Kulonga 13
13
Kubenga baana bakwiiya kuMwaami Lesa
1Kuswawaawo Mwaami Lesa wakaambila Mose ayi, 2“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”#Shakube 3:13; Luka 2:23
Kusekelela kwa bushiku bwakulya Cimaande
3Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa. 4Mwebo mwakaswa muIjipiti pabushiku ubu mumweenshi wa kutaanguna wa Abibu. 5Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse. 6Panshiku shili shosanwe ashobilo, mulyeelete kulyabo cimaande, ono pabushiku bwasanu ashobilo, mulyeelete kusekelela kwaamba ayi mulemeke Mwaami Lesa. 7Kwanshiku shili shosanwe ashobilo, tamweelete kulya shinkwa. Alimwi taaku peelete kucanika cimena nabi shinkwa mucishi canu. 8Ono na kusekelela uku kwatalika, amusansulwite bana banu basankwa ayi mulasekelela ceebo ca sheesho Mwaami Lesa nshaakamucitila ndimwakaswa muIjipiti. 9Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa. 10Kamusekelela lyoonse paciindi ncemwalwiitwa mumwaaka.
Baana bakwiiya
11“Mwaami Lesa ulaakumutola mucishi ca bene Kenani, ico ncaakashomesha ndimwe alimwi abamashali banu bakulukulu cakulumbila ayi ndaakumupa, 12anu mulyeelete kubenga mwaana musankwa woonse wakwiiya kuMwaami Lesa. Alimwi mwanaacifubwa canu coonse musankwa wakwiiya ngwa Mwaami Lesa.#Kulo 34:19-20; Luka 2:23 13Sombi mulyeelete kulubula mbongolo isankwa kwiinda mukubenga mulambu wa mwanaambelele mumusena wa njiyo. Ono na tamusuni kulubula mbongolo iyo mulyeelete kwiityola nshingo. Alimwi mulyeelete kulubula bana banu basankwa boonse bakwiiya. 14Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha. 15Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya. 16Ici cilaakuba ciibalusho, bweenka mbuli cimwi cintu caangitwe kumaansa esu alimwi apankumo. Cinanootwiibalusha ayi Mwaami Lesa wakatukusha muIjipiti kwiinda munkusu shakwe shiteelekwa.’ ”
Likumbi alimwi amulilo
17Ono mwaami Falawo ndyaakasuminisha ayi bene Isilaeli banooya, Lesa taakwe kubeensha nshila iinda mucishi ca bene Filisiti, nabi yakalinga ifwaafwi abuumbi panshila shoonse. Lesa wakayeeya ayi, “Nshisuni kwaamba ayi bantu bakatyongole pakubona ayi balyeelete kulwa, akuboolela mucishi ca Ijipiti.” 18Lyalo wakabatanjilila akubeensha nshila ipopoloka ya kwiinda muluyanga kuya kuLweenge Lusalala. Bene Isilaeli bakalinga kucite shoonse shakulwanisha ndibakaswa mucishi ca Ijipiti.
19Mpeeke Mose wakabwesa mafuwa akwe Josefu, kweelana aJosefu mbwaakalengesha bene Isilaeli kushomesha cakulumbila ayi balaakucita. Josefu wakaamba ayi, “Na Lesa akamupulushe, mulyeelete kunyamuna mafuwa angu kukusha kokuno.”#Mata 50:25; Joshu 24:32
20Mpomunyaawo bene Isilaeli bakaswa kuSakoti akuya kuEtamu uko nkobakekala akookesha mweela luyanga. 21Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku. 22Licincilo lya likumbi lyakalingabo kunembo lya bantu lyoonse ciindi ca malumwi, alyalo licincilo lya mulilo lyakalinga kunembo ciindi ca mashiku.
Currently Selected:
Kulonga 13: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 13
13
Kubenga baana bakwiiya kuMwaami Lesa
1Kuswawaawo Mwaami Lesa wakaambila Mose ayi, 2“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”#Shakube 3:13; Luka 2:23
Kusekelela kwa bushiku bwakulya Cimaande
3Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa. 4Mwebo mwakaswa muIjipiti pabushiku ubu mumweenshi wa kutaanguna wa Abibu. 5Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse. 6Panshiku shili shosanwe ashobilo, mulyeelete kulyabo cimaande, ono pabushiku bwasanu ashobilo, mulyeelete kusekelela kwaamba ayi mulemeke Mwaami Lesa. 7Kwanshiku shili shosanwe ashobilo, tamweelete kulya shinkwa. Alimwi taaku peelete kucanika cimena nabi shinkwa mucishi canu. 8Ono na kusekelela uku kwatalika, amusansulwite bana banu basankwa ayi mulasekelela ceebo ca sheesho Mwaami Lesa nshaakamucitila ndimwakaswa muIjipiti. 9Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa. 10Kamusekelela lyoonse paciindi ncemwalwiitwa mumwaaka.
Baana bakwiiya
11“Mwaami Lesa ulaakumutola mucishi ca bene Kenani, ico ncaakashomesha ndimwe alimwi abamashali banu bakulukulu cakulumbila ayi ndaakumupa, 12anu mulyeelete kubenga mwaana musankwa woonse wakwiiya kuMwaami Lesa. Alimwi mwanaacifubwa canu coonse musankwa wakwiiya ngwa Mwaami Lesa.#Kulo 34:19-20; Luka 2:23 13Sombi mulyeelete kulubula mbongolo isankwa kwiinda mukubenga mulambu wa mwanaambelele mumusena wa njiyo. Ono na tamusuni kulubula mbongolo iyo mulyeelete kwiityola nshingo. Alimwi mulyeelete kulubula bana banu basankwa boonse bakwiiya. 14Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha. 15Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya. 16Ici cilaakuba ciibalusho, bweenka mbuli cimwi cintu caangitwe kumaansa esu alimwi apankumo. Cinanootwiibalusha ayi Mwaami Lesa wakatukusha muIjipiti kwiinda munkusu shakwe shiteelekwa.’ ”
Likumbi alimwi amulilo
17Ono mwaami Falawo ndyaakasuminisha ayi bene Isilaeli banooya, Lesa taakwe kubeensha nshila iinda mucishi ca bene Filisiti, nabi yakalinga ifwaafwi abuumbi panshila shoonse. Lesa wakayeeya ayi, “Nshisuni kwaamba ayi bantu bakatyongole pakubona ayi balyeelete kulwa, akuboolela mucishi ca Ijipiti.” 18Lyalo wakabatanjilila akubeensha nshila ipopoloka ya kwiinda muluyanga kuya kuLweenge Lusalala. Bene Isilaeli bakalinga kucite shoonse shakulwanisha ndibakaswa mucishi ca Ijipiti.
19Mpeeke Mose wakabwesa mafuwa akwe Josefu, kweelana aJosefu mbwaakalengesha bene Isilaeli kushomesha cakulumbila ayi balaakucita. Josefu wakaamba ayi, “Na Lesa akamupulushe, mulyeelete kunyamuna mafuwa angu kukusha kokuno.”#Mata 50:25; Joshu 24:32
20Mpomunyaawo bene Isilaeli bakaswa kuSakoti akuya kuEtamu uko nkobakekala akookesha mweela luyanga. 21Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku. 22Licincilo lya likumbi lyakalingabo kunembo lya bantu lyoonse ciindi ca malumwi, alyalo licincilo lya mulilo lyakalinga kunembo ciindi ca mashiku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.