MIGI KIITAHAY Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewol Migi Kiitahay na, a ɓi di ɓi ngi vi mutuwaˀ migi avu Israyeley, a zli zle avu cifi taŋ a Kanaˀan hã sesẽŋ avu taŋ misa zumam buy. Ɓi mupuɗaw ngi ra, a ɓi di ɓi ngi gwat madiɗahay migam malla maɓam neˀ vur siifa ngi «migi kiitahay» vuna. Slimiɗ ngi ɗerewol hana, a bo ti vaˀa. Migi kiitahay na, i mizli misi gidaŋ taŋ ngi wi mizli, a bo tivi Buymisemuŋ, a ɓi ɓi ngi gwatay haɗi, anta i ɓi ngi kiita pal ta. Mizli tayna, pas mekeleme, i miwi mizli, malla ngi laha suwki purla malla sukwihey mbeˀ mbeˀ misi ɓi mutuwaˀ a luuma taŋ le. Ɗerewol Migi Kiitahay a wuɗuk a wuzla makir: Mudumbuŋ a ɓi ɓi ngi cifi ngi Israyeley a Kanaˀan hã avu muc ngi Zozuwe (1.1-2.1 0). Mucuw naŋ, a ɓi ɓi ngi Buymisemuŋ milaha sukwi naŋ, a wini mizli, yo a slin mizli, taŋ a gaka slra ngi laha vu le gisiŋ gisiŋ (2.1 1-16.3 1). Mimakir naŋ, a ɓi ɓi ngi Israyeley mazumam buy t'aruŋ, a gam lambaˀ lambaˀ sar cuw (Sap. 17-21) Ar ɗerewol migi kiitahay na, gwat magi avu Israyel gar na, a gi avu jum taŋ ati Buymisemuŋ. Da a gi le taŋ teŋteŋ avu Buymisemuŋ ta na, naɓa mizli ngi digahay malla midigwi taŋhay a guzuvuraka taŋ, amma da taŋ mumoko le ng'avu Buymisemuŋ, a zilakaŋ le ɓa a kilo widi taŋ na, Buymisemuŋ a laha taŋ. Israyeley anta pulaka huruk huruk a mbuŋ kuli ngi Kanaˀanaya mbak le ta malla a gam ti Buymisemuŋ asi wuɗ nga taŋ ngbaŋ (Sap. 17-18), malla ta ma na, a puyukom hirnga ti gwat ngi gi taŋ (Sap. 19-21). Dara gam kanah, da Buymisemuŋ a kilo widi taŋ ta na, naɓa a zizam le wãˀ. Vay mimakir naŋ ngi ɗerewol hana, a biga le njah wãˀ, Israyeleye, da Buymisemuŋ a pula taŋ le mbak a gam na, a sa tiram mike. A biga avu mizli ngi Buymisemuŋhoyo, cufuɗ mindir avu taŋ i hana: Da mbak taŋ na, a wuɗam ɓa mawa taŋ i waka?»
Currently Selected:
MIGI KIITAHAY Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
MIGI KIITAHAY Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewol Migi Kiitahay na, a ɓi di ɓi ngi vi mutuwaˀ migi avu Israyeley, a zli zle avu cifi taŋ a Kanaˀan hã sesẽŋ avu taŋ misa zumam buy. Ɓi mupuɗaw ngi ra, a ɓi di ɓi ngi gwat madiɗahay migam malla maɓam neˀ vur siifa ngi «migi kiitahay» vuna. Slimiɗ ngi ɗerewol hana, a bo ti vaˀa. Migi kiitahay na, i mizli misi gidaŋ taŋ ngi wi mizli, a bo tivi Buymisemuŋ, a ɓi ɓi ngi gwatay haɗi, anta i ɓi ngi kiita pal ta. Mizli tayna, pas mekeleme, i miwi mizli, malla ngi laha suwki purla malla sukwihey mbeˀ mbeˀ misi ɓi mutuwaˀ a luuma taŋ le. Ɗerewol Migi Kiitahay a wuɗuk a wuzla makir: Mudumbuŋ a ɓi ɓi ngi cifi ngi Israyeley a Kanaˀan hã avu muc ngi Zozuwe (1.1-2.1 0). Mucuw naŋ, a ɓi ɓi ngi Buymisemuŋ milaha sukwi naŋ, a wini mizli, yo a slin mizli, taŋ a gaka slra ngi laha vu le gisiŋ gisiŋ (2.1 1-16.3 1). Mimakir naŋ, a ɓi ɓi ngi Israyeley mazumam buy t'aruŋ, a gam lambaˀ lambaˀ sar cuw (Sap. 17-21) Ar ɗerewol migi kiitahay na, gwat magi avu Israyel gar na, a gi avu jum taŋ ati Buymisemuŋ. Da a gi le taŋ teŋteŋ avu Buymisemuŋ ta na, naɓa mizli ngi digahay malla midigwi taŋhay a guzuvuraka taŋ, amma da taŋ mumoko le ng'avu Buymisemuŋ, a zilakaŋ le ɓa a kilo widi taŋ na, Buymisemuŋ a laha taŋ. Israyeley anta pulaka huruk huruk a mbuŋ kuli ngi Kanaˀanaya mbak le ta malla a gam ti Buymisemuŋ asi wuɗ nga taŋ ngbaŋ (Sap. 17-18), malla ta ma na, a puyukom hirnga ti gwat ngi gi taŋ (Sap. 19-21). Dara gam kanah, da Buymisemuŋ a kilo widi taŋ ta na, naɓa a zizam le wãˀ. Vay mimakir naŋ ngi ɗerewol hana, a biga le njah wãˀ, Israyeleye, da Buymisemuŋ a pula taŋ le mbak a gam na, a sa tiram mike. A biga avu mizli ngi Buymisemuŋhoyo, cufuɗ mindir avu taŋ i hana: Da mbak taŋ na, a wuɗam ɓa mawa taŋ i waka?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.