Kulonga 22
22
Milawo ya kulipila
1“Ono na muntu umwi weepa musune nabi mbelele akucaya nabi kuulisha, ulyeelete kulipila basune bosanwe pamusune womwi, nabi mbelele shone pambelele yomwi. 2-4Mwiipi ncakwiila ulyeelete kulipila pabuboni mbwaaipa. Ono na taaku ncaacite, ulyeelete kuulishikwa kwaamba ayi alipile pabwiipi bwakwe. Na cifubwa ico ceepwa cacanika kacili cuumi mumaansaakwe, abe musune, mbongolo nabi mbelele, ulyeelete kulipila shifubwa shobilo pacifubwa comwi ncaakeepa.
“Na mwiipi wacanikwa utoopwaya ŋanda ya mwiine mashiku ayi eepe, ono woomwa cakucaikwa, uyo wamucaya teelete kupekwa mulandu wakucaya muntu. Sombi na cacitika bwaca kale, uyo wamucaya ulyeelete kupekwa mulandu.
5“Ono na muntu ulaleka shifubwa shakwe kulya mumuunda wakwe nabi mumuunda wakwe wa minyansa, sombi shamuloboka akuya mukulya mumuunda wa umwi, muntu uyo ulyeelete kulipila cibwenekete kuswa mumuunda wakwe wa shakulya nabi wa minyansa.
6“Na muntu watenta mumuunda wakwe, ono mulilo wakomena ceebo ca myuumfwa ya mweela muunda, akuya mukutenta shakulya shili pacifufu nabi shakulya shitana kutebulwa nabi shintu shimwi shoonse mumuunda wa muntu umwi, uyo watenta ulyeelete kulipila pashakulya shanyonyooka.
7“Alimwi na muntu wasumina kulama maali a muntu umwi, nabi shintu shimwi shamakwebo, ono sheepwa muŋanda ya wooyo utoolama, nkokwaamba ayi mwiipi uyo na wacatwa ulyeelete kwiilikaawo ashimwi shili mbuli sheesho nshaaipa. 8Sombi na mwiipi wabula kucanika, muntu uyo wakalinga kulama buboni ubo ulyeelete kuletwa kumusena wakunambililaako neMwaami Lesa. Nkomunya uko, ulyeelete kwaamba pameenso angu ayi teshi ngowabwesa buboni ubo.
9“Ono pacikani cili coonse cakupikishanya pabuboni na ngamakani akumite kuŋombe, mbongolo, mbelele, shakufwala nabi cintu cili coonse cakalinga casoweka ico bamwi ncebatokwaamba ayi ncinebo, boonse balyeelete kutolwa kumusena wakunambililaako neMwaami Lesa. Uyo weenga wacanika pameenso akwe Lesa ayi utoobeca, ulyeelete kwiilikaawo ashimwi shili mbuli sheesho akupa mubye.
10“Umwi muntu na wasumina kulaminako mubye mbongolo, ŋombe, mbelele nabi cifubwa cimwi cili coonse, ono cifubwa ico cafwa, cacisikwa nabi kutolwa kubalwani alimwi cacanika ayi taapu kamboni, 11uyo muntu walinga kulama ulyeelete kuya kumusena wakunambililaako neMwaami Lesa akwaamba pameenso angu ayi teshi ngowakeepa cifubwa ca mubye. Na cifubwa ico tacikwe kwiipwa, mwine cifubwa ulyeelete kusumina ayi cakasowekabo. Aboobo uyo wakalinga kumulaminaako teelete kulipila. 12Sombi na cifubwa cakeepwa, uyo wakalinga kucilama ulyeelete kulipila mwineco. 13Ono na mbanyama bamuluundu bakacaya cifubwa ico, uyo wakalinga kucilama ulyeelete kuleta sheesho shakacaalaako pakulikwa cifubwa kwaamba ayi shikabe bukamboni. Aboobo teelete kulipila paceeco cakacaikwa kubanyama bamuluundu.
14“Na muntu wabweleka cifubwa ca mubye, ono cifubwa ico cacisikwa nabi kufwa mwiine kaatako, uyo wabweleka ulyeelete kulipila. 15Sombi na cacitika mwine cifubwa kaaliiwo, uyo wakabweleka teelete kulipila. Na cifubwa ico cakalipililwa pakubwelekwa, nkokwaamba ayi malipilo oonse alafwita musheesho shakalipilwa.
Milawo ya bululami alimwi akupaila
16“Na musankwa wasuna mwanakashi utana kukumanaawo kale amusankwa akukumanaakwe, musankwa uyo ulyeelete kulipila shiyandika pakweeba alimwi akumweeba. 17Sombi na baishi mwanakashi bamukasha kweeba, ulyeelete kulipila baishi maali eelete pakweeba mwanakashi utana kukumanaawo kale amusankwa.#Duto 22:28-29
18“Mwanakashi muloshi uli woonse ulyeelete kucaikwa.#Duto 18:10-11
19“Musankwa uli woonse wakumana amunyama ulyeelete kucaikwa.#Bene Lefi 18:23; 20:15-16; Duto 27:21
20“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.#Duto 17:2-7
21“Mutabi alunkutwe nabi kupensha muswamashi, mukwiinga amwebo mwakalinga baswamashi mucishi ca Ijipiti. 22Mutabi alunkutwe kumukalubinje mwanakashi nabi mwanaanshiwa.#Kulo 23:9; Bene Lefi 19:33-34; Duto 24:17-18; 27:19 23Na mwacita boobo, nebo neMwaami Lesa ndaakubakumbula na bakandilile ayi mbacaafwe. 24Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.
25“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.#Bene Lefi 25:35-38; Duto 15:7-11; 23:19-20 26Na mwacatila muntu umwi cakufwala ca peculu ceebo ulicite nkongole kuli ndimwe, mulyeelete kuciboosha lisuba kalitana kwipila, 27mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.#Duto 24:10-13
28“Mutancoboli neLesa, nabi kushingana muleli wa bantu bene mishaanu.#Mili 23:5
29“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila.
“Mulyeelete kumpa bana banu basankwa bakwiiya. 30Alimwi mulyeelete kumpa mwaana wakwiiya wa ŋombe alimwi awa mbelele. Amuleke mwaana musankwa wakwiiya wa shifubwa ekale amushashi kwanshiku shosanwe ashobilo, sombi pabushiku bwasanu ashotatwe mulyeelete kumubenga kuli ndime ayi ngumulambu.
31“Mwebo muli bantu bangu, paceebo ceeci tamweelete kulya nyama ya cifubwa cili coonse cakacaikwa kubanyama bamuluundu. Sombi mulyeelete kwiipa bakabwa.#Bene Lefi 17:15
Currently Selected:
Kulonga 22: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 22
22
Milawo ya kulipila
1“Ono na muntu umwi weepa musune nabi mbelele akucaya nabi kuulisha, ulyeelete kulipila basune bosanwe pamusune womwi, nabi mbelele shone pambelele yomwi. 2-4Mwiipi ncakwiila ulyeelete kulipila pabuboni mbwaaipa. Ono na taaku ncaacite, ulyeelete kuulishikwa kwaamba ayi alipile pabwiipi bwakwe. Na cifubwa ico ceepwa cacanika kacili cuumi mumaansaakwe, abe musune, mbongolo nabi mbelele, ulyeelete kulipila shifubwa shobilo pacifubwa comwi ncaakeepa.
“Na mwiipi wacanikwa utoopwaya ŋanda ya mwiine mashiku ayi eepe, ono woomwa cakucaikwa, uyo wamucaya teelete kupekwa mulandu wakucaya muntu. Sombi na cacitika bwaca kale, uyo wamucaya ulyeelete kupekwa mulandu.
5“Ono na muntu ulaleka shifubwa shakwe kulya mumuunda wakwe nabi mumuunda wakwe wa minyansa, sombi shamuloboka akuya mukulya mumuunda wa umwi, muntu uyo ulyeelete kulipila cibwenekete kuswa mumuunda wakwe wa shakulya nabi wa minyansa.
6“Na muntu watenta mumuunda wakwe, ono mulilo wakomena ceebo ca myuumfwa ya mweela muunda, akuya mukutenta shakulya shili pacifufu nabi shakulya shitana kutebulwa nabi shintu shimwi shoonse mumuunda wa muntu umwi, uyo watenta ulyeelete kulipila pashakulya shanyonyooka.
7“Alimwi na muntu wasumina kulama maali a muntu umwi, nabi shintu shimwi shamakwebo, ono sheepwa muŋanda ya wooyo utoolama, nkokwaamba ayi mwiipi uyo na wacatwa ulyeelete kwiilikaawo ashimwi shili mbuli sheesho nshaaipa. 8Sombi na mwiipi wabula kucanika, muntu uyo wakalinga kulama buboni ubo ulyeelete kuletwa kumusena wakunambililaako neMwaami Lesa. Nkomunya uko, ulyeelete kwaamba pameenso angu ayi teshi ngowabwesa buboni ubo.
9“Ono pacikani cili coonse cakupikishanya pabuboni na ngamakani akumite kuŋombe, mbongolo, mbelele, shakufwala nabi cintu cili coonse cakalinga casoweka ico bamwi ncebatokwaamba ayi ncinebo, boonse balyeelete kutolwa kumusena wakunambililaako neMwaami Lesa. Uyo weenga wacanika pameenso akwe Lesa ayi utoobeca, ulyeelete kwiilikaawo ashimwi shili mbuli sheesho akupa mubye.
10“Umwi muntu na wasumina kulaminako mubye mbongolo, ŋombe, mbelele nabi cifubwa cimwi cili coonse, ono cifubwa ico cafwa, cacisikwa nabi kutolwa kubalwani alimwi cacanika ayi taapu kamboni, 11uyo muntu walinga kulama ulyeelete kuya kumusena wakunambililaako neMwaami Lesa akwaamba pameenso angu ayi teshi ngowakeepa cifubwa ca mubye. Na cifubwa ico tacikwe kwiipwa, mwine cifubwa ulyeelete kusumina ayi cakasowekabo. Aboobo uyo wakalinga kumulaminaako teelete kulipila. 12Sombi na cifubwa cakeepwa, uyo wakalinga kucilama ulyeelete kulipila mwineco. 13Ono na mbanyama bamuluundu bakacaya cifubwa ico, uyo wakalinga kucilama ulyeelete kuleta sheesho shakacaalaako pakulikwa cifubwa kwaamba ayi shikabe bukamboni. Aboobo teelete kulipila paceeco cakacaikwa kubanyama bamuluundu.
14“Na muntu wabweleka cifubwa ca mubye, ono cifubwa ico cacisikwa nabi kufwa mwiine kaatako, uyo wabweleka ulyeelete kulipila. 15Sombi na cacitika mwine cifubwa kaaliiwo, uyo wakabweleka teelete kulipila. Na cifubwa ico cakalipililwa pakubwelekwa, nkokwaamba ayi malipilo oonse alafwita musheesho shakalipilwa.
Milawo ya bululami alimwi akupaila
16“Na musankwa wasuna mwanakashi utana kukumanaawo kale amusankwa akukumanaakwe, musankwa uyo ulyeelete kulipila shiyandika pakweeba alimwi akumweeba. 17Sombi na baishi mwanakashi bamukasha kweeba, ulyeelete kulipila baishi maali eelete pakweeba mwanakashi utana kukumanaawo kale amusankwa.#Duto 22:28-29
18“Mwanakashi muloshi uli woonse ulyeelete kucaikwa.#Duto 18:10-11
19“Musankwa uli woonse wakumana amunyama ulyeelete kucaikwa.#Bene Lefi 18:23; 20:15-16; Duto 27:21
20“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.#Duto 17:2-7
21“Mutabi alunkutwe nabi kupensha muswamashi, mukwiinga amwebo mwakalinga baswamashi mucishi ca Ijipiti. 22Mutabi alunkutwe kumukalubinje mwanakashi nabi mwanaanshiwa.#Kulo 23:9; Bene Lefi 19:33-34; Duto 24:17-18; 27:19 23Na mwacita boobo, nebo neMwaami Lesa ndaakubakumbula na bakandilile ayi mbacaafwe. 24Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.
25“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.#Bene Lefi 25:35-38; Duto 15:7-11; 23:19-20 26Na mwacatila muntu umwi cakufwala ca peculu ceebo ulicite nkongole kuli ndimwe, mulyeelete kuciboosha lisuba kalitana kwipila, 27mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.#Duto 24:10-13
28“Mutancoboli neLesa, nabi kushingana muleli wa bantu bene mishaanu.#Mili 23:5
29“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila.
“Mulyeelete kumpa bana banu basankwa bakwiiya. 30Alimwi mulyeelete kumpa mwaana wakwiiya wa ŋombe alimwi awa mbelele. Amuleke mwaana musankwa wakwiiya wa shifubwa ekale amushashi kwanshiku shosanwe ashobilo, sombi pabushiku bwasanu ashotatwe mulyeelete kumubenga kuli ndime ayi ngumulambu.
31“Mwebo muli bantu bangu, paceebo ceeci tamweelete kulya nyama ya cifubwa cili coonse cakacaikwa kubanyama bamuluundu. Sombi mulyeelete kwiipa bakabwa.#Bene Lefi 17:15
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.