LEVIHEY 16
16
Hin madiɗa ngi pula mungra
1Ti di numuŋ ada na, ziri ngi Aroŋhoy cuw a ram nga mbuŋ Bumbulvuŋ na, a micam. A dirba nah na, Bumbulvuŋ a ɓa Moyise: 2«Ɓa sukum ɗik Aroŋ na, zana minjar ngi wuɗuka wala ngi hay nga ya Bumbulvuŋ, ar li akoti ngi jumoˀay ati mi naŋ mitiɗeˀ anga na, anja a tuwuɗ ng'ara pas wanaka gar ta. Da kanah na, naɓa ti ya masa bugo vu ar musure ngi gazlavay na, naŋ anta sa muc ta.
3Da Aroŋ ara ru ng'ar hay nga ya Buymisemuŋ na, gwat naŋ maru di a haŋ ani: gusoŋ hĩˀĩ ngi gi mikuli ngi pula mungra, waɗ zlengerek ngi gi mikuli mizlam zlam wãˀ. 4A ki jibe ngi gabaga mislirkeɗ, gejere ngi gabaga mislirkeɗ, a juwa vu hirlak ti kanda ngi gabaga mislirkeɗ, waɗ a tuwuɗa hirnga ti loppol ngi gabaga mislirkeɗ. Hanayna gar na, i zana ngi mezegweley, vurˀe, ɓa a ka taŋ na, sey a bun ceɗ ceɗ le. 5Israyeley jom gar taŋ, a vulakaŋ bazuwayay cuw, hĩˀĩ ngi gi mikuli ngi pula mungra, waɗ zlengerek purla ngi gi mikuli mizlam zlam wãˀ.
6Akẽh na, Aroŋ a vul gusoŋ hĩˀĩ ngi gi mikuli ngi pula mungra ngi hirnga naŋ, yo a ga mezegwel ngi vula jiviɗ ngi pula mungra nga naŋ vuna waɗ ngi mizli ngi hay naŋhaya. 7A hila bazuwayay mucuw tuwa, aru taŋ nga mbuŋ ɗu, ya Bumbulvuŋ, a mizlingre guɗuk ngi zlir ti ya. 8Akẽh na, Aroŋ a gi ceregezleŋ ar bazuwayay mucuw tuwa, ɓa ngi biga bazuway nga ya Bumbulvuŋ waɗ ngi Azazele#16.8 Azazel i slimiɗ ngi setene macifi ar li papala . 9Bazuway, ceregezleŋ midiɗ anga ngi biga inga ya Bumbulvuŋ tuwa, Aroŋ a gi di mikuli ngi pula mungra. 10Amma bazuway, ceregezleŋ midiɗ anga ngi biga i ngi Azazel na ya kwana, a soko di titiri kine, deŋ a mbuŋ ɗu, ɓa a gaka mezegwel ngi vula jiviɗ ngi pula mungra a hirnga naŋ, a slinam di da Azazel nga wuzlaɓuh.
11Akẽh na, Aroŋ a gi mikuli ti gusoŋ ngi pula mungra ngi hirnga naŋ tuwa, a ga mezegwel ngi vula jiviɗ ngi pula mungra nga naŋ ati ngi mizli ngi hay naŋhaya. A dirba naŋ misla ˀay ngi gusoŋ ngi gi mikuli ngi pula mungra ngi hirnga naŋ tuwa le na, 12a zuɓ taasa meciɗek, mbaf ti zayvu munjulili ngir li gi mikuli a mbuŋ ɗu, ya Bumbulvuŋ waɗ urdi hapa hapa, ngi zlum ti zlum ngbal ngbal haŋ cuw, aru di nga duba zana minjar tuwa. 13A pa urdi tuwa ng'ar vu a mbuŋ ɗu, joˀ musure ngi gazlavay a sirta mi ngi akoti ngi jumoˀay mitiɗeˀ ar akoti vuna. Kanah so na, Aroŋ anta sa muc ta. 14Akẽh na, a ca muzuŋ haŋ yop ar pumbus ngi gusoŋ tuwa, a kuca mivay ngi mi ngi akoti, kini tir vay ngisi pas ngi mipriki naŋ, yo waɗ a kuca pumbuso is tarnaˀ a mbuŋ mi ngi akoti tuwa. 15Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ. 16Naŋ kine, Aroŋ a ga mezegwel ar hay nga ya Bumbulvuŋ, ngi vula jiviɗ ngi zuɓa dili ati slikiɗa ɓi ngi Israyeleye, mbiɗeˀvra, mungra taŋ migaka gar, waɗ a ga mezegwele kanah ma, ar guɗuk ngi zlir ti ya, misi a wuzla mizli misi dilihey na. 17Hirak ti Aroŋ maci nga ga mezegwel ngi vula jiviɗ ngi pula mungra, ar hay nga ya Bumbulvuŋ na, mbur anta ndir purla le ar guɗuk ngi zlir ti ya na ta, sey da naŋ mubo le a muŋ far. A dirba naŋ miga mezegwel ngi vula jiviɗ ngi pula mungra ngi hirnga naŋ le, ngi mizli ngi hay naŋhay, waɗ ngi mizli Israyeley jom gar na le na, 18a bo tir guɗuko, aru ng'avi li gi mikuli misi a mbuŋ ɗu, ya Bumbulvuŋ, a ga mezegwel ngi vula jiviɗ ngi pula mungra a hirnga li gi mikuli tuwa. A zuɓa pumbus ngi gusoŋ ati ngi bazuwaya, a ga da mivay ngi li gi mikuli muyoŋ yoŋ kaɓa durumoy tuwa gun gun zlar. 19A ca muzuŋ haŋ yop ar pumbuso, a kuca da li gi mikuli tuwa kwic kwic is tarnaˀa. Naŋ mazuɓa hiryi ngi Israyeley avra, yo naŋ matiri taŋ pal na, naŋ kahana.
20A dirba naŋ mikiɗa mi ngi mezegwel ngi vula jiviɗ ngi pula mungra ngi hay nga ya Bumbulvuŋ, ngi guɗuk ngi zlir ti ya na le, waɗ ngi li gi mikuli le na, a so ti bazuwaya titiri naŋ kine. 21Aroŋ a pa haŋhaya sek a hirnga bazuway misi titiri tuwa. Akẽh na, malambaˀ ngi Israyeley gar, slikiɗa ɓi taŋ, mbiɗeˀvra, mungra taŋ migaka gar na, Aroŋ a slufa taŋ nga hirnga bazuwaya, ɓa a jijira taŋ. A dirba nah, a ɓa mbur muwuna hĩˀĩ, ɓa a ɓula nga wuzlaɓuh mikirɗak kirɗaka. 22Bazuway a jijira mungra taŋhaya gar ng'ar li mikirɗak kirɗaka. Ti naŋ muɓula bazuwaya le ɓak ɓak nga wuzlaɓuh na, 23Aroŋ aru ng'ar guɗuk ngi zlir ti ya. Zana ngi gugumayay mislirkeɗ, naŋ mika taŋ ɓa ngi ci ng'ar hay nga ya Bumbulvuŋ tuwa na, a cuko taŋ avra, a pa taŋ sek a diga. 24A bun angi li mipal, a ka zana naŋ mekelemey a muŋ. A bi, dar a ga mikuli ngi zlum ti zlumoy mucuw tuwa, pal vur hirnga naŋ, pal numuŋ vur mizli Israyeley gar, waɗ a ga mezegwel ngi pula mungra nga naŋ ati ngi mizli Israyeleye. 25A dirba nah, a wura mungul ngi ginew tayna ngi pula mungra ar li gi mikuli.
26Mbur muɓula bazuway da Azazel tuwa, ɓa a sa ci ng'ar walahay guɗuko na, sey a buna zana naŋhaya ceɗ ceɗ le, yo naŋ vuna a bun kwaɗay far. 27Gusoŋ ati bazuway migam taŋ mikuli ngi pula mungra tuwa, yo taŋ miram ti pumbus taŋ ng'ar hay nga ya Bumbulvuŋ, ɓa ngi gi mezegwel ngi vula jiviɗ ngi pula mungra tuwa na, a jijiraka taŋ nga duba gala, a zlumaka garak taŋhay ati useˀ taŋhay waɗ hur kwacay taŋhaya zlam zlam wãˀ. 28Mbur muzluma gwat tayna, ɓa a sa ci ng'ar walahay guɗuko na, sey a buna zana naŋhaya ceɗ ceɗ le, yo naŋ vuna a bun kwaɗay far.
29Ɓimujuwa vur kum ngi set ani: angi hin mukuruˀ ngi kiya mitarnaˀ naŋ na, ki gam dalyam, ko ki gam slra neˀ tapasa ta, kum Israyeley ati moholoy ngi wuzla kumoyo. 30Asi mike na, tapas nah, a sa gam mezegwel ar kumo ngi vula jiviɗ ngi pula mungra, mazuɓa dili kumoyo. Joˀ kisa ndiram manja dili a mbuŋ ɗu, ya Bumbulvuŋ, mungra anta ko neˀ avu kumo mata. 31A sa gi i hin ngi sabat, hin ngi musuka vu, ngi gi dalyam tapasa. I ɓimujuwa mandir ngi caˀa avu kumo.
32Masay masa pakaŋ mal ngi vula slra, yo masa cufakaŋ ar li ngi cine ɓa ngi gi mikuli na, nga mbuŋ masa ga mezegweley ngi vula jiviɗ ngi pula mungra na i naŋ. A sa ka zana ngi gugumay mislirkeɗey, zana ngi mezegweleye, 33ɓa ngi gi mezegwel ngi vula jiviɗ vur li mipal wãˀ, vur guɗuk ngi zlir ti ya, vur li gi mikuli, yo a ga mezegwel vur pula mungra ngi masayay, waɗ ar Israyeley mukusomo gar.
34A sa gi i ɓimujuwa vur kumo ngi caˀa, kisa gaka mezegwel ngi vula jiviɗ ngi pula mungra hana is purla vur vi gar, ngi pula mungra ngi Israyeley migaka le gar.
Ɓi Bumbulvuŋ muɗuva da Moyis gar na, Aroŋ a ga taŋ le tiɗeˀe.
Currently Selected:
LEVIHEY 16: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
LEVIHEY 16
16
Hin madiɗa ngi pula mungra
1Ti di numuŋ ada na, ziri ngi Aroŋhoy cuw a ram nga mbuŋ Bumbulvuŋ na, a micam. A dirba nah na, Bumbulvuŋ a ɓa Moyise: 2«Ɓa sukum ɗik Aroŋ na, zana minjar ngi wuɗuka wala ngi hay nga ya Bumbulvuŋ, ar li akoti ngi jumoˀay ati mi naŋ mitiɗeˀ anga na, anja a tuwuɗ ng'ara pas wanaka gar ta. Da kanah na, naɓa ti ya masa bugo vu ar musure ngi gazlavay na, naŋ anta sa muc ta.
3Da Aroŋ ara ru ng'ar hay nga ya Buymisemuŋ na, gwat naŋ maru di a haŋ ani: gusoŋ hĩˀĩ ngi gi mikuli ngi pula mungra, waɗ zlengerek ngi gi mikuli mizlam zlam wãˀ. 4A ki jibe ngi gabaga mislirkeɗ, gejere ngi gabaga mislirkeɗ, a juwa vu hirlak ti kanda ngi gabaga mislirkeɗ, waɗ a tuwuɗa hirnga ti loppol ngi gabaga mislirkeɗ. Hanayna gar na, i zana ngi mezegweley, vurˀe, ɓa a ka taŋ na, sey a bun ceɗ ceɗ le. 5Israyeley jom gar taŋ, a vulakaŋ bazuwayay cuw, hĩˀĩ ngi gi mikuli ngi pula mungra, waɗ zlengerek purla ngi gi mikuli mizlam zlam wãˀ.
6Akẽh na, Aroŋ a vul gusoŋ hĩˀĩ ngi gi mikuli ngi pula mungra ngi hirnga naŋ, yo a ga mezegwel ngi vula jiviɗ ngi pula mungra nga naŋ vuna waɗ ngi mizli ngi hay naŋhaya. 7A hila bazuwayay mucuw tuwa, aru taŋ nga mbuŋ ɗu, ya Bumbulvuŋ, a mizlingre guɗuk ngi zlir ti ya. 8Akẽh na, Aroŋ a gi ceregezleŋ ar bazuwayay mucuw tuwa, ɓa ngi biga bazuway nga ya Bumbulvuŋ waɗ ngi Azazele#16.8 Azazel i slimiɗ ngi setene macifi ar li papala . 9Bazuway, ceregezleŋ midiɗ anga ngi biga inga ya Bumbulvuŋ tuwa, Aroŋ a gi di mikuli ngi pula mungra. 10Amma bazuway, ceregezleŋ midiɗ anga ngi biga i ngi Azazel na ya kwana, a soko di titiri kine, deŋ a mbuŋ ɗu, ɓa a gaka mezegwel ngi vula jiviɗ ngi pula mungra a hirnga naŋ, a slinam di da Azazel nga wuzlaɓuh.
11Akẽh na, Aroŋ a gi mikuli ti gusoŋ ngi pula mungra ngi hirnga naŋ tuwa, a ga mezegwel ngi vula jiviɗ ngi pula mungra nga naŋ ati ngi mizli ngi hay naŋhaya. A dirba naŋ misla ˀay ngi gusoŋ ngi gi mikuli ngi pula mungra ngi hirnga naŋ tuwa le na, 12a zuɓ taasa meciɗek, mbaf ti zayvu munjulili ngir li gi mikuli a mbuŋ ɗu, ya Bumbulvuŋ waɗ urdi hapa hapa, ngi zlum ti zlum ngbal ngbal haŋ cuw, aru di nga duba zana minjar tuwa. 13A pa urdi tuwa ng'ar vu a mbuŋ ɗu, joˀ musure ngi gazlavay a sirta mi ngi akoti ngi jumoˀay mitiɗeˀ ar akoti vuna. Kanah so na, Aroŋ anta sa muc ta. 14Akẽh na, a ca muzuŋ haŋ yop ar pumbus ngi gusoŋ tuwa, a kuca mivay ngi mi ngi akoti, kini tir vay ngisi pas ngi mipriki naŋ, yo waɗ a kuca pumbuso is tarnaˀ a mbuŋ mi ngi akoti tuwa. 15Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ. 16Naŋ kine, Aroŋ a ga mezegwel ar hay nga ya Bumbulvuŋ, ngi vula jiviɗ ngi zuɓa dili ati slikiɗa ɓi ngi Israyeleye, mbiɗeˀvra, mungra taŋ migaka gar, waɗ a ga mezegwele kanah ma, ar guɗuk ngi zlir ti ya, misi a wuzla mizli misi dilihey na. 17Hirak ti Aroŋ maci nga ga mezegwel ngi vula jiviɗ ngi pula mungra, ar hay nga ya Bumbulvuŋ na, mbur anta ndir purla le ar guɗuk ngi zlir ti ya na ta, sey da naŋ mubo le a muŋ far. A dirba naŋ miga mezegwel ngi vula jiviɗ ngi pula mungra ngi hirnga naŋ le, ngi mizli ngi hay naŋhay, waɗ ngi mizli Israyeley jom gar na le na, 18a bo tir guɗuko, aru ng'avi li gi mikuli misi a mbuŋ ɗu, ya Bumbulvuŋ, a ga mezegwel ngi vula jiviɗ ngi pula mungra a hirnga li gi mikuli tuwa. A zuɓa pumbus ngi gusoŋ ati ngi bazuwaya, a ga da mivay ngi li gi mikuli muyoŋ yoŋ kaɓa durumoy tuwa gun gun zlar. 19A ca muzuŋ haŋ yop ar pumbuso, a kuca da li gi mikuli tuwa kwic kwic is tarnaˀa. Naŋ mazuɓa hiryi ngi Israyeley avra, yo naŋ matiri taŋ pal na, naŋ kahana.
20A dirba naŋ mikiɗa mi ngi mezegwel ngi vula jiviɗ ngi pula mungra ngi hay nga ya Bumbulvuŋ, ngi guɗuk ngi zlir ti ya na le, waɗ ngi li gi mikuli le na, a so ti bazuwaya titiri naŋ kine. 21Aroŋ a pa haŋhaya sek a hirnga bazuway misi titiri tuwa. Akẽh na, malambaˀ ngi Israyeley gar, slikiɗa ɓi taŋ, mbiɗeˀvra, mungra taŋ migaka gar na, Aroŋ a slufa taŋ nga hirnga bazuwaya, ɓa a jijira taŋ. A dirba nah, a ɓa mbur muwuna hĩˀĩ, ɓa a ɓula nga wuzlaɓuh mikirɗak kirɗaka. 22Bazuway a jijira mungra taŋhaya gar ng'ar li mikirɗak kirɗaka. Ti naŋ muɓula bazuwaya le ɓak ɓak nga wuzlaɓuh na, 23Aroŋ aru ng'ar guɗuk ngi zlir ti ya. Zana ngi gugumayay mislirkeɗ, naŋ mika taŋ ɓa ngi ci ng'ar hay nga ya Bumbulvuŋ tuwa na, a cuko taŋ avra, a pa taŋ sek a diga. 24A bun angi li mipal, a ka zana naŋ mekelemey a muŋ. A bi, dar a ga mikuli ngi zlum ti zlumoy mucuw tuwa, pal vur hirnga naŋ, pal numuŋ vur mizli Israyeley gar, waɗ a ga mezegwel ngi pula mungra nga naŋ ati ngi mizli Israyeleye. 25A dirba nah, a wura mungul ngi ginew tayna ngi pula mungra ar li gi mikuli.
26Mbur muɓula bazuway da Azazel tuwa, ɓa a sa ci ng'ar walahay guɗuko na, sey a buna zana naŋhaya ceɗ ceɗ le, yo naŋ vuna a bun kwaɗay far. 27Gusoŋ ati bazuway migam taŋ mikuli ngi pula mungra tuwa, yo taŋ miram ti pumbus taŋ ng'ar hay nga ya Bumbulvuŋ, ɓa ngi gi mezegwel ngi vula jiviɗ ngi pula mungra tuwa na, a jijiraka taŋ nga duba gala, a zlumaka garak taŋhay ati useˀ taŋhay waɗ hur kwacay taŋhaya zlam zlam wãˀ. 28Mbur muzluma gwat tayna, ɓa a sa ci ng'ar walahay guɗuko na, sey a buna zana naŋhaya ceɗ ceɗ le, yo naŋ vuna a bun kwaɗay far.
29Ɓimujuwa vur kum ngi set ani: angi hin mukuruˀ ngi kiya mitarnaˀ naŋ na, ki gam dalyam, ko ki gam slra neˀ tapasa ta, kum Israyeley ati moholoy ngi wuzla kumoyo. 30Asi mike na, tapas nah, a sa gam mezegwel ar kumo ngi vula jiviɗ ngi pula mungra, mazuɓa dili kumoyo. Joˀ kisa ndiram manja dili a mbuŋ ɗu, ya Bumbulvuŋ, mungra anta ko neˀ avu kumo mata. 31A sa gi i hin ngi sabat, hin ngi musuka vu, ngi gi dalyam tapasa. I ɓimujuwa mandir ngi caˀa avu kumo.
32Masay masa pakaŋ mal ngi vula slra, yo masa cufakaŋ ar li ngi cine ɓa ngi gi mikuli na, nga mbuŋ masa ga mezegweley ngi vula jiviɗ ngi pula mungra na i naŋ. A sa ka zana ngi gugumay mislirkeɗey, zana ngi mezegweleye, 33ɓa ngi gi mezegwel ngi vula jiviɗ vur li mipal wãˀ, vur guɗuk ngi zlir ti ya, vur li gi mikuli, yo a ga mezegwel vur pula mungra ngi masayay, waɗ ar Israyeley mukusomo gar.
34A sa gi i ɓimujuwa vur kumo ngi caˀa, kisa gaka mezegwel ngi vula jiviɗ ngi pula mungra hana is purla vur vi gar, ngi pula mungra ngi Israyeley migaka le gar.
Ɓi Bumbulvuŋ muɗuva da Moyis gar na, Aroŋ a ga taŋ le tiɗeˀe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.