SLRA 6
6
Muwunam mizli tarnaˀ ngi jina misliney
1Ti di nah na, mizli ngisi Yesuhoy ara sikam. Yude miɓi ti mi Grekeye, a zlaka mbulo mi ti Yudehey ngi hirwuy nah na, asi gwat taŋ mawunkaka angi hin gar na, anta kam slimiɗ angi ngwas wudiga taŋhaya ta. 2Dar misliney mukuruˀ nga cuwo, a ziloko mizli ngisi Yesuhoyo keɗeɗe, a ɓam: «Ɓa i pulaka tila mi ti ɓi ngi Buymisemuŋ, ɓa i gam slra ngi gwat ngi zum na, a tiɓaŋ ta. 3Sukum ndrahay, zuwen wuɗam mizli tarnaˀ a wuzla kumo jak, mizli mezlehey, minaham le ti ˀUf, yo ti sinmijileŋ, ɓa i sa pulaka slra hana asi haŋ taŋ. 4Ndra ya kwana, i sa ram ti slra ngi diradibiɗ ati ngi tila mi ti ɓi ngi Buymisemuŋ ya.» 5Zigiduw gar a hĩyã mingiɓi misenna le. Joˀ a wunam Etiyen, mbur mitiɓi wãˀ, a nih le ti ˀUf Mipal, yo Filip, Prokor, Nikanor, Timoŋ, Parmenas ati Nikolas ngi hirwuy Antiyos, a ci Yude ti ci. 6A bigaka taŋ da mislineye, a diram dibiɗ, a bucaka taŋ haŋ a hirnga. 7Mingiɓi ngi Bumbulvuŋ ara ndih ti gidaŋ, mizli ngisi Yesuhoy a Zerusaleme, ara sikam haɗi haɗi. Masayay haɗa, ara tiɓaka ɓi misenna.
Mijaka Etiyen
8Buymisemuŋ a ga mezle le da Etiyene haɗi, a vulaŋ gidaŋ le haɗi, a gi gwat migam ɗaˀtahay ati gwat ngi zuma hirngahay haɗa a wuzla mizli. 9Amma ti di nah na, mekelemey a wuzla mizli ngir hay ngi diradibiɗ, mizli mazilaka taŋ beke muluma hirnga le na, i Yude ngi ruwuy Sirene, ngi Alekzandir, ngi Silisi waɗ ngi Azihey, a zlaka ngilami ati Etiyene. 10Amma ko a ngilakaŋ mi gu ta, asi ˀUf Mipal a vulaŋ sinmijileŋ le ar mingiɓi naŋ. 11Dar a wurkam mizli ɓa a ɓam: «I cinam le, ara ɓi ɓi ngi zi Moyis ati Bumbulvuŋ!» 12A paka mi da mizli, mizli micawwahay ati buy ngi ɓimujuwahaya, a ndiloko ɓuyoh, a jaka Etiyene, a ram di nga wuzla kus ngi ngila wuy madiɗa. 13A ram ti sedewo misi slirey tuwa nga diga, dar a ɓam: «Mbur hana, ara ɓi ɓi malambaˀ ndrehhe vur hay ngi Bumbulvuŋ, waɗ ar Ɓimuɗuva! 14Asi i cinaka, a ɓi na: ‹Yesu ngi Nazaret nah na, a sa waha hay nah avra, yo a sa mbiɗa sirik ndra mulumoko di avu Moyise.›» 15Mizli mujoar kus ngi ngila wuy madiɗa gar, a ɗuvaka hiri hiviceˀ ng'ar Etiyene, a puraka mihiri naŋ, a bam vu ati ngi modro ngi Buymisemuŋ.
Currently Selected:
SLRA 6: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 6
6
Muwunam mizli tarnaˀ ngi jina misliney
1Ti di nah na, mizli ngisi Yesuhoy ara sikam. Yude miɓi ti mi Grekeye, a zlaka mbulo mi ti Yudehey ngi hirwuy nah na, asi gwat taŋ mawunkaka angi hin gar na, anta kam slimiɗ angi ngwas wudiga taŋhaya ta. 2Dar misliney mukuruˀ nga cuwo, a ziloko mizli ngisi Yesuhoyo keɗeɗe, a ɓam: «Ɓa i pulaka tila mi ti ɓi ngi Buymisemuŋ, ɓa i gam slra ngi gwat ngi zum na, a tiɓaŋ ta. 3Sukum ndrahay, zuwen wuɗam mizli tarnaˀ a wuzla kumo jak, mizli mezlehey, minaham le ti ˀUf, yo ti sinmijileŋ, ɓa i sa pulaka slra hana asi haŋ taŋ. 4Ndra ya kwana, i sa ram ti slra ngi diradibiɗ ati ngi tila mi ti ɓi ngi Buymisemuŋ ya.» 5Zigiduw gar a hĩyã mingiɓi misenna le. Joˀ a wunam Etiyen, mbur mitiɓi wãˀ, a nih le ti ˀUf Mipal, yo Filip, Prokor, Nikanor, Timoŋ, Parmenas ati Nikolas ngi hirwuy Antiyos, a ci Yude ti ci. 6A bigaka taŋ da mislineye, a diram dibiɗ, a bucaka taŋ haŋ a hirnga. 7Mingiɓi ngi Bumbulvuŋ ara ndih ti gidaŋ, mizli ngisi Yesuhoy a Zerusaleme, ara sikam haɗi haɗi. Masayay haɗa, ara tiɓaka ɓi misenna.
Mijaka Etiyen
8Buymisemuŋ a ga mezle le da Etiyene haɗi, a vulaŋ gidaŋ le haɗi, a gi gwat migam ɗaˀtahay ati gwat ngi zuma hirngahay haɗa a wuzla mizli. 9Amma ti di nah na, mekelemey a wuzla mizli ngir hay ngi diradibiɗ, mizli mazilaka taŋ beke muluma hirnga le na, i Yude ngi ruwuy Sirene, ngi Alekzandir, ngi Silisi waɗ ngi Azihey, a zlaka ngilami ati Etiyene. 10Amma ko a ngilakaŋ mi gu ta, asi ˀUf Mipal a vulaŋ sinmijileŋ le ar mingiɓi naŋ. 11Dar a wurkam mizli ɓa a ɓam: «I cinam le, ara ɓi ɓi ngi zi Moyis ati Bumbulvuŋ!» 12A paka mi da mizli, mizli micawwahay ati buy ngi ɓimujuwahaya, a ndiloko ɓuyoh, a jaka Etiyene, a ram di nga wuzla kus ngi ngila wuy madiɗa. 13A ram ti sedewo misi slirey tuwa nga diga, dar a ɓam: «Mbur hana, ara ɓi ɓi malambaˀ ndrehhe vur hay ngi Bumbulvuŋ, waɗ ar Ɓimuɗuva! 14Asi i cinaka, a ɓi na: ‹Yesu ngi Nazaret nah na, a sa waha hay nah avra, yo a sa mbiɗa sirik ndra mulumoko di avu Moyise.›» 15Mizli mujoar kus ngi ngila wuy madiɗa gar, a ɗuvaka hiri hiviceˀ ng'ar Etiyene, a puraka mihiri naŋ, a bam vu ati ngi modro ngi Buymisemuŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.