SLRA 10
10
Korney mizila Piyer
1Mbur mekelem ada a buy mimadiɗa, a zilaka Korney. I mbur miwi sojehey skat ar vurum ngi Roma mazilaka vurum Itali. 2I mbur misipi jiviɗi, yo mazluwun ti Buymisemuŋ, naŋ ati hay naŋ gar. Ada jina misi murga ngi Yudeheye haɗi teˀe, a ndir ar li tumbulo Buymisemuŋ. 3Ngi pas mekelem ada, hirak ng'avi pas ngi ɓula away ngi hay na, a pur modro ngi Bumbulvuŋ ti kleŋ, a pura kaɗaŋ kaɗaŋ, ara ci ngi hay naŋ, ara zilaŋ: «Korney, Korney!» 4Korney a ɗuva hiri taˀ angaŋ, zluwun ara gaŋ, a mbiɗaŋ di: «I mi migi ka Bumbulvuŋ? Modro ngi Bumbulvuŋ a ɓaŋ: «Diradibiɗ ɗik ati gimezle ɗik da misi murgahay na, Buymisemuŋ a tiɓa le. 5Wurenna, slin mizli nga Zafa, ɓa a soko ti Simoŋ mekelem ada, micakaŋ slimiɗ ti migala Piyer. 6Masay naŋ i Simoŋ mekelem ada, i mbur mufukuɗa garaka, hay naŋ gweˀ a mi mubuliy.» 7A dirba modro miɓaŋ ɓi tuwa, mucuh si na, Korney a zilo mizli cuw a wuzla gawla naŋhay waɗ soje naŋ pal, miteŋteŋ, mizik le ava. 8A slufa taŋ ɓi modro miɓaŋ di tuwa gar, a slina taŋ nga Zafa so. 9Li naŋ muwuno, naɓa taŋ a jiviɗi, taŋ gweˀ avu walahaya, Piyer a jiɗ le nga hirnga gbale, ɓa a dir dibiɗi, a gi ng'avi pas deŋ gu. 10Amma maya zla jaŋ, a wuɗ gwat ngi zum. A ra da ka ŋ gwat ngi zumo ti di aruŋ na, a pur gwat gurjik ti kleŋ. 11A singila muŋ na, a wucuh le wucah. Gwat ara po sar, naŋ kaɓa godo madiɗaŋ, a sin kini ta, a jaka mivay naŋhaya le kaw kaw mufaɗ taŋ, a so rasl a ruwuy. 12Sukwi ngi gwat misi titirihey gar a huroˀo, gwat misahmi ati gwat makurmuɗom ti kwacayay, waɗ ɗiyuwoy. 13Dar a cin ˀay ngi mbur maɓaŋ: «Piyer, slikiɗi, sli ˀay naŋ ɓa ki zum!» 14Piyer a mbiɗaŋ di: «Bumbulvuŋ, ndiɗaˀ wãˀ, asi gwat mitika le gar malla gwat malambaˀ ngi zum ta gar na, yi zum ɗaˀ ta wãˀ si!» 15ˀAy ngi mbur tuwa, a ɓaŋ sar mucuw naŋ ma: «Da gwat Buymisemuŋ mitiɓa le i gwat ngi zum na, anja ka ki tiri di i gwat lambaˀ ta.» 16A gi kanah kanah hã is makir, joˀ gwat tuwa a mi kutum nga muŋ a muŋ. 17Hirak ti Piyer mawuluk ɓa a si na pulaˀvra ngi gwat naŋ mupura ti kleŋ nah na, naɓa mizli Korney mislino taŋ, mucufuɗaka hay ngi Simoŋ aka aka tuwa, t'ada dedeŋ a mizlingreŋ. 18A zlaka a tilam mi ti gidaŋ ngi haya, a ɓam: «Simoŋ micakaŋ slimiɗ ti migal Piyer na, naŋ ar hay hana kwa?» 19Ti nah na, Piyer ara wuluk ar gwat naŋ mupura ti kleŋ tuwa aruŋ ni. Amma ˀUf Mipal a ɓaŋ: «Mizli cuw#10.19 Mizli cuw na, ɗerewol mekelemeye, a ɓam ɓi ngi mizli makir, mekelemeye ngi mizli si, amma ɗerelwol purla na, a ɓi ɓi ɓi ngi mizli cuwa. ani a cufuɗukuw. 20Slikiɗ, pi sar cak kutum, aram bumoˀ, ko ki wuluk cuw cuw ta, asi i ya mislino taŋ.» 21Piyer a po sar ng'avi mizli tayna tuwa, a ɓa taŋ: «Y'ani, yi mbur kum maram ti pur naŋ tuwa. Ki soko na mbri so?» 22A mbiɗakaŋ di: «Korney, mbur miwi sojehey skat, mbur mikaslsla, mazluwun ti Bumbulvuŋ, mizli Yudehey keɗeɗe gar mangilam di wuy na, mislino ndra i naŋ. Asi modro ngi Bumbulvuŋ a njikaŋ di, a ɓaŋ ɓa aru ti ka ngi hay naŋ, ɓa a sa cine mingiɓi ɗike.» 23Dar Piyer a ci ti taŋ ngi hay, a hinam. Li naŋ muwun si na, a ram bummoˀ. Mekelemey a wuzla sukum naŋ mitiɓi ngi Zafahay a ki sakaŋ. 24Yo ngi hin mucuw naŋ so na, a ndil a buy mimadiɗa. Korneye kwana, ara kutuko taŋ, a zilo muy naŋhay le ati yeme naŋhaya. 25Hirak ti Piyer mandilo na, Korney ara ji di hirnga, a hin krap a mbuŋ naŋ ɓa a ɗuvaŋ hirnga. 26Joˀ Piyer a ɓaŋ: «Slikiɗ deŋ ti deŋ, ya vuna, yi mbur titra ya. «Dar a jinaŋ ngi slikiɗe. 27Piyer a ci ngi haya bal ti kiɗa slir ati naŋ. Keɗ na, zigiduw taˀ, a kusom le. 28Dar a zla a ɓi: «Ɓa mbur Yude, a ndir ɓaˀ ngi ru ngi hay mbur Yude ta, malla ko ngi ru blaw blaw kwana, ki sinaka le, i mungra madiɗaŋ. Amma ya, Buymisemuŋ a bigiy di le, ɓa i pura mburo i misi dili malla i manja dili na, a gi ta. 29Ka muzulo ya na, yi so manja wuluk cuw cuw na vurˀe. Amma wurenna so na, yi wuɗ ɓa i si na ɓi ka muzulo ya hĩˀĩ vurˀe na.» 30Korney a mbiɗaŋ di: «Dana a gi le ani hin makir. Ti pas ngi ɓula away ngi hay kahana na, yi ro dir dibiɗ a hay ɗu. Gurjik si na, mbur misi ti zana miwilik wilik deŋ a mbuŋ ɗu. 31Joˀ a ɓiy: ‹Korney, Buymisemuŋ a cine diradibiɗ ɗike le, yo a ro keŋŋe ti gimezle ɗik da misi murgahay na. 32Slin mizli nga Zafa ɓa a ziloko Simoŋ mazilaka ti migal Piyer na, ɓa a so ng'aka. Masay naŋ i Simoŋ mufukuɗa garak, hay naŋ gweˀ a mi mubuliy.› 33Yi slin kutum ng'avi ka si, ani ki ngum so le ti mevel purla jaka. Wurenna so na, ndr'ani gar a mbuŋ ɗik aka, ɓa ngi cine ɓi ngi Bumbulvuŋ mislino ka, ɓa ki ɓa ndra di na.»
Piyer mitil mi ti Ɓimezle a hay Korney
34Dar Piyer a zla a ɓi: «Yi si na le gisiŋ, Buymisemuŋ anta pur mburo ti pur ta. 35Yo a wuzla sukwi ngi mizli gar, da mburo ra zluwun di, ara gi gwat mijeŋŋe na, Buymisemuŋ a hĩyãŋ. 36A slino mingiɓi naŋ da Israyeley, a sa taŋ ti Ɓimezle ngi vula zuyo, tisi Yesu Kristu, naŋ Bumbulvuŋ ngi mizli gar. 37«A dirba Zaŋ mitil mi ti ɓi ngi ci mizli ar yama, ɓi migi angi hirwuy Yude gar na, ki sinaka le, a zlo zle a ruwuy Galile. 38Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ. 39«Gwat naŋ miga angi hirwuy Yude waɗ a Zeruzalem gar na, ndr'i sedewo naŋhay. Naŋ vuna, a kiɗaka vagay, law avu dum. 40Angi hin mimakir naŋ na, Buymisemuŋ a slikiɗaŋ le a muŋ, a ga ɓa a biga vu naŋ, 41da mizli gar ta ɓula, amma sey da migi sedewo naŋhay Buymisemuŋ muwuna taŋ zleˀe daf dumbuŋ, da ndra mizli muzumam gwat ati misam gwat bumoˀ, a dirba naŋ mislikiɗ ti wuzla mumucahay na. 42Dar a ɓa ndra ɓa i tilam di mi da mizli, ɓa i gaka taŋ sedewo nah, i ɓaka taŋ: ‹Yesu i mbur, Buymisemuŋ micifa, ɓa a ga kiita da mizli misi ti siifahay ati mumucahay.› 43Mijiviɗey gar migam sedewo na, ar naŋ, a ɓam na: ‹Ko wa gar mitiɓaŋ le na, mungra naŋhay a puyam le, ti gidaŋ ngi slimiɗ naŋ.›»
Mizli Yudehey ta mulumam ˀUf Mipal
44Ti Piyer mira ɓa ɓi hana aruŋ si na, ˀUf Mipal a pi sar ar mizli macinam Ɓi ngi Buymisemuŋ gar. 45Yude mitiɓihey mikisoko Piyer tuwa, mupuraka hã ˀUf Mipal a pi sar le angi mizli Yudehey ta tuwa ya na, ɓi naŋ a zuma taŋ hirnga le. 46Asi mike na, ara cinam mizli tayna tuwa ara ɓam ti mi taŋ misinaka ta, ara hunumaka Buymisemuŋ Mimadiɗa. Dar Piyer a zla a ɓi: 47«Na, mizli tayna a lumam ˀUf Mipala le ka ndra vuna ya, mbur matika taŋ ngi ci ar yama ada kwa?» 48Piyer a ɓi ɓa a caka taŋ ar yam ti zila slimiɗ ngi Yesu Kristu. Joˀ a cufuɗakaŋ ɓa a cifi ngi hin neˀ ati taŋ.
Currently Selected:
SLRA 10: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 10
10
Korney mizila Piyer
1Mbur mekelem ada a buy mimadiɗa, a zilaka Korney. I mbur miwi sojehey skat ar vurum ngi Roma mazilaka vurum Itali. 2I mbur misipi jiviɗi, yo mazluwun ti Buymisemuŋ, naŋ ati hay naŋ gar. Ada jina misi murga ngi Yudeheye haɗi teˀe, a ndir ar li tumbulo Buymisemuŋ. 3Ngi pas mekelem ada, hirak ng'avi pas ngi ɓula away ngi hay na, a pur modro ngi Bumbulvuŋ ti kleŋ, a pura kaɗaŋ kaɗaŋ, ara ci ngi hay naŋ, ara zilaŋ: «Korney, Korney!» 4Korney a ɗuva hiri taˀ angaŋ, zluwun ara gaŋ, a mbiɗaŋ di: «I mi migi ka Bumbulvuŋ? Modro ngi Bumbulvuŋ a ɓaŋ: «Diradibiɗ ɗik ati gimezle ɗik da misi murgahay na, Buymisemuŋ a tiɓa le. 5Wurenna, slin mizli nga Zafa, ɓa a soko ti Simoŋ mekelem ada, micakaŋ slimiɗ ti migala Piyer. 6Masay naŋ i Simoŋ mekelem ada, i mbur mufukuɗa garaka, hay naŋ gweˀ a mi mubuliy.» 7A dirba modro miɓaŋ ɓi tuwa, mucuh si na, Korney a zilo mizli cuw a wuzla gawla naŋhay waɗ soje naŋ pal, miteŋteŋ, mizik le ava. 8A slufa taŋ ɓi modro miɓaŋ di tuwa gar, a slina taŋ nga Zafa so. 9Li naŋ muwuno, naɓa taŋ a jiviɗi, taŋ gweˀ avu walahaya, Piyer a jiɗ le nga hirnga gbale, ɓa a dir dibiɗi, a gi ng'avi pas deŋ gu. 10Amma maya zla jaŋ, a wuɗ gwat ngi zum. A ra da ka ŋ gwat ngi zumo ti di aruŋ na, a pur gwat gurjik ti kleŋ. 11A singila muŋ na, a wucuh le wucah. Gwat ara po sar, naŋ kaɓa godo madiɗaŋ, a sin kini ta, a jaka mivay naŋhaya le kaw kaw mufaɗ taŋ, a so rasl a ruwuy. 12Sukwi ngi gwat misi titirihey gar a huroˀo, gwat misahmi ati gwat makurmuɗom ti kwacayay, waɗ ɗiyuwoy. 13Dar a cin ˀay ngi mbur maɓaŋ: «Piyer, slikiɗi, sli ˀay naŋ ɓa ki zum!» 14Piyer a mbiɗaŋ di: «Bumbulvuŋ, ndiɗaˀ wãˀ, asi gwat mitika le gar malla gwat malambaˀ ngi zum ta gar na, yi zum ɗaˀ ta wãˀ si!» 15ˀAy ngi mbur tuwa, a ɓaŋ sar mucuw naŋ ma: «Da gwat Buymisemuŋ mitiɓa le i gwat ngi zum na, anja ka ki tiri di i gwat lambaˀ ta.» 16A gi kanah kanah hã is makir, joˀ gwat tuwa a mi kutum nga muŋ a muŋ. 17Hirak ti Piyer mawuluk ɓa a si na pulaˀvra ngi gwat naŋ mupura ti kleŋ nah na, naɓa mizli Korney mislino taŋ, mucufuɗaka hay ngi Simoŋ aka aka tuwa, t'ada dedeŋ a mizlingreŋ. 18A zlaka a tilam mi ti gidaŋ ngi haya, a ɓam: «Simoŋ micakaŋ slimiɗ ti migal Piyer na, naŋ ar hay hana kwa?» 19Ti nah na, Piyer ara wuluk ar gwat naŋ mupura ti kleŋ tuwa aruŋ ni. Amma ˀUf Mipal a ɓaŋ: «Mizli cuw#10.19 Mizli cuw na, ɗerewol mekelemeye, a ɓam ɓi ngi mizli makir, mekelemeye ngi mizli si, amma ɗerelwol purla na, a ɓi ɓi ɓi ngi mizli cuwa. ani a cufuɗukuw. 20Slikiɗ, pi sar cak kutum, aram bumoˀ, ko ki wuluk cuw cuw ta, asi i ya mislino taŋ.» 21Piyer a po sar ng'avi mizli tayna tuwa, a ɓa taŋ: «Y'ani, yi mbur kum maram ti pur naŋ tuwa. Ki soko na mbri so?» 22A mbiɗakaŋ di: «Korney, mbur miwi sojehey skat, mbur mikaslsla, mazluwun ti Bumbulvuŋ, mizli Yudehey keɗeɗe gar mangilam di wuy na, mislino ndra i naŋ. Asi modro ngi Bumbulvuŋ a njikaŋ di, a ɓaŋ ɓa aru ti ka ngi hay naŋ, ɓa a sa cine mingiɓi ɗike.» 23Dar Piyer a ci ti taŋ ngi hay, a hinam. Li naŋ muwun si na, a ram bummoˀ. Mekelemey a wuzla sukum naŋ mitiɓi ngi Zafahay a ki sakaŋ. 24Yo ngi hin mucuw naŋ so na, a ndil a buy mimadiɗa. Korneye kwana, ara kutuko taŋ, a zilo muy naŋhay le ati yeme naŋhaya. 25Hirak ti Piyer mandilo na, Korney ara ji di hirnga, a hin krap a mbuŋ naŋ ɓa a ɗuvaŋ hirnga. 26Joˀ Piyer a ɓaŋ: «Slikiɗ deŋ ti deŋ, ya vuna, yi mbur titra ya. «Dar a jinaŋ ngi slikiɗe. 27Piyer a ci ngi haya bal ti kiɗa slir ati naŋ. Keɗ na, zigiduw taˀ, a kusom le. 28Dar a zla a ɓi: «Ɓa mbur Yude, a ndir ɓaˀ ngi ru ngi hay mbur Yude ta, malla ko ngi ru blaw blaw kwana, ki sinaka le, i mungra madiɗaŋ. Amma ya, Buymisemuŋ a bigiy di le, ɓa i pura mburo i misi dili malla i manja dili na, a gi ta. 29Ka muzulo ya na, yi so manja wuluk cuw cuw na vurˀe. Amma wurenna so na, yi wuɗ ɓa i si na ɓi ka muzulo ya hĩˀĩ vurˀe na.» 30Korney a mbiɗaŋ di: «Dana a gi le ani hin makir. Ti pas ngi ɓula away ngi hay kahana na, yi ro dir dibiɗ a hay ɗu. Gurjik si na, mbur misi ti zana miwilik wilik deŋ a mbuŋ ɗu. 31Joˀ a ɓiy: ‹Korney, Buymisemuŋ a cine diradibiɗ ɗike le, yo a ro keŋŋe ti gimezle ɗik da misi murgahay na. 32Slin mizli nga Zafa ɓa a ziloko Simoŋ mazilaka ti migal Piyer na, ɓa a so ng'aka. Masay naŋ i Simoŋ mufukuɗa garak, hay naŋ gweˀ a mi mubuliy.› 33Yi slin kutum ng'avi ka si, ani ki ngum so le ti mevel purla jaka. Wurenna so na, ndr'ani gar a mbuŋ ɗik aka, ɓa ngi cine ɓi ngi Bumbulvuŋ mislino ka, ɓa ki ɓa ndra di na.»
Piyer mitil mi ti Ɓimezle a hay Korney
34Dar Piyer a zla a ɓi: «Yi si na le gisiŋ, Buymisemuŋ anta pur mburo ti pur ta. 35Yo a wuzla sukwi ngi mizli gar, da mburo ra zluwun di, ara gi gwat mijeŋŋe na, Buymisemuŋ a hĩyãŋ. 36A slino mingiɓi naŋ da Israyeley, a sa taŋ ti Ɓimezle ngi vula zuyo, tisi Yesu Kristu, naŋ Bumbulvuŋ ngi mizli gar. 37«A dirba Zaŋ mitil mi ti ɓi ngi ci mizli ar yama, ɓi migi angi hirwuy Yude gar na, ki sinaka le, a zlo zle a ruwuy Galile. 38Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ. 39«Gwat naŋ miga angi hirwuy Yude waɗ a Zeruzalem gar na, ndr'i sedewo naŋhay. Naŋ vuna, a kiɗaka vagay, law avu dum. 40Angi hin mimakir naŋ na, Buymisemuŋ a slikiɗaŋ le a muŋ, a ga ɓa a biga vu naŋ, 41da mizli gar ta ɓula, amma sey da migi sedewo naŋhay Buymisemuŋ muwuna taŋ zleˀe daf dumbuŋ, da ndra mizli muzumam gwat ati misam gwat bumoˀ, a dirba naŋ mislikiɗ ti wuzla mumucahay na. 42Dar a ɓa ndra ɓa i tilam di mi da mizli, ɓa i gaka taŋ sedewo nah, i ɓaka taŋ: ‹Yesu i mbur, Buymisemuŋ micifa, ɓa a ga kiita da mizli misi ti siifahay ati mumucahay.› 43Mijiviɗey gar migam sedewo na, ar naŋ, a ɓam na: ‹Ko wa gar mitiɓaŋ le na, mungra naŋhay a puyam le, ti gidaŋ ngi slimiɗ naŋ.›»
Mizli Yudehey ta mulumam ˀUf Mipal
44Ti Piyer mira ɓa ɓi hana aruŋ si na, ˀUf Mipal a pi sar ar mizli macinam Ɓi ngi Buymisemuŋ gar. 45Yude mitiɓihey mikisoko Piyer tuwa, mupuraka hã ˀUf Mipal a pi sar le angi mizli Yudehey ta tuwa ya na, ɓi naŋ a zuma taŋ hirnga le. 46Asi mike na, ara cinam mizli tayna tuwa ara ɓam ti mi taŋ misinaka ta, ara hunumaka Buymisemuŋ Mimadiɗa. Dar Piyer a zla a ɓi: 47«Na, mizli tayna a lumam ˀUf Mipala le ka ndra vuna ya, mbur matika taŋ ngi ci ar yama ada kwa?» 48Piyer a ɓi ɓa a caka taŋ ar yam ti zila slimiɗ ngi Yesu Kristu. Joˀ a cufuɗakaŋ ɓa a cifi ngi hin neˀ ati taŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.