1 Bene Kolinto 1
1
1Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.
2Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.#Mili 18:1 3Luse aluumuno shibe amwebo kuswa kuli Lesa Ishiwesu aMwaami Jesu Klistu.
Shoolwe muli Klistu
4Lyoonse ndalumba Lesa ceebo ca ndimwe mukwiinga wa luse Lesa ndwaakamutondesha muli Klistu Jesu. 5Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika. 6Makani aamba pali Klistu ashimpa muli ndimwe. 7Paceebo ceeco taaku cipo nabi comwi ca Mushimu ncemutacite bulya ndimutoolindilila kupiluka kwa Mwaami Jesu Klistu. 8Ulaakumuyumya kushikila akumamanino kwaamba ayi pabushiku bwakwisa Mwaami wesu Jesu Klistu mukacanike kamutacite kampenda. 9Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.
Kulipatula mucoonde
10Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi. 11Ceebo bamwi bamuŋanda yakwe Kuloyi bakandwiita ayi pali kutanyumfwana pakati kanu. 12Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”#Mili 18:24 13Sa Klistu wabaanikaamo? Sa nguPaulo wakapopwa pamucilingano ceebo ca ndimwe? Nabi sa mwakabombekwa muliina lyakwe Paulo?
14Ndalumba Lesa ayi taaku aumwi ngondakabombeka pakati kanu, sombibo Kilisipasi aGayasi.#Mili 18:8; Mili 18:8; Mili 19:29; Loma 16:23 15Aboobo taaku weenga waamba ayi wakabombekwa muliina lyangu. 16Ncine ndakabombeka aSitefanasi alimwi abamuŋanda yakwe. Nshintooyeeya ayi ndakabombeka abamwi.#1 Koli 16:15 17Ceebo Klistu taakwe kuntuma ayi nooya cibombekabo, sombi wakantuma kuya cishimikila Makani Abotu. Nsheelete kwaashimika kweelana abusongo bwa buntu, kuloonda kwaamba ayi nkusu sha lufu lwakwe Klistu pamucilingano inga shayeeyelwa ayi taaku mboshibete.
Klistu nshenkusu abusongo bwakwe Lesa
18Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa. 19Ceebo muMalembo Lesa ulaamba ayi,
“Ndaakunyonyoola busongo bwa basongo
alimwi ndaakulobya maano abantu bacenjete.”#Isa 29:14
20Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.#Jobo 12:17; Isa 19:12; 33:18; Isa 44:25
21Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo. 22BaJuda balisuni kubona shaankamiko abalo baswamashi bakunsengwe balisuni kubona shabusongo. 23Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete. 24Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa. 25Ceebo ico ciboneka anga nkubula maano kwakwe Lesa cileenda pabusongo bwa bantu, acalo ico ciboneka anga nkubula nkusu kwakwe Lesa cileenda pankusu sha buntu.
26Nobamakwesu amuyeeye mbomwakalinga, Lesa ndyaakamwiita. Mbaniini pakati kanu abo bakalinga kuboneka basongo kubantu nabi bankusu, nabi bakashalwa kubantu balemekwa. 27Sombi Lesa wakasala shintu bantu nshebayeeya ayi nshabuluya kwaamba ayi shilenshe nsoni basongo alimwi akusala sheesho shiboneka ayi shililefukite kwaamba ayi shilenshe nsoni abo bacite nkusu. 28Lesa wakasala bantu bataaku mbobabete, banyanshikwa alimwi batabelengwi, kwaamba ayi abo bantu mbobabona ayi mbalemu, baboneke ayi taaku mbobabete. 29Paceebo ceeco taaku muntu weenga walisumpula pameenso akwe Lesa. 30Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula. 31Aboobo kweelana abwaamba Malembo akwe Lesa ayi, “Uyo usuni kulisumpula ulyeelete kulisumpula ceebo ca ceeco Mwaami ncaakacita.”#Jele 9:24
Currently Selected:
1 Bene Kolinto 1: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
1 Bene Kolinto 1
1
1Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.
2Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.#Mili 18:1 3Luse aluumuno shibe amwebo kuswa kuli Lesa Ishiwesu aMwaami Jesu Klistu.
Shoolwe muli Klistu
4Lyoonse ndalumba Lesa ceebo ca ndimwe mukwiinga wa luse Lesa ndwaakamutondesha muli Klistu Jesu. 5Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika. 6Makani aamba pali Klistu ashimpa muli ndimwe. 7Paceebo ceeco taaku cipo nabi comwi ca Mushimu ncemutacite bulya ndimutoolindilila kupiluka kwa Mwaami Jesu Klistu. 8Ulaakumuyumya kushikila akumamanino kwaamba ayi pabushiku bwakwisa Mwaami wesu Jesu Klistu mukacanike kamutacite kampenda. 9Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.
Kulipatula mucoonde
10Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi. 11Ceebo bamwi bamuŋanda yakwe Kuloyi bakandwiita ayi pali kutanyumfwana pakati kanu. 12Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”#Mili 18:24 13Sa Klistu wabaanikaamo? Sa nguPaulo wakapopwa pamucilingano ceebo ca ndimwe? Nabi sa mwakabombekwa muliina lyakwe Paulo?
14Ndalumba Lesa ayi taaku aumwi ngondakabombeka pakati kanu, sombibo Kilisipasi aGayasi.#Mili 18:8; Mili 18:8; Mili 19:29; Loma 16:23 15Aboobo taaku weenga waamba ayi wakabombekwa muliina lyangu. 16Ncine ndakabombeka aSitefanasi alimwi abamuŋanda yakwe. Nshintooyeeya ayi ndakabombeka abamwi.#1 Koli 16:15 17Ceebo Klistu taakwe kuntuma ayi nooya cibombekabo, sombi wakantuma kuya cishimikila Makani Abotu. Nsheelete kwaashimika kweelana abusongo bwa buntu, kuloonda kwaamba ayi nkusu sha lufu lwakwe Klistu pamucilingano inga shayeeyelwa ayi taaku mboshibete.
Klistu nshenkusu abusongo bwakwe Lesa
18Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa. 19Ceebo muMalembo Lesa ulaamba ayi,
“Ndaakunyonyoola busongo bwa basongo
alimwi ndaakulobya maano abantu bacenjete.”#Isa 29:14
20Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.#Jobo 12:17; Isa 19:12; 33:18; Isa 44:25
21Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo. 22BaJuda balisuni kubona shaankamiko abalo baswamashi bakunsengwe balisuni kubona shabusongo. 23Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete. 24Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa. 25Ceebo ico ciboneka anga nkubula maano kwakwe Lesa cileenda pabusongo bwa bantu, acalo ico ciboneka anga nkubula nkusu kwakwe Lesa cileenda pankusu sha buntu.
26Nobamakwesu amuyeeye mbomwakalinga, Lesa ndyaakamwiita. Mbaniini pakati kanu abo bakalinga kuboneka basongo kubantu nabi bankusu, nabi bakashalwa kubantu balemekwa. 27Sombi Lesa wakasala shintu bantu nshebayeeya ayi nshabuluya kwaamba ayi shilenshe nsoni basongo alimwi akusala sheesho shiboneka ayi shililefukite kwaamba ayi shilenshe nsoni abo bacite nkusu. 28Lesa wakasala bantu bataaku mbobabete, banyanshikwa alimwi batabelengwi, kwaamba ayi abo bantu mbobabona ayi mbalemu, baboneke ayi taaku mbobabete. 29Paceebo ceeco taaku muntu weenga walisumpula pameenso akwe Lesa. 30Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula. 31Aboobo kweelana abwaamba Malembo akwe Lesa ayi, “Uyo usuni kulisumpula ulyeelete kulisumpula ceebo ca ceeco Mwaami ncaakacita.”#Jele 9:24
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.