BI NGI ISRAYELEY 9
9
Bonoy muzlum naŋ: Mozorbono
1Bumbulvuŋ a ɓa Moyise: «Ci ng'avu buy madiɗa ngi Ezipte, ɓaŋ na: Bumbulvuŋ Buymisemuŋ, ngi Heberey a ɓuw ani: Pula mizli ɗuwoy ɓa ara gikiy mikuli. 2Da ki ngum pula taŋ a ram ta na si, yo ki ra cici zlak ngi tika taŋ na, 3naɓa gidaŋ ngi Bumbulvuŋ naŋ da ar ginewey misi a pala, ar pilisey, zunguhoy, zlogomohoy, slahay waɗ tumuŋhoy: i mozoborno ngi ɓi avu mi ta! 4Bumbulvuŋ a sa gwaha ginew ngi Israyeleye tivi ngi Ezipteheye. Ko pal masa muc asi ngi Israyeley anta.» 5Yo ma na, Bumbulvuŋ a ɗuva hin naŋ le taˀ wãˀ, a ɓi: «I sa go gwat hana asi ruwuyo ti priki.» 6Yo li naŋ muwun na, Bumbulvuŋ a ga gwat tuwa: ginew ngi Eziptehey gar a micam pay pay, amma a wuzla ginew ngi Israyeleye, ko pal mumuc anta. 7Buy Ezipte a slin ɓa ara puraka: ko a lumam ginew mumuca pal asi ngi Israyeleye ta! Amma buy Ezipte a cici kaŋ kaŋ ɓula si, a pula taŋ a ram ta na si.
Bonoy mimerkeɗ naŋ: Hisl liw liw
8Bumbulvuŋ a ɓa Moyis ati Aroŋ na: «Wuɗam hilseɓ ngi misirgaɗ ngbal ngbal haŋ cuw, ɓa Moyis a sa zliɗa nga muŋ a mbuŋ buy Ezipte. 9A sa wuh turliŋ ka lagwada asi hirwuy Ezipte gar, mizli ati ginew ngi hirwuy Ezipte gar, a sa hislam liw liw, waˀa fiɗik fiɗik.» 10Moyis ati Aroŋ a wuɗam hilseɓ tuwa, a ram dedeŋ a mbuŋ buy Ezipte, Moyis a zliɗa nga muŋ, dar mizli ati gineweye, a hislam liw liw, waˀa fiɗik fiɗik. 11Akẽh so na, misi sin ngi gi cekenehey tuwa, a cicam a mbuŋ Moyise gu mata, vur hisl tuwa, asi vu taŋ gar i hisl, yo vu ngi mizli Eziptehey gar i hisl. 12Amma Bumbulvuŋ ara ga ɓa hirnga ngi buy Ezipte a tiri gidaŋ na si, a ngum cine mi da le Moyis ati Aroŋ ta, kaɓa Bumbulvuŋ miɓa ɗaˀ le Moyis tuwa.
Bonoy mitarnaˀ naŋ: Slaslalay
13Bumbulvuŋ a ɓa Moyise na: «Slikiɗ cẽẽt, aru nga mbuŋ buy Ezipte, ɓaŋ na: Bumbulvuŋ Buymisemuŋ ngi Heberey a ɓi ani: Pula mizli ɗuwoy ɓa ara gikiy mikuli. 14Asi wurenna, i wuɗ i slino bonoyoy cek ng'ar ka muduba, nga hirnga ɗik vuna, ng'ar gawla ɗikey waɗ ng'ar mizli ɗikey, ɓa kisa sina, ko mbur pal ngi wa ti ya anta asi ruwuyo ta. 15Da ani i zuɓa haŋ ɗu le zleˀe ngi kiɗ kumo na, anja ani i ngizlukum le ti jiji mangizl vu sunok sunoko, ka ati mizli ɗikeye, anja ani ki susuymom le asi ruwuyo. 16Amma ya mupuluw mbak na, ɓa i buguw gidaŋ ɗu, ɓa slimiɗ ɗu a zil asi ruwuy gar. 17Ki ra hurdum ngi tika mizli ɗuwoy ɓa a ram ta. 18Ti prik li kahana na, i sa po yam ti gidaŋ ka vuŋ, diga mipaka Ezipte hã dana, a gi ɗaˀ kanah ta. 19Yo wurenna, slin ɓa a wam vu ti ginew ɗikey ati gwat ɗikey gar misi a ɓuh. Mbur malla ginew mindir le a ɓuh, da a mo ngi haya ta na, yam a sa po nga hirnga taŋ, a micam.» 20Mbur ada a wuzla gawla ngi buy Eziptehey, i mbur mazluwun ti mingiɓi ngi Bumbulvuŋ, a wi vu ti gawla naŋhay ati ginew naŋhay le a viŋ. 21Mbur mupura ɓi ngi Bumbulvuŋ le kaɓa ɓi ngi sefel na, a pula gawla naŋhay ati ginew naŋhay a ɓuh. 22Bumbulvuŋ a ɓa Moyise: «Zuɓa haŋ nga muŋ, ɓa yam a po asi hirwuy Ezipte gar, ar mizli ati ginewey, waɗ ar giziŋ misi ar ɓuh ngi Ezipte gar.» 23Moyis a zuɓa ganday naŋ nga muŋ, Bumbulvuŋ a pulo ndisl ngi vuŋ waɗ yam, vuŋ a ndislo nga ruwuyo, Bumbulvuŋ a po yam ng'asi hirwuy Ezipte. 24Slaslalay, ndisl ngi vuŋ jom ti yam: a gi ti gidaŋ haɗi angi hirwuy Ezipte gar, diga taŋ mipam, a puram gwat kanah ɗaˀ ta. 25Slaslalay a kiɗa gwat misi a ɓuh cek, asi hirwuy Ezipte zlar gar, mizli ati gwat misã miheye. A kiɗa giziŋ ngi ɓuhoyo gar, yo a ngila widis ngi ɓuhoyo gar. 26Slaslalay a pul sey hirwuy Goseŋ, Israyeley misi anga na tewle. 27Buy Ezipte a zilo Moyis ati Aroŋ, a ɓa taŋ: «Wurenna, i gi mungra le muduba, mijeŋŋe i Bumbulvuŋ, ndra ati mizli ɗuwoy i zluɓaka le. 28Tumbuloko Bumbulvuŋ! Ndisl ngi vuŋ ati yama muk muduba! I sa pulukum ki cohom, kum anta ki zikam haɗa mata.» 29Moyis a ɓaŋ: «Ya misa bi le tir walahaya si na, i sa zuɓa haŋ ng'avu Bumbulvuŋ, ndisl ngi vuŋ a sa tiˀi, yam a po mata, ɓa ki si na miwa hirwuyo i Bumbulvuŋ. 30Amma yi si na le, kum ati gawla ɗikeye, kum anta zluwunam ti Bumbulvuŋ Buymisemuŋ t'aruŋ.» 31Gugumay ati daw giziŋ a hiryam le, asi daw giziŋ i fufun aruŋ, yo gugumay kwana, ara fuyuku. 32Alkamari ati daw ɓuh, a hiryam ta, asi taŋ a gam kutum ta. 33Moyis a bo ti hay buy Ezipte, yo a bo tir walahaya, dar a zuɓa haŋ ng'avu Bumbulvuŋ, ndisl ngi vuŋ ati yam a taˀa siriw, ko vuŋ anta go nga ruwuyo mata. 34Buy Ezipte a pura na, vuŋ, yam waɗ ndisl ngi vuŋ a taˀam le, a gi mungra a muŋ ma. A zlaka ati gawla naŋhaya a cicam kaŋ kaŋ si ma. 35Hirnga ngi buy Ezipte a ro gidaŋ na si, buy Ezipte a ngum pula Israyeley a ram ta, kaɓa Bumbulvuŋ miɓa ɗaˀ le da Moyis tuwa.
Currently Selected:
BI NGI ISRAYELEY 9: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 9
9
Bonoy muzlum naŋ: Mozorbono
1Bumbulvuŋ a ɓa Moyise: «Ci ng'avu buy madiɗa ngi Ezipte, ɓaŋ na: Bumbulvuŋ Buymisemuŋ, ngi Heberey a ɓuw ani: Pula mizli ɗuwoy ɓa ara gikiy mikuli. 2Da ki ngum pula taŋ a ram ta na si, yo ki ra cici zlak ngi tika taŋ na, 3naɓa gidaŋ ngi Bumbulvuŋ naŋ da ar ginewey misi a pala, ar pilisey, zunguhoy, zlogomohoy, slahay waɗ tumuŋhoy: i mozoborno ngi ɓi avu mi ta! 4Bumbulvuŋ a sa gwaha ginew ngi Israyeleye tivi ngi Ezipteheye. Ko pal masa muc asi ngi Israyeley anta.» 5Yo ma na, Bumbulvuŋ a ɗuva hin naŋ le taˀ wãˀ, a ɓi: «I sa go gwat hana asi ruwuyo ti priki.» 6Yo li naŋ muwun na, Bumbulvuŋ a ga gwat tuwa: ginew ngi Eziptehey gar a micam pay pay, amma a wuzla ginew ngi Israyeleye, ko pal mumuc anta. 7Buy Ezipte a slin ɓa ara puraka: ko a lumam ginew mumuca pal asi ngi Israyeleye ta! Amma buy Ezipte a cici kaŋ kaŋ ɓula si, a pula taŋ a ram ta na si.
Bonoy mimerkeɗ naŋ: Hisl liw liw
8Bumbulvuŋ a ɓa Moyis ati Aroŋ na: «Wuɗam hilseɓ ngi misirgaɗ ngbal ngbal haŋ cuw, ɓa Moyis a sa zliɗa nga muŋ a mbuŋ buy Ezipte. 9A sa wuh turliŋ ka lagwada asi hirwuy Ezipte gar, mizli ati ginew ngi hirwuy Ezipte gar, a sa hislam liw liw, waˀa fiɗik fiɗik.» 10Moyis ati Aroŋ a wuɗam hilseɓ tuwa, a ram dedeŋ a mbuŋ buy Ezipte, Moyis a zliɗa nga muŋ, dar mizli ati gineweye, a hislam liw liw, waˀa fiɗik fiɗik. 11Akẽh so na, misi sin ngi gi cekenehey tuwa, a cicam a mbuŋ Moyise gu mata, vur hisl tuwa, asi vu taŋ gar i hisl, yo vu ngi mizli Eziptehey gar i hisl. 12Amma Bumbulvuŋ ara ga ɓa hirnga ngi buy Ezipte a tiri gidaŋ na si, a ngum cine mi da le Moyis ati Aroŋ ta, kaɓa Bumbulvuŋ miɓa ɗaˀ le Moyis tuwa.
Bonoy mitarnaˀ naŋ: Slaslalay
13Bumbulvuŋ a ɓa Moyise na: «Slikiɗ cẽẽt, aru nga mbuŋ buy Ezipte, ɓaŋ na: Bumbulvuŋ Buymisemuŋ ngi Heberey a ɓi ani: Pula mizli ɗuwoy ɓa ara gikiy mikuli. 14Asi wurenna, i wuɗ i slino bonoyoy cek ng'ar ka muduba, nga hirnga ɗik vuna, ng'ar gawla ɗikey waɗ ng'ar mizli ɗikey, ɓa kisa sina, ko mbur pal ngi wa ti ya anta asi ruwuyo ta. 15Da ani i zuɓa haŋ ɗu le zleˀe ngi kiɗ kumo na, anja ani i ngizlukum le ti jiji mangizl vu sunok sunoko, ka ati mizli ɗikeye, anja ani ki susuymom le asi ruwuyo. 16Amma ya mupuluw mbak na, ɓa i buguw gidaŋ ɗu, ɓa slimiɗ ɗu a zil asi ruwuy gar. 17Ki ra hurdum ngi tika mizli ɗuwoy ɓa a ram ta. 18Ti prik li kahana na, i sa po yam ti gidaŋ ka vuŋ, diga mipaka Ezipte hã dana, a gi ɗaˀ kanah ta. 19Yo wurenna, slin ɓa a wam vu ti ginew ɗikey ati gwat ɗikey gar misi a ɓuh. Mbur malla ginew mindir le a ɓuh, da a mo ngi haya ta na, yam a sa po nga hirnga taŋ, a micam.» 20Mbur ada a wuzla gawla ngi buy Eziptehey, i mbur mazluwun ti mingiɓi ngi Bumbulvuŋ, a wi vu ti gawla naŋhay ati ginew naŋhay le a viŋ. 21Mbur mupura ɓi ngi Bumbulvuŋ le kaɓa ɓi ngi sefel na, a pula gawla naŋhay ati ginew naŋhay a ɓuh. 22Bumbulvuŋ a ɓa Moyise: «Zuɓa haŋ nga muŋ, ɓa yam a po asi hirwuy Ezipte gar, ar mizli ati ginewey, waɗ ar giziŋ misi ar ɓuh ngi Ezipte gar.» 23Moyis a zuɓa ganday naŋ nga muŋ, Bumbulvuŋ a pulo ndisl ngi vuŋ waɗ yam, vuŋ a ndislo nga ruwuyo, Bumbulvuŋ a po yam ng'asi hirwuy Ezipte. 24Slaslalay, ndisl ngi vuŋ jom ti yam: a gi ti gidaŋ haɗi angi hirwuy Ezipte gar, diga taŋ mipam, a puram gwat kanah ɗaˀ ta. 25Slaslalay a kiɗa gwat misi a ɓuh cek, asi hirwuy Ezipte zlar gar, mizli ati gwat misã miheye. A kiɗa giziŋ ngi ɓuhoyo gar, yo a ngila widis ngi ɓuhoyo gar. 26Slaslalay a pul sey hirwuy Goseŋ, Israyeley misi anga na tewle. 27Buy Ezipte a zilo Moyis ati Aroŋ, a ɓa taŋ: «Wurenna, i gi mungra le muduba, mijeŋŋe i Bumbulvuŋ, ndra ati mizli ɗuwoy i zluɓaka le. 28Tumbuloko Bumbulvuŋ! Ndisl ngi vuŋ ati yama muk muduba! I sa pulukum ki cohom, kum anta ki zikam haɗa mata.» 29Moyis a ɓaŋ: «Ya misa bi le tir walahaya si na, i sa zuɓa haŋ ng'avu Bumbulvuŋ, ndisl ngi vuŋ a sa tiˀi, yam a po mata, ɓa ki si na miwa hirwuyo i Bumbulvuŋ. 30Amma yi si na le, kum ati gawla ɗikeye, kum anta zluwunam ti Bumbulvuŋ Buymisemuŋ t'aruŋ.» 31Gugumay ati daw giziŋ a hiryam le, asi daw giziŋ i fufun aruŋ, yo gugumay kwana, ara fuyuku. 32Alkamari ati daw ɓuh, a hiryam ta, asi taŋ a gam kutum ta. 33Moyis a bo ti hay buy Ezipte, yo a bo tir walahaya, dar a zuɓa haŋ ng'avu Bumbulvuŋ, ndisl ngi vuŋ ati yam a taˀa siriw, ko vuŋ anta go nga ruwuyo mata. 34Buy Ezipte a pura na, vuŋ, yam waɗ ndisl ngi vuŋ a taˀam le, a gi mungra a muŋ ma. A zlaka ati gawla naŋhaya a cicam kaŋ kaŋ si ma. 35Hirnga ngi buy Ezipte a ro gidaŋ na si, buy Ezipte a ngum pula Israyeley a ram ta, kaɓa Bumbulvuŋ miɓa ɗaˀ le da Moyis tuwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.