1 Zaŋ 1
1
Guma ma ndaw seydewe ma nəkadərawa ta dey ŋga na
1Tek ana me key zla da mezley ana, tek ana la ma tsənadəmərawa na, la ma nəkadəmərawa ta dey la na, tek ana la ma zazurəmərawa na, arka na har ala ma ləmərawa na, Ndaw ana Mey ma Bay’ərlam ma mesəfrey ana. 2-Hərway mendzey ana ka ɓey vaw ba, la ka nəkadəmərawa ba, la kam seydewe ŋga na, arka la ma tələkadəmakwar mey, ta mendzey na me ndəvey kakay ana, na ma mbəɗa dey aha 'ar 'ay Baba na, ma ɓandar vaw ala-. 3Na la ma nəkadəmərawa, ma tsənadəmərawa na na, la ɓadəmakwar a kuray tiyatsa, ma aza kuray tiyatsa na, la ka dzəmakwama dzaya. Me dzəmey vaw lakwa na na, me dzəmey vaw ta Baba, ta Bəzey ŋga na Yezu Kriste. 4Arka la ma windəməkuraɓa neney na, ma wuiya lakwa ka key na kərem.
Me heley da waw me nəkey dey
5Neney na bəzay ma guma na la ma tsənadəmərawa ka ŋga na; arka na la ma ɓadəmakwar: Bay ma Bəla na waw me nəkey dey, ləvaŋ ɗaw? Ka ŋga na kwa ketekwəɗey daha tikay. 6Haɗaw i ləvakwa: «Lakwa na ma dzəmaya ta ŋga na», da me heley da ləvaŋ satsa na, na ŋga na na, i tsakwama maləwaɗay, arka i kakwama ha dərka sakay. 7Ama haɗaw i halakwama da waw me nəkey dey, andza ma ŋga na ta 'ar aŋga na ŋga da waw me nəkey dey ana na, lakwa ma dzəmaya ka ndaw ka ndaw ta mambaz ma Yezu Bəzey ŋga ma bazləmadandakwar meŋgəsey lakwa hay ba tabiyaha na. 8haɗaw i ləvakwama: «Meŋgəsey ka lakwa dakay na», a key na, i zləgakwama bay 'ar ma lakwa na, arka na dərka da vaw lakwa dakay. 9Haɗaw i ɓadakwa meŋgəsey lakwa na, ŋga na a mbəɗar sler a guma ŋga tikay, dzerey aha, a da safandakwar aha yam ba ka meŋgəsey lakwa hay, a bəzləmadandakwar malay hay ba tabiyaha. 10Haɗaw i ləvakwa: «Lakwa ma ŋgəsa hiya kakay na», la təradakwa ŋga na ndaw maləwaɗay aha, arka na guma ŋga, ŋga da vaw lakwa dakay.
Currently Selected:
1 Zaŋ 1: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun