Mateub 1
1
Jesub Xristub* di surib
(Lukab 3:23-38)
1Nēb ge surib ǂgaekhâib, Jesub Xristub ôananôagub, gao-aob Davidi tsî Abrahamma xu ǃnae hâb diba.
2Abrahammi ôab Isaki
tsî Isaki ôab Jakob
tsî Jakob ôab Judab tsî ǁîb ǃgâsagu.
3 #
Gen. 38:30
Judab ôakha ge Peresi tsî Serab tsîkha. ǁÎkha îs ge Tamarsa
tsî Peresi ôab ge Hesronna.
Hesronni ôab ge Ramma.#1:3 Ram: Grikegowab ge Aram ti ūhâ. ǁKhāti Mat. 1:4 tsî 1Kro. 2:9 tsîna kō re.
4Rammi ôab ge Aminadaba.
Aminadab ôab ge Nasonna.
Tsî Nasonni di ôab ge Salmonna.
5 #
Jos. 2:1
Salmonni ôab ge Boasa. ǁÎb îs ge Raxabsa.
Boasi ôab ge Obeda. ǁÎb îs ge Rutsa#Rut 1:4
tsî Obedi di ôab ge Isaiba.
6Isaib di ôab ge gao-aob Davida.
Davidi ôab ge Salomoba. ǁÎb îs ge Batsebas, ǃoataras Uriab disa.#2Sam. 11:3
7Salomob ôab ge Rehabeamma
tsî Rehabeammi ôab ge Abiaba.
Abiab ôab ge Asafa.#Mat. 1:8; 1Kro. 3:10 8Asafi ôab ge Josafata
tsî Josafati ôab ge Joramma#1Gao. 22:50; 1Kro. 3:11
tsî Jorammi ge ge Usiab di î i.
9Usiab ôab ge Jotamma
tsî Jotammi ôab ge Axasa.
Axasi ôab ge Hiskiaba.
10Hiskiab di ôab ge Manaseba,
Manaseb ôab ge Amoba
tsî Amob di ôab ge a Josia.
11Josiab ôab Jexoniab tsî ǁîb ǃgâsagu, Babilons ǃnâ ge hâ i ǃkhōsis ǁaeb ǃnâ ge ǃnaegu,
12Babilons ǃoa ǁgariǃgû-ūhes khaoǃgâ:
Jexoniab ôab ge Sealtiela
tsî Sealtieli ôab ge Serubabela.
13Serubabeli ôab ge Abiuda.
Abiudi ôab ge Eliakimma
tsî Eliakimmi ôab ge Asora.
14Asori ôab ge Sadoka
tsî Sadoki ôab ge Aximma,
Aximmi ôab ge Eliuda
15Eliudi di ôab ge Eleasara
tsî Eleasari ôab ge Matanna,
Matanni ôab ge Jakoba,
16Jakob di ôab ge Josefi, Marias ao ge iba.
Tsî Marias ge Jesub, Xristub tis tsîna ǀon hâb, di îsa.
17Nē ǂgaekhâib ge disihakaǀa ôananôaguga Abrahamma xu gao-aob Davidi kōse, disihakaǀaga Davidi ǁaeba xu Babilons di ǁgariǃgû-ūhes kōse tsî disihakaǀa ôananôaguga Babilons ǁgariǃgû-ūhesa xu Xristub di ǃnaes kōse ǃkhōǂgā hâ.
Jesub Xristub di ǃnaes
(Lukab 2:1-7)
18Nēs ge Jesub Xristub ge ǃnae ǀgausa: ǁÎb îs, Marias ge Josefi xa ǃgameba ge mîmâibahe hâ i. Xawe noxopas ao-e ǂan tama hîas ge ǃAnu Gagaba xu ǀgamǀkhāse ge hōhe. 19Josefi, ǁîsa ǃgameba ge mîmâiba hâ ib ge ge ǂhanu-ai i tsîb ge ǂganǃgâsase gere ǁnāxū si ǂgao, ǁîsab ge ǂhaisase taotao ǂgao tama hâ i amaga.
20Nēsab ra ǂâiǃgâ hîab ge ge ǁom tsîb ge ǀhomǃgāb ǃKhūb diba ǁîba ǁhapos ǃnâ ǂhai tsî ge mî: “Josef, Davidi ôatse, tā ǃao Marias ǀkha ǃgamesa, ǁîs a ǀgamǀkhā ǀgôaro-i ǃAnu Gagaba xu hâ xuige. 21ǁÎs ge ǀgôaba nî ǁora tsîts ge ǁîba Jesub#1:21 Jesub: Nēs ge ǃKhūb ge ra ore ti ra ǂâibasen. ti nî ǀonǂgai, ǁîb nî ǁaes âba ǁorena xu ore amaga.” 22Tsî nēn hoan ge ǀnai kēbo-aob ge ǃKhūb xa mîn nî dīǀoaǀoahese ge ī:
23“Mû! Oaxaes ge ǀgamǀkhā
tsî ǀgôaroba nî ǁora,
tsîs ge ǁîba Immanuel ti nî ǀonǂgai.”#Jes. 7:14
ǁNās ge ǂnûiǃkhunihes kao “Elob sada ǀkha hâ” ti ra ǂâibasen. 24Tsî Josefi ge ǂomsa xu ǂkhai, ob ge ǀhomǃgāb ǃKhūb dib ge mîba bi khami ge dī. Tsîb ge Mariasa taras ase ge ūbasen, 25xawes ge oaxaese ge hâhâ ǁîs ôab nî ǃnaes kōse. Tsî Josefi ge ǁîba Jesub ti ge ǀonǂgai.
Currently Selected:
Mateub 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.