SLRA 28
28
Pol ar matura ngi Malta
1A dirba ndra mulohoko tir mendere ng'ar matura, i cinaka na, a zilaka matura nah Malta. 2Mizli ngi hirwuy nah na, a tiɓam ndra le kuy kuy. Ti di nah na, vuŋ a zla le, ara gi, himiɗe yaɓ yaɓ teˀe. Vurˀe, a bulam ndra vu, a kirohoko ndra gar nga ciki vu tuwaŋ. 3Pol a hulo cacaya dir haŋ, a pa ng'ar vu tuwa. Vu mija cacaya ciɓak na, kwecesl a bo ngurɗaɗ ti raˀa, a luw law avu haŋ ngi Polo, a humbiɗaŋ. 4Mizli ngi hirwuy nah mupuraka kawa gizivir avu haŋ ngi Polo na, a zlaka a ɓam ar wala taŋ: «Mbur hana i mikiɗa hirnga gisiŋ, ko ti naŋ muloho tir mubuliy na kwana, kuli ndra mazilaka Jeŋŋe na, a pulaŋ jiviɗ ɓa a ndir ti siifa ta na si.» 5Amma Polo kuca kaw tuwa kwic ng'ar vu. Ko anta cin ji naŋ neˀ le ta. 6Mizli tuwa ara kutukoko, ɓa a puraka a sa hisl malla a sa diɗ mumuca simtraˀ kwani. Amma a dirba taŋ mukutukoko hã a zikam, ko gwat migaŋ neˀ anta na, a mbiɗaka wuluko, dar a ɓam: «I kuli, i kuli.» 7Guva ada gweˀ angi li nah, i ngi mbur madiɗa ngir matura vuna, a zilaka Publiyus. I ra pam sar a hay naŋ vuna, a tiɓa ndra mulaka le kuy kuy, i gam hin makir a hay naŋ. 8Cine naŋ a ro tup a viŋ, asi vu culok ava, yo ara zlih zay pumbus pumbus ma. Dar Pol aru deŋ a dudurum hirnga naŋ, a dir dibiɗ, a bucaŋ haŋ a hirnga, a mbuloŋ. 9A dirba nah na, misi jiji ngir matura nah gar a soko lumaka Polo, a mbulo taŋ aya. 10Mizli a ɗuvam ndra hirnga haɗi teˀe. Ti ndra macam palalam ɓa i ram le na, a vulam ndra gwat ndra misi ti may naŋ ar zuɓa mulak ndra gar.
Pol mindil a Roma
11I gam le kiya makir, a dirba nah, i cam palalam ngi Alekzandri, a ngira kiya ngi himiɗe ar matura nah vuna ya. A zilaka palalam nah: Kuli Kastor, yo Polus ma. 12I ra cicam a Sirakus, i gam hin makir a diga. 13I slikiɗam baɗ akẽh, i sipaka miyama silaɓɓa, i ra ndilam a Regiyo. Li naŋ muwun na, himiɗ vay ngi ruwuy a slikiɗo biw biw. Yo angi hin cuw si na, i ndilam le a Puzol. 14I lumam mitiɓihey a diga, a tiɓam ndra ɓa i gam luuma pal a hay taŋ. Ndra mira ndilam a Roma na, naŋ kahana so. 15Sukum ndra mitiɓi ngi Romahay micinaka ɓi ngi so ndra cin na, a soko jam ti ndra hirnga hã ar luuma Apiyus waɗ ar walahay mazilaka Li pi sar makir. Pol mupura taŋ keɗ na, a ga sise da Buymisemuŋ, a lum gidaŋ a mevele. 16A dirba ndra mindilam a Roma na, a pulaka jiviɗ da Polo, ɓa a cifi pal naŋ angi haya waɗ soje mijigin naŋ tewle.
Pol mitil mi ti Ɓimezle a Roma
17Hin makir a dirba nah na, Pol a zilo madiɗa ngi wuzla Yudeheye, ɓa a cikiloko. A dirba taŋ mukusomo, a ɓa taŋ: «Aw sukum ɗuwoy, i gi gwat malambaˀ ko neˀ da mizli ndraˀahaya ta, ko avu ɓi ndra mulumoko di avu dideˀ ndrahay kwana, i gi ta ma. Amma yi mbur dangay, diga taŋ mijikiy a Zeruzalem na, a vulikiy asi haŋ ngi Romahay. 18A dirba taŋ mucufuɗikiy na, taŋ a wuɗam pul ɗu le zleˀe, asi a lumam malambaˀ avu ya, ɓa a kiɗikiy vagay aseˀe ta. 19Amma Yudehey mungumam ɓa a pulikiy ta na, a sa gi avu ya ka tikaˀay, i cufuɗ ɓa a slinoko ti ya ng'avu buy mimadiɗa ngi Roma. Ko ji ɓi da mizli ɗuwoy anta ar wuluk ɗu ta. 20Ya muzulukum na vurˀe, ɓa yi purukum, yo ɓa i kiɗam slir ati kumo. Wãˀ naŋ na, taŋ mujuwikiy ti celelu hana na, asi mbur Israyeley manjaham hiri aseˀe na.» 21Mizli madiɗa ngi Yudehey a mbiɗakaŋ di: «Ndr'i lumam ɗerewol tivu Yudehey asi ɓi ɗike ta, yo ko sukum ndra pal muso ndra ti ɓi malla miɓi ɓi malambaˀ vur ka kwana, anta ma. 22Amma i wuɗam ka ti hirnga ɗik vuna, ki biga ndra wuluk ɗike, ɓa i cinakaŋ. Asi i sinaka le, ko amaka gar na, mizli anta ngumam sipa jiviɗ ka misi anga hana ta.» 23A ɗuvam hin pal, mizli haɗi fineˀ misi zleˀe, a soko lumakaŋ a hay naŋ. Zle ngi miprik hã pastaˀa, Pol a biga taŋ gwatay: a tila taŋ mi ti ɓi ngi zumabuy ngi Buymisemuŋ, a cik vu ɓa a mbiɗaka mevele. A ɓa taŋ ɓimujuwa ngi Moyis waɗ ɓi ngi mijiviɗey miɓaka vur Yesu. 24Mizli mekelemey a tiɓaka ɓi nah le, amma numuŋhoy a ngumam tiɓi naŋ ta. 25Ti taŋ macohom le na, ko a ngiɓam ˀay ar wala taŋ t'aruŋ. Pol a ɓa taŋ ɓi purla si: «Ɓi ˀUf Mipal, mijiviɗ Ezayi miɓa da dideˀ kumoy na, a gi le kaslsla gisiŋ! 26Asi Ezayi a ɓi na: ‹A ra luuma mizli tayna, ɓa taŋ na:
Ki sa cinam ti cin ngataraŋ, amma kum anta sa slaka wala ngi ɓi ta.
Ki sa puram ti pur ngataraŋ, amma kum anta sa puram ta.
27Asi hirnga ngi mizli tayna, a tiri le gidaŋ haɗi,
a dislaka slimiɗe le,
a slirɓaka hiri le,
ɓa a puram ti hiri taŋ mata,
ɓa a cinam ti slimiɗ taŋ mata,
ɓa mevel taŋ a sla wala ngi ɓi mata,
yo ɓa a mbiɗam ng'avu Buymisemuŋ mata,
vur ya masa ɗiya taŋ.›»
28Pol a kiɗa mingiɓi naŋ, a ɓa taŋ: «Sinaka sin le so: ɓi ngi Buymisemuŋ malih vu hana, a slinaka le da mizli Yudehey ta, taŋ a sa cinakaŋ!» [ 29A dirba Pol miɓa taŋ kahana na, Yudehey a cohom bal ti ngila mi haɗi ar wala taŋ.] 30Pol a cifi kahana, a ngir ti gidaŋ naŋ, vi pak pak cuw. Mizli masoko nga pur naŋ gar na, ara tiɓa taŋ. 31A ra til mi ti ɓi ngi Zumabuy ngi Buymisemuŋ, waɗ a dubuna gwat da mizli ar ɓi ngi Buy Yesu Kristu manja zluwun, ko mbur magaŋ ngaˀa anta.
Currently Selected:
SLRA 28: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 28
28
Pol ar matura ngi Malta
1A dirba ndra mulohoko tir mendere ng'ar matura, i cinaka na, a zilaka matura nah Malta. 2Mizli ngi hirwuy nah na, a tiɓam ndra le kuy kuy. Ti di nah na, vuŋ a zla le, ara gi, himiɗe yaɓ yaɓ teˀe. Vurˀe, a bulam ndra vu, a kirohoko ndra gar nga ciki vu tuwaŋ. 3Pol a hulo cacaya dir haŋ, a pa ng'ar vu tuwa. Vu mija cacaya ciɓak na, kwecesl a bo ngurɗaɗ ti raˀa, a luw law avu haŋ ngi Polo, a humbiɗaŋ. 4Mizli ngi hirwuy nah mupuraka kawa gizivir avu haŋ ngi Polo na, a zlaka a ɓam ar wala taŋ: «Mbur hana i mikiɗa hirnga gisiŋ, ko ti naŋ muloho tir mubuliy na kwana, kuli ndra mazilaka Jeŋŋe na, a pulaŋ jiviɗ ɓa a ndir ti siifa ta na si.» 5Amma Polo kuca kaw tuwa kwic ng'ar vu. Ko anta cin ji naŋ neˀ le ta. 6Mizli tuwa ara kutukoko, ɓa a puraka a sa hisl malla a sa diɗ mumuca simtraˀ kwani. Amma a dirba taŋ mukutukoko hã a zikam, ko gwat migaŋ neˀ anta na, a mbiɗaka wuluko, dar a ɓam: «I kuli, i kuli.» 7Guva ada gweˀ angi li nah, i ngi mbur madiɗa ngir matura vuna, a zilaka Publiyus. I ra pam sar a hay naŋ vuna, a tiɓa ndra mulaka le kuy kuy, i gam hin makir a hay naŋ. 8Cine naŋ a ro tup a viŋ, asi vu culok ava, yo ara zlih zay pumbus pumbus ma. Dar Pol aru deŋ a dudurum hirnga naŋ, a dir dibiɗ, a bucaŋ haŋ a hirnga, a mbuloŋ. 9A dirba nah na, misi jiji ngir matura nah gar a soko lumaka Polo, a mbulo taŋ aya. 10Mizli a ɗuvam ndra hirnga haɗi teˀe. Ti ndra macam palalam ɓa i ram le na, a vulam ndra gwat ndra misi ti may naŋ ar zuɓa mulak ndra gar.
Pol mindil a Roma
11I gam le kiya makir, a dirba nah, i cam palalam ngi Alekzandri, a ngira kiya ngi himiɗe ar matura nah vuna ya. A zilaka palalam nah: Kuli Kastor, yo Polus ma. 12I ra cicam a Sirakus, i gam hin makir a diga. 13I slikiɗam baɗ akẽh, i sipaka miyama silaɓɓa, i ra ndilam a Regiyo. Li naŋ muwun na, himiɗ vay ngi ruwuy a slikiɗo biw biw. Yo angi hin cuw si na, i ndilam le a Puzol. 14I lumam mitiɓihey a diga, a tiɓam ndra ɓa i gam luuma pal a hay taŋ. Ndra mira ndilam a Roma na, naŋ kahana so. 15Sukum ndra mitiɓi ngi Romahay micinaka ɓi ngi so ndra cin na, a soko jam ti ndra hirnga hã ar luuma Apiyus waɗ ar walahay mazilaka Li pi sar makir. Pol mupura taŋ keɗ na, a ga sise da Buymisemuŋ, a lum gidaŋ a mevele. 16A dirba ndra mindilam a Roma na, a pulaka jiviɗ da Polo, ɓa a cifi pal naŋ angi haya waɗ soje mijigin naŋ tewle.
Pol mitil mi ti Ɓimezle a Roma
17Hin makir a dirba nah na, Pol a zilo madiɗa ngi wuzla Yudeheye, ɓa a cikiloko. A dirba taŋ mukusomo, a ɓa taŋ: «Aw sukum ɗuwoy, i gi gwat malambaˀ ko neˀ da mizli ndraˀahaya ta, ko avu ɓi ndra mulumoko di avu dideˀ ndrahay kwana, i gi ta ma. Amma yi mbur dangay, diga taŋ mijikiy a Zeruzalem na, a vulikiy asi haŋ ngi Romahay. 18A dirba taŋ mucufuɗikiy na, taŋ a wuɗam pul ɗu le zleˀe, asi a lumam malambaˀ avu ya, ɓa a kiɗikiy vagay aseˀe ta. 19Amma Yudehey mungumam ɓa a pulikiy ta na, a sa gi avu ya ka tikaˀay, i cufuɗ ɓa a slinoko ti ya ng'avu buy mimadiɗa ngi Roma. Ko ji ɓi da mizli ɗuwoy anta ar wuluk ɗu ta. 20Ya muzulukum na vurˀe, ɓa yi purukum, yo ɓa i kiɗam slir ati kumo. Wãˀ naŋ na, taŋ mujuwikiy ti celelu hana na, asi mbur Israyeley manjaham hiri aseˀe na.» 21Mizli madiɗa ngi Yudehey a mbiɗakaŋ di: «Ndr'i lumam ɗerewol tivu Yudehey asi ɓi ɗike ta, yo ko sukum ndra pal muso ndra ti ɓi malla miɓi ɓi malambaˀ vur ka kwana, anta ma. 22Amma i wuɗam ka ti hirnga ɗik vuna, ki biga ndra wuluk ɗike, ɓa i cinakaŋ. Asi i sinaka le, ko amaka gar na, mizli anta ngumam sipa jiviɗ ka misi anga hana ta.» 23A ɗuvam hin pal, mizli haɗi fineˀ misi zleˀe, a soko lumakaŋ a hay naŋ. Zle ngi miprik hã pastaˀa, Pol a biga taŋ gwatay: a tila taŋ mi ti ɓi ngi zumabuy ngi Buymisemuŋ, a cik vu ɓa a mbiɗaka mevele. A ɓa taŋ ɓimujuwa ngi Moyis waɗ ɓi ngi mijiviɗey miɓaka vur Yesu. 24Mizli mekelemey a tiɓaka ɓi nah le, amma numuŋhoy a ngumam tiɓi naŋ ta. 25Ti taŋ macohom le na, ko a ngiɓam ˀay ar wala taŋ t'aruŋ. Pol a ɓa taŋ ɓi purla si: «Ɓi ˀUf Mipal, mijiviɗ Ezayi miɓa da dideˀ kumoy na, a gi le kaslsla gisiŋ! 26Asi Ezayi a ɓi na: ‹A ra luuma mizli tayna, ɓa taŋ na:
Ki sa cinam ti cin ngataraŋ, amma kum anta sa slaka wala ngi ɓi ta.
Ki sa puram ti pur ngataraŋ, amma kum anta sa puram ta.
27Asi hirnga ngi mizli tayna, a tiri le gidaŋ haɗi,
a dislaka slimiɗe le,
a slirɓaka hiri le,
ɓa a puram ti hiri taŋ mata,
ɓa a cinam ti slimiɗ taŋ mata,
ɓa mevel taŋ a sla wala ngi ɓi mata,
yo ɓa a mbiɗam ng'avu Buymisemuŋ mata,
vur ya masa ɗiya taŋ.›»
28Pol a kiɗa mingiɓi naŋ, a ɓa taŋ: «Sinaka sin le so: ɓi ngi Buymisemuŋ malih vu hana, a slinaka le da mizli Yudehey ta, taŋ a sa cinakaŋ!» [ 29A dirba Pol miɓa taŋ kahana na, Yudehey a cohom bal ti ngila mi haɗi ar wala taŋ.] 30Pol a cifi kahana, a ngir ti gidaŋ naŋ, vi pak pak cuw. Mizli masoko nga pur naŋ gar na, ara tiɓa taŋ. 31A ra til mi ti ɓi ngi Zumabuy ngi Buymisemuŋ, waɗ a dubuna gwat da mizli ar ɓi ngi Buy Yesu Kristu manja zluwun, ko mbur magaŋ ngaˀa anta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.