1 Makabisi 15
15
Antyokusi wasanu abobilo
1Antyokusi, mwanaakwe mwaami Demetiliyasi uyo wakalinga kwikala kusumbu shamulweenge, wakatuma nkalata kuli Simoni, Mupailishi Munene a mutanjilili wabene Juda, akubantu bamushobo wakwe. 2Nkalata iyo yakalinga kwaamba bobulya:
“Ndime mwaami Antyokusi, ndakwaansha Simoni, Mupailishi Munene alimwi ulela mushobo waba Juda. 3Pakucana kwaamba ayi bantu bamwi babiibi bakabwesa bwaami bwaba shalibesu, ndayeeya shakubanyaya ayi mbubambe mbobwakalinga kataanshi. Nceceeco ncendalembela beshilumamba baanji milimo alimwi ndapanga maato ankondo aanji. 4Ndisuni kwisa kucishi cangu akubayandoola abo bakanyonyoola cishi akusandula matongo ndabala shiinji mubwaami bwangu. 5Ono ndasuminisha ayi teshi munosonka, isho shobakamupingwita bamaami bakalekale, lyalo ndamulekelela ndalama isho shomwakalinga kweelete kupa ndime. 6Ndakusuminisha kubika cishibilo ca liina lyako pa maali cishi coonse. 7Ndasuminisha ayi Jelusalemu aŊanda yakwe Lesa shibe aluumuno. Lyalo shilwanyo shoonse isho showakapanga, a Ŋanda shankondo isho showakayaka, shitooba shako. 8Nkongole shako shabuboni bwamwaami, shonoono asheesho sheshimukabaasho kunembo, shashiminganishikwa, kuswa sunu mpaka muyayaya. 9Ndaakububwesa bwaami bwangu alimwi, tulakukulemenesha abulemu bunene, webo amushobo wako a Ŋanda yakwe Lesa, kwaamba ayi bulemu bwanu bukashibikwe cishi coonse capaanshi.”
10Mumwaaka wa 174, Antyokusi wakanyamuka akunjila mucishi cabashali bakwe. Beshilumamba boonse bakesa mukubungana pafwaafwi anguwe, ncakwaamba ayi baniinibo bakacaala aTilayifo. 11Antyokusi wakakonkela Tilayifo uyo wakalinga wacicila kundabala ya Doli, pacito ca lweenge. 12Tilayifo wakashiba ayi shibiibi shamushikila, ndyaakabona ayi beshilumamba bamushiya. 13Antyokusi wakayaka misumba yakwe pafwaafwi a Doli, kacite beshilumamba balwanina paanshi bali 120,000 abeshikulwanina pa maaki 8,000. 14Wakeeshinguluka ndabala iyo, lyalo beshi maato bakakalila kulweenge. Aboobo bakeebika pakati ndabala iyo kumutunta akulweenge, kutasumisha nabi womwi kuswa nabi kunjilaamo.
Nkalata ya baLoma kuba Juda
15Ciindi ceenka ico Numenyasi abantu mbakalaabo bakashika kuswita kuLoma, kabacite amankalata ayo bene Loma ngobakalembela bamaami abantubabo. Bakalembamo amaswi akwaamba ayi:
16“Ndime Lusiyasi, muleli wabene Loma, ntokwaansha mwaami Pitolemi. 17Batanjilili bene Juda bakesa kuli ndiswe mbuli mbabyeesu abeshikutucafwa. Bakesa mukutalikisha cibusa cesu cakunyumfwana kwakalekale. A Mupailishi Munene Simoni amushobo wabene Juda mbobakabatuma. 18Bakaletelela aliyawo lwa golodi lilema makilogilamu 500. 19Paceebo ceeci twayeeya kubalembela bamaami abantubabo ayi bateeleshi kubapensha bene Juda nabi kubalwana nabi ndabala shabo nabi cishi cabo. Twabalwiita alimwi ayi batapangani cibusa abantu basuni kulwana bene Juda. 20Twakasumina kutambula liyawo lyabo. 21Ono nakuli bantu bamucita shibi bakacica kumishaabo, akwisa mukwikala kumishaanu, mubatole kuli Simoni Mupailishi Munene, ayi abape mulandu pakukonkela milawo yabo.”
22Lusiyasi wakatuma nkalata kuli Demetiliyasi bweenka mbuli yeeyi, akuli Atalusi, Aliyalati aAsakise.
23Bakatumina akushishi ishi: Sampisamesi, Sipata, Dolosi, Mayidosi, Sikiyoni, Kalya, Samosi, Pafilya, Likiya, Alikanasusi, Lodesi, Faselisi, Kosi, Sinidasi, Aladusi, Gotina, Kinido, Saipulasi aSayilini. 24Nkalata imwi bweenka mbuli yeeyi bakatumina Simoni Mupailishi Munene.
Antyokusi ulisuni kupensha ba Juda
25Mpomunyaawo mwaami Antyokusi wakashinguluka ndabala ya Doli ciindi cabili. Wakeeshanikisha abeshilumamba bakwe ashilwanyo shankondo. Wakamucalila Tilayifo mweenka umo, cakwaamba ayi bantu bakwe bakalinga kwaalilwa kuswa nabi kwinjilaamo. 26Simoni wakatumina basankwa bantu bali 2,000 bacishi kulwana nkondo, ayi bakamucafweko kulwana. Wakatumina silifa, golodi ashilwanyo shiinji. 27Sombi Antyokusi wakakaka kubatambula bantu abo, lyalo wakapwaya cipangano cacibusa cabo. 28Wakatuma Atenobiyusi, womwi pababye, ayi aye akaambe aSimoni akumulwiita ayi, “Mwebo no baJuda mwekalikana kundabala yaku Jopa aGesala alimwi amulushito luli kuJelusalemu. Kwaamba lushinisho ndabala shoonse isho shili mubwaami bwangu. 29Mwanyonyoola misena yoonse iyo, mwacita shibiibi mucishi, akubwesa misena iinji mubwaami bwangu. 30Ono mutuboosheshe misena iyo njemwakabwesa. Mushishi shomwakabwesa kunsengwe lya Juda mwakabwesa ndalama shamisonko, boonse mumboosheshe. 31Namuciti boobo, mubusena washinsho, mundipile makilogilamu 17,000 asilifa kulipila shishi isho. Mumpe makilogilamu aamwi 17,000 asilifa kulipilila shoonse shemwakanyonyoola. Ishi shilenjila mumusonko uyo wakalinga kusonka ndabala isho, na mukakake tulaakwisa mukumunyonyoola.”
32Atenobiyusi, mubye mwaami, ndyaakashika kuJelusalemu, wakabubona bulemu bwakwe Simoni amobalamina nongo shagolodi asilifa, kamuswite ashimwi shintu shebeeka. Lakwe wakakankamana abuumi. Lyalo wakeshibisha Simoni maswi amwaami. 33Simoni wakamukumbula ayi, “Teshi cishi cabweensu ncotwabwesa sobwe, alimwi ashintu shibotu shotucite, teshi sha muntu umwi. Shoonse ishi mbashalibesu bakatushiila, sheenka ishi balwanibesu bakatunyaya mukubula bululami akushilama muciindi mbuli mbucibete. 34Lyalo swebo nditwakabona ayi ciindi ceelete cakwana, twakabanyaya cishi cabashalibesu. 35Ono mbandike makani andabala ya Jopa a Gesala, iyo njomutoonsenga. Ndabala sheenka isho shekala kashipensha mushobo wesu a cishi cesu. Sombi tutooshilipilila makilogilamu 3,400 asilifa.” Atenobiyusi taakwe kukumbulaawo nabi liswi lyomwi. 36Wakaboolela kumwaami kakalalite abuumbi. Wakamushibisha mwaami maswi akwe Simoni abuboni mbwakabona. Alakwe mwaami wakakalala abuumbi.
37Ciindi ceenka ico Tilayifo wakatanta bwato akucicila kuOtilisiya. 38Mwaami wakasala Kendebeyusi ayi abe mutanjilili wabeshilumamba bekala kulweenge, wakamupa abeshilumamba balwanina paanshi abaabo balwanina pamaaki. 39Wakamwaambila alimwi ayi akayake misumba yakwe pafwaafwi akuJuda, akuyakulula ndabala yaKediloni akuyumya minjililo yanjiyo, alimwi akutalika kulwana bantu bakooko. Lakwe mwaami Antyokusi wakakonkela Tilayifo.
40Kendebeyusi wakaya kuJaminiya. Kweenka uko wakatalika kukalasha bantu bakooko. Wakanjila kuJuda, akutalika kucaya bantu. 41Wakayakulula Kediloni, wakabikaako beshilumamba balwanina pamaaki abalwanina paanshi, ayi banooya nceenda munshila akucita shabukapondo kubene Juda, bweenka mbuli mwaami mbwaakamwaambila.
Currently Selected:
1 Makabisi 15: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
1 Makabisi 15
15
Antyokusi wasanu abobilo
1Antyokusi, mwanaakwe mwaami Demetiliyasi uyo wakalinga kwikala kusumbu shamulweenge, wakatuma nkalata kuli Simoni, Mupailishi Munene a mutanjilili wabene Juda, akubantu bamushobo wakwe. 2Nkalata iyo yakalinga kwaamba bobulya:
“Ndime mwaami Antyokusi, ndakwaansha Simoni, Mupailishi Munene alimwi ulela mushobo waba Juda. 3Pakucana kwaamba ayi bantu bamwi babiibi bakabwesa bwaami bwaba shalibesu, ndayeeya shakubanyaya ayi mbubambe mbobwakalinga kataanshi. Nceceeco ncendalembela beshilumamba baanji milimo alimwi ndapanga maato ankondo aanji. 4Ndisuni kwisa kucishi cangu akubayandoola abo bakanyonyoola cishi akusandula matongo ndabala shiinji mubwaami bwangu. 5Ono ndasuminisha ayi teshi munosonka, isho shobakamupingwita bamaami bakalekale, lyalo ndamulekelela ndalama isho shomwakalinga kweelete kupa ndime. 6Ndakusuminisha kubika cishibilo ca liina lyako pa maali cishi coonse. 7Ndasuminisha ayi Jelusalemu aŊanda yakwe Lesa shibe aluumuno. Lyalo shilwanyo shoonse isho showakapanga, a Ŋanda shankondo isho showakayaka, shitooba shako. 8Nkongole shako shabuboni bwamwaami, shonoono asheesho sheshimukabaasho kunembo, shashiminganishikwa, kuswa sunu mpaka muyayaya. 9Ndaakububwesa bwaami bwangu alimwi, tulakukulemenesha abulemu bunene, webo amushobo wako a Ŋanda yakwe Lesa, kwaamba ayi bulemu bwanu bukashibikwe cishi coonse capaanshi.”
10Mumwaaka wa 174, Antyokusi wakanyamuka akunjila mucishi cabashali bakwe. Beshilumamba boonse bakesa mukubungana pafwaafwi anguwe, ncakwaamba ayi baniinibo bakacaala aTilayifo. 11Antyokusi wakakonkela Tilayifo uyo wakalinga wacicila kundabala ya Doli, pacito ca lweenge. 12Tilayifo wakashiba ayi shibiibi shamushikila, ndyaakabona ayi beshilumamba bamushiya. 13Antyokusi wakayaka misumba yakwe pafwaafwi a Doli, kacite beshilumamba balwanina paanshi bali 120,000 abeshikulwanina pa maaki 8,000. 14Wakeeshinguluka ndabala iyo, lyalo beshi maato bakakalila kulweenge. Aboobo bakeebika pakati ndabala iyo kumutunta akulweenge, kutasumisha nabi womwi kuswa nabi kunjilaamo.
Nkalata ya baLoma kuba Juda
15Ciindi ceenka ico Numenyasi abantu mbakalaabo bakashika kuswita kuLoma, kabacite amankalata ayo bene Loma ngobakalembela bamaami abantubabo. Bakalembamo amaswi akwaamba ayi:
16“Ndime Lusiyasi, muleli wabene Loma, ntokwaansha mwaami Pitolemi. 17Batanjilili bene Juda bakesa kuli ndiswe mbuli mbabyeesu abeshikutucafwa. Bakesa mukutalikisha cibusa cesu cakunyumfwana kwakalekale. A Mupailishi Munene Simoni amushobo wabene Juda mbobakabatuma. 18Bakaletelela aliyawo lwa golodi lilema makilogilamu 500. 19Paceebo ceeci twayeeya kubalembela bamaami abantubabo ayi bateeleshi kubapensha bene Juda nabi kubalwana nabi ndabala shabo nabi cishi cabo. Twabalwiita alimwi ayi batapangani cibusa abantu basuni kulwana bene Juda. 20Twakasumina kutambula liyawo lyabo. 21Ono nakuli bantu bamucita shibi bakacica kumishaabo, akwisa mukwikala kumishaanu, mubatole kuli Simoni Mupailishi Munene, ayi abape mulandu pakukonkela milawo yabo.”
22Lusiyasi wakatuma nkalata kuli Demetiliyasi bweenka mbuli yeeyi, akuli Atalusi, Aliyalati aAsakise.
23Bakatumina akushishi ishi: Sampisamesi, Sipata, Dolosi, Mayidosi, Sikiyoni, Kalya, Samosi, Pafilya, Likiya, Alikanasusi, Lodesi, Faselisi, Kosi, Sinidasi, Aladusi, Gotina, Kinido, Saipulasi aSayilini. 24Nkalata imwi bweenka mbuli yeeyi bakatumina Simoni Mupailishi Munene.
Antyokusi ulisuni kupensha ba Juda
25Mpomunyaawo mwaami Antyokusi wakashinguluka ndabala ya Doli ciindi cabili. Wakeeshanikisha abeshilumamba bakwe ashilwanyo shankondo. Wakamucalila Tilayifo mweenka umo, cakwaamba ayi bantu bakwe bakalinga kwaalilwa kuswa nabi kwinjilaamo. 26Simoni wakatumina basankwa bantu bali 2,000 bacishi kulwana nkondo, ayi bakamucafweko kulwana. Wakatumina silifa, golodi ashilwanyo shiinji. 27Sombi Antyokusi wakakaka kubatambula bantu abo, lyalo wakapwaya cipangano cacibusa cabo. 28Wakatuma Atenobiyusi, womwi pababye, ayi aye akaambe aSimoni akumulwiita ayi, “Mwebo no baJuda mwekalikana kundabala yaku Jopa aGesala alimwi amulushito luli kuJelusalemu. Kwaamba lushinisho ndabala shoonse isho shili mubwaami bwangu. 29Mwanyonyoola misena yoonse iyo, mwacita shibiibi mucishi, akubwesa misena iinji mubwaami bwangu. 30Ono mutuboosheshe misena iyo njemwakabwesa. Mushishi shomwakabwesa kunsengwe lya Juda mwakabwesa ndalama shamisonko, boonse mumboosheshe. 31Namuciti boobo, mubusena washinsho, mundipile makilogilamu 17,000 asilifa kulipila shishi isho. Mumpe makilogilamu aamwi 17,000 asilifa kulipilila shoonse shemwakanyonyoola. Ishi shilenjila mumusonko uyo wakalinga kusonka ndabala isho, na mukakake tulaakwisa mukumunyonyoola.”
32Atenobiyusi, mubye mwaami, ndyaakashika kuJelusalemu, wakabubona bulemu bwakwe Simoni amobalamina nongo shagolodi asilifa, kamuswite ashimwi shintu shebeeka. Lakwe wakakankamana abuumi. Lyalo wakeshibisha Simoni maswi amwaami. 33Simoni wakamukumbula ayi, “Teshi cishi cabweensu ncotwabwesa sobwe, alimwi ashintu shibotu shotucite, teshi sha muntu umwi. Shoonse ishi mbashalibesu bakatushiila, sheenka ishi balwanibesu bakatunyaya mukubula bululami akushilama muciindi mbuli mbucibete. 34Lyalo swebo nditwakabona ayi ciindi ceelete cakwana, twakabanyaya cishi cabashalibesu. 35Ono mbandike makani andabala ya Jopa a Gesala, iyo njomutoonsenga. Ndabala sheenka isho shekala kashipensha mushobo wesu a cishi cesu. Sombi tutooshilipilila makilogilamu 3,400 asilifa.” Atenobiyusi taakwe kukumbulaawo nabi liswi lyomwi. 36Wakaboolela kumwaami kakalalite abuumbi. Wakamushibisha mwaami maswi akwe Simoni abuboni mbwakabona. Alakwe mwaami wakakalala abuumbi.
37Ciindi ceenka ico Tilayifo wakatanta bwato akucicila kuOtilisiya. 38Mwaami wakasala Kendebeyusi ayi abe mutanjilili wabeshilumamba bekala kulweenge, wakamupa abeshilumamba balwanina paanshi abaabo balwanina pamaaki. 39Wakamwaambila alimwi ayi akayake misumba yakwe pafwaafwi akuJuda, akuyakulula ndabala yaKediloni akuyumya minjililo yanjiyo, alimwi akutalika kulwana bantu bakooko. Lakwe mwaami Antyokusi wakakonkela Tilayifo.
40Kendebeyusi wakaya kuJaminiya. Kweenka uko wakatalika kukalasha bantu bakooko. Wakanjila kuJuda, akutalika kucaya bantu. 41Wakayakulula Kediloni, wakabikaako beshilumamba balwanina pamaaki abalwanina paanshi, ayi banooya nceenda munshila akucita shabukapondo kubene Juda, bweenka mbuli mwaami mbwaakamwaambila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.