SLRA 22
22
1«Sukum ɗuwoy ati cine ɗuwoy, cinaka ɓi ya mawuɗ i ɓukum di wurenna ngi laha hirnga ɗu.» 2Ti taŋ micinaka Pol maɓa taŋ ti mi Heber tuwa na, a ɗumoko is lek lek wãˀ ma. Pol a ɓi: 3«Yi mbur Yude, a yikiy a Tarse, hirwuy Silisi. Amma yi gil angi walahay Zeruzalem aka. Yo i dubuna ɓimujuwa ngi dideˀ ndraˀahaya le kuy kuy wãˀ avu Gamaliyel. Ya zleˀe wirwir ar ɓi ngi Buymisemuŋ kaɓa kum gar dana vuna ya. 4Mizli masipam jiviɗ ngi Buymisemuŋ na, yi sipa taŋ le nder nder hã mekelemey a lumam mucu. Yi ji ziley ati ngwasaya le kaˀ kaˀ ti celelu ng'ar dangay. 5Masay madiɗa ati kus ngi mizli micawwahay a gaka sedewo naŋ gu. Asi mike na, ya muru zleˀe nga jo mizli a damasa, ɓa yi so ga taŋ bonoy a Zeruzalem aka na, muvulikiy ɗerewol da sukum ndra Yude ngi digahay vuna, i taŋ.
Pol muslufa ɓi ngi naŋ mbiɗi mevel
(Yo pura Slra 9.1-19; 26.12-18)
6«Ti ya maru a jiviɗe, ya gweˀ ngi ndila Damasa, hirak ng'avi pas deŋ, gurjik si na, li a wucuɗo kpah zle a muŋ gun hirnga ɗu. 7Yi diɗ putukul a ruwuy, joˀ yi cin ˀay ngi mbur maɓi: ‹Sawul, Sawul, ki sipiy nder nder vur mike?› 8Yi mbiɗaŋ di: ‹I ka waka Buy?› A ɓiy ma: ‹I ya Yesu ngi Nazaret, ka masipiy nder nder na.› 9Mizli ndra mubumoˀhoyo, t'ada puraka li minjahha tuwa kuy kuy ɓula, amma t'anta cinaka ˀay ngi mbur maɓiy na ta. 10Dar yi cufuɗaŋ: ‹Sey yi gi mi ska Buy?› Buymisemuŋ a mbiɗiy di: ‹Slikiɗ, aru nga Damas. Gwat Buymisemuŋ maɓuw di, ngi gi ngi gi gar na, a sa ɓukuw di a diga.› 11Wucuɗ ngi li minjahha tuwa, a kiɗiy hiri le, y'anta pur mata. Vurˀe, mizli ndra mubumoˀhoyo, a sa ɗiɗikiy ti ɗiɗi kulaˀ a Damasa.
12«Mbur ada a diga, a zilaka Ananiyas. I mbur masipi jiviɗ ngi Buymisemuŋ, naŋ teŋteŋ avu Ɓimujuwa. Mizli Yude ngi digahay gar ara ngilam di wuy teˀe. 13Dar a so lumiy, a ɓiy na: ‹Sawul, sukum ɗu, pur muduba.› Angi nah vuna si na, i ra pur muduba, joˀ yi puraŋ. 14Ananiyas a ɓiy: ‹Buymisemuŋ ngi dideˀ ndrahay a muɗuw le ceɗ, ɓa ki si na gwat naŋ mawuɗo, ɓa ki pura mbur mijeŋŋe na, ɓa ki cine ˀay nga naŋ maɓuw ti balam naŋ. 15Asi mike na, gwat ka mupura ati ɓi ka micina gar na, sey ki ga sedewo naŋ a mbuŋ mizli gar. 16Wurenna, ki mur vur mike? Slikiɗ, tiɓa ci ar yama, ɓa munga ɗikey a bunam avra ti zila slimiɗ ngi Buymisemuŋ.›»
Pol muslufa ɓi mislinakaŋ ng'avu sukwi mekelemey
17«Yi mo le nga Zeruzaleme. Ti ya muro dir dibiɗ ar Hay ngi Bumbulvuŋ na, yi pur gwat ti kleŋ. 18Yi pura Bumbulvuŋ maɓiy: ‹Bi kutum ti Zerusaleme, asi sedewo ka masa ga ar ya na, t'anta sa tiɓaka ta.› 19Yi mbiɗaŋ di: ‹Buy, taŋ vuna a sinaka le kuy kuy, yi mbur maru zleˀe ar hay ngi diradibiɗey, mizli matiɓaka ɓi ɗike, i jo taŋ ng'ar dangay, yo i sliɗa taŋ tuwaŋ. 20Yo tapas mizli mikiɗaka Etiyen migi sedewo ɗik na, y'ada, ya vuna, i hĩyã mikiɗ naŋhaya le, yo i ya mijigina zana taŋhaya.› 21Amma Bumbulvuŋ tuwa a ɓiy: ‹Aru, ya masa slinuw na, kileŋ ng'avi mizli Yudehey ta.›»
Pol ati buy ngi soje Romahay
22Yudehey micinaka mingiɓi ngi Polo hã avu naŋ miɓa hana na, dar a zlaka a tilam mi, a ɓam: «Zuwen zizeˀ mbur misi kahana avra! A zlir ɓa a ndir ti siifa ta!» 23Taŋ mizlaka mbura himaˀ, a hizigaka godo taŋhay avra, a zliɗam muyuŋ nga muŋ pik pik na, 24buy ngi sojeheye, a ɓi ɓa a cam ti Polo ngi hay, a sliɗakaŋ ti laway, ɓa a si na ɓi Yudehey mawudam cirəw cirəw aseˀe na. 25Ti taŋ majuwakaŋ ɓa a sliɗaka tuwa na, mbur soje madiɗa ada akẽh, Polo zla a ɓaŋ: «Zuŋ Roma migakaŋ kiita t'aruŋ si na, a pulukum jiviɗ le ɓa ki sliɗakaŋ kwa mbrike?» 26Mbur soje madiɗa tuwa, micina kahana na, ara fa ɓi nah fet da buy ngi sojeheye, a ɓaŋ: «Ki wuɗ ki gi mi zleˀe ka? Mbur tuwa i mbur Roma!» 27Dar buy ngi sojehey tuwa, a mo ng'avi Polo, a cufuɗaŋ: «Ɓiy di, ki mbur Roma gisiŋ gisiŋ kwa?» Pol a ɓaŋ: «Hĩ.» 28Buy ngi sojehey a ɓaŋ: «Ɓa ya mitiri mbur Roma na, yi hiɗika ti dala haɗi a zli ta.» Pol a ɓaŋ: «Ya i mbur Roma miyaka cak ti yi.» 29Mizli muwuɗam zleˀe ɓa a sliɗakaŋ tuwa, a pulaka kutum si. Buy ngi sojehey misina sin i mbur Roma na, a zluwun haɗi vur naŋ muro kaˀ kaˀ ti celelu na.
Miram ti Pol a mbuŋ ngi ngilawuy madiɗa
30Li naŋ muwun na, buy ngi sojehey a juwa le a mevele kuy kuy, ɓa a si na gwat Yudehey makupaka ɓi da Pol aseˀe na. A cukokoŋ celeluhoyo, a dirba nah, a ɓi ɓa masay madiɗahay ati mingilawuy madiɗa taŋhaya gar, a cikilam. Dar a ɓi ɓa a poko sar ti Polo, a cicaka deŋ a mbuŋ taŋ.
Currently Selected:
SLRA 22: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 22
22
1«Sukum ɗuwoy ati cine ɗuwoy, cinaka ɓi ya mawuɗ i ɓukum di wurenna ngi laha hirnga ɗu.» 2Ti taŋ micinaka Pol maɓa taŋ ti mi Heber tuwa na, a ɗumoko is lek lek wãˀ ma. Pol a ɓi: 3«Yi mbur Yude, a yikiy a Tarse, hirwuy Silisi. Amma yi gil angi walahay Zeruzalem aka. Yo i dubuna ɓimujuwa ngi dideˀ ndraˀahaya le kuy kuy wãˀ avu Gamaliyel. Ya zleˀe wirwir ar ɓi ngi Buymisemuŋ kaɓa kum gar dana vuna ya. 4Mizli masipam jiviɗ ngi Buymisemuŋ na, yi sipa taŋ le nder nder hã mekelemey a lumam mucu. Yi ji ziley ati ngwasaya le kaˀ kaˀ ti celelu ng'ar dangay. 5Masay madiɗa ati kus ngi mizli micawwahay a gaka sedewo naŋ gu. Asi mike na, ya muru zleˀe nga jo mizli a damasa, ɓa yi so ga taŋ bonoy a Zeruzalem aka na, muvulikiy ɗerewol da sukum ndra Yude ngi digahay vuna, i taŋ.
Pol muslufa ɓi ngi naŋ mbiɗi mevel
(Yo pura Slra 9.1-19; 26.12-18)
6«Ti ya maru a jiviɗe, ya gweˀ ngi ndila Damasa, hirak ng'avi pas deŋ, gurjik si na, li a wucuɗo kpah zle a muŋ gun hirnga ɗu. 7Yi diɗ putukul a ruwuy, joˀ yi cin ˀay ngi mbur maɓi: ‹Sawul, Sawul, ki sipiy nder nder vur mike?› 8Yi mbiɗaŋ di: ‹I ka waka Buy?› A ɓiy ma: ‹I ya Yesu ngi Nazaret, ka masipiy nder nder na.› 9Mizli ndra mubumoˀhoyo, t'ada puraka li minjahha tuwa kuy kuy ɓula, amma t'anta cinaka ˀay ngi mbur maɓiy na ta. 10Dar yi cufuɗaŋ: ‹Sey yi gi mi ska Buy?› Buymisemuŋ a mbiɗiy di: ‹Slikiɗ, aru nga Damas. Gwat Buymisemuŋ maɓuw di, ngi gi ngi gi gar na, a sa ɓukuw di a diga.› 11Wucuɗ ngi li minjahha tuwa, a kiɗiy hiri le, y'anta pur mata. Vurˀe, mizli ndra mubumoˀhoyo, a sa ɗiɗikiy ti ɗiɗi kulaˀ a Damasa.
12«Mbur ada a diga, a zilaka Ananiyas. I mbur masipi jiviɗ ngi Buymisemuŋ, naŋ teŋteŋ avu Ɓimujuwa. Mizli Yude ngi digahay gar ara ngilam di wuy teˀe. 13Dar a so lumiy, a ɓiy na: ‹Sawul, sukum ɗu, pur muduba.› Angi nah vuna si na, i ra pur muduba, joˀ yi puraŋ. 14Ananiyas a ɓiy: ‹Buymisemuŋ ngi dideˀ ndrahay a muɗuw le ceɗ, ɓa ki si na gwat naŋ mawuɗo, ɓa ki pura mbur mijeŋŋe na, ɓa ki cine ˀay nga naŋ maɓuw ti balam naŋ. 15Asi mike na, gwat ka mupura ati ɓi ka micina gar na, sey ki ga sedewo naŋ a mbuŋ mizli gar. 16Wurenna, ki mur vur mike? Slikiɗ, tiɓa ci ar yama, ɓa munga ɗikey a bunam avra ti zila slimiɗ ngi Buymisemuŋ.›»
Pol muslufa ɓi mislinakaŋ ng'avu sukwi mekelemey
17«Yi mo le nga Zeruzaleme. Ti ya muro dir dibiɗ ar Hay ngi Bumbulvuŋ na, yi pur gwat ti kleŋ. 18Yi pura Bumbulvuŋ maɓiy: ‹Bi kutum ti Zerusaleme, asi sedewo ka masa ga ar ya na, t'anta sa tiɓaka ta.› 19Yi mbiɗaŋ di: ‹Buy, taŋ vuna a sinaka le kuy kuy, yi mbur maru zleˀe ar hay ngi diradibiɗey, mizli matiɓaka ɓi ɗike, i jo taŋ ng'ar dangay, yo i sliɗa taŋ tuwaŋ. 20Yo tapas mizli mikiɗaka Etiyen migi sedewo ɗik na, y'ada, ya vuna, i hĩyã mikiɗ naŋhaya le, yo i ya mijigina zana taŋhaya.› 21Amma Bumbulvuŋ tuwa a ɓiy: ‹Aru, ya masa slinuw na, kileŋ ng'avi mizli Yudehey ta.›»
Pol ati buy ngi soje Romahay
22Yudehey micinaka mingiɓi ngi Polo hã avu naŋ miɓa hana na, dar a zlaka a tilam mi, a ɓam: «Zuwen zizeˀ mbur misi kahana avra! A zlir ɓa a ndir ti siifa ta!» 23Taŋ mizlaka mbura himaˀ, a hizigaka godo taŋhay avra, a zliɗam muyuŋ nga muŋ pik pik na, 24buy ngi sojeheye, a ɓi ɓa a cam ti Polo ngi hay, a sliɗakaŋ ti laway, ɓa a si na ɓi Yudehey mawudam cirəw cirəw aseˀe na. 25Ti taŋ majuwakaŋ ɓa a sliɗaka tuwa na, mbur soje madiɗa ada akẽh, Polo zla a ɓaŋ: «Zuŋ Roma migakaŋ kiita t'aruŋ si na, a pulukum jiviɗ le ɓa ki sliɗakaŋ kwa mbrike?» 26Mbur soje madiɗa tuwa, micina kahana na, ara fa ɓi nah fet da buy ngi sojeheye, a ɓaŋ: «Ki wuɗ ki gi mi zleˀe ka? Mbur tuwa i mbur Roma!» 27Dar buy ngi sojehey tuwa, a mo ng'avi Polo, a cufuɗaŋ: «Ɓiy di, ki mbur Roma gisiŋ gisiŋ kwa?» Pol a ɓaŋ: «Hĩ.» 28Buy ngi sojehey a ɓaŋ: «Ɓa ya mitiri mbur Roma na, yi hiɗika ti dala haɗi a zli ta.» Pol a ɓaŋ: «Ya i mbur Roma miyaka cak ti yi.» 29Mizli muwuɗam zleˀe ɓa a sliɗakaŋ tuwa, a pulaka kutum si. Buy ngi sojehey misina sin i mbur Roma na, a zluwun haɗi vur naŋ muro kaˀ kaˀ ti celelu na.
Miram ti Pol a mbuŋ ngi ngilawuy madiɗa
30Li naŋ muwun na, buy ngi sojehey a juwa le a mevele kuy kuy, ɓa a si na gwat Yudehey makupaka ɓi da Pol aseˀe na. A cukokoŋ celeluhoyo, a dirba nah, a ɓi ɓa masay madiɗahay ati mingilawuy madiɗa taŋhaya gar, a cikilam. Dar a ɓi ɓa a poko sar ti Polo, a cicaka deŋ a mbuŋ taŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.