TIMOTE MUDUMBUŊ NAŊ 6
6
1Sey bekehey gar a puraka buy taŋhaya, a ndilaka le ɓa a cinaka taŋ mi gisiŋ wãˀ, ɓa ko mbur maza Buymisemuŋ, yo maza ɓi ndra madubunaka da mizli na, anta. 2Beke misi buy taŋhay i mitiɓihey na, anja a hirsaka taŋ vur taŋ i sukum taŋhaya ta. Amma anja a gaka taŋ slra kuy kuy jaka, asi buy taŋhay i mitiɓihey, yo i sukum taŋhay Buymisemuŋ mawuɗ taŋ haɗa, yo taŋ kwana, ara pulaka taŋ gir ti slra taŋ mezlehey na.
Dubun mijeŋ tahay ati zlili migisiŋ gisiŋ
Sey ki dubuna gwat hana da mizli, yo ki til di mi. 3Da mbur ara dubun gwat mekelem pal da mizli, da i ɓi mizliram ati ngi Buy ndra Yesu Kristu ta, yo a zliram ati ɓi ngi sipa jiviɗ ndra na ta ma na, 4na ɓa mbur nah, huhumvu a hulfoŋ le. I mbur misin gwat ta, i mingila mi ngataraŋ, i mitiri asi ɓi lambaˀ. Joˀ a bo ti suloŋ, tiri, zivu, si hiri ar mbur. 5Mizli misi lesl taŋ mihiryahaya, a tiram, ko a taˀaka ta, a sinaka ɓi mikaslsla ta. A waka na, tiɓa Buymisemuŋ, i ɓi ngi luuma zlili. 6Haˀaw, tiɓa Buymisemuŋ na, i ɓi ngi luuma zlili gisiŋ gwaɗ naŋ, na sey da mbur ara mumul ti gwat naŋ misi ti naŋ. 7Ti taŋ miyam ndra ar duniya na, i soko ti gwat a haŋ ta. Yo tapas ndra masa micama ya kwana, ko ndr'anta sa ram ti gwat a haŋ ta ya. 8Amma da ndr'ada ti gwat ngi zum ati zana ngi ki si na, ter ti ndra si. 9Amma mizli mawuɗam ɓa a gam zlili na, a sa cam ar tikin kutum, ar may gwat miwal wal ngi gilaway, maso ti mendere, maru ti mizli nga hiryi, a ziza taŋ. 10Asi mike na, dimbasl ngi gwat malambaˀhay gar na, i may dala. Mizli mekelemey a vulaka vu taŋ wãˀ ngi sipi dala, a ngizlam le kileŋ avu tiɓi taŋ, yo gaka bonoy da vu taŋ haɗa, a zluɓaka le.
Pol mukuta Timote
11Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe. 12Kiɗ vu ti cika vu mezle ngi tiɓi, ɓa ki lum siifa ngi sete, Buymisemuŋ muziluw na, ngi lum naŋ. Tapas ka miɓi njah a mbuŋ sedewohoy haɗa, ki tiɓa Yesu le na, ki si na le. 13A mbuŋ Buymisemuŋ mavula siifa da gwatay gar, waɗ a mbuŋ Yesu Kristu, migi sedewo a mbuŋ buy Poŋs Pilat, naŋ miɓi a tiɓi le kuy kuy na, i ra ɓuw: 14Ja ɓimuɗuva a hirnga, manja hereweɗ, manja ɓi ngi mbuɗuw hirnga aseˀe, hã tapas Buy ndra Yesu Kristu masa njiko vu. 15A sa bugo vu kasl angi pas Buymisemuŋ misla. I Buymisemuŋ mavul mumul, buy i naŋ pal naŋ, Buy Madiɗa ngi buy madiɗahay, buy miwi buyoy. 16Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.
17Mizli misi ti zlili ngi ruwuy hanayna, ɓa taŋ: anja a huhumom vu ta, anja a njaham hiri asi zlili mandir caˀa gisiŋ ta na ta. Amma anja a njaham hiri angi Buymisemuŋ mavula ndra zlili haɗi, ɓa i mumulom di na. 18Anja a gam mezle, sey gimezle a tiri i zlili taŋ, anja a vulam ti gula ti hazum, a wunkaka zlili taŋhay ati mizli mekelemey. 19Kite a kusom di i zlili mezle, mahiryi ta wãˀ da taŋ nga mbuŋ, dar a sa lumam siifa migisiŋ gisiŋ.
20Aw yeme ɗu Timote, ja Ɓimezle mupulukuw di asi haŋ ɗik na kuy kuy. Kirih kileŋ avu dufa mi lambaˀ ati ngila mi, mizli mapuraka kaɓa i sin madiɗa na. 21Mizli numuŋhoyo, a waka kaɓa t'ada ti sin nah vuna, a kiraham kileŋ avu tiɓi.
Anja Buymisemuŋ a gukum mezle.
Currently Selected:
TIMOTE MUDUMBUŊ NAŊ 6: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
TIMOTE MUDUMBUŊ NAŊ 6
6
1Sey bekehey gar a puraka buy taŋhaya, a ndilaka le ɓa a cinaka taŋ mi gisiŋ wãˀ, ɓa ko mbur maza Buymisemuŋ, yo maza ɓi ndra madubunaka da mizli na, anta. 2Beke misi buy taŋhay i mitiɓihey na, anja a hirsaka taŋ vur taŋ i sukum taŋhaya ta. Amma anja a gaka taŋ slra kuy kuy jaka, asi buy taŋhay i mitiɓihey, yo i sukum taŋhay Buymisemuŋ mawuɗ taŋ haɗa, yo taŋ kwana, ara pulaka taŋ gir ti slra taŋ mezlehey na.
Dubun mijeŋ tahay ati zlili migisiŋ gisiŋ
Sey ki dubuna gwat hana da mizli, yo ki til di mi. 3Da mbur ara dubun gwat mekelem pal da mizli, da i ɓi mizliram ati ngi Buy ndra Yesu Kristu ta, yo a zliram ati ɓi ngi sipa jiviɗ ndra na ta ma na, 4na ɓa mbur nah, huhumvu a hulfoŋ le. I mbur misin gwat ta, i mingila mi ngataraŋ, i mitiri asi ɓi lambaˀ. Joˀ a bo ti suloŋ, tiri, zivu, si hiri ar mbur. 5Mizli misi lesl taŋ mihiryahaya, a tiram, ko a taˀaka ta, a sinaka ɓi mikaslsla ta. A waka na, tiɓa Buymisemuŋ, i ɓi ngi luuma zlili. 6Haˀaw, tiɓa Buymisemuŋ na, i ɓi ngi luuma zlili gisiŋ gwaɗ naŋ, na sey da mbur ara mumul ti gwat naŋ misi ti naŋ. 7Ti taŋ miyam ndra ar duniya na, i soko ti gwat a haŋ ta. Yo tapas ndra masa micama ya kwana, ko ndr'anta sa ram ti gwat a haŋ ta ya. 8Amma da ndr'ada ti gwat ngi zum ati zana ngi ki si na, ter ti ndra si. 9Amma mizli mawuɗam ɓa a gam zlili na, a sa cam ar tikin kutum, ar may gwat miwal wal ngi gilaway, maso ti mendere, maru ti mizli nga hiryi, a ziza taŋ. 10Asi mike na, dimbasl ngi gwat malambaˀhay gar na, i may dala. Mizli mekelemey a vulaka vu taŋ wãˀ ngi sipi dala, a ngizlam le kileŋ avu tiɓi taŋ, yo gaka bonoy da vu taŋ haɗa, a zluɓaka le.
Pol mukuta Timote
11Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe. 12Kiɗ vu ti cika vu mezle ngi tiɓi, ɓa ki lum siifa ngi sete, Buymisemuŋ muziluw na, ngi lum naŋ. Tapas ka miɓi njah a mbuŋ sedewohoy haɗa, ki tiɓa Yesu le na, ki si na le. 13A mbuŋ Buymisemuŋ mavula siifa da gwatay gar, waɗ a mbuŋ Yesu Kristu, migi sedewo a mbuŋ buy Poŋs Pilat, naŋ miɓi a tiɓi le kuy kuy na, i ra ɓuw: 14Ja ɓimuɗuva a hirnga, manja hereweɗ, manja ɓi ngi mbuɗuw hirnga aseˀe, hã tapas Buy ndra Yesu Kristu masa njiko vu. 15A sa bugo vu kasl angi pas Buymisemuŋ misla. I Buymisemuŋ mavul mumul, buy i naŋ pal naŋ, Buy Madiɗa ngi buy madiɗahay, buy miwi buyoy. 16Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.
17Mizli misi ti zlili ngi ruwuy hanayna, ɓa taŋ: anja a huhumom vu ta, anja a njaham hiri asi zlili mandir caˀa gisiŋ ta na ta. Amma anja a njaham hiri angi Buymisemuŋ mavula ndra zlili haɗi, ɓa i mumulom di na. 18Anja a gam mezle, sey gimezle a tiri i zlili taŋ, anja a vulam ti gula ti hazum, a wunkaka zlili taŋhay ati mizli mekelemey. 19Kite a kusom di i zlili mezle, mahiryi ta wãˀ da taŋ nga mbuŋ, dar a sa lumam siifa migisiŋ gisiŋ.
20Aw yeme ɗu Timote, ja Ɓimezle mupulukuw di asi haŋ ɗik na kuy kuy. Kirih kileŋ avu dufa mi lambaˀ ati ngila mi, mizli mapuraka kaɓa i sin madiɗa na. 21Mizli numuŋhoyo, a waka kaɓa t'ada ti sin nah vuna, a kiraham kileŋ avu tiɓi.
Anja Buymisemuŋ a gukum mezle.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.