Ap 19
19
Sahil ch'oolej sa' choxa xb'aan li xt'anik Babilonia
1Chirix chik a'an kiwab'i sa' choxa jo' xyaab' xkux xiikileb' li poyanam, yookeb' chi xyeeb'al chi kaw:
“Aleluya!
Li kolb'a ib', li loq'al ut li wankilal ka'ajwi' rik'in li qaYos nachalk,
2xb'aan naq naraqok aatin sa' tiikilal ut rik'in yaal:
xteneb' tojb'amaak sa' xb'een li xnimal ru aj yumb'eet,
a' li xpo'ok ru li ruuchich'och' rik'in li xmuxb'al rib';
ut xk'e reeqaj li xkik'eleb' laj k'anjel
li ke'kamsiik xb'aan li ixq”.
3Ut ke'xye jun sut chik:
“Aleluya!
Li xsib'el laj yumb'eet nataqe'k chi junelik q'e kutan”.#19,3 Is 34,10.
4Toja' naq li kaahib' xka'k'aal chi cheekel winq ut li kaahib' chi yo'yookeb' ke'xhupub' rib' ut ke'xloq'oni li Yos, li k'ojk'o sa' li xnimajwal k'ojarib'aal, naq yookeb' chi xyeeb'al: “Amén, aleluya!”. 5Ut ki'elk jun xyaab' kuxej sa' li nimajwal k'ojarib'aal, kixye:
“Chenima ru li qaYos chejunilex laj k'anjel chiru,
jo'k'ihal li nekexpaab'ank re, jo' kok' jo' ninq”.#19,5 Sal 115,13.
6Ut kiwab'i jo' xyaab' xkux xiikileb' li poyanam, chanchan xyaab' k'iila ha' ut xyaab' kawil kaaq, yookeb' chi xyeeb'al:
“Aleluya!
Li Qaawa', li qaNimajwal Yos x'ok chi awab'ejink.
7Choosaho'q, chik'utunq xsahil qach'ool
ut chiqak'e xnimal xloq'al,
xb'aan naq xtaw xq'ehil xsumlajik li Karneer.#19,7 Li xsumlajik li Karneer wank sa' Ap 21.
Li rixaqil ak xkawresi rib'
8ut xk'ehe'k re li xtiqib'ankil rib'
rik'in chaab'il liino saqpotz'in”.
Li liino a'an li xchaab'il b'aanuhomeb' li sant.
9Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.
10Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we.
Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.
Li xb'een nimla yalok sa' choxa
11Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.#19,11 Li Qaawa' Jesus a'an li Testiiw paab'ajel (3,14). A'an tol'elq re naq taatz'aqloq ru li xKutankil li Qaawa' (12,5; 14,14-20; 17,12-14; Am 5,8) jo' ajwi' re naq te'sache'q xwankil eb' li xik' neke'ilok re li Iklees (cf. Is 11,4). 12Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru. 13Li raq' wank chirix tz'ab'il sa' kik'#19,13 Is 63,3. ut li xk'ab'a' a'an: “Raatin li Yos”.#19,13 Sab 18,14-16; Jn 1,1.14. 14Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay. 15Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich',#19,15 A'an xch'iich'ul laj Sachonel (Ap 1,16; Os 6,5; Is 11,4; 49,2; Sab 18,15; 2 Ts 2,8; Heb 4,12). Cf. Ap 2,27; 12,5; Sal 2,9. ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos. 16Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.#19,16 Dt 10,17; Fil 2,9-11; Ap 1,5; 17,14.
17Chirix chik a'an kiwil jun li ánjel xaqxo sa' xb'een li saq'e, japjo re chi xyeeb'al chi kaw xyaab' xkux reheb' chixjunil li xul neke'xik'ank chiru choxa: “Kimqex, ch'utub'omaq eerib' re li nimla wa'ak kawresinb'il xb'aan li Yos,#19,17-18 Ez 39,17-20. 18re naq teetiw xtib'eleb' li awab'ej, xtib'eleb' li xjolomileb' laj puub' ut eb' li kaweb' rib', li xtib'eleb' li kawaay ut li k'ojk'ookeb' sa' xb'eeneb', xtib'eleb' chixjunileb' li winq jo' li wankeb' chi ach'ab'anb'il jo'eb' laj loq'b'il k'anjel, jo' kok' jo' ninq”.
19Toja' naq kiwil li josq' aj xul ut eb' li awab'ej re li ruuchich'och' rochb'eeneb' li xk'iila teep chi aj puub', ch'utch'uukeb' re te'yaloq rik'in li k'ojk'o chaq sa' xb'een li kawaay jo'wi' rik'ineb' li xk'iila teep chi aj puub'. 20Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr. 21Eb' li xkomon kilaje'kamsiik xb'aan li ch'iich' na'elk chaq sa' re li k'ojk'o sa' xb'een li kawaay; ut rik'in li xtib'eleb' ke'nujak xsa'eb' chixjunileb' li xik'anel xul.
Currently Selected:
Ap 19: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Ap 19
19
Sahil ch'oolej sa' choxa xb'aan li xt'anik Babilonia
1Chirix chik a'an kiwab'i sa' choxa jo' xyaab' xkux xiikileb' li poyanam, yookeb' chi xyeeb'al chi kaw:
“Aleluya!
Li kolb'a ib', li loq'al ut li wankilal ka'ajwi' rik'in li qaYos nachalk,
2xb'aan naq naraqok aatin sa' tiikilal ut rik'in yaal:
xteneb' tojb'amaak sa' xb'een li xnimal ru aj yumb'eet,
a' li xpo'ok ru li ruuchich'och' rik'in li xmuxb'al rib';
ut xk'e reeqaj li xkik'eleb' laj k'anjel
li ke'kamsiik xb'aan li ixq”.
3Ut ke'xye jun sut chik:
“Aleluya!
Li xsib'el laj yumb'eet nataqe'k chi junelik q'e kutan”.#19,3 Is 34,10.
4Toja' naq li kaahib' xka'k'aal chi cheekel winq ut li kaahib' chi yo'yookeb' ke'xhupub' rib' ut ke'xloq'oni li Yos, li k'ojk'o sa' li xnimajwal k'ojarib'aal, naq yookeb' chi xyeeb'al: “Amén, aleluya!”. 5Ut ki'elk jun xyaab' kuxej sa' li nimajwal k'ojarib'aal, kixye:
“Chenima ru li qaYos chejunilex laj k'anjel chiru,
jo'k'ihal li nekexpaab'ank re, jo' kok' jo' ninq”.#19,5 Sal 115,13.
6Ut kiwab'i jo' xyaab' xkux xiikileb' li poyanam, chanchan xyaab' k'iila ha' ut xyaab' kawil kaaq, yookeb' chi xyeeb'al:
“Aleluya!
Li Qaawa', li qaNimajwal Yos x'ok chi awab'ejink.
7Choosaho'q, chik'utunq xsahil qach'ool
ut chiqak'e xnimal xloq'al,
xb'aan naq xtaw xq'ehil xsumlajik li Karneer.#19,7 Li xsumlajik li Karneer wank sa' Ap 21.
Li rixaqil ak xkawresi rib'
8ut xk'ehe'k re li xtiqib'ankil rib'
rik'in chaab'il liino saqpotz'in”.
Li liino a'an li xchaab'il b'aanuhomeb' li sant.
9Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.
10Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we.
Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.
Li xb'een nimla yalok sa' choxa
11Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.#19,11 Li Qaawa' Jesus a'an li Testiiw paab'ajel (3,14). A'an tol'elq re naq taatz'aqloq ru li xKutankil li Qaawa' (12,5; 14,14-20; 17,12-14; Am 5,8) jo' ajwi' re naq te'sache'q xwankil eb' li xik' neke'ilok re li Iklees (cf. Is 11,4). 12Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru. 13Li raq' wank chirix tz'ab'il sa' kik'#19,13 Is 63,3. ut li xk'ab'a' a'an: “Raatin li Yos”.#19,13 Sab 18,14-16; Jn 1,1.14. 14Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay. 15Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich',#19,15 A'an xch'iich'ul laj Sachonel (Ap 1,16; Os 6,5; Is 11,4; 49,2; Sab 18,15; 2 Ts 2,8; Heb 4,12). Cf. Ap 2,27; 12,5; Sal 2,9. ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos. 16Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.#19,16 Dt 10,17; Fil 2,9-11; Ap 1,5; 17,14.
17Chirix chik a'an kiwil jun li ánjel xaqxo sa' xb'een li saq'e, japjo re chi xyeeb'al chi kaw xyaab' xkux reheb' chixjunil li xul neke'xik'ank chiru choxa: “Kimqex, ch'utub'omaq eerib' re li nimla wa'ak kawresinb'il xb'aan li Yos,#19,17-18 Ez 39,17-20. 18re naq teetiw xtib'eleb' li awab'ej, xtib'eleb' li xjolomileb' laj puub' ut eb' li kaweb' rib', li xtib'eleb' li kawaay ut li k'ojk'ookeb' sa' xb'eeneb', xtib'eleb' chixjunileb' li winq jo' li wankeb' chi ach'ab'anb'il jo'eb' laj loq'b'il k'anjel, jo' kok' jo' ninq”.
19Toja' naq kiwil li josq' aj xul ut eb' li awab'ej re li ruuchich'och' rochb'eeneb' li xk'iila teep chi aj puub', ch'utch'uukeb' re te'yaloq rik'in li k'ojk'o chaq sa' xb'een li kawaay jo'wi' rik'ineb' li xk'iila teep chi aj puub'. 20Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr. 21Eb' li xkomon kilaje'kamsiik xb'aan li ch'iich' na'elk chaq sa' re li k'ojk'o sa' xb'een li kawaay; ut rik'in li xtib'eleb' ke'nujak xsa'eb' chixjunileb' li xik'anel xul.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.