2 Tesalonisieŋ 1
1
Ma səra vaw ta me tsey guma
1Yah Pol, Silveŋ ta Timotey a Egliz ma Tesalonisiyeŋ hay na da Bay ma Bəla Baba lakwa, da mezəley ma Bay’ərlam Yezu Kriste na. 2Hayna zozoy ta hahaya ma Bay ma Bəla Baba ta Bay’ərlam Yezu Kriste ka ndzey ta kuray.
Me pey 'ar da walaŋ ma tatakway
3Akwa təɗe na, la ka madəmara sise dzeɓelle a Bay ma Bəla hərway kwar malam a ɗaw hay, arka na kassla dərka na, hərway me pey 'ar a kwar na, a gəley aha haɗadzidzay. Ta ma wuɗa vaw kwar ana ka 'ar vaw kwar ana hay na, a gəlawa ha da vaw kwar ka ndaw ka ndaw tabiya kwar aha, 4ha a da tərey na, tek ala ma ŋgalakada da walaŋ ma Egliz ma Bay ma Bəla hay, hərway ma matanduroŋ a kwar, ta me pey 'ar a kwar da tatakway ma kadəmakwar, ta ma hələmakwar suwet, kuray ma ɓəsəmata na hay tabiyaha. 5Ma ka hiya na ɗerre zeheɗ ma sariya ma Bay ma Bəla, tek ata ma wuɗam ana na, ma təradakwar ɗa ndaw ahiya ma Slala ma Bay'ərlam, na kuray ma sam banay hərwuiya na. 6Akwa na kassla dzerey aha, Bay ma Bəla a madatara viya ta viya a ndaw ma kərəmakwar ana hay. 7Arka ka vələmakwar a kuray ndaw ma kəra na hay na, ma sesəkey vaw andza la, ta pas ma Bay’ərlam Yezu ma da ɓey vaw, ma da sawa da 'ərlam ta madurlam ma ma slafa ŋga na, 8da 'erneh ma waw ma da madatara gandaf ma ndaw ma səradama Bay ma Bəla kakay ana hay, ta na ma tsənamar sləmay a Mey Wayna ma Bay’ərlam a lakwa Yezu kakay ana hay. 9Me hətey ta na a da key na, me zəɗey me ndəvey kakay ana, dəreŋ ta mey dey ma Bay’ərlam, ta me wezley dey ma ŋgalaka ŋga. 10Andza ka da sawa ba na, ta pas ana ŋga na na, ndaw aŋga Kokwaɗ ana hay a da hasəkadəmara bəzay, a da datar ’ar a ndaw ma pamərawa 'ar ana hay, arka kuray na, ka pəmawa 'ar ba ka seydewe la. 11Nəkafama la ɗulam mey dzeɓelle hərway kwar na, mavədiya, ma Bay ma Bəla a lakwa ka da ndzafakwar na, ɗa ndaw ahiya ka me zəley ŋga ma zələkurawa na; arka na, ta ma slafa ŋga na, ka vəlakwar slam har ma kuray ka ndasladəmata tek hayna hay, na kuray ma wuɗam ana hay tabiyaha, arka na, a da parkada me pey 'ar a kwar. 12Kəɗey na, a da hasəkadəmara bəzay a mezəley ma Bay’ərlam a lakwa Yezu da kuray, kuray tey da ŋga, andza na ma hahaya ma Bay ma Bəla lakwa, ta na ma Bay’ərlam Yezu Kriste.
Currently Selected:
2 Tesalonisieŋ 1: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun