. Ico ncipo bantu nceshi bakanoopa ndime neMwaami Lesa.
29“Mpomunyaawo shakufwala sha bupailishi shakwe Aloni shilaakupekwa kubamulunyungu lwakwe basankwa na akafwe, kwaamba ayi bakanoofwala pakubikwa pabupailishi. 30Ono mwaana musankwa uyo weshi akapyane Aloni baishi pabupailishi akwinjila muTente ya Cipangano kwaamba ayi asebensele muMusena Usalalite, ulyeelete kufwala shakufwala ishi sha bupailishi kwanshiku shosanwe ashobilo.
31“Lyalo ukabwese nyama ya mbelele isankwa iyo isebenseshekwa pakubika Aloni alimwi abana bakwe basankwa pabupailishi, akwitelekela muMusena Usalalite. 32Pamulyango wa Tente ya Cipangano, Aloni alimwi abana bakwe basankwa balyeelete kulya nyama iyo, pantu pomwi ashimaande shakacaala mumutaanga. 33Balyeelete kulya sheesho shakasebenseshekwa pakulekelelwa shibiibi shabo ndibakabikwa pabupailishi. Bapailishi beenkabo mbobeelete kulya, ceebo cakulya ici cilisalalite. 34Na nyama imwi nabi cimaande cimwi shabula kulikwa kushikila akuciindi ca macuunsa, shilyeelete kutentwa. Tasheelete kulikwa ceebo shilisalalite.
35“Ulyeelete kucita shoonse shiyandika pakubikwa Aloni alimwi abana bakwe basankwa pabupailishi. Ulyeelete kutola nshiku shosanwe ashobilo, akucita kweelana ambondakakwaambila. 36Pabushiku bomwi abomwi, ulyeelete kubenga mucende womwi ayi ngumulambu wakulekelela shibiibi. Mulambu uyo ulaakusalasha cipaililo. Pesule, ukacinanike mafuta a olifi ayi ucisalashe. 37Ukanoocita mbomunya ubo kwanshiku shosanwe ashobilo shoonse. Lyalo cipaililo cilaakunoosalalite abuumbi, alimwi cintu cili coonse ceenga cakumyaako cilaakucisikwa ceebo cipaililo cilisalalite.
Milambu ya nshiku shoonse
(Shakube 28:1-8)
38“Anu lyoonsebo pabushiku, ukanoobenga mulambu pacipaililo wa bana ba mbelele bobilo bacite mwaaka womwi. 39Mwanaambelele umwi akanoobengwa macuunsa alakwe umwi macolesha. 40Ono pakubenga mwanaambelele wakutaanguna, ukanootenta akilogilamu yomwi ya fulaulo wa witi upelekete, usenkene alita yomwi ya mafuta a olifi eene eene alimwi alita yomwi ya waini ayi ncipo ca cakunwa. 41Alakwe mwanaambelele umwi ukamubenge macolesha akutenta fulaulo, mafuta a olifi alimwi awaini. Shoonse shikanokweelene bweenka mbuli sha macuunsa ayi ncipo ca shakulya kuli ndime neMwaami Lesa. Bweema bwa nshisho bulansangalasha. 42Inshiku shoonse mulambu wakutenta uyu, nkokwaamba ayi bana ba mbelele ashipo shoonse isho, ulyeelete kubengwa kunembo lyangu pamulyango wa Tente ya Cipangano. Uko nkweshi nkanookumanina abantu bangu akunokwaamba awebo. 43Uko nkomunya, ndaakunookumana abene Isilaeli alimwi bulemu bwangu bulaakusalasha musena uyo. 44Ndaakusalasha Tente, cipaililo, Aloni alimwi abana bakwe basankwa ayi bakansebensele mulimo wa bupailishi. 45Lyalo ndaakwikala pakati ka bene Isilaeli akuba Lesa wabo. 46Abalo balaakwishiba ayi ndime Mwaami Lesa wabo uyo wakabakusha mucishi ca Ijipiti kwaamba ayi nkekale pakati kabo. Nebo ndime Mwaami Lesa, Lesa wabo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.