Milimo ya Batumwi 13
13
Banabasi aSaulo mbobakasalwa akutumwa
1Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo. 2Ndibakalinga kupaila akulikasha kulya, Mushimu Usalashi wakabaambila ayi, “Amubenge Banabasi aSaulo kwaamba ayi bansebensele mulimo ngondakabasalila.”
3Ndibakamana kupaila akulikasha kulya, bakabika maansaabo pali mbabo akubatuma.
Mbobakashimikila muSaipulasi
4Ono Banabasi aSaulo, ndibakatumwa aMushimu Usalashi, bakaya kundabala yakalinga muloombe lwa lweenge iitwa ayi Selusiya. Kuswa kooko bakatanta bwaato bunene kuya kunsumbu ya Saipulasi. 5Ndibakashika mundabala ya Salamisi, bakashimikila maswi akwe Lesa mushoonde sha baJuda. Bakalinga aJoni Maako uyo wakalinga kubacafwa.
6Bakeenda kuswa kweela nsumbu akweela kushikila akundabala iitwa ayi Pafosi. Nkomunya uko bakacana muŋanga wiitwa ayi Baajesu, muJuda wakalinga kulibanda ayi ngumulaluki, sombi wakalingabo mubeshi. 7Wakalinga mubye mweendeleshi wa nsumbu, Sejasi Paulasi uyo wakalinga muntu musongo. Mweendeleshi uyo wakeeta Banabasi aSaulo ceebo wakalinga kusuni kunyumfwa maswi akwe Lesa. 8Sombi Elimasi muŋanga uyo (kweelana ambobakalinga kumwiita muciGiliki), wakalinga kupikisha Banabasi aSaulo ceebo wakalinga kusuni ayi mweendeleshi atashomi maswi akwe Lesa ngobakalinga kushimikila. 9Lyalo Saulo uyo wakalinga kwiitwa ayi Paulo wakesushikwa Mushimu Usalashi. Mpeeke wakalangilishisha muŋanga uyo 10akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa. 11Ono cino ciindi ceenka Mwaami Lesa utookoombolosha akukupa mulandu. Utoopofola, aboobo teshi unoolibonaawo lisuba kwaciindi ceelete.”
Paciindi ceenka ico Elimasi wakapofola. Lyalo wakatalika kupulumpunta, kulangoola muntu wakumucatilila kulyaansa akumutanjilila. 12Ono mweendeleshi ndyaakabona cakacitika, wakashoma ceebo wakakankamana abuumbi kunyumfwa sheesho nshebakalinga kwiisha shaMwaami.
Mbobakashimikila muAntyoki kuPisidya
13Paulo alimwi abaabo mbwaakalingaabo, bakaswa kuPafosi akutanta mubwaato bunene kuya kundabala ya Pega mucishi ca Pamfilya. Nkomunya uko, Joni Maako wakabashiya, waboolela kuJelusalemu. 14Ndibakaswa kuPega, bakaya kuAntyoki mucishi ca Pisidya. Pabushiku bwakookesha bwa Cibelu, bakaya mukwinjila mucoonde ca baJuda, bekala. 15Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.” 16Mpomunyaawo Paulo wakanyamuka akuumusha bantu alyaansa akwaamba ayi,
“Nobene Isilaelima alimwi abaswamashi bakunsengwe boonse balambila Lesa, amukutike! 17Lesa wesu sobene Isilaeli, wakasala bamashali besu bakulukulu akubafusha ndibakalinga basha muIjipiti. Wakabakusha mucishi ca Ijipiti munkusu shakwe shiinda pankusu shoonse.#Kulo 1:7; Kulo 12:51 18Wakalinga kubalama myaaka ili makumi one muluyanga nabi bakalinga kwaalilwa kumukondelesha.#Shakube 14:34; Duto 1:31 19Wakanyonyoola mishobo ili yosanwe ayobilo ya mucishi ca Kenani akupa cishi ico kubene Isilaeli.#Duto 7:1; Joshu 14:1 20Shoonse ishi shakacitika mpashi mumyaaka ili myaanda yone alimwi amakumi osanwe.
“Kuswawaawo, Lesa wakalengesha ayi babe aboomboloshi, kushikila ciindi mulaluki mukulukulu Samwelo ndyaakaba mutanjilili.#Boombo 2:16; 1 Samwe 3:20 21Ono bantu ndibakasenga mwaami, Lesa wakabasalila Saulo mwanaakwe Kishi, wa mumukowa wakwe Benjameni. Wakabalela myaaka ili makumi one.#1 Samwe 8:5; 1 Samwe 10:21 22Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’#1 Samwe 13:14; 1 Samwe 16:12; Kulu 89:20 23Kuswa mulunyungu lwakwe Defedi, Lesa wakatuma Jesu ayi abe Mupulushi wa bene Isilaeli kweelana ambwaakashomesha bamashali babo bakulukulu. 24Ono Jesu kaatana kutalika mulimo wakwe, Joni wakashimikila bantu boonse ba muIsilaeli ayi basanduke kuswa kushibiibi shabo, babombekwe.#Maako 1:4; Luka 3:3 25Joni ndyaakalinga pafwaafwi kumanisha mulimo wakwe uyu, wakeepusha bantu ayi, ‘Ino mutooyeeya ayi ndime ni? Nebo teshi ndime wooyo ngomutoolangila, sombi lakwe utoosa pesule lyangu alimwi nsheeleteewo akumufuula nsapato.’#Joni 1:20; Mate 3:11; Maako 1:7; Luka 3:16; Joni 1:27
26“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa! 27Bantu ba muJelusalemu alimwi abeendeleshi babo tabakwe kwishiba ayi Jesu ngoMupulushi, nabi kunyumfwishisha maswi a balaluki bakulukulu abelengwa lyoonse pabushiku bwakookesha bwa Cibelu. Sombi pakumoombolosha akupingula ayi acaikwe, bakacita kweelana abwakaamba balaluki bakulukulu. 28Nakubi kwaamba ayi tabakwe kucanina Jesu cilubo cakumucailaawo, bakasenga kuli Pilato ayi acaikwe.#Mate 27:22-23; Maako 15:13-14; Luka 23:21-23; Joni 19:15 29Ndibakamana kucita shoonse shilembetwe muMalembo akwe Lesa shapali Jesu, abo bakalinga kukonkela kwiisha kwakwe bakamukusha pamucilingano akuya mukumubika mucuumbwe.#Mate 27:57-61; Maako 15:42-47; Luka 23:50-56; Joni 19:38-42 30Sombi Lesa wakamubusha kuswa kubafu 31alimwi nshiku shiinji wakaboneka kubantu abo mbwaakeendaabo kataanshi kuswa kuGalili kuya kuJelusalemu. Bantu aba mbobakamboni bakwe kubantu ba muIsilaeli.#Mili 1:3 32Aboobo swebo twesa mukumushimikila Makani Abotu akwaamba ayi ico Lesa ncaakashomesha kubamashali bakulukulu ba baJuda, 33wacitila ndiswe sobamulunyungu lwabo kwiinda mukubusha Jesu kuswa kubafu. Kweelana ambokulembetwe muKulumbaisha kwabili ayi,
‘Webo uli mwanaangu,
sunu ndaba baiso.’#Kulu 2:7
34Ono pamakani akwaamba ayi ulaakumubusha kuswa kubafu, alimwi teshi akaboole, Lesa mwiine wakaamba ayi,
‘Ndaakukupa shoolwe shiinji shisalalite shancinencine,
ishi nshendakashomesha Defedi.’#Isa 55:3
35MuKulumbaisha mweenka pamwi palilembetwe ayi,
‘Teshi mukalekelele Usalalite wanu
ayi abole mucuumbwe.’#Kulu 16:10
36Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola. 37Sombi lakwe uyo Lesa ngwaakabusha kuswa kubafu taakwe kubolaawo, sobwe. 38Paceebo ceeco, mwebo noonse nobamakwesu mulyeelete kwishiba ayi tutoomushimikila ayi kwiinda muli Jesu, Lesa inga wamulekelela shibiibi shanu. 39Alimwi mulyeelete kwishiba ayi, muntu woonse ushoma muli Jesu ulaangululwa kuswa mushibiibi shoonse, umo Milawo yakwe Mose moyakalinga kwaalilwa kumukusha. 40Anu amucenjele kwaamba ayi isho nshebakaamba balaluki bakulukulu shitacitiki kuli ndimwe, shakwaamba ayi,
41‘Amubone, mwebo nomucobola maswi akwe Lesa!
Mulaakukankamana akufwitilila!
Mukwiinga ndaakucita cintu munshiku shanu,
ico nceshi mukabule kushoma,
nabi muntu umwi akamusansulwite!’ ”#Ebulu 1:5
42Ono Paulo aBanabasi ndibakalinga kuswa mucoonde ca baJuda, bantu bakasenga ayi bakaye alimwi pabushiku bwakookesha bwa Cibelu butoosa kwaamba ayi bakabashimikile ashimwi pamakani ngomunya aya. 43Bantu ndibakapalangana, baJuda baanji alimwi abaswamashi bakunsengwe, abo bakalinga kukonkela kwiisha kwa baJuda, bakakonkela Paulo aBanabasi. Lyalo aba bobilo bakalwiita likoto ilyo maswi akubayuminisha ayi batolelele kwikala muluse lwakwe Lesa.
44Pabushiku bwakookesha bwa Cibelu bwakaboolaawo, bantu baanji baanji ba mundabala umo bakabungana mucoonde ca baJuda mukunyumfwa maswi a Mwaami Lesa. 45Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola. 46Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe. 47Mukwiinga Mwaami Lesa wakatupa mulasho wakwaamba ayi,
‘Ndakubika kwaamba ayi ube mumuni
kubaswamashi bakunsengwe,
kwaamba ayi bantu boonse ba mucishi
bapulushikwe kwiinda muli ndiwe.’ ”#Isa 42:6; 49:6
48Baswamashi bakunsengwe ndibakanyumfwa boobo, bakasangalala abuumbi akutalika kulumbaisha maswi a Mwaami abotu. Mpomunyaawo abo Lesa mbwaakasala ayi babe abuumi butamaani, bakashoma.
49Mpeeke bantu baanji baanji mucishi ico bakanyumfwa maswi a Mwaami Lesa. 50Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo. 51Mpeeke batumwi bobilo abo bakapampa lusuko kumyeendo yabo, kwaamba ayi cibe citondesho cakukaka kwabo. Lyalo bakaya kuIkoniyamu.#Mate 10:14; Maako 6:11; Luka 9:5; 10:11 52Sombi balo bashomi ba kuAntyoki bakasangalala abuumbi alimwi akusushikwa Mushimu Usalashi.
Currently Selected:
Milimo ya Batumwi 13: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Milimo ya Batumwi 13
13
Banabasi aSaulo mbobakasalwa akutumwa
1Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo. 2Ndibakalinga kupaila akulikasha kulya, Mushimu Usalashi wakabaambila ayi, “Amubenge Banabasi aSaulo kwaamba ayi bansebensele mulimo ngondakabasalila.”
3Ndibakamana kupaila akulikasha kulya, bakabika maansaabo pali mbabo akubatuma.
Mbobakashimikila muSaipulasi
4Ono Banabasi aSaulo, ndibakatumwa aMushimu Usalashi, bakaya kundabala yakalinga muloombe lwa lweenge iitwa ayi Selusiya. Kuswa kooko bakatanta bwaato bunene kuya kunsumbu ya Saipulasi. 5Ndibakashika mundabala ya Salamisi, bakashimikila maswi akwe Lesa mushoonde sha baJuda. Bakalinga aJoni Maako uyo wakalinga kubacafwa.
6Bakeenda kuswa kweela nsumbu akweela kushikila akundabala iitwa ayi Pafosi. Nkomunya uko bakacana muŋanga wiitwa ayi Baajesu, muJuda wakalinga kulibanda ayi ngumulaluki, sombi wakalingabo mubeshi. 7Wakalinga mubye mweendeleshi wa nsumbu, Sejasi Paulasi uyo wakalinga muntu musongo. Mweendeleshi uyo wakeeta Banabasi aSaulo ceebo wakalinga kusuni kunyumfwa maswi akwe Lesa. 8Sombi Elimasi muŋanga uyo (kweelana ambobakalinga kumwiita muciGiliki), wakalinga kupikisha Banabasi aSaulo ceebo wakalinga kusuni ayi mweendeleshi atashomi maswi akwe Lesa ngobakalinga kushimikila. 9Lyalo Saulo uyo wakalinga kwiitwa ayi Paulo wakesushikwa Mushimu Usalashi. Mpeeke wakalangilishisha muŋanga uyo 10akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa. 11Ono cino ciindi ceenka Mwaami Lesa utookoombolosha akukupa mulandu. Utoopofola, aboobo teshi unoolibonaawo lisuba kwaciindi ceelete.”
Paciindi ceenka ico Elimasi wakapofola. Lyalo wakatalika kupulumpunta, kulangoola muntu wakumucatilila kulyaansa akumutanjilila. 12Ono mweendeleshi ndyaakabona cakacitika, wakashoma ceebo wakakankamana abuumbi kunyumfwa sheesho nshebakalinga kwiisha shaMwaami.
Mbobakashimikila muAntyoki kuPisidya
13Paulo alimwi abaabo mbwaakalingaabo, bakaswa kuPafosi akutanta mubwaato bunene kuya kundabala ya Pega mucishi ca Pamfilya. Nkomunya uko, Joni Maako wakabashiya, waboolela kuJelusalemu. 14Ndibakaswa kuPega, bakaya kuAntyoki mucishi ca Pisidya. Pabushiku bwakookesha bwa Cibelu, bakaya mukwinjila mucoonde ca baJuda, bekala. 15Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.” 16Mpomunyaawo Paulo wakanyamuka akuumusha bantu alyaansa akwaamba ayi,
“Nobene Isilaelima alimwi abaswamashi bakunsengwe boonse balambila Lesa, amukutike! 17Lesa wesu sobene Isilaeli, wakasala bamashali besu bakulukulu akubafusha ndibakalinga basha muIjipiti. Wakabakusha mucishi ca Ijipiti munkusu shakwe shiinda pankusu shoonse.#Kulo 1:7; Kulo 12:51 18Wakalinga kubalama myaaka ili makumi one muluyanga nabi bakalinga kwaalilwa kumukondelesha.#Shakube 14:34; Duto 1:31 19Wakanyonyoola mishobo ili yosanwe ayobilo ya mucishi ca Kenani akupa cishi ico kubene Isilaeli.#Duto 7:1; Joshu 14:1 20Shoonse ishi shakacitika mpashi mumyaaka ili myaanda yone alimwi amakumi osanwe.
“Kuswawaawo, Lesa wakalengesha ayi babe aboomboloshi, kushikila ciindi mulaluki mukulukulu Samwelo ndyaakaba mutanjilili.#Boombo 2:16; 1 Samwe 3:20 21Ono bantu ndibakasenga mwaami, Lesa wakabasalila Saulo mwanaakwe Kishi, wa mumukowa wakwe Benjameni. Wakabalela myaaka ili makumi one.#1 Samwe 8:5; 1 Samwe 10:21 22Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’#1 Samwe 13:14; 1 Samwe 16:12; Kulu 89:20 23Kuswa mulunyungu lwakwe Defedi, Lesa wakatuma Jesu ayi abe Mupulushi wa bene Isilaeli kweelana ambwaakashomesha bamashali babo bakulukulu. 24Ono Jesu kaatana kutalika mulimo wakwe, Joni wakashimikila bantu boonse ba muIsilaeli ayi basanduke kuswa kushibiibi shabo, babombekwe.#Maako 1:4; Luka 3:3 25Joni ndyaakalinga pafwaafwi kumanisha mulimo wakwe uyu, wakeepusha bantu ayi, ‘Ino mutooyeeya ayi ndime ni? Nebo teshi ndime wooyo ngomutoolangila, sombi lakwe utoosa pesule lyangu alimwi nsheeleteewo akumufuula nsapato.’#Joni 1:20; Mate 3:11; Maako 1:7; Luka 3:16; Joni 1:27
26“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa! 27Bantu ba muJelusalemu alimwi abeendeleshi babo tabakwe kwishiba ayi Jesu ngoMupulushi, nabi kunyumfwishisha maswi a balaluki bakulukulu abelengwa lyoonse pabushiku bwakookesha bwa Cibelu. Sombi pakumoombolosha akupingula ayi acaikwe, bakacita kweelana abwakaamba balaluki bakulukulu. 28Nakubi kwaamba ayi tabakwe kucanina Jesu cilubo cakumucailaawo, bakasenga kuli Pilato ayi acaikwe.#Mate 27:22-23; Maako 15:13-14; Luka 23:21-23; Joni 19:15 29Ndibakamana kucita shoonse shilembetwe muMalembo akwe Lesa shapali Jesu, abo bakalinga kukonkela kwiisha kwakwe bakamukusha pamucilingano akuya mukumubika mucuumbwe.#Mate 27:57-61; Maako 15:42-47; Luka 23:50-56; Joni 19:38-42 30Sombi Lesa wakamubusha kuswa kubafu 31alimwi nshiku shiinji wakaboneka kubantu abo mbwaakeendaabo kataanshi kuswa kuGalili kuya kuJelusalemu. Bantu aba mbobakamboni bakwe kubantu ba muIsilaeli.#Mili 1:3 32Aboobo swebo twesa mukumushimikila Makani Abotu akwaamba ayi ico Lesa ncaakashomesha kubamashali bakulukulu ba baJuda, 33wacitila ndiswe sobamulunyungu lwabo kwiinda mukubusha Jesu kuswa kubafu. Kweelana ambokulembetwe muKulumbaisha kwabili ayi,
‘Webo uli mwanaangu,
sunu ndaba baiso.’#Kulu 2:7
34Ono pamakani akwaamba ayi ulaakumubusha kuswa kubafu, alimwi teshi akaboole, Lesa mwiine wakaamba ayi,
‘Ndaakukupa shoolwe shiinji shisalalite shancinencine,
ishi nshendakashomesha Defedi.’#Isa 55:3
35MuKulumbaisha mweenka pamwi palilembetwe ayi,
‘Teshi mukalekelele Usalalite wanu
ayi abole mucuumbwe.’#Kulu 16:10
36Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola. 37Sombi lakwe uyo Lesa ngwaakabusha kuswa kubafu taakwe kubolaawo, sobwe. 38Paceebo ceeco, mwebo noonse nobamakwesu mulyeelete kwishiba ayi tutoomushimikila ayi kwiinda muli Jesu, Lesa inga wamulekelela shibiibi shanu. 39Alimwi mulyeelete kwishiba ayi, muntu woonse ushoma muli Jesu ulaangululwa kuswa mushibiibi shoonse, umo Milawo yakwe Mose moyakalinga kwaalilwa kumukusha. 40Anu amucenjele kwaamba ayi isho nshebakaamba balaluki bakulukulu shitacitiki kuli ndimwe, shakwaamba ayi,
41‘Amubone, mwebo nomucobola maswi akwe Lesa!
Mulaakukankamana akufwitilila!
Mukwiinga ndaakucita cintu munshiku shanu,
ico nceshi mukabule kushoma,
nabi muntu umwi akamusansulwite!’ ”#Ebulu 1:5
42Ono Paulo aBanabasi ndibakalinga kuswa mucoonde ca baJuda, bantu bakasenga ayi bakaye alimwi pabushiku bwakookesha bwa Cibelu butoosa kwaamba ayi bakabashimikile ashimwi pamakani ngomunya aya. 43Bantu ndibakapalangana, baJuda baanji alimwi abaswamashi bakunsengwe, abo bakalinga kukonkela kwiisha kwa baJuda, bakakonkela Paulo aBanabasi. Lyalo aba bobilo bakalwiita likoto ilyo maswi akubayuminisha ayi batolelele kwikala muluse lwakwe Lesa.
44Pabushiku bwakookesha bwa Cibelu bwakaboolaawo, bantu baanji baanji ba mundabala umo bakabungana mucoonde ca baJuda mukunyumfwa maswi a Mwaami Lesa. 45Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola. 46Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe. 47Mukwiinga Mwaami Lesa wakatupa mulasho wakwaamba ayi,
‘Ndakubika kwaamba ayi ube mumuni
kubaswamashi bakunsengwe,
kwaamba ayi bantu boonse ba mucishi
bapulushikwe kwiinda muli ndiwe.’ ”#Isa 42:6; 49:6
48Baswamashi bakunsengwe ndibakanyumfwa boobo, bakasangalala abuumbi akutalika kulumbaisha maswi a Mwaami abotu. Mpomunyaawo abo Lesa mbwaakasala ayi babe abuumi butamaani, bakashoma.
49Mpeeke bantu baanji baanji mucishi ico bakanyumfwa maswi a Mwaami Lesa. 50Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo. 51Mpeeke batumwi bobilo abo bakapampa lusuko kumyeendo yabo, kwaamba ayi cibe citondesho cakukaka kwabo. Lyalo bakaya kuIkoniyamu.#Mate 10:14; Maako 6:11; Luka 9:5; 10:11 52Sombi balo bashomi ba kuAntyoki bakasangalala abuumbi alimwi akusushikwa Mushimu Usalashi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.