ƁI NGI HIN GAR MUDUMBUŊ NAŊ 29
29
Gwat ngi vul ngi ndira hay ngi Buymisemuŋ
1Buy Davit a ɓa mizli mukusom akẽh gar: «Mangal ɗu Salomoŋ, Buymisemuŋ a wini i naŋ pal naŋ, i zuŋ aruŋ, yo a titil gi gwat ɗaˀ ta, na slra ngi gi na, naŋ haɗa, asi hay nah, a ndiraka da mbur ta, amma da Bumbulvuŋ Buymisemuŋ. 2I vu le ti gwatay ngi ndira hay ngi Buymisemuŋ ɗu, mbar vu wãˀ: I cikil ɓiri tapasl tapasl, ɓiri baraŋ, ɓiri gaza, ɓiri ho gar waɗ dum, ɓa ngi ɗiya gwatay wal wal gar. I wi vu le ti ɗuguroy haɗi ma: ɗugur mupuɗaw kakayak kakayak waɗ ɗugur ngi gi wuyahay, ɗugur titrahay ati mekelemey, ɗugur mupuɗaw puɗaway gar waɗ ɗugur ɗoro haɗi. 3Yo ma na, ya mawuɗ hay ngi Buymisemuŋ ɗu na, ɓiri tapasl tapasl ati ɓiri bara nga ya, i vula le bac nga mi ya micikila na, ɓa ngi ndira hay ngi Buymisemuŋ nah. 4I vul ɓiri tapasl tapasl pal naŋ, ton skat, ɓiri bara pal naŋ, ton skat skat cuw ti kukur mufaɗ, ɓa ngi ngirzla huroˀ ngi hay. 5Na wurenna so na, ɓiri tapasl tapasl malla ɓiri bara, mawuɗ vul naŋ da Bumbulvuŋ ti mevel purla, ɓa migi slrahay, a ɗiyaka gwatay gar na, i wa asi kumo ka?
6Akẽh na, buy ngi wuzla muyoy, buy ngi sukwi Israyeley, buyoy muwam soje durmuk durmuk ati skat skatay waɗ buyɓi ngi gwat ngi buyoy, a vulam gwatay ti mevel purla, 7ngi ɗiya hay ngi Buymisemuŋ: ɓiri tapasl tapasl, ton skat ti kukur tarnaˀ, suloy ngi ɓiri tapasl tapasl, durmuk kuruˀ, ɓiri bara, fineˀ ton skat skat makir, ɓiri gaza, gwat ngi ton skat skat merkeɗ, ɓiri ho gara, fineˀ ton durmuk makir. 8Mizli misi ada ti ɗugur mupuɗaw puɗaway gar na, a vulaka taŋ da Yehiyel, mbur ngi sukwi Gersoŋ, ɓa ngi pi ng'ar zlili ngir hay ngi Bumbulvuŋ. 9Joˀ mizli a vulaka gwat taŋhay da Bumbulvuŋ ti mevel purla, a cira taŋ hiri haɗi. A cira hiri da buy Davite haɗa ya.
Davit midir dibiɗ ngi ga sise da Buymisemuŋ
10Davit a ga sise da Bumbulvuŋ a mbuŋ mizli gar, a ɓi: «Sise ngi ɗik Bumbulvuŋ, Buymisemuŋ ngi Zakop, cine ndra misi zlezle, mandir caˀkine. 11Madiɗaŋ, gidaŋ, ɗuva hirngaŋ waɗ dudok, i ngi ɗik ka Bumbulvuŋ, asi gwat ngi muŋhoy ati misi a ruwuyoy gar i ngi ɗikey. Asi ki buy madiɗaŋ, ka a hirnga gwatay gar. 12Zlili ati ɗuva hirnga a soko tivi ka, yo mawa gwatay gar i ka. Gidaŋ waɗ gidaŋ ngi wi vu, taŋ asi haŋ ɗiki. Gwatay a gilam, yo a lumam gidaŋ gar tivi ka. 13Na wurenna so na, i guku sise Buymisemuŋ ndra, i hunumukuw ti slimiɗ ɗik mezle na. 14Yi waka? Yo sukwi ɗu i waka? Ɓa i lumam gidaŋ ngi vula gwat ti mevel purla kahana naka? Gwat gar a bo tivi ka, gwat ɓa i vulukuw di gu na, sey a bo tivi ka. 15Asi a mbuŋ ɗike ndr'i malakay, ndr'i mizli ngir saray kaɓa dideˀ ndrahay gar. Siifa ndra a ruwuyo, a zik takaɓa susuɗuku, a cuh manja ɗuva wuluk taˀ. 16Bumbulvuŋ Buymisemuŋ ndra, gwat mizikitiŋ, ndra micikilaka gar, ngi ndiruw hay ti slimiɗ ɗik mezle na, a bo gar tisi haŋ ɗiki, yo i ngi ɗikey. 17Buymisemuŋ ɗu, i si na le, ki jiɗa mevel ngi mburo, yo ki hĩyã gi gwat mijeŋŋe. Gwat ya muvula taŋ gar na, i ngi mongoy ɗu, yo ti mevel mezleŋ. Wurenna, i pura sukwi ɗik mise aka na, a vul di gwat ngi mongoy naŋ, ti mumul aseˀe ya. 18Bumbulvuŋ Buymisemuŋ ngi dideˀ ndra Abraham, ngi Izak waɗ ngi Zakop, jina sukwi ɗike ɓa a ndir ti wuluk misi kahana, anja wuluk naŋ a mbiɗi wãˀ ngir tivi ka. 19Vula mevel mikaslsla da mangal ɗu Salomoŋ, ɓa a ja ɓimuɗuva ɗikey, gwat ngi dubun ɗikey ati ɓimujuwa ɗikey a hirnga, ɓa a ga gwataya gar, yo ɓa a ndira hay, ya miwaŋ vu ti gwat naŋhay cek na»
20A dirba nah, Davit a ɓa mizli mukos koso: «Gaka sise da Bumbulvuŋ Buymisemuŋ kumo.» Dar zigiduw gar a ga sise da Bumbulvuŋ, Buymisemuŋ ngi dideˀ taŋ. A hurukom, a hurukom huruk huruk a mbuŋ Bumbulvuŋ waɗ a mbuŋ buyo.
Salomoŋ micifi buy, Davit mumuc
21Li naŋ muwun na, a kiɗam gwat ngi gi mikulihey da Bumbulvuŋ, a gakaŋ mikuli mizlam zlam wãˀ: ti gusoŋhoy durmuk, izimey durmuk, ziri tumuŋhoy durmuk jom ti mbaazla ngi pusl aseˀe, waɗ mikuli mekelemey haɗi, hã Israyeley misi akẽh a mbam cek. 22Tapasa, mizli a zumam, a sam gwat ti mumul haɗi a mbuŋ Bumbulvuŋ. Ngi mucuw naŋ na, a caka Salomoŋ mangal ngi Davite ar buy. A cakaŋ buy na, ɓa ngi gi slra ngi Bumbulvuŋ. A caka Sadoko i masay madiɗaŋ. 23Salomoŋ a cifi ar jangaŋ ngi Bumbulvuŋ, a cifi buy ar li ngi cine naŋ Davit. A ga gwata kasl kasl, joˀ Israyeley gar a cinakaŋ mi. 24Mizli micawwahay gar, sojehey ati ziri mekelem ngi Daviteye, a hinam hirnga a mbuŋ Salomoŋ. 25Bumbulvuŋ a tiri ti Salomoŋ i buy madiɗa haɗi a mbuŋ Israyele gar. A vulaŋ dudok ngi zumabuy, naŋ muvul ɗaˀ da buy a ruwuy Israyel t'aruŋ.
26Davit mangal ngi Zese, a zum buy a ruwuy Israyel keɗeɗe. 27A zum buy ar Israyele vi kukur mufaɗ: vi tarnaˀ a Hebroŋ, vi kukur makir nga makir a Zeruzaleme. 28A muc ti mumul, ar hin naŋ kasl, a zum ɗaf le kuy kuy, naŋ ti zlili, naŋ ti dudok. Joˀ mangal naŋ Salomoŋ a ci ar li naŋ.
29Ɓi ngi Davite, diga zli virzi naŋ hã avu kiɗa mi naŋ na, i mutoho le toh toh angi ɗerewol mazilaka slra ngi Samiyel mbur mupur, ar ngi mijiviɗ Nataŋ, ar ngi mijiviɗ Gat mbur mupur. 30A slufaka ɓi ngi zumabuy naŋ ati gidaŋ naŋ ngi wi mizli, ati girey wal wal migam ava waɗ migi avu Israyel ati ruwuy mekelemeye.
Currently Selected:
ƁI NGI HIN GAR MUDUMBUŊ NAŊ 29: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
ƁI NGI HIN GAR MUDUMBUŊ NAŊ 29
29
Gwat ngi vul ngi ndira hay ngi Buymisemuŋ
1Buy Davit a ɓa mizli mukusom akẽh gar: «Mangal ɗu Salomoŋ, Buymisemuŋ a wini i naŋ pal naŋ, i zuŋ aruŋ, yo a titil gi gwat ɗaˀ ta, na slra ngi gi na, naŋ haɗa, asi hay nah, a ndiraka da mbur ta, amma da Bumbulvuŋ Buymisemuŋ. 2I vu le ti gwatay ngi ndira hay ngi Buymisemuŋ ɗu, mbar vu wãˀ: I cikil ɓiri tapasl tapasl, ɓiri baraŋ, ɓiri gaza, ɓiri ho gar waɗ dum, ɓa ngi ɗiya gwatay wal wal gar. I wi vu le ti ɗuguroy haɗi ma: ɗugur mupuɗaw kakayak kakayak waɗ ɗugur ngi gi wuyahay, ɗugur titrahay ati mekelemey, ɗugur mupuɗaw puɗaway gar waɗ ɗugur ɗoro haɗi. 3Yo ma na, ya mawuɗ hay ngi Buymisemuŋ ɗu na, ɓiri tapasl tapasl ati ɓiri bara nga ya, i vula le bac nga mi ya micikila na, ɓa ngi ndira hay ngi Buymisemuŋ nah. 4I vul ɓiri tapasl tapasl pal naŋ, ton skat, ɓiri bara pal naŋ, ton skat skat cuw ti kukur mufaɗ, ɓa ngi ngirzla huroˀ ngi hay. 5Na wurenna so na, ɓiri tapasl tapasl malla ɓiri bara, mawuɗ vul naŋ da Bumbulvuŋ ti mevel purla, ɓa migi slrahay, a ɗiyaka gwatay gar na, i wa asi kumo ka?
6Akẽh na, buy ngi wuzla muyoy, buy ngi sukwi Israyeley, buyoy muwam soje durmuk durmuk ati skat skatay waɗ buyɓi ngi gwat ngi buyoy, a vulam gwatay ti mevel purla, 7ngi ɗiya hay ngi Buymisemuŋ: ɓiri tapasl tapasl, ton skat ti kukur tarnaˀ, suloy ngi ɓiri tapasl tapasl, durmuk kuruˀ, ɓiri bara, fineˀ ton skat skat makir, ɓiri gaza, gwat ngi ton skat skat merkeɗ, ɓiri ho gara, fineˀ ton durmuk makir. 8Mizli misi ada ti ɗugur mupuɗaw puɗaway gar na, a vulaka taŋ da Yehiyel, mbur ngi sukwi Gersoŋ, ɓa ngi pi ng'ar zlili ngir hay ngi Bumbulvuŋ. 9Joˀ mizli a vulaka gwat taŋhay da Bumbulvuŋ ti mevel purla, a cira taŋ hiri haɗi. A cira hiri da buy Davite haɗa ya.
Davit midir dibiɗ ngi ga sise da Buymisemuŋ
10Davit a ga sise da Bumbulvuŋ a mbuŋ mizli gar, a ɓi: «Sise ngi ɗik Bumbulvuŋ, Buymisemuŋ ngi Zakop, cine ndra misi zlezle, mandir caˀkine. 11Madiɗaŋ, gidaŋ, ɗuva hirngaŋ waɗ dudok, i ngi ɗik ka Bumbulvuŋ, asi gwat ngi muŋhoy ati misi a ruwuyoy gar i ngi ɗikey. Asi ki buy madiɗaŋ, ka a hirnga gwatay gar. 12Zlili ati ɗuva hirnga a soko tivi ka, yo mawa gwatay gar i ka. Gidaŋ waɗ gidaŋ ngi wi vu, taŋ asi haŋ ɗiki. Gwatay a gilam, yo a lumam gidaŋ gar tivi ka. 13Na wurenna so na, i guku sise Buymisemuŋ ndra, i hunumukuw ti slimiɗ ɗik mezle na. 14Yi waka? Yo sukwi ɗu i waka? Ɓa i lumam gidaŋ ngi vula gwat ti mevel purla kahana naka? Gwat gar a bo tivi ka, gwat ɓa i vulukuw di gu na, sey a bo tivi ka. 15Asi a mbuŋ ɗike ndr'i malakay, ndr'i mizli ngir saray kaɓa dideˀ ndrahay gar. Siifa ndra a ruwuyo, a zik takaɓa susuɗuku, a cuh manja ɗuva wuluk taˀ. 16Bumbulvuŋ Buymisemuŋ ndra, gwat mizikitiŋ, ndra micikilaka gar, ngi ndiruw hay ti slimiɗ ɗik mezle na, a bo gar tisi haŋ ɗiki, yo i ngi ɗikey. 17Buymisemuŋ ɗu, i si na le, ki jiɗa mevel ngi mburo, yo ki hĩyã gi gwat mijeŋŋe. Gwat ya muvula taŋ gar na, i ngi mongoy ɗu, yo ti mevel mezleŋ. Wurenna, i pura sukwi ɗik mise aka na, a vul di gwat ngi mongoy naŋ, ti mumul aseˀe ya. 18Bumbulvuŋ Buymisemuŋ ngi dideˀ ndra Abraham, ngi Izak waɗ ngi Zakop, jina sukwi ɗike ɓa a ndir ti wuluk misi kahana, anja wuluk naŋ a mbiɗi wãˀ ngir tivi ka. 19Vula mevel mikaslsla da mangal ɗu Salomoŋ, ɓa a ja ɓimuɗuva ɗikey, gwat ngi dubun ɗikey ati ɓimujuwa ɗikey a hirnga, ɓa a ga gwataya gar, yo ɓa a ndira hay, ya miwaŋ vu ti gwat naŋhay cek na»
20A dirba nah, Davit a ɓa mizli mukos koso: «Gaka sise da Bumbulvuŋ Buymisemuŋ kumo.» Dar zigiduw gar a ga sise da Bumbulvuŋ, Buymisemuŋ ngi dideˀ taŋ. A hurukom, a hurukom huruk huruk a mbuŋ Bumbulvuŋ waɗ a mbuŋ buyo.
Salomoŋ micifi buy, Davit mumuc
21Li naŋ muwun na, a kiɗam gwat ngi gi mikulihey da Bumbulvuŋ, a gakaŋ mikuli mizlam zlam wãˀ: ti gusoŋhoy durmuk, izimey durmuk, ziri tumuŋhoy durmuk jom ti mbaazla ngi pusl aseˀe, waɗ mikuli mekelemey haɗi, hã Israyeley misi akẽh a mbam cek. 22Tapasa, mizli a zumam, a sam gwat ti mumul haɗi a mbuŋ Bumbulvuŋ. Ngi mucuw naŋ na, a caka Salomoŋ mangal ngi Davite ar buy. A cakaŋ buy na, ɓa ngi gi slra ngi Bumbulvuŋ. A caka Sadoko i masay madiɗaŋ. 23Salomoŋ a cifi ar jangaŋ ngi Bumbulvuŋ, a cifi buy ar li ngi cine naŋ Davit. A ga gwata kasl kasl, joˀ Israyeley gar a cinakaŋ mi. 24Mizli micawwahay gar, sojehey ati ziri mekelem ngi Daviteye, a hinam hirnga a mbuŋ Salomoŋ. 25Bumbulvuŋ a tiri ti Salomoŋ i buy madiɗa haɗi a mbuŋ Israyele gar. A vulaŋ dudok ngi zumabuy, naŋ muvul ɗaˀ da buy a ruwuy Israyel t'aruŋ.
26Davit mangal ngi Zese, a zum buy a ruwuy Israyel keɗeɗe. 27A zum buy ar Israyele vi kukur mufaɗ: vi tarnaˀ a Hebroŋ, vi kukur makir nga makir a Zeruzaleme. 28A muc ti mumul, ar hin naŋ kasl, a zum ɗaf le kuy kuy, naŋ ti zlili, naŋ ti dudok. Joˀ mangal naŋ Salomoŋ a ci ar li naŋ.
29Ɓi ngi Davite, diga zli virzi naŋ hã avu kiɗa mi naŋ na, i mutoho le toh toh angi ɗerewol mazilaka slra ngi Samiyel mbur mupur, ar ngi mijiviɗ Nataŋ, ar ngi mijiviɗ Gat mbur mupur. 30A slufaka ɓi ngi zumabuy naŋ ati gidaŋ naŋ ngi wi mizli, ati girey wal wal migam ava waɗ migi avu Israyel ati ruwuy mekelemeye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.