SLRA 20
20
Bi mulak ngi Pol nga Maseduwan ati Grek
1A dirba mi muwuwwo mikiɗ mi na, Polo zilo mitiɓiheye, dar a vula taŋ gidaŋ. A dirba nah, a mbiɗa taŋ mi, a zuɓa jiviɗ nga Maseduwan. 2A dirba naŋ mutuwuɗa hirwuy nah bal ti vula gidaŋ da mitiɓihey haɗi na, ara ndil angi hirwuy Grek. 3A gi kiya makir a diga. Hirak ti naŋ mawuɗ a ci palalam nga hirwuy Siri na, dambalaka Yudehey ara gam gidiɓi a hirnga naŋ. A sa wuluk ɓa a bi ti Maseduwan a muŋ. 4Misi aseˀe i ti Sopater, mangal ngi Pirrus, mbur Bere, Aristarke waɗ Sekundus, mizli Tesalonikihey, yo Gayus ngir walahay Derbe ati Timote waɗ Tisike ati Trofim, mizli ngi Azihey. 5Mizli tayna a ram le zleˀe dumbuŋ, ara kutukom ndra a Trowas. 6Ndra kwana, a dirba muguzlum ngi zuma ɗaf manja ˀis#20.6 Is i gwat ngi slikiɗa hapa ngi di ɗaf na, i cam palalam a Filipe. Hin zlum a dirba nah na, i ra lumaka taŋ a Trowas. I gam luuma pal a diga.
Pol mira pura Trowasay ngi mbiɗi mi wãˀ
7Yo asewe ngi hiikuɗ naŋ na, i kusom le ngi zuma ɗaf ngi Buy Yesu muvula, ɓa li a wun na, Pol a sa cuh le. A zik ti mingiɓi haɗi da sukum naŋ mitiɓiheye, hã ng'avu wuzla duvuɗu. 8Lampehey ada haɗi ar hay ndra mukusom anga vuna. 9Mangal gawla ada, a zilaka Etike, a cifi le a mi fenetir, hinje a jaŋ le haɗi wãˀ, ko Pol a tika mingiɓi naŋ t'aruŋ. Hinje tuwa a hizigiɗaŋ, a diɗo nga ruwuy, zle ar hay mijirngasl mimakir naŋ a hirnga cala. A slikiɗaka na, a muc le si. 10Dar Pol a po sar, a wus vu ng'avaŋ, a zuɓa kutuk a haŋ, a ɓa mizli: «Anja didak a muɗukum ta, naŋ ti siifa.» 11Joˀ a jiɗ ng'ar hay mijirngasl ngi hirnga cala tuwa a muŋ, a ngila ɗaf tuwa, a zumakaŋ. A dirba nah, a kiɗam slir hã gbaˀ avu li, dar a cuh. 12A ram ti mangal gawla tuwa, naŋ ti siifa. Ɓi nah, i ɓi ngi vula gidaŋ haɗi da mizli gar.
Bi mulak ngi Pol ti Trowas nga Milet
13Yo ndr'i cam palalam dumbuŋ angi Polo, i ram nga Asos, ɓa i sa zuɓaka Pol a diga. Naŋ aru nga diga ti sar, kaɓa naŋ mujuwa a mevele zleˀe. 14Ti naŋ mira luuma ndra a Asos na, i zuɓaka angi palalam ndra, ɓa i ram nga Mitilene. 15Li naŋ muwun na, i cam palalam baɗ a diga hã i ram hirak ti Kiyo. Ngi duwul naŋ na, i ra tuwuɗam a Samos, ngi duwul naŋ mekelem ma na, i ra cicam a Trogiyoŋ. A dirba nah, i ndilam a Milete so. 16Asi mike na, Pol a juwa le a mevele, ɓa a cohom manja cici a Efeze, vur taŋ masa zizam pas lambaˀ a Azi. A ra wus vu, a wuɗ da a gi na, hã hin ngi muguzlum Paŋtekot na, naŋ a Zeruzalem.
Mingiɓi ngi Pol da micawwa ngi Efezey
17Pol a slin zle a Milete nga zilo mizli micawwa ngi Cikil ngi misikristu ngi Efezeye. 18Ti taŋ mindiloko na, a ɓa taŋ: «Zle ti ya mindilo ndil a Azi na, gwat ngi gi ɗu a wuzla kumo, ki sinaka le. 19Yi ga slra ngi Bumbulvuŋ le ti hina hirnga wãˀ, ti tuwuy, yo ti bonoy a wuzla mi memeɗe, Yudehey magaka a hirnga ɗu. 20Ki sinaka le, ɓi zliv ɓa a jinukum gar na, yi ɗumo ɗaˀ ta. Jak na, yi tulukum mi ti ɓi ngi Bumbulvuŋ, i dubunukum gwata le a mihiri mizli, ko a hay kumoyo ma jaka. 21Tila mi ɗu i ngi zila Yudehey ati Grekey, ɓa a mbiɗam ng'avu Buymisemuŋ, yo ɓa a tiɓaka Buy ndra Yesu. 22Ani wurenna, ˀUf Mipal ara tikiy ˀay, i ra ru nga Zeruzalem. Gwat masa lumiy a diga na, yi si na ta. 23Amma gwat ya misin na, ˀUf Mipal ara njikiy di, celelu ati bonoy ara kutukukiy vur walahay vur walahay ɓula. 24Na zle, y'anta pura siifa ɗu kaɓa i gwat mupuɗaw ta. Ya magi hĩˀĩ na, ɓa yi kiɗa mi ngi pi mi ɗu kuy kuy waɗ slra Buy Yesu mupuliy di na, i sedewo ngi Ɓimezle, ti gimezle ngi Buymisemuŋ. 25«Ani zle dana, yi si na le kuy kuy, kum gar, ya mizik a wuzla kum ti tila mi ti Ɓimezle vur Zumabuy ngi Buymisemuŋ na, kum anta sa puraka hiri ɗu mata. 26Vurˀe yi ɓukum njah dana muduba, da ki zizam le na, zayɓi ngi mbur anta ar ya ta. 27Yi ɗum ɓi ko neˀ ta ndiɗaˀ, jiviɗ ngi Buymisemuŋ miɗiya gar na, yi tulukum di mi le gar jaka. 28Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ. 29Yi si na le kuy kuy, a dirba ya mucuh le na, kiriɓuh miji vuhoy, a sa coko a wuzla kumo, t'anta sa wam vu ti gineweye ta. 30Mizli miɓi mi cuw cuwhoy, a sa boko tehhe ti wuzla kum vuna a muŋ, a sa ɗiɗaka mitiɓihey ng'asi taŋ. 31Ndiram hiri ɗeŋ ɗeŋ so, wulkam, angi vi makir, duvuɗ ti papas gar na, yi ro ar li kuti kumo purla purla gar ti tuwuy a hiri. 32«Wurenna so na, yi pulukum asi haŋ ngi Buymisemuŋ waɗ da gimezle naŋ na. A ndila le ɓa a vulukum gidaŋ, yo ɓa a vulukum gwat mezlehey naŋ miwi taŋ vu da mizli naŋhay gar. 33Dala, ko ɓiri tapasl tapasl malla zana, yi hiyĩ ɗaˀ avu mbur ta. 34Kum ti hirnga kumo, ki sinaka le, yi gi slra ti haŋ ɗu misenna, ɓa ngi luuma gwat ya mawuɗ waɗ da mizli ngisi yahaya ma. 35Buy Yesu ti hirnga naŋ a ɓi: ‹Mbur mavul gwata, a mumul fine mbur mavulakaŋ gwat ti vulo.› Ɓa i wulkaka mingiɓi hana, yo ɓa i jinaka hĩhĩyahaya na, sey ti gi slra gǝr gǝr kahana, yi bugukum di le ar gwat gar.» 36A dirba mingiɓi hana na, a huruk huruk ti popurok jom ati taŋ gar, a dir dibiɗ. 37Dar mizli tuwa gar a tuwam, a jaka Polo kuɓuy kuɓuy, ngi mbiɗi mi. 38A ndurɓom hiri dum le na, asi naŋ miɓi: t'anta sa puraka hiri naŋ mata na. Joˀ a ki sakaŋ hã avu palalama.
Currently Selected:
SLRA 20: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 20
20
Bi mulak ngi Pol nga Maseduwan ati Grek
1A dirba mi muwuwwo mikiɗ mi na, Polo zilo mitiɓiheye, dar a vula taŋ gidaŋ. A dirba nah, a mbiɗa taŋ mi, a zuɓa jiviɗ nga Maseduwan. 2A dirba naŋ mutuwuɗa hirwuy nah bal ti vula gidaŋ da mitiɓihey haɗi na, ara ndil angi hirwuy Grek. 3A gi kiya makir a diga. Hirak ti naŋ mawuɗ a ci palalam nga hirwuy Siri na, dambalaka Yudehey ara gam gidiɓi a hirnga naŋ. A sa wuluk ɓa a bi ti Maseduwan a muŋ. 4Misi aseˀe i ti Sopater, mangal ngi Pirrus, mbur Bere, Aristarke waɗ Sekundus, mizli Tesalonikihey, yo Gayus ngir walahay Derbe ati Timote waɗ Tisike ati Trofim, mizli ngi Azihey. 5Mizli tayna a ram le zleˀe dumbuŋ, ara kutukom ndra a Trowas. 6Ndra kwana, a dirba muguzlum ngi zuma ɗaf manja ˀis#20.6 Is i gwat ngi slikiɗa hapa ngi di ɗaf na, i cam palalam a Filipe. Hin zlum a dirba nah na, i ra lumaka taŋ a Trowas. I gam luuma pal a diga.
Pol mira pura Trowasay ngi mbiɗi mi wãˀ
7Yo asewe ngi hiikuɗ naŋ na, i kusom le ngi zuma ɗaf ngi Buy Yesu muvula, ɓa li a wun na, Pol a sa cuh le. A zik ti mingiɓi haɗi da sukum naŋ mitiɓiheye, hã ng'avu wuzla duvuɗu. 8Lampehey ada haɗi ar hay ndra mukusom anga vuna. 9Mangal gawla ada, a zilaka Etike, a cifi le a mi fenetir, hinje a jaŋ le haɗi wãˀ, ko Pol a tika mingiɓi naŋ t'aruŋ. Hinje tuwa a hizigiɗaŋ, a diɗo nga ruwuy, zle ar hay mijirngasl mimakir naŋ a hirnga cala. A slikiɗaka na, a muc le si. 10Dar Pol a po sar, a wus vu ng'avaŋ, a zuɓa kutuk a haŋ, a ɓa mizli: «Anja didak a muɗukum ta, naŋ ti siifa.» 11Joˀ a jiɗ ng'ar hay mijirngasl ngi hirnga cala tuwa a muŋ, a ngila ɗaf tuwa, a zumakaŋ. A dirba nah, a kiɗam slir hã gbaˀ avu li, dar a cuh. 12A ram ti mangal gawla tuwa, naŋ ti siifa. Ɓi nah, i ɓi ngi vula gidaŋ haɗi da mizli gar.
Bi mulak ngi Pol ti Trowas nga Milet
13Yo ndr'i cam palalam dumbuŋ angi Polo, i ram nga Asos, ɓa i sa zuɓaka Pol a diga. Naŋ aru nga diga ti sar, kaɓa naŋ mujuwa a mevele zleˀe. 14Ti naŋ mira luuma ndra a Asos na, i zuɓaka angi palalam ndra, ɓa i ram nga Mitilene. 15Li naŋ muwun na, i cam palalam baɗ a diga hã i ram hirak ti Kiyo. Ngi duwul naŋ na, i ra tuwuɗam a Samos, ngi duwul naŋ mekelem ma na, i ra cicam a Trogiyoŋ. A dirba nah, i ndilam a Milete so. 16Asi mike na, Pol a juwa le a mevele, ɓa a cohom manja cici a Efeze, vur taŋ masa zizam pas lambaˀ a Azi. A ra wus vu, a wuɗ da a gi na, hã hin ngi muguzlum Paŋtekot na, naŋ a Zeruzalem.
Mingiɓi ngi Pol da micawwa ngi Efezey
17Pol a slin zle a Milete nga zilo mizli micawwa ngi Cikil ngi misikristu ngi Efezeye. 18Ti taŋ mindiloko na, a ɓa taŋ: «Zle ti ya mindilo ndil a Azi na, gwat ngi gi ɗu a wuzla kumo, ki sinaka le. 19Yi ga slra ngi Bumbulvuŋ le ti hina hirnga wãˀ, ti tuwuy, yo ti bonoy a wuzla mi memeɗe, Yudehey magaka a hirnga ɗu. 20Ki sinaka le, ɓi zliv ɓa a jinukum gar na, yi ɗumo ɗaˀ ta. Jak na, yi tulukum mi ti ɓi ngi Bumbulvuŋ, i dubunukum gwata le a mihiri mizli, ko a hay kumoyo ma jaka. 21Tila mi ɗu i ngi zila Yudehey ati Grekey, ɓa a mbiɗam ng'avu Buymisemuŋ, yo ɓa a tiɓaka Buy ndra Yesu. 22Ani wurenna, ˀUf Mipal ara tikiy ˀay, i ra ru nga Zeruzalem. Gwat masa lumiy a diga na, yi si na ta. 23Amma gwat ya misin na, ˀUf Mipal ara njikiy di, celelu ati bonoy ara kutukukiy vur walahay vur walahay ɓula. 24Na zle, y'anta pura siifa ɗu kaɓa i gwat mupuɗaw ta. Ya magi hĩˀĩ na, ɓa yi kiɗa mi ngi pi mi ɗu kuy kuy waɗ slra Buy Yesu mupuliy di na, i sedewo ngi Ɓimezle, ti gimezle ngi Buymisemuŋ. 25«Ani zle dana, yi si na le kuy kuy, kum gar, ya mizik a wuzla kum ti tila mi ti Ɓimezle vur Zumabuy ngi Buymisemuŋ na, kum anta sa puraka hiri ɗu mata. 26Vurˀe yi ɓukum njah dana muduba, da ki zizam le na, zayɓi ngi mbur anta ar ya ta. 27Yi ɗum ɓi ko neˀ ta ndiɗaˀ, jiviɗ ngi Buymisemuŋ miɗiya gar na, yi tulukum di mi le gar jaka. 28Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ. 29Yi si na le kuy kuy, a dirba ya mucuh le na, kiriɓuh miji vuhoy, a sa coko a wuzla kumo, t'anta sa wam vu ti gineweye ta. 30Mizli miɓi mi cuw cuwhoy, a sa boko tehhe ti wuzla kum vuna a muŋ, a sa ɗiɗaka mitiɓihey ng'asi taŋ. 31Ndiram hiri ɗeŋ ɗeŋ so, wulkam, angi vi makir, duvuɗ ti papas gar na, yi ro ar li kuti kumo purla purla gar ti tuwuy a hiri. 32«Wurenna so na, yi pulukum asi haŋ ngi Buymisemuŋ waɗ da gimezle naŋ na. A ndila le ɓa a vulukum gidaŋ, yo ɓa a vulukum gwat mezlehey naŋ miwi taŋ vu da mizli naŋhay gar. 33Dala, ko ɓiri tapasl tapasl malla zana, yi hiyĩ ɗaˀ avu mbur ta. 34Kum ti hirnga kumo, ki sinaka le, yi gi slra ti haŋ ɗu misenna, ɓa ngi luuma gwat ya mawuɗ waɗ da mizli ngisi yahaya ma. 35Buy Yesu ti hirnga naŋ a ɓi: ‹Mbur mavul gwata, a mumul fine mbur mavulakaŋ gwat ti vulo.› Ɓa i wulkaka mingiɓi hana, yo ɓa i jinaka hĩhĩyahaya na, sey ti gi slra gǝr gǝr kahana, yi bugukum di le ar gwat gar.» 36A dirba mingiɓi hana na, a huruk huruk ti popurok jom ati taŋ gar, a dir dibiɗ. 37Dar mizli tuwa gar a tuwam, a jaka Polo kuɓuy kuɓuy, ngi mbiɗi mi. 38A ndurɓom hiri dum le na, asi naŋ miɓi: t'anta sa puraka hiri naŋ mata na. Joˀ a ki sakaŋ hã avu palalama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.