SLRA 16
16
Timote muru asi Pol ati Silas
1Pol a ndil a Derbe, waɗ a Listre. Mbur mitiɓi mekelem ada a diga, a zilaka Timote. Mumuŋ naŋ a tiri mitiɓi le, yo cine naŋ i mbur Grek. 2Mitiɓi ngi Listrehey ati ngi Ikoniyomoy gar ada ngilam di wuy ti Timote haɗi teˀe. 3Pol a wuɗ ɓa aru ti Timote a haŋ, vurˀe, a caŋ a mizaw, asi misi angi li tayna, i Yudehey. Asi mike na, taŋ gar a sinaka le, cine ngi Timote i mbur Greke. 4Ar walahayay taŋ mira cohom gar na, Pol ati Silas a ɓaka ɓi ngi misliney ati mizli madiɗa ngi Zerusalemey muɗuvaka da mitiɓihey na, a ɓam ɓa a jaka ɓi nah kuy kuy. 5Cikil ngi misikristuhoy ara lumam gidaŋ ar tiɓi taŋ, yo vur hin gar na, ara sikam.
Pol mupur gwat ti kleŋ a Trowas
6ˀUf Mipal a tika Pol ati Silasa le ngi tila mi ti Ɓimezle a Azi, vurˀe, a ram, a bulaka hirwuy Firigi ati Galata. 7Ti taŋ mindilam angi maakway ngi ruwuy Misi na, a tutumaka ru nga Bitini, amma ˀUf ngi Yesu a pula taŋ jiviɗ ta. 8Dar a tuwuɗaka hirwuy Misi, a pam sar nga Trowas. 9Ngi duvuɗ mekelem ada na, Pol a pur gwat ti kleŋ, mbur Maseduwan, a bigaŋ vu deŋ, ara tumbuloŋ, a ɓaŋ: «Coho nga Maseduwan, kilo widi ndra!» 10A dirba Pol mupur gwat ti kleŋ tuwa na, ndr'i puram jiviɗ ngi ru nga Maseduwan kutum si, asi i sinaka le gisiŋ, i Buymisemuŋ mazila ndra ti zil nga tila mi ti Ɓimezle da mizli ngi hirwuy nah.
Lidi mitiɓa Bumbulvuŋ angi hirwuy Filip
11I cam palalam a Trowasa, i ram deŋŋe nga Samotras. Put ngi miprik naŋ na, i ram nga Neyapolis. 12I ram baɗ a diga nga Filip, berne mudumbuŋ ngi hirwuy Maseduwan, Romahay miwakaŋ. I gam hin neˀ ar walahay nah. 13Ngi pas sabat na, i bam tir walahaya, ɓa i ram nga mi mizaw, i waka na, kaɓa li ngi diradibiɗ ada a diga. I cifam le joˀ, dar i ɓam ɓi da ngwasay ada kos kos a diga. 14Ngwas mekelem ada pal a wuzla taŋ, a zilaka Lidi, i migi terere ngi zana gagaza misi cikili naŋ haɗi. A so tir walahay Tiyatir, naŋ da huruk huruk a mbuŋ Buymisemuŋ zleˀe si. A ra cin kuy kuy, asi Bumbulvuŋ a wunaŋ mevele le, ɓa a jika slimiɗ ngi cine mingiɓi ngi Polo. 15A cakaŋ ar yama, naŋ ati hay naŋ gar, a zila ndra, a ɓa ndra: «Ani da ki puraka le, i tiɓa Buy Yesu le gisiŋ na, soko pam sar a hay ɗu.» Dar a tika ndra ˀay ɓa i ngumam na si.
Micaka ti Pol ati Silas ar dangay a Filipi
16Ngi hin mekelem ada na, i ra ram ng'ar li diradibiɗi, zuŋ migi slra ngi hay mbur ada, a so ji ti ndra hirngaŋ. I midiɗa kuli, ara luuma dala haɗi da buy naŋhaya ti ɓi naŋ manjika vuna. 17A ra sipa Pol ati ndra ti widi, a ɓi: «Mizli tayna i gawla ngi Bumbulvuŋ Mimadiɗaŋ. A ra tulukum mi ti ɓi ngi lahavu!» 18A zla ɓi nah, a zla ɓi nah, hã a gi di hin mbeˀ mbeˀe. A funa gidaŋ le da Polo, hã a mbiɗi, a ɓa setene tuwa: «Yi ɓuw ti slimiɗ ngi Yesu Kristu, bi ti vu zuŋ hana!» Angi nah vuna si na, setene a bi le. 19Zuŋ tuwa, buy naŋhay a puraka na, wuluk ngi luuma zlili anta ti avaˀa mata, dar a jaka Pol ati Silasa, a ɗiɗaka taŋ nga mbuŋ mizli madiɗahay a mamay. 20A ram taŋ nga mbuŋ migi kiita ngi Romahay, a ɓam: «Mizli, i Yudehey, ara slikiɗam ɓi ar walahay ndra. 21A ɗuvam ndra ɓi ngi mezegweley misi, ndra Romahaya, jiviɗ naŋ anta ɓa i tiɓaka malla ko ɓa i sipaka ta.» 22Joˀ zigiduw a slikiɗ himaˀ ar taŋ. Mizli madiɗahay tuwa, a tiɓaka zana ngi Pol ati Silasa, dar a ɓaka mizli ɓa a sliɗaka taŋ. 23Yo a dirba taŋ misliɗaka taŋ na, a paka taŋ ng'ar dangay, a ɓaka mijigina dangaya, ɓa a jigina taŋ kuy kuy. 24A dirba mijigina dangay muluma ɓi miɓakaŋ di ɗaˀ nah tuwa na, a pa taŋ ar li mukulkuc ngi hur dangay, waɗ a ca taŋ dambla a saraya gizl gizl. 25Ng'avu wuzla duvuɗ na, Pol ati Silas ara diram dibiɗ, a zlam dimis ngi hunuma Buymisemuŋ, mizli dangay mekelemeye kwana, ara cinam. 26Gurjik si na, hirwuy a wus hiɓik hiɓik haɗi, hã a wusa sivirzi ngi hay ngi dangaya. Angi nah vuna si na, miviŋhey a wunam biɗaŋ biɗaŋ, celelu ngi dangayay gar a pam kwalal kwalal. 27Mijigina dangay a puɗuk, keɗ na, miviŋ ngi dangayaya gar baŋ baŋ, a wa na, kaɓa dangayay a kilam le, a zuɓa maslalam naŋ, ɓa a kiɗa vu naŋ. 28Amma Pol a tilaŋ mi ti gidaŋ: «Ki hirya vu ɗike ta! Ndr'ada gar aka!» 29Dar mijigina dangay a cufuɗ daliivu, a wus vu nga hur dangaya, yo a jijik ngbaˀ ngbaˀ, a hin krap a mbuŋ Pol ati Silasa. 30A dirba naŋ mubo taŋ ng'avra na, a ɓa taŋ: «Buy ɗuwoy, ani ɓa i lih na, sey yi gi mike?» 31A mbiɗakaŋ di: «Tuɓa Buy Yesu, ɓa kisa lih, ka ati hay ɗike gar.» 32Dar a ɓakaŋ ɓi ngi Bumbulvuŋ, da naŋ ati mizli ngi hay naŋhay gar. 33Angi ler nah, ngi duvuɗ vuna si na, aru ti taŋ ɓa a bunaka waˀahaya. A dirba nah, a murom mata, a cakaŋ ar yama si, naŋ ati mizli ngi hay naŋhay gar. 34Aru ti Pol ati Silasa ngi hay naŋ, a ga taŋ gwat ngi zum, dar a mumul ati hay naŋ gar asi taŋ mitiɓaka Buymisemuŋ. 35Li naŋ muwun na, mizli madiɗahay tuwa, a slinoko mijigina lihey ng'avi mijigina dangaya, a ɓakaŋ: «Pula mizli tayna tuwa a ram.» 36Mijigina dangay tuwa, ara ɓa ɓi nah da Pol: «Mizli madiɗa migi kiitahay a slinoko, a ɓikiy ɓa yi pulukum ki ram kini. Wurenna so na, anja ki bam, ki ram zuy so.» 37Amma Pol a ɓi: «Ndra ziri Romahay ma na, a sliɗam ndra a mbuŋ mizli gar, manja a gam ndra kiita, yo a pam ndra ar dangay! Ani wurenna ma na, ɓa a bam ti ndra ti mi yaŋ yaŋ na, a gi kwa? Anja sey i taŋ ti hirnga taŋ vuna masoko pulam ndra!» 38Mijigina lihey a ram, a ɓaka ɓi nah da madiɗa migi kiitahaya. Ti taŋ micinaka i Romahay na, a zluwunam haɗi teˀe. 39A soko gaka taŋ wereke, a pulaka taŋ, dar a tumbuloko taŋ ɓa a bam tir walahaya. 40Pol ati Silas mubam tir dangaya na, a ram ngi hay Lidi. A puraka sukum taŋ mitiɓiheye, a vulaka taŋ gidaŋ, a sa cohom.
Currently Selected:
SLRA 16: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 16
16
Timote muru asi Pol ati Silas
1Pol a ndil a Derbe, waɗ a Listre. Mbur mitiɓi mekelem ada a diga, a zilaka Timote. Mumuŋ naŋ a tiri mitiɓi le, yo cine naŋ i mbur Grek. 2Mitiɓi ngi Listrehey ati ngi Ikoniyomoy gar ada ngilam di wuy ti Timote haɗi teˀe. 3Pol a wuɗ ɓa aru ti Timote a haŋ, vurˀe, a caŋ a mizaw, asi misi angi li tayna, i Yudehey. Asi mike na, taŋ gar a sinaka le, cine ngi Timote i mbur Greke. 4Ar walahayay taŋ mira cohom gar na, Pol ati Silas a ɓaka ɓi ngi misliney ati mizli madiɗa ngi Zerusalemey muɗuvaka da mitiɓihey na, a ɓam ɓa a jaka ɓi nah kuy kuy. 5Cikil ngi misikristuhoy ara lumam gidaŋ ar tiɓi taŋ, yo vur hin gar na, ara sikam.
Pol mupur gwat ti kleŋ a Trowas
6ˀUf Mipal a tika Pol ati Silasa le ngi tila mi ti Ɓimezle a Azi, vurˀe, a ram, a bulaka hirwuy Firigi ati Galata. 7Ti taŋ mindilam angi maakway ngi ruwuy Misi na, a tutumaka ru nga Bitini, amma ˀUf ngi Yesu a pula taŋ jiviɗ ta. 8Dar a tuwuɗaka hirwuy Misi, a pam sar nga Trowas. 9Ngi duvuɗ mekelem ada na, Pol a pur gwat ti kleŋ, mbur Maseduwan, a bigaŋ vu deŋ, ara tumbuloŋ, a ɓaŋ: «Coho nga Maseduwan, kilo widi ndra!» 10A dirba Pol mupur gwat ti kleŋ tuwa na, ndr'i puram jiviɗ ngi ru nga Maseduwan kutum si, asi i sinaka le gisiŋ, i Buymisemuŋ mazila ndra ti zil nga tila mi ti Ɓimezle da mizli ngi hirwuy nah.
Lidi mitiɓa Bumbulvuŋ angi hirwuy Filip
11I cam palalam a Trowasa, i ram deŋŋe nga Samotras. Put ngi miprik naŋ na, i ram nga Neyapolis. 12I ram baɗ a diga nga Filip, berne mudumbuŋ ngi hirwuy Maseduwan, Romahay miwakaŋ. I gam hin neˀ ar walahay nah. 13Ngi pas sabat na, i bam tir walahaya, ɓa i ram nga mi mizaw, i waka na, kaɓa li ngi diradibiɗ ada a diga. I cifam le joˀ, dar i ɓam ɓi da ngwasay ada kos kos a diga. 14Ngwas mekelem ada pal a wuzla taŋ, a zilaka Lidi, i migi terere ngi zana gagaza misi cikili naŋ haɗi. A so tir walahay Tiyatir, naŋ da huruk huruk a mbuŋ Buymisemuŋ zleˀe si. A ra cin kuy kuy, asi Bumbulvuŋ a wunaŋ mevele le, ɓa a jika slimiɗ ngi cine mingiɓi ngi Polo. 15A cakaŋ ar yama, naŋ ati hay naŋ gar, a zila ndra, a ɓa ndra: «Ani da ki puraka le, i tiɓa Buy Yesu le gisiŋ na, soko pam sar a hay ɗu.» Dar a tika ndra ˀay ɓa i ngumam na si.
Micaka ti Pol ati Silas ar dangay a Filipi
16Ngi hin mekelem ada na, i ra ram ng'ar li diradibiɗi, zuŋ migi slra ngi hay mbur ada, a so ji ti ndra hirngaŋ. I midiɗa kuli, ara luuma dala haɗi da buy naŋhaya ti ɓi naŋ manjika vuna. 17A ra sipa Pol ati ndra ti widi, a ɓi: «Mizli tayna i gawla ngi Bumbulvuŋ Mimadiɗaŋ. A ra tulukum mi ti ɓi ngi lahavu!» 18A zla ɓi nah, a zla ɓi nah, hã a gi di hin mbeˀ mbeˀe. A funa gidaŋ le da Polo, hã a mbiɗi, a ɓa setene tuwa: «Yi ɓuw ti slimiɗ ngi Yesu Kristu, bi ti vu zuŋ hana!» Angi nah vuna si na, setene a bi le. 19Zuŋ tuwa, buy naŋhay a puraka na, wuluk ngi luuma zlili anta ti avaˀa mata, dar a jaka Pol ati Silasa, a ɗiɗaka taŋ nga mbuŋ mizli madiɗahay a mamay. 20A ram taŋ nga mbuŋ migi kiita ngi Romahay, a ɓam: «Mizli, i Yudehey, ara slikiɗam ɓi ar walahay ndra. 21A ɗuvam ndra ɓi ngi mezegweley misi, ndra Romahaya, jiviɗ naŋ anta ɓa i tiɓaka malla ko ɓa i sipaka ta.» 22Joˀ zigiduw a slikiɗ himaˀ ar taŋ. Mizli madiɗahay tuwa, a tiɓaka zana ngi Pol ati Silasa, dar a ɓaka mizli ɓa a sliɗaka taŋ. 23Yo a dirba taŋ misliɗaka taŋ na, a paka taŋ ng'ar dangay, a ɓaka mijigina dangaya, ɓa a jigina taŋ kuy kuy. 24A dirba mijigina dangay muluma ɓi miɓakaŋ di ɗaˀ nah tuwa na, a pa taŋ ar li mukulkuc ngi hur dangay, waɗ a ca taŋ dambla a saraya gizl gizl. 25Ng'avu wuzla duvuɗ na, Pol ati Silas ara diram dibiɗ, a zlam dimis ngi hunuma Buymisemuŋ, mizli dangay mekelemeye kwana, ara cinam. 26Gurjik si na, hirwuy a wus hiɓik hiɓik haɗi, hã a wusa sivirzi ngi hay ngi dangaya. Angi nah vuna si na, miviŋhey a wunam biɗaŋ biɗaŋ, celelu ngi dangayay gar a pam kwalal kwalal. 27Mijigina dangay a puɗuk, keɗ na, miviŋ ngi dangayaya gar baŋ baŋ, a wa na, kaɓa dangayay a kilam le, a zuɓa maslalam naŋ, ɓa a kiɗa vu naŋ. 28Amma Pol a tilaŋ mi ti gidaŋ: «Ki hirya vu ɗike ta! Ndr'ada gar aka!» 29Dar mijigina dangay a cufuɗ daliivu, a wus vu nga hur dangaya, yo a jijik ngbaˀ ngbaˀ, a hin krap a mbuŋ Pol ati Silasa. 30A dirba naŋ mubo taŋ ng'avra na, a ɓa taŋ: «Buy ɗuwoy, ani ɓa i lih na, sey yi gi mike?» 31A mbiɗakaŋ di: «Tuɓa Buy Yesu, ɓa kisa lih, ka ati hay ɗike gar.» 32Dar a ɓakaŋ ɓi ngi Bumbulvuŋ, da naŋ ati mizli ngi hay naŋhay gar. 33Angi ler nah, ngi duvuɗ vuna si na, aru ti taŋ ɓa a bunaka waˀahaya. A dirba nah, a murom mata, a cakaŋ ar yama si, naŋ ati mizli ngi hay naŋhay gar. 34Aru ti Pol ati Silasa ngi hay naŋ, a ga taŋ gwat ngi zum, dar a mumul ati hay naŋ gar asi taŋ mitiɓaka Buymisemuŋ. 35Li naŋ muwun na, mizli madiɗahay tuwa, a slinoko mijigina lihey ng'avi mijigina dangaya, a ɓakaŋ: «Pula mizli tayna tuwa a ram.» 36Mijigina dangay tuwa, ara ɓa ɓi nah da Pol: «Mizli madiɗa migi kiitahay a slinoko, a ɓikiy ɓa yi pulukum ki ram kini. Wurenna so na, anja ki bam, ki ram zuy so.» 37Amma Pol a ɓi: «Ndra ziri Romahay ma na, a sliɗam ndra a mbuŋ mizli gar, manja a gam ndra kiita, yo a pam ndra ar dangay! Ani wurenna ma na, ɓa a bam ti ndra ti mi yaŋ yaŋ na, a gi kwa? Anja sey i taŋ ti hirnga taŋ vuna masoko pulam ndra!» 38Mijigina lihey a ram, a ɓaka ɓi nah da madiɗa migi kiitahaya. Ti taŋ micinaka i Romahay na, a zluwunam haɗi teˀe. 39A soko gaka taŋ wereke, a pulaka taŋ, dar a tumbuloko taŋ ɓa a bam tir walahaya. 40Pol ati Silas mubam tir dangaya na, a ram ngi hay Lidi. A puraka sukum taŋ mitiɓiheye, a vulaka taŋ gidaŋ, a sa cohom.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.