BI NGI ISRAYELEY 28
28
Zana ngi masayay
1«Moyis, sukum ɗik Aroŋ waɗ ziri naŋ mizileheye, ti Nadaŋ, Abihu, Elazar waɗ Itamara, zilo taŋ nga ciki ɗiki, baˀ pal avu Israyel mekelemeye, ɓa a gikiy mikuli. 2Ki sa tufa zana ngi mezegwel da sukum ɗik Aroŋ, ɓa ngi bigi dudok ati wuya. 3Vurˀe, kisa ɓa mizli misi sinmijileŋhey, ya minaha taŋ ti lesl ngi sinmijileŋ, a tufaka zana da Aroŋ, ɓa a sa ka tapas taŋ masa cakaŋ i masay, yo ɓa a sa ga mikuli ti naŋ ɓaˀ avu vu. 4Zanahay masa tufaka taŋ, t'ani: jiiba ngi didak, jampa, jibe, dawra midira le ti gugumay, loppol waɗ kanda. A sa tufaka da sukum ɗik Aroŋ ati ziri naŋhaya, i zana ngi mezegwel, ɓa a gikiy mikuli ti taŋ ɓaˀ ɓaˀ avu vu. 5Midira zanahaya, a sa diraka ti gugumay mislirkeɗ, ti ngwic ngi tumuŋhoy munduva wit wit, cihhe, gagaza ndezze, waɗ ti gugumay ngi ɓiri tapasl tapasl.»
Jampa ngi masayay
6«A sa tufaka jampa ti gugumay mislirkeɗ lahaɗ ti ngwic ngi tumuŋ munduva wit wit, cihhe, gagaza ndezze, waɗ dar dar ti gugumay ngi ɓiri tapasl tapasl. 7Gwat ngi luw naŋhaya cuw, taf taf a mivay naŋhaya ti ka ti ka. 8Gwat ngi juwa jampa i mutufa ti gugumay misi purla jom ati zana nah: mutufa ti ɓiri tapasl tapasl, ti gugumay mislirkeɗ lahaɗ ti ngwic ngi tumuŋhoy munduva wit wit, cihhe waɗ gagaza ndezze. 9Ki sa wuɗ ɗugur mupuɗaw kakayak kakayakay cuw, kisa toho slimiɗ ngi ziri ngi Zakopoyo nguɗ nguɗ ar taŋ: 10slimiɗ merkeɗ ar ɗugur mudumbuŋ waɗ merkeɗ ar ɗugur numuŋ ma. Toho taŋ vur mijingaˀ vur mijingaˀ. 11Masa toho slimiɗ ngi ziri ngi Zakopoy avu ɗuguroy mucuw na, i mbur misina nguɗo slimiɗe le avu ɗuguro, kaɓa maslaam gwat ngi ɗuva slimiɗ ngi mbur ar ɗerewol, kisa gbaˀa li luw naŋhaya, cuw taŋ i ɓiri tapasl tapasl. 12Ki sa luwa ɗuguroy mucuw tuwa avu mi ngi jampa tuwa, a sa wulkaka sukwi Israyel mukuruˀ nga cuw na, ava. Naŋ kine, Aroŋ a sa luwa slimiɗ taŋhay a ciki, law ti ka law ti ka ar guɗuk nga ya Bumbulvuŋ, kanah na, y'anta sa puyuk hirnga ti kum ta. 13Gwat ngi luw naŋhay mucuw na, kisa ga taŋ ti ɓiri tapasl tapasl, 14ki luwaŋ sen memeɗehey cuw ngi ɓiri tapasl tapasl pal naŋ kine, sar sar kaɓa zeweɗe.»
Jiiba ngi didak masay madiɗa
15«A dirba nah, misina gwatay, a sa tufam jiiba avu jampa law a didaka, ngi gi kiita, a sa tufaka ti gugumay mislirkeɗ, lahaɗ ti ngwic ngi tumuŋ munduva wit wit, cihhe gagaza ndezze waɗ dar dar ti gugumay ɓiri tapasl tapasl kaɓa jampa tuwa. 16Masl na, jek naŋ ati sliprik naŋ misi purla, saŋtimetir kukur cuw nga zlum. 17Ki sa gaŋ wuya ti ɗugur hirngahay, jobol mufaɗa. Jobol mudumbuŋ i ɗugur mupuɗaw gagaza ndez, ɗugur mupuɗaw tapasl tapasl waɗ ɗugur mupuɗaw meɗelek meɗelek. 18Jobol mucuw naŋ i ɗugur mupuɗaw gagaza los los, ɗugur mupuɗaw ngil ngil waɗ ɗugur mupuɗaw gingiliw gingiliw. 19Jobol mimakir naŋ i ɗugur mivirziŋŋe, ɗugur muwuy wuy, waɗ ɗugur miwit wit. 20Yo jobol mumufaɗ naŋ i ɗugur kalaf kalaf, ɗugur mupuɗaw kakayak kakayak waɗ ɗugur kalaf kalaf gagaza zlop zlop, ɗugur gar na, gwat ngi luw naŋ i ɓiri tapasl tapasl. 21Ɗuguroyo tiɗeˀe a hirnga sukwi Israyeley mukuruˀ nga cuw na, a sa tohoko taŋ slimiɗe avu ɗuguroyo, ngi mburo ngi mburo, nguɗ nguɗ kaɓa gwat ngi ɗuva slimiɗ ngi mbur ar ɗerewol. 22Ki sa ɗiyaŋ sen memeɗehey da jiiba ngi didaka ti ɓiri tapasl tapasl pal naŋ, jirgiɗ jirgiɗ, slap slap kaɓa zeweɗe. 23Ki sa ɗiyi ɓalaŋhay cuw ti ɓiri tapasl tapasl, joˀ kisa luwa taŋ avu mi ngi jiiba ngi didak tuwa ti ka ti ka. 24Ki sa luwa seney mucuw tuwa avu ɓalaŋhay mucuw misi avu mi ngi jiiba tuwa. 25Seneye, mi naŋhay mucuw mekelemeye, kisa luwa taŋ ti mbuŋ avu gwat ngi luw naŋhay mucuw misi avu jampa tuwa. 26Ki sa ɗiyi ɓalaŋ mekelemey cuw ti ɓiri tapasl tapasl, kisa luwa taŋ ti ruwuy, a mivay ngi jiiba, ti huroˀo, tivi jampa. 27Ki sa ɗiyi dangwahay cuw ti ɓiri tapasl tapasl ma, kisa luwa taŋ ti ruwuy, avu mi ngi jampa, ti mbuŋ, gweˀ avu li tuf naŋ, ti hirnga gwat ngi luwa jampa. 28A sa juwaka ɓalaŋ ngi jiiba avu ɓalaŋ ngi jampa, ti zeweɗ ngi gugumay miwitwit, ɓa jibe, a ndir ti hirnga gwat ngi luwa jampa, ɓa a kirih ti hirnga naŋ ta. 29Naŋ kine, ti Aroŋ masa ci ng'ar guɗuk na, a sa ka zana ngi kiita misi slimiɗ ngi sukwi Israyel tuwa sirit a didaka, ɓa ya Bumbulvuŋ i puyuk hirnga ti kum ta ndiɗaˀ. 30Ka Moyise, kisa pa urim ati tumime ng'ar jiiba ngi didak zana ngi kiita tuwa, ɓa Aroŋ masa ru nga mbuŋ ɗu na, naŋ ti taŋ a didaka. Naŋ kine, Aroŋ masa ru nga mbuŋ ɗu gar na, sey naŋ da ti taŋ a didaka ndrehhe, ɓa a si na gwat ya mawuɗ avu Israyeleye.»
Zana mekelemey ngi gi mezegwel
31«A dirba nah, kisa tuf jibe asi jampa, ti ngwic ngi tumuŋhoy munduva wit wit pal naŋ, ɓa Aroŋ a ka jampa tuwa, a hirnga naŋ. 32ˀAy naŋ a wuzla, i midira vah vah kuy kuy, a ngir ta wãˀ, kpingbiriŋ kaɓa libiti. 33Ki sa wuɗ ngwic ngi tumuŋhoy munduva wit wit, cihhe waɗ gagaza ndezze, kisa ja laŋ laŋ kaɓa yi ngi hunduruk, kisa ga wuya da sivirzi ngi jibe gun ti naŋ, waɗ mawiyer ngi ɓiri tapasl tapaslay gunno ma, 34mawiyer ngi ɓiri tapasl tapasl pal, mawuyer misi kaɓa yi ngi hunduruk pal, hana pal, hana pal, hã gun mi ngi jibe zlar. 35Aroŋ a sa ga mikuli ti jibe nah ɓaˀ avu vu, naŋ masa so nga mbuŋ ɗu, ya Bumbulvuŋ ar guɗuko, yo naŋ masa bi gar na, a sa cinam hurum ngi mawiyereye, naɓa naŋ anta sa muc ta.
36«Yo kisa ɗiyi gwat ngi wuya, kaɓa mufuyuku, ti ɓiri tapasl tapasl pal naŋ, a sa tohom gwat nguɗ nguɗ, kaɓa matohom gwat ngi ɗuva slimiɗ ngi mbur ava: ‹Muvula le da Bumbulvuŋ.›
37«Ki juwa ti mbuŋ, ti lawarje miwitwit, a hirnga loppol ngi mezegwele. 38Aroŋ masa ru nga mbuŋ ɗu gar na, naŋ ti gwat ngi wuya nah a midibiɗ. Vurˀe, gwat Israyeley masa vulikiy di gar, da ko a vulikiy di kasl kasl ta tekeɗe kwana, i sa tiɓa mbele gwat nah. 39A dirba nah so na, kisa tufa dawra ti gugumay mislirkeɗ, dar dar ˀay naŋ da Aroŋ, waɗ loppol ngi gugumay mislirkeɗe ma, waɗ kanda mutufa dar dar kuy kuy ngi bigi dudok ati wuya. 40Ki sa tufa zana ngi slimiɗey da ziri ngi Aroŋhoyo: dawrahay, kandahay waɗ jiikuhoy. 41Ka Moyise, kisa ka zana hanayna, da sukum ɗik Aroŋ ati ziri naŋhaya. Ki sa pa taŋ mal a hirnga ngi vula taŋ slra. Naŋ kine, kisa ca taŋ i masayay, ɓa a gikiy mikuli. 42Tufa taŋ gejere ngi gugumay mislirkeɗ ngi ɗumo taŋ virzi, zle ar li juwa sirla hã sesẽŋ ar tuwal. 43Aroŋ ati ziri naŋhaya, da ara cam ng'ar guɗuk ngi zlir ati Buymisemuŋ, malla da ara kiraham ng'ar li gi mikuli ar li guɗuk ngi zlir ati Buymisemuŋ na, a sa caka gajereheye a virzi, da kine ta na, naɓa a micam, vur taŋ mugulndiŋ gulndiŋ kine na. I ɓimuɗuva makiɗ mi ta, avu Aroŋ ati dideˀ naŋhay a nga mbuŋ nga mbuŋ.»
Currently Selected:
BI NGI ISRAYELEY 28: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 28
28
Zana ngi masayay
1«Moyis, sukum ɗik Aroŋ waɗ ziri naŋ mizileheye, ti Nadaŋ, Abihu, Elazar waɗ Itamara, zilo taŋ nga ciki ɗiki, baˀ pal avu Israyel mekelemeye, ɓa a gikiy mikuli. 2Ki sa tufa zana ngi mezegwel da sukum ɗik Aroŋ, ɓa ngi bigi dudok ati wuya. 3Vurˀe, kisa ɓa mizli misi sinmijileŋhey, ya minaha taŋ ti lesl ngi sinmijileŋ, a tufaka zana da Aroŋ, ɓa a sa ka tapas taŋ masa cakaŋ i masay, yo ɓa a sa ga mikuli ti naŋ ɓaˀ avu vu. 4Zanahay masa tufaka taŋ, t'ani: jiiba ngi didak, jampa, jibe, dawra midira le ti gugumay, loppol waɗ kanda. A sa tufaka da sukum ɗik Aroŋ ati ziri naŋhaya, i zana ngi mezegwel, ɓa a gikiy mikuli ti taŋ ɓaˀ ɓaˀ avu vu. 5Midira zanahaya, a sa diraka ti gugumay mislirkeɗ, ti ngwic ngi tumuŋhoy munduva wit wit, cihhe, gagaza ndezze, waɗ ti gugumay ngi ɓiri tapasl tapasl.»
Jampa ngi masayay
6«A sa tufaka jampa ti gugumay mislirkeɗ lahaɗ ti ngwic ngi tumuŋ munduva wit wit, cihhe, gagaza ndezze, waɗ dar dar ti gugumay ngi ɓiri tapasl tapasl. 7Gwat ngi luw naŋhaya cuw, taf taf a mivay naŋhaya ti ka ti ka. 8Gwat ngi juwa jampa i mutufa ti gugumay misi purla jom ati zana nah: mutufa ti ɓiri tapasl tapasl, ti gugumay mislirkeɗ lahaɗ ti ngwic ngi tumuŋhoy munduva wit wit, cihhe waɗ gagaza ndezze. 9Ki sa wuɗ ɗugur mupuɗaw kakayak kakayakay cuw, kisa toho slimiɗ ngi ziri ngi Zakopoyo nguɗ nguɗ ar taŋ: 10slimiɗ merkeɗ ar ɗugur mudumbuŋ waɗ merkeɗ ar ɗugur numuŋ ma. Toho taŋ vur mijingaˀ vur mijingaˀ. 11Masa toho slimiɗ ngi ziri ngi Zakopoy avu ɗuguroy mucuw na, i mbur misina nguɗo slimiɗe le avu ɗuguro, kaɓa maslaam gwat ngi ɗuva slimiɗ ngi mbur ar ɗerewol, kisa gbaˀa li luw naŋhaya, cuw taŋ i ɓiri tapasl tapasl. 12Ki sa luwa ɗuguroy mucuw tuwa avu mi ngi jampa tuwa, a sa wulkaka sukwi Israyel mukuruˀ nga cuw na, ava. Naŋ kine, Aroŋ a sa luwa slimiɗ taŋhay a ciki, law ti ka law ti ka ar guɗuk nga ya Bumbulvuŋ, kanah na, y'anta sa puyuk hirnga ti kum ta. 13Gwat ngi luw naŋhay mucuw na, kisa ga taŋ ti ɓiri tapasl tapasl, 14ki luwaŋ sen memeɗehey cuw ngi ɓiri tapasl tapasl pal naŋ kine, sar sar kaɓa zeweɗe.»
Jiiba ngi didak masay madiɗa
15«A dirba nah, misina gwatay, a sa tufam jiiba avu jampa law a didaka, ngi gi kiita, a sa tufaka ti gugumay mislirkeɗ, lahaɗ ti ngwic ngi tumuŋ munduva wit wit, cihhe gagaza ndezze waɗ dar dar ti gugumay ɓiri tapasl tapasl kaɓa jampa tuwa. 16Masl na, jek naŋ ati sliprik naŋ misi purla, saŋtimetir kukur cuw nga zlum. 17Ki sa gaŋ wuya ti ɗugur hirngahay, jobol mufaɗa. Jobol mudumbuŋ i ɗugur mupuɗaw gagaza ndez, ɗugur mupuɗaw tapasl tapasl waɗ ɗugur mupuɗaw meɗelek meɗelek. 18Jobol mucuw naŋ i ɗugur mupuɗaw gagaza los los, ɗugur mupuɗaw ngil ngil waɗ ɗugur mupuɗaw gingiliw gingiliw. 19Jobol mimakir naŋ i ɗugur mivirziŋŋe, ɗugur muwuy wuy, waɗ ɗugur miwit wit. 20Yo jobol mumufaɗ naŋ i ɗugur kalaf kalaf, ɗugur mupuɗaw kakayak kakayak waɗ ɗugur kalaf kalaf gagaza zlop zlop, ɗugur gar na, gwat ngi luw naŋ i ɓiri tapasl tapasl. 21Ɗuguroyo tiɗeˀe a hirnga sukwi Israyeley mukuruˀ nga cuw na, a sa tohoko taŋ slimiɗe avu ɗuguroyo, ngi mburo ngi mburo, nguɗ nguɗ kaɓa gwat ngi ɗuva slimiɗ ngi mbur ar ɗerewol. 22Ki sa ɗiyaŋ sen memeɗehey da jiiba ngi didaka ti ɓiri tapasl tapasl pal naŋ, jirgiɗ jirgiɗ, slap slap kaɓa zeweɗe. 23Ki sa ɗiyi ɓalaŋhay cuw ti ɓiri tapasl tapasl, joˀ kisa luwa taŋ avu mi ngi jiiba ngi didak tuwa ti ka ti ka. 24Ki sa luwa seney mucuw tuwa avu ɓalaŋhay mucuw misi avu mi ngi jiiba tuwa. 25Seneye, mi naŋhay mucuw mekelemeye, kisa luwa taŋ ti mbuŋ avu gwat ngi luw naŋhay mucuw misi avu jampa tuwa. 26Ki sa ɗiyi ɓalaŋ mekelemey cuw ti ɓiri tapasl tapasl, kisa luwa taŋ ti ruwuy, a mivay ngi jiiba, ti huroˀo, tivi jampa. 27Ki sa ɗiyi dangwahay cuw ti ɓiri tapasl tapasl ma, kisa luwa taŋ ti ruwuy, avu mi ngi jampa, ti mbuŋ, gweˀ avu li tuf naŋ, ti hirnga gwat ngi luwa jampa. 28A sa juwaka ɓalaŋ ngi jiiba avu ɓalaŋ ngi jampa, ti zeweɗ ngi gugumay miwitwit, ɓa jibe, a ndir ti hirnga gwat ngi luwa jampa, ɓa a kirih ti hirnga naŋ ta. 29Naŋ kine, ti Aroŋ masa ci ng'ar guɗuk na, a sa ka zana ngi kiita misi slimiɗ ngi sukwi Israyel tuwa sirit a didaka, ɓa ya Bumbulvuŋ i puyuk hirnga ti kum ta ndiɗaˀ. 30Ka Moyise, kisa pa urim ati tumime ng'ar jiiba ngi didak zana ngi kiita tuwa, ɓa Aroŋ masa ru nga mbuŋ ɗu na, naŋ ti taŋ a didaka. Naŋ kine, Aroŋ masa ru nga mbuŋ ɗu gar na, sey naŋ da ti taŋ a didaka ndrehhe, ɓa a si na gwat ya mawuɗ avu Israyeleye.»
Zana mekelemey ngi gi mezegwel
31«A dirba nah, kisa tuf jibe asi jampa, ti ngwic ngi tumuŋhoy munduva wit wit pal naŋ, ɓa Aroŋ a ka jampa tuwa, a hirnga naŋ. 32ˀAy naŋ a wuzla, i midira vah vah kuy kuy, a ngir ta wãˀ, kpingbiriŋ kaɓa libiti. 33Ki sa wuɗ ngwic ngi tumuŋhoy munduva wit wit, cihhe waɗ gagaza ndezze, kisa ja laŋ laŋ kaɓa yi ngi hunduruk, kisa ga wuya da sivirzi ngi jibe gun ti naŋ, waɗ mawiyer ngi ɓiri tapasl tapaslay gunno ma, 34mawiyer ngi ɓiri tapasl tapasl pal, mawuyer misi kaɓa yi ngi hunduruk pal, hana pal, hana pal, hã gun mi ngi jibe zlar. 35Aroŋ a sa ga mikuli ti jibe nah ɓaˀ avu vu, naŋ masa so nga mbuŋ ɗu, ya Bumbulvuŋ ar guɗuko, yo naŋ masa bi gar na, a sa cinam hurum ngi mawiyereye, naɓa naŋ anta sa muc ta.
36«Yo kisa ɗiyi gwat ngi wuya, kaɓa mufuyuku, ti ɓiri tapasl tapasl pal naŋ, a sa tohom gwat nguɗ nguɗ, kaɓa matohom gwat ngi ɗuva slimiɗ ngi mbur ava: ‹Muvula le da Bumbulvuŋ.›
37«Ki juwa ti mbuŋ, ti lawarje miwitwit, a hirnga loppol ngi mezegwele. 38Aroŋ masa ru nga mbuŋ ɗu gar na, naŋ ti gwat ngi wuya nah a midibiɗ. Vurˀe, gwat Israyeley masa vulikiy di gar, da ko a vulikiy di kasl kasl ta tekeɗe kwana, i sa tiɓa mbele gwat nah. 39A dirba nah so na, kisa tufa dawra ti gugumay mislirkeɗ, dar dar ˀay naŋ da Aroŋ, waɗ loppol ngi gugumay mislirkeɗe ma, waɗ kanda mutufa dar dar kuy kuy ngi bigi dudok ati wuya. 40Ki sa tufa zana ngi slimiɗey da ziri ngi Aroŋhoyo: dawrahay, kandahay waɗ jiikuhoy. 41Ka Moyise, kisa ka zana hanayna, da sukum ɗik Aroŋ ati ziri naŋhaya. Ki sa pa taŋ mal a hirnga ngi vula taŋ slra. Naŋ kine, kisa ca taŋ i masayay, ɓa a gikiy mikuli. 42Tufa taŋ gejere ngi gugumay mislirkeɗ ngi ɗumo taŋ virzi, zle ar li juwa sirla hã sesẽŋ ar tuwal. 43Aroŋ ati ziri naŋhaya, da ara cam ng'ar guɗuk ngi zlir ati Buymisemuŋ, malla da ara kiraham ng'ar li gi mikuli ar li guɗuk ngi zlir ati Buymisemuŋ na, a sa caka gajereheye a virzi, da kine ta na, naɓa a micam, vur taŋ mugulndiŋ gulndiŋ kine na. I ɓimuɗuva makiɗ mi ta, avu Aroŋ ati dideˀ naŋhay a nga mbuŋ nga mbuŋ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.