MISE 5
5
Buy miɓaka ɓi naŋ ɗaˀ le tuwa, a sa ɓo ti Betelyem
1Bumbulvuŋ a ɓi na: «Naka Betelyem, hirwuy Efrata,
ki walahay meciɗek wãˀ a wuzla walahay ngi muy ngi Zudahaya.
Amma mbur a sa bo tivi ka vur ya, ɓa a wa mizli Israyeleye.
Degezer naŋ, a zlo zle misi ngadana ta,
zle ngi sete.
2Vurˀe, Buymisemuŋ a sa pula Israyeleye mbak asi haŋ ngi mesene taŋhaya,
hã ngwas misi zuŋ a kwacay na, a yi ɗagay.
Akẽh na, sukum naŋhay mindiram na,
a sa jumom ng'avi Israyeley.
3Naŋ buy tuwa, a sa cici zlak, a jigina mizli naŋhaya,
ti gidaŋ ngi Bumbulvuŋ,
ti dudok ngi slimiɗ ngi Bumbulvuŋ, Buymisemuŋ naŋ.
Mizli naŋhay a sa cifam setette,
yo mizli a sa sinaka madiɗa naŋ na, hã a si diˀisi.
4Masa so ti zuy asi ruwuyo i naŋ vuna.
Da mizli Asirihey misa coko le asi hirwuy ndra,
ara zumaka hay ndraˀahaya na,
i sa cicam mijiginey tarnaˀ,
waɗ buy ngi mizli dangafaɗa,
ɓa a zliram dibiɗ ati taŋ.
5Taŋ, a sa waka hirwuy Asiri ti maslalam taŋhaya,
yo a sa waka hirwuy Nemroto ti gordo taŋhay.
Amma da Asirihey misa coko le asi hirwuy ndra,
yo taŋ misa coko le, hã ar maakway ndra na,
masa laha ndra i buy vuna.
Israyeley mindiram ti siifa a wuzla sukwi ngi mizli
6Akẽh na, Israyeley mindiram ti siifa na,
a sa tiram a wuzla mizli mihaɗahaya,
kaɓa wulngar Bumbulvuŋ magico di tos purla,
kaɓa yam ngi vuŋ maji avu giziŋ,
manja a kutuk ti vu mbur,
manja a njih hiri asi mbur titira.
7Akẽh na, Israyeley mindirama, a sa tiram
a wuzla sukwi mihaɗa, kaɓa mobor a wuzla gwat misahmi ngi ɓuhoy,
kaɓa zinga ngi mobor a wuzla tumuŋ gezleŋ taˀ.
Da naŋ mira cuh gar na, a ja gwata, a ngira,
amma ko mbur malaha ginewe gu ti vaˀa anta.
8Anja ki zuɓa haŋ ɗik ng'ar mizli mazliram ti ka ta na so,
yo anja ki ngizla mesene ɗikeye!
Gwat mizli majaham taŋ lambaˀ na, Bumbulvuŋ a sa susuyumo taŋ
9Bumbulvuŋ a ɓi:
«Tapasa,
i sa ngizla pilis kumoyo,
yo i sa ziza mota ngi vurum kumoy avra.
10I sa waha walahay ngi si ruwuy kumoy avra,
yo li kumoy ngi ndil ng'ar taŋ tuwaˀa, i sa mbizla taŋ avra.
11Ɓi ngi cucuk kumoy na, i sa kiɗa ɓi nah avra,
yo mupura daˀasay a sa kiɗam mi a wuzla kumo.
12Kuli dum miciɗa ti ciɗey ati kuli ɗuguroyo,
i sa ngurfo taŋ a sa soko taŋ asi ruwuy kum avra,
gwat kum migaka ti haŋ kumo, kisa hurkom a mbuŋ naŋ mata.
13Kuli ɓamtal kumoyo, i sa muɗa taŋ tisi ruwuy kumo avra,
yo i sa waha walahay kumoyo.
14Sukwi ngi mizli micinikiy mi ta na, i sa pula cuwala ar taŋ
ti mevel fõh fõh haɗa.
Currently Selected:
MISE 5: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
MISE 5
5
Buy miɓaka ɓi naŋ ɗaˀ le tuwa, a sa ɓo ti Betelyem
1Bumbulvuŋ a ɓi na: «Naka Betelyem, hirwuy Efrata,
ki walahay meciɗek wãˀ a wuzla walahay ngi muy ngi Zudahaya.
Amma mbur a sa bo tivi ka vur ya, ɓa a wa mizli Israyeleye.
Degezer naŋ, a zlo zle misi ngadana ta,
zle ngi sete.
2Vurˀe, Buymisemuŋ a sa pula Israyeleye mbak asi haŋ ngi mesene taŋhaya,
hã ngwas misi zuŋ a kwacay na, a yi ɗagay.
Akẽh na, sukum naŋhay mindiram na,
a sa jumom ng'avi Israyeley.
3Naŋ buy tuwa, a sa cici zlak, a jigina mizli naŋhaya,
ti gidaŋ ngi Bumbulvuŋ,
ti dudok ngi slimiɗ ngi Bumbulvuŋ, Buymisemuŋ naŋ.
Mizli naŋhay a sa cifam setette,
yo mizli a sa sinaka madiɗa naŋ na, hã a si diˀisi.
4Masa so ti zuy asi ruwuyo i naŋ vuna.
Da mizli Asirihey misa coko le asi hirwuy ndra,
ara zumaka hay ndraˀahaya na,
i sa cicam mijiginey tarnaˀ,
waɗ buy ngi mizli dangafaɗa,
ɓa a zliram dibiɗ ati taŋ.
5Taŋ, a sa waka hirwuy Asiri ti maslalam taŋhaya,
yo a sa waka hirwuy Nemroto ti gordo taŋhay.
Amma da Asirihey misa coko le asi hirwuy ndra,
yo taŋ misa coko le, hã ar maakway ndra na,
masa laha ndra i buy vuna.
Israyeley mindiram ti siifa a wuzla sukwi ngi mizli
6Akẽh na, Israyeley mindiram ti siifa na,
a sa tiram a wuzla mizli mihaɗahaya,
kaɓa wulngar Bumbulvuŋ magico di tos purla,
kaɓa yam ngi vuŋ maji avu giziŋ,
manja a kutuk ti vu mbur,
manja a njih hiri asi mbur titira.
7Akẽh na, Israyeley mindirama, a sa tiram
a wuzla sukwi mihaɗa, kaɓa mobor a wuzla gwat misahmi ngi ɓuhoy,
kaɓa zinga ngi mobor a wuzla tumuŋ gezleŋ taˀ.
Da naŋ mira cuh gar na, a ja gwata, a ngira,
amma ko mbur malaha ginewe gu ti vaˀa anta.
8Anja ki zuɓa haŋ ɗik ng'ar mizli mazliram ti ka ta na so,
yo anja ki ngizla mesene ɗikeye!
Gwat mizli majaham taŋ lambaˀ na, Bumbulvuŋ a sa susuyumo taŋ
9Bumbulvuŋ a ɓi:
«Tapasa,
i sa ngizla pilis kumoyo,
yo i sa ziza mota ngi vurum kumoy avra.
10I sa waha walahay ngi si ruwuy kumoy avra,
yo li kumoy ngi ndil ng'ar taŋ tuwaˀa, i sa mbizla taŋ avra.
11Ɓi ngi cucuk kumoy na, i sa kiɗa ɓi nah avra,
yo mupura daˀasay a sa kiɗam mi a wuzla kumo.
12Kuli dum miciɗa ti ciɗey ati kuli ɗuguroyo,
i sa ngurfo taŋ a sa soko taŋ asi ruwuy kum avra,
gwat kum migaka ti haŋ kumo, kisa hurkom a mbuŋ naŋ mata.
13Kuli ɓamtal kumoyo, i sa muɗa taŋ tisi ruwuy kumo avra,
yo i sa waha walahay kumoyo.
14Sukwi ngi mizli micinikiy mi ta na, i sa pula cuwala ar taŋ
ti mevel fõh fõh haɗa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.