PIYER MUCUW NAŊ 3
3
Buy Yesu masa mawa
1Ngama ɗuwoy, ya matuhukum di hana, i ɗerewol mucuw naŋ. Angi ɗerewol mucuw tayna gar na, i ra mukum hiri ngi mingiɓi ɗu, ɓa a sukum keŋ a hirnga, ɓa ngi puɗka wuluk mijeŋŋe misi a hur kum na. 2Ɓi ngi mijiviɗ muvuku vu taŋ miɓaka dumbuŋ zleˀe waɗ ɓimuɗuva, misliney mudubunukum di na, wulkaka keŋ ɗi. 3Sinaka sin le, angi hin ngi dirbahay na, mizli mingila mihey, macifam vur kiɗa may ngi dumvu taŋ, a sa soko, a sa singiram ar kum, 4a sa ɓam: «A ɓi zleˀe, a sa mawa, na naŋ amaka? Asi zle ti dideˀ ndrahay mumicam na, gwatay gar t'ada nga taŋ nga taŋ, kaɓa ar zlivirzi ngi duniya.» 5Zle misi nga dana ta, muŋ ati hirwuyo, t'ada. I Buymisemuŋ miga taŋ ti mingiɓi naŋ, a bo ti ruwuyo tir yam, yo miga hirwuyo, i yam vuna na, a puykam di hirnga le waˀwaˀa. 6Duniya misi zleˀe, mizizi kuɗup na, minda i yam nah vuna. 7Amma muŋ ati hirwuy muwurenna na, Buymisemuŋ a ja taŋ le kaw ti mingiɓi naŋ misi purla nah, ɓa i vu masa zuma taŋ. A wi taŋ vu le weˀ, ngi ndila hin ngi kiita ati hin ngi zizi mizli mizirɗa miheye. 8Yeme ɗuwoy, gwat purla ada ɓula, anja ki puykam di hirnga ta: Avu Bumbulvuŋ na, hin pala, naŋ ka vi durmuk, yo vi durmuko kwana, naŋ ka hin pal aya. 9Mizli mekelemeye, a waka kaɓa Bumbulvuŋ ara mur ngi ga gwat naŋ miɓa ɗaˀ le na. Ĩˀĩ, naŋ anta mur ta. Amma a kutuk di i kum jaka. Anta wuɗ anja mizli mekelemey a zizam ta. Amma a wuɗ ɓa mizli gar, a mbiɗam mevel. 10Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya. 11Ani da gwat gar a sa susuyum ti jiviɗ misi kahana na, anja sey joˀ kum a ndir mbrike? Sey ki ndiram, kum pal, yo ki cinaka mi da Buymisemuŋ. 12Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo. 13Amma Buymisemuŋ a ɓi a sa gi muŋ nawaya ati hirwuy nawayaŋ. Masa ndir anga na, sey gi gwat mijeŋŋe. Ndra makutukom na, i nah.
14Vurˀe ngama ɗuwoy, ar kutuko hin nah na, tumom vu, ɓa a sa lumukum manja hereweɗ, gwat ngi mbuɗukum hirnga aseˀe anta, yo kum zuy zuy ati Buymisemuŋ. 15Yo kum ɓam jak na, ndiɓi mihaɗa ngi Bumbulvuŋ na, i jiviɗ ngi lih kum. Sukum ndra Pol, yo i ngama ndra ma, naŋ mutuhukum ɗerewol ti sinmijileŋ, Buymisemuŋ muvulaŋ di na, pulaˀvra naŋ i nah. 16Ar ɗerewoloy, naŋ mutoho taŋ gar na, naŋ da ɓa kanah. Li macinam tuwaˀ tuwaˀhay ada ar ɗerewol Pol mutoho taŋ. Mizli misinam gwat tahay ati mudubunam gwat tahaya, a mbiɗaka pulaˀvra taŋ slurkoɗo, kaɓa taŋ magam ti li mekelemey ar Ɓimutoho, ngi so ti zizi nga hirnga taŋ na. 17Kanah so ngama ɗuwoy, i kukum mumuyuŋ zay sla le a slimiɗe, jam lesl so. Anja ki pulaka vu kumo, ɓa mizli mizirɗa mihey mazizam na, a zuzukum ta. Anja ki pulaka vu kumo, ki kiraham tir kum ɓi micicam zlak na ta. 18Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.
Currently Selected:
PIYER MUCUW NAŊ 3: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
PIYER MUCUW NAŊ 3
3
Buy Yesu masa mawa
1Ngama ɗuwoy, ya matuhukum di hana, i ɗerewol mucuw naŋ. Angi ɗerewol mucuw tayna gar na, i ra mukum hiri ngi mingiɓi ɗu, ɓa a sukum keŋ a hirnga, ɓa ngi puɗka wuluk mijeŋŋe misi a hur kum na. 2Ɓi ngi mijiviɗ muvuku vu taŋ miɓaka dumbuŋ zleˀe waɗ ɓimuɗuva, misliney mudubunukum di na, wulkaka keŋ ɗi. 3Sinaka sin le, angi hin ngi dirbahay na, mizli mingila mihey, macifam vur kiɗa may ngi dumvu taŋ, a sa soko, a sa singiram ar kum, 4a sa ɓam: «A ɓi zleˀe, a sa mawa, na naŋ amaka? Asi zle ti dideˀ ndrahay mumicam na, gwatay gar t'ada nga taŋ nga taŋ, kaɓa ar zlivirzi ngi duniya.» 5Zle misi nga dana ta, muŋ ati hirwuyo, t'ada. I Buymisemuŋ miga taŋ ti mingiɓi naŋ, a bo ti ruwuyo tir yam, yo miga hirwuyo, i yam vuna na, a puykam di hirnga le waˀwaˀa. 6Duniya misi zleˀe, mizizi kuɗup na, minda i yam nah vuna. 7Amma muŋ ati hirwuy muwurenna na, Buymisemuŋ a ja taŋ le kaw ti mingiɓi naŋ misi purla nah, ɓa i vu masa zuma taŋ. A wi taŋ vu le weˀ, ngi ndila hin ngi kiita ati hin ngi zizi mizli mizirɗa miheye. 8Yeme ɗuwoy, gwat purla ada ɓula, anja ki puykam di hirnga ta: Avu Bumbulvuŋ na, hin pala, naŋ ka vi durmuk, yo vi durmuko kwana, naŋ ka hin pal aya. 9Mizli mekelemeye, a waka kaɓa Bumbulvuŋ ara mur ngi ga gwat naŋ miɓa ɗaˀ le na. Ĩˀĩ, naŋ anta mur ta. Amma a kutuk di i kum jaka. Anta wuɗ anja mizli mekelemey a zizam ta. Amma a wuɗ ɓa mizli gar, a mbiɗam mevel. 10Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya. 11Ani da gwat gar a sa susuyum ti jiviɗ misi kahana na, anja sey joˀ kum a ndir mbrike? Sey ki ndiram, kum pal, yo ki cinaka mi da Buymisemuŋ. 12Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo. 13Amma Buymisemuŋ a ɓi a sa gi muŋ nawaya ati hirwuy nawayaŋ. Masa ndir anga na, sey gi gwat mijeŋŋe. Ndra makutukom na, i nah.
14Vurˀe ngama ɗuwoy, ar kutuko hin nah na, tumom vu, ɓa a sa lumukum manja hereweɗ, gwat ngi mbuɗukum hirnga aseˀe anta, yo kum zuy zuy ati Buymisemuŋ. 15Yo kum ɓam jak na, ndiɓi mihaɗa ngi Bumbulvuŋ na, i jiviɗ ngi lih kum. Sukum ndra Pol, yo i ngama ndra ma, naŋ mutuhukum ɗerewol ti sinmijileŋ, Buymisemuŋ muvulaŋ di na, pulaˀvra naŋ i nah. 16Ar ɗerewoloy, naŋ mutoho taŋ gar na, naŋ da ɓa kanah. Li macinam tuwaˀ tuwaˀhay ada ar ɗerewol Pol mutoho taŋ. Mizli misinam gwat tahay ati mudubunam gwat tahaya, a mbiɗaka pulaˀvra taŋ slurkoɗo, kaɓa taŋ magam ti li mekelemey ar Ɓimutoho, ngi so ti zizi nga hirnga taŋ na. 17Kanah so ngama ɗuwoy, i kukum mumuyuŋ zay sla le a slimiɗe, jam lesl so. Anja ki pulaka vu kumo, ɓa mizli mizirɗa mihey mazizam na, a zuzukum ta. Anja ki pulaka vu kumo, ki kiraham tir kum ɓi micicam zlak na ta. 18Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.