ROMAHAY 14
14
Ki ga kiita da sukum ɗike ta
1Mbur manja gidaŋ ar tiɓi na, tiɓakaŋ, yo gwat naŋ maga taŋ gar na, anja ki mbiɗakaŋ hirnga aseˀe ta. 2Kaɓa ani, mbur mekeleme, a tiɓi le, a pura na, naŋ da ti jiviɗ ngi zuma gwat gar. Amma mbur numuŋ, manja gidaŋ ar tiɓi na, a zum sey lar lambaˀ si. 3Mbur mazum gwat gar tuwa na, anja a hirsa mbur mazum sey lar lambaˀ na ta. Yo mbur mazum sey lar lambaˀ na kwana, anja a hirsa mbur mazum gwat gar na ta ya. Asi Buymisemuŋ a tiɓa taŋ cuw taŋ gu. 4Da mbur i gawla ɗik ta si na, i ka wa, ɓa hã ki ɓaŋ: «Ki zluɓa le» na ka? Da naŋ zlak kuy kuy angi slra naŋ, malla da a diɗ le kwana, i ɓi ngi buy naŋ ta kwa? Ko mbri na, a sa cici zlak kuy kuy, Bumbulvuŋ, naŋ ti gidaŋ ɓa a jahaŋ jah.
5Mbur mekeleme, a pura kaɓa hin mekelemey a funaka hin numuŋhoyo le. Mbur numuŋ, a pura hiney gar i misi purlahay. Anja mbur gar a cici angi naŋ muwuluk di a mevele. 6Mbur mawa hin mekeleme, a funa numuŋ le na, a ɗuf di i hirnga da Bumbulvuŋ. Mbur mazum gwat gar na, a ga ngi ɗuva hirnga da Bumbulvuŋ. Asi mike na, ara ga sise da Buymisemuŋ aseˀe. Yo mbur mazum gwat gar ta na kwana, a ga ɓa ngi ɗuva hirnga da Bumbulvuŋ, yo ara ga sise da Buymisemuŋ aseˀe. 7Naŋ kine, a wuzla ndra, ko mbur mandir ti siifa asi naŋ vuna muwuɗ na anta. Yo ko mbur mamuc asi naŋ muwuɗ le kwana anta ya. 8Asi da ndr'ada ti siifa na, ndra ti siifa vur Bumbulvuŋ. Yo da i roko micam kwana, i micam vur Bumbulvuŋ. Asi mike na, ko da ndr'ada ti siifa, malla ko da i roko micam tekeɗe kwana, ndr'i nga naŋhay. 9Asi Kristu mumuc, yo naŋ mislikiɗ ti wuzla mumucahay a muŋ na, ɓa a tiri Buy ngi mizli mumucahay ati misi ti siifahay ma gar. 10Na ka, ki ga kiita da sukum ɗike, vur mike? Yo ki hirsa sukum ɗike, vur mike? Asi mike na, ndra gar, i sa cicam a mbuŋ Buymisemuŋ, ɓa a ga ndra kiita. 11Asi a tohoko na: «Buymisemuŋ a ɓi: Kaɓa ya misi ti siifa gisiŋ na, mizli gar a sa dilkam a mbuŋ ɗu, yo mbur gar a sa ɓa njah ti mi naŋ: Buymisemuŋ, naŋ ti dudoko.»
12Vurˀe, ko wa gar a sa slufa ɓi ngi hirnga naŋ da Buymisemuŋ ti haŋ naŋ.
Anja ki gi gwat ngi hizigiɗa sukum ɗike ta
13I gam kiita da mbur ar wala ndra ta, kuɗukum mi naŋ. Zuwen tumom vu, ɓa ki gam gwat ngi ba sar da sukum kumo, ɓa a diɗ ar mungra ta, malla ɓa ngi ci di ng'ar mungra ta jaka. 14Asi ya mujom ati Buy Yesu Kristu na, i si na le njah wãˀ: gwat misi dili anta. Amma da mbur ara pura ava, i gwat misi dili nah na, a tiri ava kanah gisiŋ. 15Da gwat ka mazuma anta ga sukum ɗike kuy ta na, kite k'anta ki wuɗaŋ ta. Mbur Kristu mumuc vurˀe na, anja ki zizaŋ ti gwat ka mazuma na ta. 16Gwat mimezle avu ka na, anja mizli a ɓam di ɓi malambaˀ ta. 17Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula. 18Mbur maga slra ngi Kristu ti jiviɗ misi kanah na, a cira hiri da Buymisemuŋ, yo mizli a ngilam di wuy ma. 19Supukum gi gwat mezle ɓa i cifam zuy zuy, yo ɓa a vula ndra gidaŋ ar wala ndra so. 20Anja ki hirya slra ngi Buymisemuŋ ti ɓi ngi gwat ka mazuma na ta. Gwatay gar, i ngi zumoy gisiŋ ɓula. Amma da gwat a hizigiɗa sukum ɗike ng'ar mungra na, naɓa i gwat mukuy ngi zum ta. 21Kuy naŋ na, anja ki zum ˀuse ta, ki si mbaazla ta, ko gwat wanaka gar mahizigiɗa sukum ɗik ng'ar mungra na, ki ga ta si. 22Gwat ka mitiɓa le a mevel ɗike na, wi di vu da hirnga ɗik tewle a mbuŋ Buymisemuŋ. Da mbur ara gi gwat naŋ misla wala nah le, a si na le, a zluɓ ɓi ta na, naŋ ar mumul. 23Amma da mburo, naŋ ti wuluk cuw cuw a hirnga gwat ngi zumo, da a zuma le na, naɓa Buymisemuŋ a gaŋ kiita. Asi gwat naŋ maga na, a ga tisi tiɓi ta. Yo gwat mbur maga gar, da a ga tisi tiɓi ta na, a gi di i mungra.
Currently Selected:
ROMAHAY 14: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
ROMAHAY 14
14
Ki ga kiita da sukum ɗike ta
1Mbur manja gidaŋ ar tiɓi na, tiɓakaŋ, yo gwat naŋ maga taŋ gar na, anja ki mbiɗakaŋ hirnga aseˀe ta. 2Kaɓa ani, mbur mekeleme, a tiɓi le, a pura na, naŋ da ti jiviɗ ngi zuma gwat gar. Amma mbur numuŋ, manja gidaŋ ar tiɓi na, a zum sey lar lambaˀ si. 3Mbur mazum gwat gar tuwa na, anja a hirsa mbur mazum sey lar lambaˀ na ta. Yo mbur mazum sey lar lambaˀ na kwana, anja a hirsa mbur mazum gwat gar na ta ya. Asi Buymisemuŋ a tiɓa taŋ cuw taŋ gu. 4Da mbur i gawla ɗik ta si na, i ka wa, ɓa hã ki ɓaŋ: «Ki zluɓa le» na ka? Da naŋ zlak kuy kuy angi slra naŋ, malla da a diɗ le kwana, i ɓi ngi buy naŋ ta kwa? Ko mbri na, a sa cici zlak kuy kuy, Bumbulvuŋ, naŋ ti gidaŋ ɓa a jahaŋ jah.
5Mbur mekeleme, a pura kaɓa hin mekelemey a funaka hin numuŋhoyo le. Mbur numuŋ, a pura hiney gar i misi purlahay. Anja mbur gar a cici angi naŋ muwuluk di a mevele. 6Mbur mawa hin mekeleme, a funa numuŋ le na, a ɗuf di i hirnga da Bumbulvuŋ. Mbur mazum gwat gar na, a ga ngi ɗuva hirnga da Bumbulvuŋ. Asi mike na, ara ga sise da Buymisemuŋ aseˀe. Yo mbur mazum gwat gar ta na kwana, a ga ɓa ngi ɗuva hirnga da Bumbulvuŋ, yo ara ga sise da Buymisemuŋ aseˀe. 7Naŋ kine, a wuzla ndra, ko mbur mandir ti siifa asi naŋ vuna muwuɗ na anta. Yo ko mbur mamuc asi naŋ muwuɗ le kwana anta ya. 8Asi da ndr'ada ti siifa na, ndra ti siifa vur Bumbulvuŋ. Yo da i roko micam kwana, i micam vur Bumbulvuŋ. Asi mike na, ko da ndr'ada ti siifa, malla ko da i roko micam tekeɗe kwana, ndr'i nga naŋhay. 9Asi Kristu mumuc, yo naŋ mislikiɗ ti wuzla mumucahay a muŋ na, ɓa a tiri Buy ngi mizli mumucahay ati misi ti siifahay ma gar. 10Na ka, ki ga kiita da sukum ɗike, vur mike? Yo ki hirsa sukum ɗike, vur mike? Asi mike na, ndra gar, i sa cicam a mbuŋ Buymisemuŋ, ɓa a ga ndra kiita. 11Asi a tohoko na: «Buymisemuŋ a ɓi: Kaɓa ya misi ti siifa gisiŋ na, mizli gar a sa dilkam a mbuŋ ɗu, yo mbur gar a sa ɓa njah ti mi naŋ: Buymisemuŋ, naŋ ti dudoko.»
12Vurˀe, ko wa gar a sa slufa ɓi ngi hirnga naŋ da Buymisemuŋ ti haŋ naŋ.
Anja ki gi gwat ngi hizigiɗa sukum ɗike ta
13I gam kiita da mbur ar wala ndra ta, kuɗukum mi naŋ. Zuwen tumom vu, ɓa ki gam gwat ngi ba sar da sukum kumo, ɓa a diɗ ar mungra ta, malla ɓa ngi ci di ng'ar mungra ta jaka. 14Asi ya mujom ati Buy Yesu Kristu na, i si na le njah wãˀ: gwat misi dili anta. Amma da mbur ara pura ava, i gwat misi dili nah na, a tiri ava kanah gisiŋ. 15Da gwat ka mazuma anta ga sukum ɗike kuy ta na, kite k'anta ki wuɗaŋ ta. Mbur Kristu mumuc vurˀe na, anja ki zizaŋ ti gwat ka mazuma na ta. 16Gwat mimezle avu ka na, anja mizli a ɓam di ɓi malambaˀ ta. 17Asi Zumabuy ngi Buymisemuŋ, i ɓi ngi gwat ngi zum malla gwat ngi si ta. Amma i gi gwat mijeŋŋe, ɓi ngi zuy, yo i ɓi ngi mumul, ˀUf Mipal mavula. 18Mbur maga slra ngi Kristu ti jiviɗ misi kanah na, a cira hiri da Buymisemuŋ, yo mizli a ngilam di wuy ma. 19Supukum gi gwat mezle ɓa i cifam zuy zuy, yo ɓa a vula ndra gidaŋ ar wala ndra so. 20Anja ki hirya slra ngi Buymisemuŋ ti ɓi ngi gwat ka mazuma na ta. Gwatay gar, i ngi zumoy gisiŋ ɓula. Amma da gwat a hizigiɗa sukum ɗike ng'ar mungra na, naɓa i gwat mukuy ngi zum ta. 21Kuy naŋ na, anja ki zum ˀuse ta, ki si mbaazla ta, ko gwat wanaka gar mahizigiɗa sukum ɗik ng'ar mungra na, ki ga ta si. 22Gwat ka mitiɓa le a mevel ɗike na, wi di vu da hirnga ɗik tewle a mbuŋ Buymisemuŋ. Da mbur ara gi gwat naŋ misla wala nah le, a si na le, a zluɓ ɓi ta na, naŋ ar mumul. 23Amma da mburo, naŋ ti wuluk cuw cuw a hirnga gwat ngi zumo, da a zuma le na, naɓa Buymisemuŋ a gaŋ kiita. Asi gwat naŋ maga na, a ga tisi tiɓi ta. Yo gwat mbur maga gar, da a ga tisi tiɓi ta na, a gi di i mungra.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.