Milimo ya Batumwi 21
21
Paulo mbwaakaya kuJelusalemu
1Nditwakamana kulashanya, twakaswaako, twenjila mubwaato bunene akululamabo kuKosi. Bushiku bwakaboolaawo twakashika kuLodisi. Kuswakooko twakaya kuPatala. 2Nditwakashika uko, twakacana bwaato bwakalinga kuya kuFonisha, mpeeke twakatanta akunooya. 3Lyalo twakashika pamusena mpotwakalinga kukonsha kubona nsumbu ya Saipulasi, mpeeke twakaseesha, tweewaala kucipiko kushikila twashika kuSilya. Kuswawaawo twakashika kucito ca Taya uko nkobakalongolweta shintu shakalinga mubwaato. 4Nkomunya uko twakacana bashomi abo mbotwakekalaabo nsondo yomwi. Kwiinda munkusu sha Mushimu Usalashi, bakalwiita Paulo ayi ateendilili kuya kuJelusalemu. 5Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa. 6Mpomunyaawo twakalashanya, swebo twakenjila mubwaato bunene, balo bakaboolela kumishaabo.
7Twakatolelela lweendo lwesu abwaato bunene kuswa kuTaya akushika kuPitolemaisi, uko nkotwakabandika abashominyineesu akwikalaabo bushiku bomwi. 8Pabushiku bwakaboolaawo twakanyamuka akuya mukushika kuSisaliya. Twakekala kuŋanda yakwe Filipo shikushimikila Makani Abotu, womwi wa basankwa bosanwe abobilo abo bakasalwa kuba bacafwi muJelusalemu.#Mili 6:5; 8:5 9Wakalinga kucite baana banakashi bone bashike abo bakalinga balaluki. 10Ndipakeenda nshiku shiinji, kwakesa mulaluki kuswa kuJudeya wakalinga kwiitwa ayi Agabasi.#Mili 11:28 11Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”
12Nditwakanyumfwa makani aya, swebo abamwi bakooko, twakasenga cankusu Paulo ayi atayi kuJelusalemu. 13Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.” 14Nditwakabona ayi twaalilwa, twakamulekabo akwaamba ayi, “Kuyanda kwakwe Lesa akucitike.”
15Nditwakekalako nshiku shimwi kulya, twakalongela shintu shesu akuya kuJelusalemu. 16Bashomi bamwi ba kuSisaliya bakaya aswebo. Bakatushisha kuŋanda ya musankwa wiitwa ayi Munasoni wa kuSaipulasi, nkotwakalinga kweelete kwikala. Wakalinga muntu ushoma kuswabo kale kale.
Paulo mbwaakafwakashisha Jemusi
17Nditwakashika muJelusalemu, bashomi bakatutambula camaansa obilo. 18Bushiku bwakaboolaawo, Paulo alimwi aswebo soonse twakaya mukubona Jemusi. Nkomunya uko twakacana abamatanjilili ba coonde kababungene. 19Mpomunyaawo, Paulo wakabaansha akubalwiita kabotu kabotu shintu shoonse Lesa nshaakacita pakati ka baswamashi bakunsengwe, kwiinda mumulimo wakwe. 20Ndibakanyumfwa makani aya bakalumbaisha Lesa. Lyalo bakaambila Paulo ayi, “Omukwabesu Paulo, mwaboona shuulu shiinji sha baJuda bakashoma muMwaami alimwi boonse balicinkite manungo muMilawo yakwe Mose. 21Bakalwiitikwa ayi uleeisha baJuda boonse bekala mushishi sha baswamashi bakunsengwe ayi bacileeke kukonkela Milawo yakwe Mose. Bakalwiitikwa alimwi ayi ulabeeisha kucileka kupalula bana babo nabi kukonkela kwishibila kwa baJuda. 22Mukwiinga bantu aba nabi cibe buyani batoonyumfwa ayi wesa, ono tutoocita buyani? 23Anu mbulya mbweshi ucite. Kuno kuli basankwa bone bakashomesha cakulumbila kuli Lesa. 24Koyaabo basankwa aba kwaamba ayi ukalisalashishe pantu pomwi ambabo kweelana akwishibila kwesu. Kuswawaawo ubalipilile shoonse shiyandika kupa kuŊanda yakwe Lesa kwaamba ayi baceswe misusu. Wacita boobo, bantu boonse balaakwishiba ayi shoonse nshebakalinga kwaamba pali ndiwe nshakubeca, sombi ayi ulakonkela Milawo yakwe Mose.#Shakube 6:13-21 25Ono balo baswamashi bakunsengwe bashoma, twakabalembela nkalata yakubeshibisha mbotwakasuminishanya. Twakasuminishanya ayi tabeelete kulya shakulya shakapekwa kushibumbwabumbwa, nabi kulya bulowa, banyama bakashinwa alimwi akutacita cikololo.”#Mili 15:29
26Mpeeke bushiku bwakaboolaawo Paulo wakaya abasankwa bone abo akulisalashisha pantu pomwi ambabo. Kuswawaawo wakaya muŊanda yakwe Lesa mukwishibisha bantu bushiku bwakweelaako bwa nshiku shakulisalasha kwabo. Lyalo ndyeshi womwi awomwi wa basankwa abo bone akabengelwe cipo kuli Lesa.
Paulo mbwaakacatwa muŊanda yakwe Lesa
27Inshiku shili shosanwe ashobilo ndishakalinga pafwaafwi kumana, bamwi baJuda ba kucishi ca Esha bakabona Paulo muŊanda yakwe Lesa. Bakayungoola likoto lyoonse lya bantu akucata Paulo. 28Bakoolobesha ayi, “Nobene Isilaeli, amutucaafwe! Uyu ngomuntu uya ciisha bantu koonsebo ayi bacobole bene Isilaeli, Milawo yakwe Mose alimwi aŊanda yakwe Lesa iyi. Ono waleta baswamashi bakunsengwe akubisha musena usalalite uno.” 29(Bakaamba boobo mukwiinga bakabona musankwa umwi wiitwa ayi Tulofimasi mwine Efeso, kaali aPaulo mundabala inene akuyeeya ayi Paulo wakamutola muŊanda yakwe Lesa.)#Mili 20:4
30Mpomunyaawo shimfulunganya shakakumanabo ndabala inene yoonse. Bantu boonse bakacica pantu pomwi kuya mukucata Paulo akumukushisha pansengwe lya Ŋanda yakwe Lesa. Paciindi ceenka ico bakacala shisasa sha kuŊanda yakwe Lesa. 31Ndibakalinga kusuni kucaya Paulo, bamwi bakatuma muntu mukulwiita mutanjilili munene wa bashilumamba bene Loma ayi mundabala inene ya Jelusalemu yoonse muli shimfulunganya. 32Paciindi ceenka ico, mutanjilili munene uyo wakatola bamatanjilili bamwi ba bashilumamba abashilumamba bamwi akucicila kubantu abo bakalinga kucita shimfulunganya. Ndibakamubona keesa abashilumamba, bakacileka kuuma Paulo. 33Mpomunyaawo mutanjilili munene wa bashilumamba wakaya kuli Paulo akumucata. Mpeeke wakaambila bashilumamba bakwe bamwi ayi bamwaange ncetani shobilo. Lyalo wakeepusha bantu ayi, “Ino musankwa uyu ngani alimwi nciinshi ncaacita?” 34Sombi bantu bakalinga kucitabo umwi waamba ceeco aumwi cimwi. Lyalo ciyobeyobe cakakomena cakwaamba ayi mutanjilili munene wa bashilumamba wakaalilwa akwishiba kabotu cakacitika. Aboobo wakalwiita bashilumamba ayi batole Paulo kulilinga lyabo. 35Ndibakashishabo Paulo pakutantila kuya mulilinga lyabo, bashilumamba bakamunyamuna ceebo bantu abo bakakalala abuumbi. 36Boonse bantu bakalinga kuya cimukonkela kaboolobesha ayi, “Atumucaaye!”
Paulo mbwaakeelesha kuliimikanina
37Ono bashilumamba ndibakalinga kusuni kwinjisha Paulo mulilinga lyabo, wakaambila mutanjilili munene wabo ayi, “Ntoosenga ayi mwaambileko cimwi cintu.” Mutanjilili munene wa bashilumamba wakaamba ayi, “Anu ulaamba ciGiliki! 38Nkokwaamba ayi tooshi mwine Ijipiti ulya wakalengesha shimfulunganya shakubukila bweendeleshi nshiku shainda akutanjilila shuulu shone sha balwani muluyanga?” 39Paulo wakakumbula ayi, “Nebo ndi muJuda, ndakashalilwa mundabala inene ya Tasasi ishibikitwe abuumbi mucishi ca Silisiya. Ndaseenga ayi munsuminishe kwaamba abantu aba.” 40Mutanjilili uyo wakamusuminisha. Lyalo Paulo wakeemikana pakutantila akuumusha bantu alyaansa. Ndibakoomuna, wakaamba muciEbulu ayi,
Currently Selected:
Milimo ya Batumwi 21: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Milimo ya Batumwi 21
21
Paulo mbwaakaya kuJelusalemu
1Nditwakamana kulashanya, twakaswaako, twenjila mubwaato bunene akululamabo kuKosi. Bushiku bwakaboolaawo twakashika kuLodisi. Kuswakooko twakaya kuPatala. 2Nditwakashika uko, twakacana bwaato bwakalinga kuya kuFonisha, mpeeke twakatanta akunooya. 3Lyalo twakashika pamusena mpotwakalinga kukonsha kubona nsumbu ya Saipulasi, mpeeke twakaseesha, tweewaala kucipiko kushikila twashika kuSilya. Kuswawaawo twakashika kucito ca Taya uko nkobakalongolweta shintu shakalinga mubwaato. 4Nkomunya uko twakacana bashomi abo mbotwakekalaabo nsondo yomwi. Kwiinda munkusu sha Mushimu Usalashi, bakalwiita Paulo ayi ateendilili kuya kuJelusalemu. 5Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa. 6Mpomunyaawo twakalashanya, swebo twakenjila mubwaato bunene, balo bakaboolela kumishaabo.
7Twakatolelela lweendo lwesu abwaato bunene kuswa kuTaya akushika kuPitolemaisi, uko nkotwakabandika abashominyineesu akwikalaabo bushiku bomwi. 8Pabushiku bwakaboolaawo twakanyamuka akuya mukushika kuSisaliya. Twakekala kuŋanda yakwe Filipo shikushimikila Makani Abotu, womwi wa basankwa bosanwe abobilo abo bakasalwa kuba bacafwi muJelusalemu.#Mili 6:5; 8:5 9Wakalinga kucite baana banakashi bone bashike abo bakalinga balaluki. 10Ndipakeenda nshiku shiinji, kwakesa mulaluki kuswa kuJudeya wakalinga kwiitwa ayi Agabasi.#Mili 11:28 11Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”
12Nditwakanyumfwa makani aya, swebo abamwi bakooko, twakasenga cankusu Paulo ayi atayi kuJelusalemu. 13Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.” 14Nditwakabona ayi twaalilwa, twakamulekabo akwaamba ayi, “Kuyanda kwakwe Lesa akucitike.”
15Nditwakekalako nshiku shimwi kulya, twakalongela shintu shesu akuya kuJelusalemu. 16Bashomi bamwi ba kuSisaliya bakaya aswebo. Bakatushisha kuŋanda ya musankwa wiitwa ayi Munasoni wa kuSaipulasi, nkotwakalinga kweelete kwikala. Wakalinga muntu ushoma kuswabo kale kale.
Paulo mbwaakafwakashisha Jemusi
17Nditwakashika muJelusalemu, bashomi bakatutambula camaansa obilo. 18Bushiku bwakaboolaawo, Paulo alimwi aswebo soonse twakaya mukubona Jemusi. Nkomunya uko twakacana abamatanjilili ba coonde kababungene. 19Mpomunyaawo, Paulo wakabaansha akubalwiita kabotu kabotu shintu shoonse Lesa nshaakacita pakati ka baswamashi bakunsengwe, kwiinda mumulimo wakwe. 20Ndibakanyumfwa makani aya bakalumbaisha Lesa. Lyalo bakaambila Paulo ayi, “Omukwabesu Paulo, mwaboona shuulu shiinji sha baJuda bakashoma muMwaami alimwi boonse balicinkite manungo muMilawo yakwe Mose. 21Bakalwiitikwa ayi uleeisha baJuda boonse bekala mushishi sha baswamashi bakunsengwe ayi bacileeke kukonkela Milawo yakwe Mose. Bakalwiitikwa alimwi ayi ulabeeisha kucileka kupalula bana babo nabi kukonkela kwishibila kwa baJuda. 22Mukwiinga bantu aba nabi cibe buyani batoonyumfwa ayi wesa, ono tutoocita buyani? 23Anu mbulya mbweshi ucite. Kuno kuli basankwa bone bakashomesha cakulumbila kuli Lesa. 24Koyaabo basankwa aba kwaamba ayi ukalisalashishe pantu pomwi ambabo kweelana akwishibila kwesu. Kuswawaawo ubalipilile shoonse shiyandika kupa kuŊanda yakwe Lesa kwaamba ayi baceswe misusu. Wacita boobo, bantu boonse balaakwishiba ayi shoonse nshebakalinga kwaamba pali ndiwe nshakubeca, sombi ayi ulakonkela Milawo yakwe Mose.#Shakube 6:13-21 25Ono balo baswamashi bakunsengwe bashoma, twakabalembela nkalata yakubeshibisha mbotwakasuminishanya. Twakasuminishanya ayi tabeelete kulya shakulya shakapekwa kushibumbwabumbwa, nabi kulya bulowa, banyama bakashinwa alimwi akutacita cikololo.”#Mili 15:29
26Mpeeke bushiku bwakaboolaawo Paulo wakaya abasankwa bone abo akulisalashisha pantu pomwi ambabo. Kuswawaawo wakaya muŊanda yakwe Lesa mukwishibisha bantu bushiku bwakweelaako bwa nshiku shakulisalasha kwabo. Lyalo ndyeshi womwi awomwi wa basankwa abo bone akabengelwe cipo kuli Lesa.
Paulo mbwaakacatwa muŊanda yakwe Lesa
27Inshiku shili shosanwe ashobilo ndishakalinga pafwaafwi kumana, bamwi baJuda ba kucishi ca Esha bakabona Paulo muŊanda yakwe Lesa. Bakayungoola likoto lyoonse lya bantu akucata Paulo. 28Bakoolobesha ayi, “Nobene Isilaeli, amutucaafwe! Uyu ngomuntu uya ciisha bantu koonsebo ayi bacobole bene Isilaeli, Milawo yakwe Mose alimwi aŊanda yakwe Lesa iyi. Ono waleta baswamashi bakunsengwe akubisha musena usalalite uno.” 29(Bakaamba boobo mukwiinga bakabona musankwa umwi wiitwa ayi Tulofimasi mwine Efeso, kaali aPaulo mundabala inene akuyeeya ayi Paulo wakamutola muŊanda yakwe Lesa.)#Mili 20:4
30Mpomunyaawo shimfulunganya shakakumanabo ndabala inene yoonse. Bantu boonse bakacica pantu pomwi kuya mukucata Paulo akumukushisha pansengwe lya Ŋanda yakwe Lesa. Paciindi ceenka ico bakacala shisasa sha kuŊanda yakwe Lesa. 31Ndibakalinga kusuni kucaya Paulo, bamwi bakatuma muntu mukulwiita mutanjilili munene wa bashilumamba bene Loma ayi mundabala inene ya Jelusalemu yoonse muli shimfulunganya. 32Paciindi ceenka ico, mutanjilili munene uyo wakatola bamatanjilili bamwi ba bashilumamba abashilumamba bamwi akucicila kubantu abo bakalinga kucita shimfulunganya. Ndibakamubona keesa abashilumamba, bakacileka kuuma Paulo. 33Mpomunyaawo mutanjilili munene wa bashilumamba wakaya kuli Paulo akumucata. Mpeeke wakaambila bashilumamba bakwe bamwi ayi bamwaange ncetani shobilo. Lyalo wakeepusha bantu ayi, “Ino musankwa uyu ngani alimwi nciinshi ncaacita?” 34Sombi bantu bakalinga kucitabo umwi waamba ceeco aumwi cimwi. Lyalo ciyobeyobe cakakomena cakwaamba ayi mutanjilili munene wa bashilumamba wakaalilwa akwishiba kabotu cakacitika. Aboobo wakalwiita bashilumamba ayi batole Paulo kulilinga lyabo. 35Ndibakashishabo Paulo pakutantila kuya mulilinga lyabo, bashilumamba bakamunyamuna ceebo bantu abo bakakalala abuumbi. 36Boonse bantu bakalinga kuya cimukonkela kaboolobesha ayi, “Atumucaaye!”
Paulo mbwaakeelesha kuliimikanina
37Ono bashilumamba ndibakalinga kusuni kwinjisha Paulo mulilinga lyabo, wakaambila mutanjilili munene wabo ayi, “Ntoosenga ayi mwaambileko cimwi cintu.” Mutanjilili munene wa bashilumamba wakaamba ayi, “Anu ulaamba ciGiliki! 38Nkokwaamba ayi tooshi mwine Ijipiti ulya wakalengesha shimfulunganya shakubukila bweendeleshi nshiku shainda akutanjilila shuulu shone sha balwani muluyanga?” 39Paulo wakakumbula ayi, “Nebo ndi muJuda, ndakashalilwa mundabala inene ya Tasasi ishibikitwe abuumbi mucishi ca Silisiya. Ndaseenga ayi munsuminishe kwaamba abantu aba.” 40Mutanjilili uyo wakamusuminisha. Lyalo Paulo wakeemikana pakutantila akuumusha bantu alyaansa. Ndibakoomuna, wakaamba muciEbulu ayi,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.