2 Juan 1
1
Uandajperakua
1Tiósïo anapu urhejtsïkuriksïni uandajperakua axachexati iámendu jakajkutichani, ka kánekuaksïni xénhchasïnga, ka noksïni jíjkusï xénhchajka, imajtuksïni iámenduechasï xénhchajti engaksï míteka imani enga ísïka. 2Imani jimboksïni xénhchasïnga enga ísïka, ka enga jucha jinguni jaka, ka enga méntku ísï jucha jinguni jauaka. 3Diósï Táteri ka Uájpa Jesusiri kóntperata p'amojperakua, ka sési jakua jucha jinguni jauati, ekachi no chkuándirani jauaka ka ekachi xénhchperani jauaka. 4Kánekua tsípeska engani jakajkutichani exenuaka, eskaksï sési irekorhexaka eska néka; ísï eskajtsïni Táte na juramucheka. 5Ka iásïksïni chánksïni, jimboatakua jimbo arhixaka eskachi xénhchperaaka. Nókini jimbanhe ambe juramuchexaka, imanisïni uandani jaka engachi uénani jámantki mítekia. 6Imasï xénhchpejti eka Diósïri juramukuani kurhandirani jarhajka. Ka májkueni jásï ma juramukuesti engajtsï uénani jámantki kurharikia: Eskajtsï méntkisï xénhchperaparini irekaaka. 7Jimbokaksï uánekua jámaxaka k'arhajpiricha, engaksï no jakajkujka eska Jesusi andajpenuska ka k'uiripu úkorheni. Ne enga ísï jurhentpeni jaka, ima tandojchpiristi ka Krístu eratakorhesïndi. 8Xéparini je, nójtsï juchari ánchekorhetani ísku tsîjpani, ka eskajtsï úaka kánekua sési maiamunhantani. 9Ne enga Krístueri ambe uandantani jámani jukari ambe arhijka, no Diósï jinguni jarhasti. Ka ne enga ísï irekani jaka eska karakata na arhijka, ima Táteni ka Uájpani jingunistia. 10Ekaksïni nema p'urhembejka ka nóksïni ísï jurhendani, ásï jióka je ka ásï jámberi uandajpa je; 11Jimboka ne enga imechani sési eroajka, arhiparhatanhaati eska imajtu nósesi jámaxaka. 12Uánekua ambeteruksïni arhikuekaxaka, ka nóksïni uékasïnga karakata jimbojku arhini, sánderu sáni erokaxaka niranksïni exeni ka uandaxecheni, eskachi ísï jámani márku tsípeaka. 13Uandaperakua máksïni axachexaka jucha engachi íxueni májkueni jakajkutika ka engachi ixueni anapueka.
Currently Selected:
2 Juan 1: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.