Rut 3
3
Laj Bohos kiwark sa' li ch'oxleb'aal
1Sa' jun kutan lix Nohemí kixye re li ralib':
—At inko', ma ink'a' tab'i' tento sa' inb'een rilb'al naq sa tatwanq chiru laayu'am? 2Us b'i', laj Bohos, li qakomon li xatk'anjelak wi' chaq aawochb'eeneb' li xmoos, taa'ok chi xch'oxb'al li seb'aad chiru li q'oqyink a'in. 3Ch'ajon b'i', k'e laasununkil b'an, tiqib' aawib' chi chaab'il ut ayu sa' li xch'oxleb'aal. Ab'anan maak'ut aawib' chiru li winq a'an naq toj yooq chi wa'ak ut chi uk'ak. 4K'e reetal b'ar taayoklaaq ut, naq ak yooq chi wark, tatjiloq chi xk'atq, taataqsi li risb' li wank chi roq ut tatyoklaaq aran. Chirix chik a'an laj Bohos tixye aawe li k'aru taab'aanu.
5Kichaq'ok lix Rut ut kixye:
—Tinb'aanu chixjunil li xaye we, chan.
6Kikub'eek sa' li ch'oxleb'aal ut kixb'aanu chixjunil li kiyehe'k re xb'aan laj alib'ahom re. 7Laj Bohos kiwa'ak ki'uk'ak chi sa sa' xch'ool ut koho chi yoklaak chi xk'atq li juntuub' chi seb'aad. Chirix chik a'an kichalk lix Rut timil timil, kixtaqsi li risb' chi roq ut kiyoklaak aran. 8Tuqtu tana chik q'oqyink ki'ajk laj Bohos, kixb'alq'usi rib' ut kisachk xch'ool chi rilb'al naq jun li ixq wank chi roq.
9—Anihat laa'at? chan li winq.
Kichaq'ok li ixq ut kixye:
—Laa'in lix Rut laamoos. Hel li re laat'ikr sa' xb'een laamoos,#3,9 Naraj naxye: Twaj naq tatsumlaaq wik'in. xb'aan naq laa'at tento tat-iloq we.
10Ut a'an kixye:
—Li Qaawa' chi'osob'tesinq aawe, at inrab'in, xb'aan naq q'axal naab'al wi' chik li usilal yookat chi xb'aanunkil anaqwan. Xru raj xasik' junaq winq toj saaj chiwu laa'in, b'ihom malaj neb'a'. Ab'anan ink'a' xab'aanu chi jo'kan. 11Ut anaqwan matxiwak, at inrab'in. Chixjunileb' li wech tenamitul neke'xnaw naq laa'at jun li ixq q'axal chaab'il laach'ool. Jo'kan naq laa'in tinb'aanu li taapatz' we. 12Yaal naq laa'in wank sa' inb'een aawilb'al, ab'anan wank jun tz'aqal aawech'alal li q'axal chik tento sa' xb'een aawilb'al.#3,12 Rt 2,20. 13Numsi li q'oqyink arin ut wulaj tqil wi a'an traj aawilb'al malaj ut ink'a'. Wi tixye naq ink'a', ninye li waatin chiru li Qaawa' naq laa'in chik tin'iloq aawe. Ab'an anaqwan warin wan toj wulaj.
14Kiyoklaak lix Rut chi roq li winq. Ut eq'la chi us, naq toj q'eqom, kiwakliik laj Bohos xb'aan naq naxye sa' xch'ool: “Maa'ani taanawoq re naq li ixq a'in arin xwark”.
15Toja' naq kixye re lix Rut:
—K'am chaq laat'ikr ut chap chi kaw.
Lix Rut kixb'aanu chi jo'kan, ut laj Bohos kixnujob'resi li t'ikr chi seb'aad. Chirix chik a'an li ixq kixk'e sa' xb'een xtel ut koho sa' li tenamit.
16Naq kiwulak lix Rut rik'in laj alib'ahom re, kiyehe'k re:
—Chan xawil chaq, at inko'? chan lix Nohemí.
Ut lix Rut kixseeraq'i jo'ch'inal jo'nimal ki'uxk re xb'aan li winq; 17ut kixye ajwi':
—Xk'e chaq we chixjunil li seb'aad a'in ut xye we: “Ink'a' naru naq tatsutq'iiq rik'in laj alib'ahom aawe chi maak'a' taak'am re”, chan.
18Toja' naq lix Nohemí kixye:
—Maak'oxla aawib', at inko', toja' yaal toxaawil k'aru tkanaaq wi' li na'leb' a'in. Xb'aan naq li winq a'an ink'a' taahilanq hoon toj reetal tch'olaaq ru chixjunil.
Currently Selected:
Rut 3: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Rut 3
3
Laj Bohos kiwark sa' li ch'oxleb'aal
1Sa' jun kutan lix Nohemí kixye re li ralib':
—At inko', ma ink'a' tab'i' tento sa' inb'een rilb'al naq sa tatwanq chiru laayu'am? 2Us b'i', laj Bohos, li qakomon li xatk'anjelak wi' chaq aawochb'eeneb' li xmoos, taa'ok chi xch'oxb'al li seb'aad chiru li q'oqyink a'in. 3Ch'ajon b'i', k'e laasununkil b'an, tiqib' aawib' chi chaab'il ut ayu sa' li xch'oxleb'aal. Ab'anan maak'ut aawib' chiru li winq a'an naq toj yooq chi wa'ak ut chi uk'ak. 4K'e reetal b'ar taayoklaaq ut, naq ak yooq chi wark, tatjiloq chi xk'atq, taataqsi li risb' li wank chi roq ut tatyoklaaq aran. Chirix chik a'an laj Bohos tixye aawe li k'aru taab'aanu.
5Kichaq'ok lix Rut ut kixye:
—Tinb'aanu chixjunil li xaye we, chan.
6Kikub'eek sa' li ch'oxleb'aal ut kixb'aanu chixjunil li kiyehe'k re xb'aan laj alib'ahom re. 7Laj Bohos kiwa'ak ki'uk'ak chi sa sa' xch'ool ut koho chi yoklaak chi xk'atq li juntuub' chi seb'aad. Chirix chik a'an kichalk lix Rut timil timil, kixtaqsi li risb' chi roq ut kiyoklaak aran. 8Tuqtu tana chik q'oqyink ki'ajk laj Bohos, kixb'alq'usi rib' ut kisachk xch'ool chi rilb'al naq jun li ixq wank chi roq.
9—Anihat laa'at? chan li winq.
Kichaq'ok li ixq ut kixye:
—Laa'in lix Rut laamoos. Hel li re laat'ikr sa' xb'een laamoos,#3,9 Naraj naxye: Twaj naq tatsumlaaq wik'in. xb'aan naq laa'at tento tat-iloq we.
10Ut a'an kixye:
—Li Qaawa' chi'osob'tesinq aawe, at inrab'in, xb'aan naq q'axal naab'al wi' chik li usilal yookat chi xb'aanunkil anaqwan. Xru raj xasik' junaq winq toj saaj chiwu laa'in, b'ihom malaj neb'a'. Ab'anan ink'a' xab'aanu chi jo'kan. 11Ut anaqwan matxiwak, at inrab'in. Chixjunileb' li wech tenamitul neke'xnaw naq laa'at jun li ixq q'axal chaab'il laach'ool. Jo'kan naq laa'in tinb'aanu li taapatz' we. 12Yaal naq laa'in wank sa' inb'een aawilb'al, ab'anan wank jun tz'aqal aawech'alal li q'axal chik tento sa' xb'een aawilb'al.#3,12 Rt 2,20. 13Numsi li q'oqyink arin ut wulaj tqil wi a'an traj aawilb'al malaj ut ink'a'. Wi tixye naq ink'a', ninye li waatin chiru li Qaawa' naq laa'in chik tin'iloq aawe. Ab'an anaqwan warin wan toj wulaj.
14Kiyoklaak lix Rut chi roq li winq. Ut eq'la chi us, naq toj q'eqom, kiwakliik laj Bohos xb'aan naq naxye sa' xch'ool: “Maa'ani taanawoq re naq li ixq a'in arin xwark”.
15Toja' naq kixye re lix Rut:
—K'am chaq laat'ikr ut chap chi kaw.
Lix Rut kixb'aanu chi jo'kan, ut laj Bohos kixnujob'resi li t'ikr chi seb'aad. Chirix chik a'an li ixq kixk'e sa' xb'een xtel ut koho sa' li tenamit.
16Naq kiwulak lix Rut rik'in laj alib'ahom re, kiyehe'k re:
—Chan xawil chaq, at inko'? chan lix Nohemí.
Ut lix Rut kixseeraq'i jo'ch'inal jo'nimal ki'uxk re xb'aan li winq; 17ut kixye ajwi':
—Xk'e chaq we chixjunil li seb'aad a'in ut xye we: “Ink'a' naru naq tatsutq'iiq rik'in laj alib'ahom aawe chi maak'a' taak'am re”, chan.
18Toja' naq lix Nohemí kixye:
—Maak'oxla aawib', at inko', toja' yaal toxaawil k'aru tkanaaq wi' li na'leb' a'in. Xb'aan naq li winq a'an ink'a' taahilanq hoon toj reetal tch'olaaq ru chixjunil.
Q'eqchi DC Bible © Bible Society in Guatemala, 2005.