OZE 2
2
Bumbulvuŋ misina Zuda ati Israyel i mizli naŋhay
1Israyeley a sa sikam kaɓa muyuŋ a mi mubuliy,
weˀ ti hiri, taŋ kini na, a wi ta, a slufam ta ma.
Hin a sa ndilawa, ɓa Buymisemuŋ a sa ɓa taŋ:
«Kum i mizli ɗuwoy ta» jak ma na,
a sa zila taŋ: «Ziri ngi Buymisemuŋ misi ti siifahay» jaka.
2Mizli Zudahay ati Israyeley, a sa kusom,
a sa zuɓam buyo purla,
a sa waka hirwuyo
asi a sa gi i hin madiɗa ngi Zizreyel.
3Ɓaka sukum kum mizileheye na: «Mizli ɗuwoy»,
yo sukum kum mongosohoyo ɓaka taŋ: «mawuɗam taŋ haɗa».
Israyel a puyuk ti buy naŋ le kaɓa ngwas miteŋteŋ ta
4Israyeley, gaka kiita da mumuŋ kum na, gakaŋ kiita,
asi naŋ i ngwas ɗu ta,
yo ya kwana, yi zil naŋ ta.
Gwat mabiga naŋ i ngwas sulome na, anja a hiziga ti mihiri naŋ kileŋ avra,
yo gwat misi ar wala ngi ɗuwa naŋhay, mabiga naŋ i ngwas migi madama na, anja a hiziga kileŋ avra.
5Da kanah ta na, i sa cukoŋ zanahaya, i pulaŋ gulndiŋ kine,
i sa pulaŋ gulndiŋ kaɓa tapas hin ngi yi naŋ,
i sa tiri di kaɓa ɓuh mikirɗak kirɗaka,
i sa tiri di li mumuˀulo,
i sa pulaŋ ɓa a muc ti madalyam.
6Y'anta sa wuɗ ziri naŋhaya ta,
asi i ziri ngi ngwas sulome.
7Gisiŋ, mumuŋ taŋ a gi sulome le,
ngwas miyi taŋ a gi gwat ngi mesem le,
asi a ɓi zleˀe na:
«Yi wuɗ kil gizirihhe asi mangasl ɗuwoy,
mavulikiy ɗaf ati yam ngi si,
ngwic ngi tumuŋ ati gugumay mislirkeɗ waɗ mal ati gwat ngi si, i taŋ.»
8Vurˀe, i sa disla jiviɗ ɗike ti hadaw,
i sa tika ti gwat kilak,
ko naŋ anta sa luuma li ngi cuh naŋ na mata.
9A sa kil asi mangasl naŋhaya,
amma ko naŋ anta sa ndila taŋ ta.
A sa sipa taŋ bal bal,
ko a luuma taŋ ta.
Joˀ a sa ɓi:
«I sa mi ngi hay zil ɗu mudumbuŋ a muŋ,
asi i ra mumul zleˀe fineˀ misi wurenna.»
10Alkamari ati mbaazla si, waɗ mal muɗuco wureˀe,
mavulaŋ taŋ i ya na, a sla wala naŋ ta.
I vulaŋ ɓiri bara ati ɓiri tapasl tapasla le haɗa,
a gam taŋ slra da kuli Baˀal.
11Vurˀe, yi sa ra tiɓa alkamari ɗu ar hin naŋ,
mbaazla si ɗu, ar sifi naŋ.
Ngwic ɗu ngi tumuŋ ati gugumay ɗu mislirkeɗ
maɗumokoŋ mesem na,
i sa ra tiɓa taŋ.
12Wurenna, gwat ngi mesem naŋhaya, i ra njika taŋ a mihiri ngi mangasl naŋhay,
yo ko mbur loŋ masa lahaŋ tisi haŋ ɗu gu anta.
13Cira hiri naŋ gar, muguzlum naŋhay, ngi kiyakaˀ ati sabat naŋhay,
waɗ kus naŋhay ngi wuzla mizli,
yi sa ga ɓa a kiɗam mi.
14Guva ngi gudubun ati ngi uruf naŋhay, naŋ maɓi:
«Puraka migir ɗu, mangasl ɗuwoy mivilikiy di tuwa.»
Na yi sa tiri di kalaf tikiɗif,
joˀ gwat misãmi ngi ɓuhoy a sa tiram di gwat ngi zum taŋ.
15Hin ngi naŋ mawur taŋ gwat ngi mikulihey da Baˀal na,
i sa ɓaŋ ɓa a slufa ɓi nah:
Ti di nah, a ɗiyi vu ti dangwa ati gwat ngi wuyahay,
aru ti kil asi mangasl naŋhay,
na ya so na, a puyuk ti ya hirnga ɓula. I Buymisemuŋ miɓa.
16Naŋ kine, i ya masaka mi naŋ,
i sa ru di nga wuzlaɓuh mikirɗak kirɗak,
i sa ɓaŋ ɓi ar mevele.
17Ar nah so na, i sa maŋ ti guva ngi gudubun naŋ a muŋ,
sozo ngi hiryi a Akor,
i sa tiri di miviŋ ngi njaha hiri,
a sa mahiri ngi gwat ngi gi naŋhay kaɓa ar hin ngi diili naŋ,
kaɓa ar hin ngi naŋ mubo ti Ezipte.
Hin ngi ɗiya ɓi
18Bumbulvuŋ a ɓi na:
«Tapas nah,
Israyel a sa ziliy ‹zil ɗu›,
naŋ anta sa ziliy ‹Baˀal, Buy ɗu› kini mata.
19Slimiɗ ngi Baˀal vuna,
i sa ɓula kileŋ ar mingiɓi naŋ avra,
kuli misi kaɓa tayna, anta sa zilaka slimiɗ taŋ neˀ mata.
20Ti hin nah, i sa ɗiyi ɓi ngi jumoˀay ati mizli ɗuwoyo
ati gwat misahmi ngi ɓuhoy ati ɗiyuwoy maslikiɗam a muŋ, waɗ gwat makurmuɗom ti kwacayay.
lek, maslalam ati gwat ngi vurumoy na,
i sa ngila taŋ, a sa gi anta asi ruwuyo mata,
i sa ga ɓa mizli ngi si ruwuyoy a hinjam zuy zuy.
21Israyel, i sa gi ti ka mangasl ɗu ngi wãˀa.
I sa gi ti ka mangasl da ya,
ti gi jeŋ, ti gi gwat mikasl kasl,
ti wuɗa vu waɗ ti mevel mezleŋ.
22I sa gi ti ka mangasl da ya ti gi teŋteŋ,
joˀ kisa si na Bumbulvuŋ.
23Tapasa, i sa mbiɗi mi.
I ya Bumbulvuŋ miɓa.
I sa mbiɗa mi da muŋ makutuk gwata,
yo muŋ kwana a sa mbiɗi mi da ruwuy makutuk gwata.
24Hirwuyo a sa ga
ɓa alkamari, mbaazla si, ati mal muɗuco wureˀ a gam,
Zizreyel kwana, a sa gi taŋ gwat naŋ makutuko.
25I sa cifa Zizreyel asi ruwuyo
yo i sa wuɗa Lo-ruhama,
yi sa ɓa Lo-Ami: «Ki mbur ɗu»
naŋ a sa ɓiy: «Buymisemuŋ ɗu.»
Currently Selected:
OZE 2: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
OZE 2
2
Bumbulvuŋ misina Zuda ati Israyel i mizli naŋhay
1Israyeley a sa sikam kaɓa muyuŋ a mi mubuliy,
weˀ ti hiri, taŋ kini na, a wi ta, a slufam ta ma.
Hin a sa ndilawa, ɓa Buymisemuŋ a sa ɓa taŋ:
«Kum i mizli ɗuwoy ta» jak ma na,
a sa zila taŋ: «Ziri ngi Buymisemuŋ misi ti siifahay» jaka.
2Mizli Zudahay ati Israyeley, a sa kusom,
a sa zuɓam buyo purla,
a sa waka hirwuyo
asi a sa gi i hin madiɗa ngi Zizreyel.
3Ɓaka sukum kum mizileheye na: «Mizli ɗuwoy»,
yo sukum kum mongosohoyo ɓaka taŋ: «mawuɗam taŋ haɗa».
Israyel a puyuk ti buy naŋ le kaɓa ngwas miteŋteŋ ta
4Israyeley, gaka kiita da mumuŋ kum na, gakaŋ kiita,
asi naŋ i ngwas ɗu ta,
yo ya kwana, yi zil naŋ ta.
Gwat mabiga naŋ i ngwas sulome na, anja a hiziga ti mihiri naŋ kileŋ avra,
yo gwat misi ar wala ngi ɗuwa naŋhay, mabiga naŋ i ngwas migi madama na, anja a hiziga kileŋ avra.
5Da kanah ta na, i sa cukoŋ zanahaya, i pulaŋ gulndiŋ kine,
i sa pulaŋ gulndiŋ kaɓa tapas hin ngi yi naŋ,
i sa tiri di kaɓa ɓuh mikirɗak kirɗaka,
i sa tiri di li mumuˀulo,
i sa pulaŋ ɓa a muc ti madalyam.
6Y'anta sa wuɗ ziri naŋhaya ta,
asi i ziri ngi ngwas sulome.
7Gisiŋ, mumuŋ taŋ a gi sulome le,
ngwas miyi taŋ a gi gwat ngi mesem le,
asi a ɓi zleˀe na:
«Yi wuɗ kil gizirihhe asi mangasl ɗuwoy,
mavulikiy ɗaf ati yam ngi si,
ngwic ngi tumuŋ ati gugumay mislirkeɗ waɗ mal ati gwat ngi si, i taŋ.»
8Vurˀe, i sa disla jiviɗ ɗike ti hadaw,
i sa tika ti gwat kilak,
ko naŋ anta sa luuma li ngi cuh naŋ na mata.
9A sa kil asi mangasl naŋhaya,
amma ko naŋ anta sa ndila taŋ ta.
A sa sipa taŋ bal bal,
ko a luuma taŋ ta.
Joˀ a sa ɓi:
«I sa mi ngi hay zil ɗu mudumbuŋ a muŋ,
asi i ra mumul zleˀe fineˀ misi wurenna.»
10Alkamari ati mbaazla si, waɗ mal muɗuco wureˀe,
mavulaŋ taŋ i ya na, a sla wala naŋ ta.
I vulaŋ ɓiri bara ati ɓiri tapasl tapasla le haɗa,
a gam taŋ slra da kuli Baˀal.
11Vurˀe, yi sa ra tiɓa alkamari ɗu ar hin naŋ,
mbaazla si ɗu, ar sifi naŋ.
Ngwic ɗu ngi tumuŋ ati gugumay ɗu mislirkeɗ
maɗumokoŋ mesem na,
i sa ra tiɓa taŋ.
12Wurenna, gwat ngi mesem naŋhaya, i ra njika taŋ a mihiri ngi mangasl naŋhay,
yo ko mbur loŋ masa lahaŋ tisi haŋ ɗu gu anta.
13Cira hiri naŋ gar, muguzlum naŋhay, ngi kiyakaˀ ati sabat naŋhay,
waɗ kus naŋhay ngi wuzla mizli,
yi sa ga ɓa a kiɗam mi.
14Guva ngi gudubun ati ngi uruf naŋhay, naŋ maɓi:
«Puraka migir ɗu, mangasl ɗuwoy mivilikiy di tuwa.»
Na yi sa tiri di kalaf tikiɗif,
joˀ gwat misãmi ngi ɓuhoy a sa tiram di gwat ngi zum taŋ.
15Hin ngi naŋ mawur taŋ gwat ngi mikulihey da Baˀal na,
i sa ɓaŋ ɓa a slufa ɓi nah:
Ti di nah, a ɗiyi vu ti dangwa ati gwat ngi wuyahay,
aru ti kil asi mangasl naŋhay,
na ya so na, a puyuk ti ya hirnga ɓula. I Buymisemuŋ miɓa.
16Naŋ kine, i ya masaka mi naŋ,
i sa ru di nga wuzlaɓuh mikirɗak kirɗak,
i sa ɓaŋ ɓi ar mevele.
17Ar nah so na, i sa maŋ ti guva ngi gudubun naŋ a muŋ,
sozo ngi hiryi a Akor,
i sa tiri di miviŋ ngi njaha hiri,
a sa mahiri ngi gwat ngi gi naŋhay kaɓa ar hin ngi diili naŋ,
kaɓa ar hin ngi naŋ mubo ti Ezipte.
Hin ngi ɗiya ɓi
18Bumbulvuŋ a ɓi na:
«Tapas nah,
Israyel a sa ziliy ‹zil ɗu›,
naŋ anta sa ziliy ‹Baˀal, Buy ɗu› kini mata.
19Slimiɗ ngi Baˀal vuna,
i sa ɓula kileŋ ar mingiɓi naŋ avra,
kuli misi kaɓa tayna, anta sa zilaka slimiɗ taŋ neˀ mata.
20Ti hin nah, i sa ɗiyi ɓi ngi jumoˀay ati mizli ɗuwoyo
ati gwat misahmi ngi ɓuhoy ati ɗiyuwoy maslikiɗam a muŋ, waɗ gwat makurmuɗom ti kwacayay.
lek, maslalam ati gwat ngi vurumoy na,
i sa ngila taŋ, a sa gi anta asi ruwuyo mata,
i sa ga ɓa mizli ngi si ruwuyoy a hinjam zuy zuy.
21Israyel, i sa gi ti ka mangasl ɗu ngi wãˀa.
I sa gi ti ka mangasl da ya,
ti gi jeŋ, ti gi gwat mikasl kasl,
ti wuɗa vu waɗ ti mevel mezleŋ.
22I sa gi ti ka mangasl da ya ti gi teŋteŋ,
joˀ kisa si na Bumbulvuŋ.
23Tapasa, i sa mbiɗi mi.
I ya Bumbulvuŋ miɓa.
I sa mbiɗa mi da muŋ makutuk gwata,
yo muŋ kwana a sa mbiɗi mi da ruwuy makutuk gwata.
24Hirwuyo a sa ga
ɓa alkamari, mbaazla si, ati mal muɗuco wureˀ a gam,
Zizreyel kwana, a sa gi taŋ gwat naŋ makutuko.
25I sa cifa Zizreyel asi ruwuyo
yo i sa wuɗa Lo-ruhama,
yi sa ɓa Lo-Ami: «Ki mbur ɗu»
naŋ a sa ɓiy: «Buymisemuŋ ɗu.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.