Milimo ya Batumwi 10
10
Pita mbwaakafwakashisha Konelyasi
1KuSisaliya kwakalinga muntu umwi wiitwa ayi Konelyasi. Wakalinga munene wa bashilumamba mwaanda ba baLoma ba mulikoto lyakalinga kwiitwa ayi, “Likoto lya kuItali.” 2Musankwa uyu alimwi abamuŋanda yakwe boonse bakalinga kulyaaba kuli Lesa akumulambila camoyo woonse. Alimwi wakalinga kucafwa bumbi baJuda bakandu akupaila kuli Lesa ciindi coonse. 3Bumwi bushiku ciindi ca 3 koloko malumwi, wakabona munjelo wakwe Lesa anga muciloto keesa kuli nguwe akwiita liina lyakwe ayi, “Konelyasi!”
4Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula. 5Ono tuma basankwa bamwi kuJopa ayi bakeete musankwa umwi wiitwa ayi Simoni Pita. 6Bulya ulekala kuŋanda yakwe Simoni shikunyuka mpaya, uyo uyakite mweela lweenge.” 7Munjelo uyo ndyaakaswaawo, Konelyasi wakeeta basebenshi bakwe bobilo alimwi ashilumamba womwi. Shilumamba uyu wakalinga womwi wa mulikoto lya beshikumucafwa mwiine alimwi wakalinga muntu wakalinga kulambila Lesa lyoonse. 8Konelyasi wakabalwiita shoonse shakamulwiita munjelo, akubatuma kuJopa.
9Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile. 10Paciindi ico wakanyumfwa nsala akuyanda cakulya. Bantu kabacibamba cakulya, Pita wakabona cintu anga muciloto. 11Wakabona liculu lyacaluka, acintu cimwi kacisa panshi ico cakalinga kuboneka anga ncisani cinene caangitwe mumakonko oonse one. 12Muli ncico mwakalinga banyama ba mishobo yoonse, ntaale ashintu shimwi sha mushobo uyo alimwi abayuni ba muluundu. 13Lyalo wakanyumfwa liswi lya kwaamba ayi, “Buka Pita, ucaye ulye!”
14Sombi Pita wakakumbula ayi, “Tau, Nkambo! Ceebo nebo nshina kulyawo kale cintu citasalalite kweelana aMilawo nabi cibiibi.” 15Liswi lilya lyakanyumfwika alimwi ayi, “Utanokwaamba ayi taceelete kulikwa cintu coonse Lesa ncaamba ayi cilalikwa.” 16Ici cakacitika mankanda otatwe, kuswawaawo cintu ico cakabooshekwa kwiculu.
17Pita ndyaakalinga kuyeeya mbocakalinga kusansulula ico cakamubonekela, basankwa mbwaakatuma Konelyasi bakalinga kwisa ciipusha pakalinga ŋanda yakwe Simoni. Mpeeke bakashika, beemikana pamulyango. 18Bakeeta akwiipusha ayi, “Sa kuno kuliwo mweensu wiitwa ayi Simoni Pita?”
19Pita ndyaakalinga kuciyeeyabo cikani cilya, Mushimu Usalashi wakamwaambila ayi, “Nyumfwa, pali bantu botatwe batookuyandoola. 20Anu nyamuka useluke, utacelwi kuyaabo mukwiinga ndime ndabatuma kokuno.” 21Aboobo Pita wakaya kubasankwa abo akwaamba ayi, “Ndime wooyo ngomutolangoola. Mucafweeko?”
22Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.” 23Mpomunyaawo Pita wakenjisha basankwa abo muŋanda, wababamba bushiku ubo.
Ndibwakaca, Pita wakayaabo. Basankwa bamwi ba kuJopa bakalinga kushoma muli Jesu abalo bakayaakwe. 24Bushiku bwakaboolaawo wakashika kuSisaliya, uko Konelyasi abamakwabo alimwi ababye mbwaakeeta, nkobakalinga kumulindilila. 25Cilya Pita ncaakaamba ayi enjile, Konelyasi wakaya mukumwaansha akufukama kunembo lyakwe. 26Sombi Pita wakamukasha kufukama. Wakamwaambila ayi, “Nyamuka, anebo ndimuntu bweenka mbuli ndiwe.” 27Ono kaaya bwaamba aKonelyasi wakenjila muŋanda umo mwaakacana bantu baanji kababungene. 28Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu. 29Nceceeco ncendeshitabo kufwambaana ndimwanjita. Ono amundwiite ncemwanjitila.”
30Konelyasi wakakumbula ayi, “Inabwa paciindi ceenka cino ca 3 koloko malumwi, ndakalinga muŋanda yangu kaampaila. Mpomunyaawo ndakabona musankwa wakalinga kufwete shakufwala shibekabeka kaaimfwi kunembo lyangu. 31Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi. 32Ono tuma bantu kuJopa mukwiita musankwa umwi wiitwa ayi Simoni Pita. Bulya ulekala kuŋanda yakwe Simoni shikunyuka mpaya, uyo uyakite mweela lweenge.’ 33Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”
Maswi akaamba Pita
34Mpomunyaawo Pita wakatalika kubaambila ayi, “Ono ndeshiiba calushinisho ayi Lesa taasalululi,#Duto 10:17 35sombi ulatambula muntu uli woonse uyo umulambila akucita shiluleme, cakutalisukama amushobo wa muntu uyo. 36Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse. 37Alimwi mulishi shakacitika mucishi coonse ca Judeya, kutalikila kuGalili kuswa paciindi ico Joni ndyaakalinga kushimikila shakubombekwa. 38Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana. 39Swebo tuli bakamboni pashintu shoonse nshaakacita muJelusalemu alimwi amucishi coonse ca baJuda. Sombi bakamucaya kwiinda mukumupopa pamucilingano. 40Nakubi boobo Lesa wakamubusha kuswa kubafu pabushiku bwatatu akulengesha ayi aboneke kubantu kaali muumi. 41Taakwe kuboneka kubantu boonse, sombi kuli ndiswe sobakamboni Lesa mbwaakalinga kusalite kale. Swebo twakalya alimwi akunwaakwe paciindi Lesa ndyaakamubusha kuswa kubafu. 42Jesu wakatupa amulasho wakushimikila Makani Abotu kubantu akubalwiita ayi lakwe wakasalwa aLesa ayi abe moomboloshi wa bantu boomi abafu. 43Abalo balaluki bakulukulu boonse bakaamba pali nguwe ayi uyo woonse ushoma muli nguwe, Lesa ulaakumulekelela shibiibi shoonse kwiinda munkusu sha liina lyakwe.”
Baswamashi bakunsengwe mbobakatambula Mushimu Usalashi
44Ono Pita ndyaakalinga kucaamba, Mushimu Usalashi wakesa pabaabo boonse bakalinga kunyumfwa makani ngaakalinga kwaamba. 45Mpeeke baJuda bashomi, abo bakaswa kuJopa aPita, bakakankamana ndibakabona ayi Lesa wapa cipo ca Mushimu Usalashi akubaswamashi bakunsengwe boonse 46mukwiinga bakabanyumfwa kabaamba mishobo yeensu akulumbaisha Lesa pashintu shinene nshaacita. Lyalo Pita wakaamba ayi, 47“Aba bantu batambula Mushimu Usalashi bweenka mbotwakatambula. Ono sa kuli muntu weenga wabakasha kubombekwa amaanshi?” 48Lyalo wakabaambila ayi babombekwe muliina lyakwe Jesu Klistu. Kuswawaawo bakasenga Pita ayi ekalaabo inshiku shiniini.
Currently Selected:
Milimo ya Batumwi 10: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Milimo ya Batumwi 10
10
Pita mbwaakafwakashisha Konelyasi
1KuSisaliya kwakalinga muntu umwi wiitwa ayi Konelyasi. Wakalinga munene wa bashilumamba mwaanda ba baLoma ba mulikoto lyakalinga kwiitwa ayi, “Likoto lya kuItali.” 2Musankwa uyu alimwi abamuŋanda yakwe boonse bakalinga kulyaaba kuli Lesa akumulambila camoyo woonse. Alimwi wakalinga kucafwa bumbi baJuda bakandu akupaila kuli Lesa ciindi coonse. 3Bumwi bushiku ciindi ca 3 koloko malumwi, wakabona munjelo wakwe Lesa anga muciloto keesa kuli nguwe akwiita liina lyakwe ayi, “Konelyasi!”
4Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula. 5Ono tuma basankwa bamwi kuJopa ayi bakeete musankwa umwi wiitwa ayi Simoni Pita. 6Bulya ulekala kuŋanda yakwe Simoni shikunyuka mpaya, uyo uyakite mweela lweenge.” 7Munjelo uyo ndyaakaswaawo, Konelyasi wakeeta basebenshi bakwe bobilo alimwi ashilumamba womwi. Shilumamba uyu wakalinga womwi wa mulikoto lya beshikumucafwa mwiine alimwi wakalinga muntu wakalinga kulambila Lesa lyoonse. 8Konelyasi wakabalwiita shoonse shakamulwiita munjelo, akubatuma kuJopa.
9Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile. 10Paciindi ico wakanyumfwa nsala akuyanda cakulya. Bantu kabacibamba cakulya, Pita wakabona cintu anga muciloto. 11Wakabona liculu lyacaluka, acintu cimwi kacisa panshi ico cakalinga kuboneka anga ncisani cinene caangitwe mumakonko oonse one. 12Muli ncico mwakalinga banyama ba mishobo yoonse, ntaale ashintu shimwi sha mushobo uyo alimwi abayuni ba muluundu. 13Lyalo wakanyumfwa liswi lya kwaamba ayi, “Buka Pita, ucaye ulye!”
14Sombi Pita wakakumbula ayi, “Tau, Nkambo! Ceebo nebo nshina kulyawo kale cintu citasalalite kweelana aMilawo nabi cibiibi.” 15Liswi lilya lyakanyumfwika alimwi ayi, “Utanokwaamba ayi taceelete kulikwa cintu coonse Lesa ncaamba ayi cilalikwa.” 16Ici cakacitika mankanda otatwe, kuswawaawo cintu ico cakabooshekwa kwiculu.
17Pita ndyaakalinga kuyeeya mbocakalinga kusansulula ico cakamubonekela, basankwa mbwaakatuma Konelyasi bakalinga kwisa ciipusha pakalinga ŋanda yakwe Simoni. Mpeeke bakashika, beemikana pamulyango. 18Bakeeta akwiipusha ayi, “Sa kuno kuliwo mweensu wiitwa ayi Simoni Pita?”
19Pita ndyaakalinga kuciyeeyabo cikani cilya, Mushimu Usalashi wakamwaambila ayi, “Nyumfwa, pali bantu botatwe batookuyandoola. 20Anu nyamuka useluke, utacelwi kuyaabo mukwiinga ndime ndabatuma kokuno.” 21Aboobo Pita wakaya kubasankwa abo akwaamba ayi, “Ndime wooyo ngomutolangoola. Mucafweeko?”
22Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.” 23Mpomunyaawo Pita wakenjisha basankwa abo muŋanda, wababamba bushiku ubo.
Ndibwakaca, Pita wakayaabo. Basankwa bamwi ba kuJopa bakalinga kushoma muli Jesu abalo bakayaakwe. 24Bushiku bwakaboolaawo wakashika kuSisaliya, uko Konelyasi abamakwabo alimwi ababye mbwaakeeta, nkobakalinga kumulindilila. 25Cilya Pita ncaakaamba ayi enjile, Konelyasi wakaya mukumwaansha akufukama kunembo lyakwe. 26Sombi Pita wakamukasha kufukama. Wakamwaambila ayi, “Nyamuka, anebo ndimuntu bweenka mbuli ndiwe.” 27Ono kaaya bwaamba aKonelyasi wakenjila muŋanda umo mwaakacana bantu baanji kababungene. 28Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu. 29Nceceeco ncendeshitabo kufwambaana ndimwanjita. Ono amundwiite ncemwanjitila.”
30Konelyasi wakakumbula ayi, “Inabwa paciindi ceenka cino ca 3 koloko malumwi, ndakalinga muŋanda yangu kaampaila. Mpomunyaawo ndakabona musankwa wakalinga kufwete shakufwala shibekabeka kaaimfwi kunembo lyangu. 31Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi. 32Ono tuma bantu kuJopa mukwiita musankwa umwi wiitwa ayi Simoni Pita. Bulya ulekala kuŋanda yakwe Simoni shikunyuka mpaya, uyo uyakite mweela lweenge.’ 33Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”
Maswi akaamba Pita
34Mpomunyaawo Pita wakatalika kubaambila ayi, “Ono ndeshiiba calushinisho ayi Lesa taasalululi,#Duto 10:17 35sombi ulatambula muntu uli woonse uyo umulambila akucita shiluleme, cakutalisukama amushobo wa muntu uyo. 36Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse. 37Alimwi mulishi shakacitika mucishi coonse ca Judeya, kutalikila kuGalili kuswa paciindi ico Joni ndyaakalinga kushimikila shakubombekwa. 38Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana. 39Swebo tuli bakamboni pashintu shoonse nshaakacita muJelusalemu alimwi amucishi coonse ca baJuda. Sombi bakamucaya kwiinda mukumupopa pamucilingano. 40Nakubi boobo Lesa wakamubusha kuswa kubafu pabushiku bwatatu akulengesha ayi aboneke kubantu kaali muumi. 41Taakwe kuboneka kubantu boonse, sombi kuli ndiswe sobakamboni Lesa mbwaakalinga kusalite kale. Swebo twakalya alimwi akunwaakwe paciindi Lesa ndyaakamubusha kuswa kubafu. 42Jesu wakatupa amulasho wakushimikila Makani Abotu kubantu akubalwiita ayi lakwe wakasalwa aLesa ayi abe moomboloshi wa bantu boomi abafu. 43Abalo balaluki bakulukulu boonse bakaamba pali nguwe ayi uyo woonse ushoma muli nguwe, Lesa ulaakumulekelela shibiibi shoonse kwiinda munkusu sha liina lyakwe.”
Baswamashi bakunsengwe mbobakatambula Mushimu Usalashi
44Ono Pita ndyaakalinga kucaamba, Mushimu Usalashi wakesa pabaabo boonse bakalinga kunyumfwa makani ngaakalinga kwaamba. 45Mpeeke baJuda bashomi, abo bakaswa kuJopa aPita, bakakankamana ndibakabona ayi Lesa wapa cipo ca Mushimu Usalashi akubaswamashi bakunsengwe boonse 46mukwiinga bakabanyumfwa kabaamba mishobo yeensu akulumbaisha Lesa pashintu shinene nshaacita. Lyalo Pita wakaamba ayi, 47“Aba bantu batambula Mushimu Usalashi bweenka mbotwakatambula. Ono sa kuli muntu weenga wabakasha kubombekwa amaanshi?” 48Lyalo wakabaambila ayi babombekwe muliina lyakwe Jesu Klistu. Kuswawaawo bakasenga Pita ayi ekalaabo inshiku shiniini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.