DANIYEL 10
10
Gwat Daniel mupura ti kleŋ sar mimakir naŋ: mbur miki zana ngi gugumay mislirkeɗ
1Angi vi mimakir naŋ ngi Sirus buy Perse mazum buy na, Buymisemuŋ a njik ɓi le da Daniyel mazilaka Beltasara. Mingiɓi nah naŋ kaslsla, yo a ɓi di i ɓi ngi bonoy madiɗa. Daniyel a ja ɓi nah le, a sla wala nah ar naŋ mupura ti kleŋ. 2Ti hin nana, ya Daniyele, naɓa i gi le luuma makir ar li vagay. 3Y'anta zum gwat mezle ko neˀ ta, ko ˀuse, ko mbaazla, anta ci a balam ɗu ta. Y'anta gi urdi avu vu ta, hã luuma makir a kiɗ mi. 4Angi hin mukuruˀ nga mufaɗ ngi kiya mudumbuŋ na, naɓa ya deŋ a mi mubuliy madiɗa mazilaka Tigre. 5I zuɓa hirnga paɗɗa, keɗ na, mbur deŋ ti zana ngi gugumay mislirkeɗ, kanda ngi ɓiri tapasl tapasl pal naŋ wak a dingiriŋ. 6Vu naŋ, naŋ kaɓa ɗugur marva, mihiri naŋ kaɓa wucuɗ ngi vuŋ, hiri naŋ kaɓa dali i vu, haŋ ati sar naŋhaya, a wucuɗam kaɓa ɓiri gaza mingirzla kuleɗ kuleɗ, mingiɓi naŋ, kaɓa i zigiduw taˀ. 7I ya Daniyel pal ɗu, mupura gwat mubugo vu hana, mizli misi ati yahaya, a puraka ta. Amma didak a muɗa taŋ cek, a kilam nga ɗum. 8Yi ndir pal ɗu ar li pura gwat madiɗa mubugo vu na. Gidaŋ anta avu ya mata wãˀ. Kuturkuy ngi vu ɗu a mbiɗi, ko i lum gidaŋ neˀ mata. 9I ra cine ˀay naŋ maɓi. Da ya mira cine ˀay ngi mingiɓi naŋ na, i ɓurusl ɓurusl, ya durus a ruwuy. 10Akẽh na, haŋ ngi mbur a sa wusiy, a slikiɗiy, a puliy dilak ti miliwis, haŋ jah jah da ruwuy, i ra jijik. 11Dar mbur tuwa a ɓiy: ‹Daniyel, ka mbur Buymisemuŋ mihĩyuw haɗa, cici deŋ ar li ɗike, yo cine mingiɓi ya maɓuw di na, asi wurenna, a slinoko ya le ng'avi ka.» Ti naŋ maɓiy ɓi nah na, i slikiɗ deŋ, i wus jaɓ jaɓ. 12A ɓiy na: ‹Ki zluwun ta Daniyel, asi mingiɓi ɗik a ndil le sesẽŋ avu Buymisemuŋ, zle ti ka mija a mevel ɗike, ɓa ki sla wala ngi ɓi, yo ki hin hirnga a mbuŋ Buymisemuŋ na, ya muso na, vur ɓi nah. 13Yerima misi i modro ngi ruwuy Perse, a cici kaŋ kaŋ avu ya, hã hin kukur cuw ngaŋ kaˀa. Amma pura Misel, ngi wuzla modro mudumbuŋhoy, a so jiniy, joˀ yi sa ndir a ciki buy Perse. 14Yi so na, ɓa ngi ɓuw ɓi ngi gwat masa gi tumbuŋ avu mizli ɗikey, asi ar hin masa gam tayna na, gwat ngi pur ti kleŋ ada pal aruŋ.› 15Ti naŋ maɓiy kanah na, yi jika hirnga jik nga ruwuy, dar i taˀa mi. 16Amma mbur, kaɓa mburu, a sa wusiy avu mi, i wuna mi, i ra ɓi. I ɓa mbur mideŋ a ciki ɗu tuwa: «Kumani, gwat mubugo vu na, a muɗiy didak le haɗi, yo gidaŋ ɗu anta mata. 17Ya gawla ngi buyo, gidaŋ anta avu ya ta, yo musuwun a tiki le ma na, i ɓam ati kumani ɗu mbri mbrike?» 18Akẽh na, gwat mubam vu ati mbur titira tuwa, a wusiy ma, dar a vuliy gidaŋ. 19Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.› 20Naŋ a ɓiy: ‹Ya muso ng'avi ka na vur gwat mike, ki si na le kwa? I wuɗ i mahiri ngi kiɗa vu ati yarma modro ngi Perse wurenna, amma ti ya mabi nga kiɗa vu na, pura yarma, modro ngi Grek ara sawa. 21Amma yi sa tiluw mi ti ɓi ngi gwat mutoho ar Ɗerewol ngi ɓi mikaslsla. Mbur masa jiniˀis asi ya anta, sey Misel yarma, modro kum na tewle.
Currently Selected:
DANIYEL 10: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
DANIYEL 10
10
Gwat Daniel mupura ti kleŋ sar mimakir naŋ: mbur miki zana ngi gugumay mislirkeɗ
1Angi vi mimakir naŋ ngi Sirus buy Perse mazum buy na, Buymisemuŋ a njik ɓi le da Daniyel mazilaka Beltasara. Mingiɓi nah naŋ kaslsla, yo a ɓi di i ɓi ngi bonoy madiɗa. Daniyel a ja ɓi nah le, a sla wala nah ar naŋ mupura ti kleŋ. 2Ti hin nana, ya Daniyele, naɓa i gi le luuma makir ar li vagay. 3Y'anta zum gwat mezle ko neˀ ta, ko ˀuse, ko mbaazla, anta ci a balam ɗu ta. Y'anta gi urdi avu vu ta, hã luuma makir a kiɗ mi. 4Angi hin mukuruˀ nga mufaɗ ngi kiya mudumbuŋ na, naɓa ya deŋ a mi mubuliy madiɗa mazilaka Tigre. 5I zuɓa hirnga paɗɗa, keɗ na, mbur deŋ ti zana ngi gugumay mislirkeɗ, kanda ngi ɓiri tapasl tapasl pal naŋ wak a dingiriŋ. 6Vu naŋ, naŋ kaɓa ɗugur marva, mihiri naŋ kaɓa wucuɗ ngi vuŋ, hiri naŋ kaɓa dali i vu, haŋ ati sar naŋhaya, a wucuɗam kaɓa ɓiri gaza mingirzla kuleɗ kuleɗ, mingiɓi naŋ, kaɓa i zigiduw taˀ. 7I ya Daniyel pal ɗu, mupura gwat mubugo vu hana, mizli misi ati yahaya, a puraka ta. Amma didak a muɗa taŋ cek, a kilam nga ɗum. 8Yi ndir pal ɗu ar li pura gwat madiɗa mubugo vu na. Gidaŋ anta avu ya mata wãˀ. Kuturkuy ngi vu ɗu a mbiɗi, ko i lum gidaŋ neˀ mata. 9I ra cine ˀay naŋ maɓi. Da ya mira cine ˀay ngi mingiɓi naŋ na, i ɓurusl ɓurusl, ya durus a ruwuy. 10Akẽh na, haŋ ngi mbur a sa wusiy, a slikiɗiy, a puliy dilak ti miliwis, haŋ jah jah da ruwuy, i ra jijik. 11Dar mbur tuwa a ɓiy: ‹Daniyel, ka mbur Buymisemuŋ mihĩyuw haɗa, cici deŋ ar li ɗike, yo cine mingiɓi ya maɓuw di na, asi wurenna, a slinoko ya le ng'avi ka.» Ti naŋ maɓiy ɓi nah na, i slikiɗ deŋ, i wus jaɓ jaɓ. 12A ɓiy na: ‹Ki zluwun ta Daniyel, asi mingiɓi ɗik a ndil le sesẽŋ avu Buymisemuŋ, zle ti ka mija a mevel ɗike, ɓa ki sla wala ngi ɓi, yo ki hin hirnga a mbuŋ Buymisemuŋ na, ya muso na, vur ɓi nah. 13Yerima misi i modro ngi ruwuy Perse, a cici kaŋ kaŋ avu ya, hã hin kukur cuw ngaŋ kaˀa. Amma pura Misel, ngi wuzla modro mudumbuŋhoy, a so jiniy, joˀ yi sa ndir a ciki buy Perse. 14Yi so na, ɓa ngi ɓuw ɓi ngi gwat masa gi tumbuŋ avu mizli ɗikey, asi ar hin masa gam tayna na, gwat ngi pur ti kleŋ ada pal aruŋ.› 15Ti naŋ maɓiy kanah na, yi jika hirnga jik nga ruwuy, dar i taˀa mi. 16Amma mbur, kaɓa mburu, a sa wusiy avu mi, i wuna mi, i ra ɓi. I ɓa mbur mideŋ a ciki ɗu tuwa: «Kumani, gwat mubugo vu na, a muɗiy didak le haɗi, yo gidaŋ ɗu anta mata. 17Ya gawla ngi buyo, gidaŋ anta avu ya ta, yo musuwun a tiki le ma na, i ɓam ati kumani ɗu mbri mbrike?» 18Akẽh na, gwat mubam vu ati mbur titira tuwa, a wusiy ma, dar a vuliy gidaŋ. 19Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.› 20Naŋ a ɓiy: ‹Ya muso ng'avi ka na vur gwat mike, ki si na le kwa? I wuɗ i mahiri ngi kiɗa vu ati yarma modro ngi Perse wurenna, amma ti ya mabi nga kiɗa vu na, pura yarma, modro ngi Grek ara sawa. 21Amma yi sa tiluw mi ti ɓi ngi gwat mutoho ar Ɗerewol ngi ɓi mikaslsla. Mbur masa jiniˀis asi ya anta, sey Misel yarma, modro kum na tewle.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.