1 Samwelo 31
31
Lufu lwakwe Saulo abana bakwe basankwa
1Ono bene Filisiti bakalwana bene Isilaeli paKalundu ka Gilubowa, mpeeke bene Isilaeli bakacica. Nakubi boobo baanji bakacaala kabafwite pakalundu ako. 2Bene Filisiti bakaya beensha Saulo abana bakwe basankwa. Bene Filisiti bakacaya Jonasani, Abinadabu alimwi aMalukishuwa bana bakwe Saulo. 3Lyalo nkondo yakakomenena Saulo kushikila beshimata bakamweensha akumucisa abuumbi. 4Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi. 5Shikunyamuna shakulwanisha uyo ndyaakabona ayi Saulo wafwa, alakwe wakawita pamupeeni wakwe wafwa pantu pomwi anguwe. 6Mboboobo Saulo mbwaakafwa abana bakwe basankwa botatwe pantu pomwi ashikumunyamwita shakulwanisha alimwi abantu bakwe boonse mubushiku ubo bweenka.
7Lyalo bene Isilaeli bakalinga muya cinyika abaabo bakalinga kwitala lya Mulonga wa Joodani ndibakabona ayi bene Isilaeli bacica, abana bakwe Saulo bamana kufwa, bakashiya mandabala abo cisuukila akucica. Mpeeke bene Filisiti bakaya mukwikalaamo.
8Ono bushiku bwakaboolaawo bene Filisiti ndibakaboolela ayi baye basaale shintu sha baabo bakacaikwa, bakacana Saulo abana bakwe basankwa botatwe mbaaba balifwite paKalundu ka Gilubowa. 9Mpeeke bakatimbula mutwi wakwe Saulo akumufuula shakulwanisha shakwe shoonse. Kuswawaawo bakatuma beshinkombe mucishi cine mishaabo coonse ayi baambilishe makani abotu muŋanda ya shibumbwabumbwa shabo akubene mishaabo. 10Pesule bakabika shakulwanisha shakwe Saulo muŋanda njebakalinga kulambililaamo Ashitaloti lesa wabo mwanakashi akupopa mubili wakwe kulubumbu lwa ndabala ya Beti Shani.
11Bantu bene Jabeshi Gilyadi ndibakanyumfwa bene Filisiti mbobakacita Saulo, 12basankwa boonse batacite boowa bakanyamuka akweenda mashiku oonse kuya kuBeti Shani. Ndibakashika bakakusha mubili wakwe Saulo amibili ya bana bakwe basankwa kuswa kulubumbu lwa ndabala ya Beti Shani akwiitola kuJabeshi uko nkobakaya mukwiitentela. 13Lyalo bakabwesa mafuwa akwaabika munshaacisamu cakalinga mundabala ya Jabeshi. Mpeeke bakalikasha kulya kwa nshiku shili shosanwe ashobilo.
Currently Selected:
1 Samwelo 31: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
1 Samwelo 31
31
Lufu lwakwe Saulo abana bakwe basankwa
1Ono bene Filisiti bakalwana bene Isilaeli paKalundu ka Gilubowa, mpeeke bene Isilaeli bakacica. Nakubi boobo baanji bakacaala kabafwite pakalundu ako. 2Bene Filisiti bakaya beensha Saulo abana bakwe basankwa. Bene Filisiti bakacaya Jonasani, Abinadabu alimwi aMalukishuwa bana bakwe Saulo. 3Lyalo nkondo yakakomenena Saulo kushikila beshimata bakamweensha akumucisa abuumbi. 4Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi. 5Shikunyamuna shakulwanisha uyo ndyaakabona ayi Saulo wafwa, alakwe wakawita pamupeeni wakwe wafwa pantu pomwi anguwe. 6Mboboobo Saulo mbwaakafwa abana bakwe basankwa botatwe pantu pomwi ashikumunyamwita shakulwanisha alimwi abantu bakwe boonse mubushiku ubo bweenka.
7Lyalo bene Isilaeli bakalinga muya cinyika abaabo bakalinga kwitala lya Mulonga wa Joodani ndibakabona ayi bene Isilaeli bacica, abana bakwe Saulo bamana kufwa, bakashiya mandabala abo cisuukila akucica. Mpeeke bene Filisiti bakaya mukwikalaamo.
8Ono bushiku bwakaboolaawo bene Filisiti ndibakaboolela ayi baye basaale shintu sha baabo bakacaikwa, bakacana Saulo abana bakwe basankwa botatwe mbaaba balifwite paKalundu ka Gilubowa. 9Mpeeke bakatimbula mutwi wakwe Saulo akumufuula shakulwanisha shakwe shoonse. Kuswawaawo bakatuma beshinkombe mucishi cine mishaabo coonse ayi baambilishe makani abotu muŋanda ya shibumbwabumbwa shabo akubene mishaabo. 10Pesule bakabika shakulwanisha shakwe Saulo muŋanda njebakalinga kulambililaamo Ashitaloti lesa wabo mwanakashi akupopa mubili wakwe kulubumbu lwa ndabala ya Beti Shani.
11Bantu bene Jabeshi Gilyadi ndibakanyumfwa bene Filisiti mbobakacita Saulo, 12basankwa boonse batacite boowa bakanyamuka akweenda mashiku oonse kuya kuBeti Shani. Ndibakashika bakakusha mubili wakwe Saulo amibili ya bana bakwe basankwa kuswa kulubumbu lwa ndabala ya Beti Shani akwiitola kuJabeshi uko nkobakaya mukwiitentela. 13Lyalo bakabwesa mafuwa akwaabika munshaacisamu cakalinga mundabala ya Jabeshi. Mpeeke bakalikasha kulya kwa nshiku shili shosanwe ashobilo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.