HABAKUK 1
1
1Hana i mingiɓi, Bumbulvuŋ minjika da mijiviɗ Habakuk, ɓa ara til di mi.
Mijiviɗ maka zil da Buymisemuŋ ɓa a kilo widi naŋ
2Aw Bumbulvuŋ ɗu, ya maziluw ɓa ki kilo widi ɗu na, a nduluw takwa?
Ani ki cine ta.
I ziluw asi mizli ara gikiy moˀore,
ani k'anta lih vu ta ma.
3Ki bigiy malambaˀ ɗu na, ɓa i pura vur mike?
Ki wuɗ ki pura maguzuvuram vu na kwa?
A ciki ɗu, sey i ngizla vu ati moˀore tewle,
da ara gam kiita na, tiri a gi wuwwo.
4Mbak ko a gam slra ti ɓimujuwa mata,
ɓi mikaslsla anta bo mata wãˀ.
Mbur misi moˀore a cici lak lak avu mbur mijeŋŋe,
mbak a juwaka mbur mijeŋŋe kaˀ kaˀ laŋ ti kiita.
Buymisemuŋ mimbiɗami ngi ɓi naŋ: Babiloŋ mitiɓa li
5Bumbulvuŋ a ɓi na:
«Puraka gwat magi a wuzla sukwi ngi mizli,
anja a gukum welele!
Asi zle wurenna, mbur a wuɗ a gi gwat ti gi,
ani da ara ɓukum di na, kum anta tiɓaka ɓi nah ta.
6Puraka, y'ani i bo ti mizli Babiloŋhoyo le ɓuyoh,
taŋ i mizli manja ircecehey, yo misi moˀorehey ma.
A gunoko ruwuyo hã a ram kileŋ,
ɓa ngi tiɓa li misi inga taŋ ta.
7A gam zluwun, yo a muɗam didak da mbur ma.
Ɓimujuwa taŋ ati gi madiɗa taŋ na,
i taŋ maɗuvaka ti haŋ taŋ.
8Pilis taŋhay a wusam vu fineˀ kokoytahay,
a jam vu fineˀ kiriɓuhoy majam gwat ti pastaˀa.
Mukukuro pilis taŋhay a gam slra teˀ.
Mukukuro pilis taŋhaya, a soko tir li mikileŋ,
a surom, kaɓa kurom masur nga vi gwat.
9Puraka, taŋ masoko hiri taˀ nga mbuŋ
ɓa a sa gam moˀore,
a kusoko dangayaya le kos kos kaɓa muyuŋ.
10A ra singiram ar buyoyo
a puraka yaramahaya, kaɓa gwat ngi dunguroy.
Li muguno ti mohol, anta muɗa taŋ didak ta,
ɓa ngi tiɓi naŋ na, a ɗiyam li miɗingir.
11Akẽh so na, a mbiɗaka wuluko.
A cohom tir li mekelem, a cam ar mungra,
a puraka gidaŋ taŋ, kaɓa i ngi huruk huruk ava.
Mijiviɗ maka zil da Buymisemuŋ ava ma
12Zle ar zli virzi ngi gwatay na, Bumbulvuŋ i ka takwa?
Buymisemuŋ ɗu, Mipal kine, i ka takwa? K'anta muc ta.
Bumbulvuŋ ɗu, ki cifa Babiloŋ ngi gi kiita da mizli,
ki cifa kaɓa mandazlay muwã, ɓa ngi kuta ndra.
13Pura hiri ɗike, malambaˀ anta ara ta, ki ɓusa pura malambaˀa gu ta,
maguzuvraka mizli na, k'anta wuɗ pur naŋ ta,
k'anta ngum pura bonoy ngi mizli ti hiri ta.
Na, mitikina vuhoyo ki pura taŋ ti hiri na vur mike?
Da mbur misi moˀore ara njirsla mbur mijeŋ fineˀ naŋ na,
ka lek lek vur mike?
14Mizli titiraˀahaya, ki gi ti taŋ kaɓa kilifey ar yam sukwa?
Yo kaɓa gwat memeɗehey makurmuɗum a ruwuy,
misi mijigin taŋ anta mbrike?
15Mizli Babiloŋhoy a jaka taŋ cek ti ngalum,
a jaka taŋ ti zuva,
a paka taŋ ng'ar zuva.
Dar Babiloŋhoy a mumulom, a zluzluɓam.
16Akẽh na, a gam mikuli da zuva taŋhay,
a wuraka taŋ ˀurdi,
asi taŋ mazumam gwat mundum hã a mbam na,
mbele taŋ.
17A sa zukoko zuva taŋhay avra,
ɓa ngi hila mizli ngi sukwi mekelemey,
manja musuka vu, manja ircece kwa?
Currently Selected:
HABAKUK 1: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
HABAKUK 1
1
1Hana i mingiɓi, Bumbulvuŋ minjika da mijiviɗ Habakuk, ɓa ara til di mi.
Mijiviɗ maka zil da Buymisemuŋ ɓa a kilo widi naŋ
2Aw Bumbulvuŋ ɗu, ya maziluw ɓa ki kilo widi ɗu na, a nduluw takwa?
Ani ki cine ta.
I ziluw asi mizli ara gikiy moˀore,
ani k'anta lih vu ta ma.
3Ki bigiy malambaˀ ɗu na, ɓa i pura vur mike?
Ki wuɗ ki pura maguzuvuram vu na kwa?
A ciki ɗu, sey i ngizla vu ati moˀore tewle,
da ara gam kiita na, tiri a gi wuwwo.
4Mbak ko a gam slra ti ɓimujuwa mata,
ɓi mikaslsla anta bo mata wãˀ.
Mbur misi moˀore a cici lak lak avu mbur mijeŋŋe,
mbak a juwaka mbur mijeŋŋe kaˀ kaˀ laŋ ti kiita.
Buymisemuŋ mimbiɗami ngi ɓi naŋ: Babiloŋ mitiɓa li
5Bumbulvuŋ a ɓi na:
«Puraka gwat magi a wuzla sukwi ngi mizli,
anja a gukum welele!
Asi zle wurenna, mbur a wuɗ a gi gwat ti gi,
ani da ara ɓukum di na, kum anta tiɓaka ɓi nah ta.
6Puraka, y'ani i bo ti mizli Babiloŋhoyo le ɓuyoh,
taŋ i mizli manja ircecehey, yo misi moˀorehey ma.
A gunoko ruwuyo hã a ram kileŋ,
ɓa ngi tiɓa li misi inga taŋ ta.
7A gam zluwun, yo a muɗam didak da mbur ma.
Ɓimujuwa taŋ ati gi madiɗa taŋ na,
i taŋ maɗuvaka ti haŋ taŋ.
8Pilis taŋhay a wusam vu fineˀ kokoytahay,
a jam vu fineˀ kiriɓuhoy majam gwat ti pastaˀa.
Mukukuro pilis taŋhay a gam slra teˀ.
Mukukuro pilis taŋhaya, a soko tir li mikileŋ,
a surom, kaɓa kurom masur nga vi gwat.
9Puraka, taŋ masoko hiri taˀ nga mbuŋ
ɓa a sa gam moˀore,
a kusoko dangayaya le kos kos kaɓa muyuŋ.
10A ra singiram ar buyoyo
a puraka yaramahaya, kaɓa gwat ngi dunguroy.
Li muguno ti mohol, anta muɗa taŋ didak ta,
ɓa ngi tiɓi naŋ na, a ɗiyam li miɗingir.
11Akẽh so na, a mbiɗaka wuluko.
A cohom tir li mekelem, a cam ar mungra,
a puraka gidaŋ taŋ, kaɓa i ngi huruk huruk ava.
Mijiviɗ maka zil da Buymisemuŋ ava ma
12Zle ar zli virzi ngi gwatay na, Bumbulvuŋ i ka takwa?
Buymisemuŋ ɗu, Mipal kine, i ka takwa? K'anta muc ta.
Bumbulvuŋ ɗu, ki cifa Babiloŋ ngi gi kiita da mizli,
ki cifa kaɓa mandazlay muwã, ɓa ngi kuta ndra.
13Pura hiri ɗike, malambaˀ anta ara ta, ki ɓusa pura malambaˀa gu ta,
maguzuvraka mizli na, k'anta wuɗ pur naŋ ta,
k'anta ngum pura bonoy ngi mizli ti hiri ta.
Na, mitikina vuhoyo ki pura taŋ ti hiri na vur mike?
Da mbur misi moˀore ara njirsla mbur mijeŋ fineˀ naŋ na,
ka lek lek vur mike?
14Mizli titiraˀahaya, ki gi ti taŋ kaɓa kilifey ar yam sukwa?
Yo kaɓa gwat memeɗehey makurmuɗum a ruwuy,
misi mijigin taŋ anta mbrike?
15Mizli Babiloŋhoy a jaka taŋ cek ti ngalum,
a jaka taŋ ti zuva,
a paka taŋ ng'ar zuva.
Dar Babiloŋhoy a mumulom, a zluzluɓam.
16Akẽh na, a gam mikuli da zuva taŋhay,
a wuraka taŋ ˀurdi,
asi taŋ mazumam gwat mundum hã a mbam na,
mbele taŋ.
17A sa zukoko zuva taŋhay avra,
ɓa ngi hila mizli ngi sukwi mekelemey,
manja musuka vu, manja ircece kwa?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.