Jos 11
11
Laj Josué kixq'ax ru laj Jabín ut eb' li neke'okenk chirix
1Naq laj Jabín, awab'ej re Jasor, kixnaw chixjunil a'an, kixtaqla resil re laj Yobab, awab'ej re Merón, jo'wi' re li awab'ej re Simrón ut re Aksap, 2ut reheb' li awab'ej li wankeb' sa' xjayal releb'l iq', sa' xyanqeb' li tzuul, sa' li ru taq'a li wank sa' xjayal rokeb'l iq' re Kinéret, sa' Taq'a ru ut sa' xyanqeb' li tzuul li wankeb' sa' rokeb'l saq'e re Dor. 3Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá. 4Chixjunileb' li awab'ej a'in koheb' rochb'eeneb' chixjunileb' laj puub', k'ajo' xk'ihaleb', kama' li samahib' chire li palaw, rochb'eeneb' ajwi' naab'aleb' li kawaay ut eb' li b'eleb'aal ch'iich'. 5Chixjunileb' a'in ke'xjunaji rib' ut koxe'hilanq chire li ha' re Merón re yalok rik'ineb' laj Israel.
6Tojo' naq li Qaawa' kixye re laj Josué: “Matxiwak xb'aan naq wulaj, sa' ajwi' li honal a'in, te'kamq chixjunileb' chiruheb' laj Israel. Ut laa'at taatoq roqeb' li xkawaayeb' ut taak'e xxamlel li xb'eleb'aal ch'iich'eb'”, chan li Yos.
7Jo'kan naq laj Josué rochb'een chixjunileb' laj puub' koxe'xtaweb' chi maak'a' sa' xch'ooleb', chire li ha' re Merón. 8Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo. 9Laj Josué kixb'aanu jo' kiyehe'k re xb'aan li Qaawa': kixtoq roqeb' li xkawaayeb' ut kixk'at li xb'eleb'aal ch'iich'eb'.
10Sa'eb' li kutan a'an Jasor a'an chaq li nimla tenamit sa' xb'eeneb' chixjunileb' li tenamit a'an. Jo'kan naq laj Josué rochb'eeneb' laj puub' koxe'xchap li tenamit a'an ut ke'xkamsi chi ch'iich' li x'awab'ejeb'. 11Ke'xkamsi chi ch'iich' jo'k'ihaleb' li wankeb' xyu'am aran; ke'xsach ru li tenamit chi junajwa, ke'xk'at ut maajun chik kikanaak chi yo'yo. 12Jo'kan ajwi' kixb'aanu laj Josué rik'ineb' chixjunil li tenamit a'an: kixchapeb', kixchap ajwi' li x'awab'ejeb' ut kixkamsiheb' chi ch'iich'; kixsach ruheb' jo' xtaqlahom laj Moisés, laj k'anjel chiru li Qaawa'. 13Ab'an maajun reheb' li tenamit li wankeb' sa' xb'een b'ool kik'ate'k xb'aaneb' laj Israel; ka'ajwi' Jasor kik'atmank xb'aan laj Josué. 14Ke'xkamsi chi ch'iich' jo'k'ihaleb' li wankeb' xyu'am sa'eb' li tenamit a'an; maajun kikanaak chi yo'yo, ut ke'reechani chixjunil li k'a'aq re ru jo'wi' li xketomqeb'.
15Jo' tz'aqal kixye li Qaawa' re laj Moisés laj k'anjel chiru, jo'kan ajwi' naq kichaq'rab'iik laj Josué xb'aan laj Moisés, ut kixb'aanu chi tz'aqal re ru: maajun reheb' li aatin yeeb'il xb'aan li Qaawa' re laj Moisés ink'a' ta kixb'aanu. 16Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel. 17Chalen chaq sa' li T'ojochil Tzuul li wank sa' xb'een Seír, toj Bahal-Gad sa' xtaq'ahil Líbano, sa' xtoon li tzuul Hermón, kixchap chixjunileb' li awab'ej ut kixkamsiheb'. 18Najt kiyalok laj Josué rik'ineb' chixjunileb' li awab'ej a'in. 19Maajun tenamit ke'xk'e rib'eb' sa' tuqtuukilal rik'ineb' laj Israel: ka'ajwi' eb' laj Jib li wankeb' aran Gabahón. Ut chixjunileb' li junch'ol chik rik'in yalok koxe'reechani. 20Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.#11,20 Dt 7,16.
21Sa'eb' li kutan a'an laj Josué kixsach chixjunileb' laj Anak li wankeb' sa' xyanqeb' li tzuul aran Debir, Anab, jo'wi' sa' xyanqeb' li xtzuulul Judá ut Israel.#11,21 Jue 1,10-11. 22Maajun aj Anak kikanaak sa' li xtenamiteb' laj Israel; ka'ajwi' aran Gasa, Gad ut Asdod ke'kanaak.
23Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.
Currently Selected:
Jos 11: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Jos 11
11
Laj Josué kixq'ax ru laj Jabín ut eb' li neke'okenk chirix
1Naq laj Jabín, awab'ej re Jasor, kixnaw chixjunil a'an, kixtaqla resil re laj Yobab, awab'ej re Merón, jo'wi' re li awab'ej re Simrón ut re Aksap, 2ut reheb' li awab'ej li wankeb' sa' xjayal releb'l iq', sa' xyanqeb' li tzuul, sa' li ru taq'a li wank sa' xjayal rokeb'l iq' re Kinéret, sa' Taq'a ru ut sa' xyanqeb' li tzuul li wankeb' sa' rokeb'l saq'e re Dor. 3Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá. 4Chixjunileb' li awab'ej a'in koheb' rochb'eeneb' chixjunileb' laj puub', k'ajo' xk'ihaleb', kama' li samahib' chire li palaw, rochb'eeneb' ajwi' naab'aleb' li kawaay ut eb' li b'eleb'aal ch'iich'. 5Chixjunileb' a'in ke'xjunaji rib' ut koxe'hilanq chire li ha' re Merón re yalok rik'ineb' laj Israel.
6Tojo' naq li Qaawa' kixye re laj Josué: “Matxiwak xb'aan naq wulaj, sa' ajwi' li honal a'in, te'kamq chixjunileb' chiruheb' laj Israel. Ut laa'at taatoq roqeb' li xkawaayeb' ut taak'e xxamlel li xb'eleb'aal ch'iich'eb'”, chan li Yos.
7Jo'kan naq laj Josué rochb'een chixjunileb' laj puub' koxe'xtaweb' chi maak'a' sa' xch'ooleb', chire li ha' re Merón. 8Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo. 9Laj Josué kixb'aanu jo' kiyehe'k re xb'aan li Qaawa': kixtoq roqeb' li xkawaayeb' ut kixk'at li xb'eleb'aal ch'iich'eb'.
10Sa'eb' li kutan a'an Jasor a'an chaq li nimla tenamit sa' xb'eeneb' chixjunileb' li tenamit a'an. Jo'kan naq laj Josué rochb'eeneb' laj puub' koxe'xchap li tenamit a'an ut ke'xkamsi chi ch'iich' li x'awab'ejeb'. 11Ke'xkamsi chi ch'iich' jo'k'ihaleb' li wankeb' xyu'am aran; ke'xsach ru li tenamit chi junajwa, ke'xk'at ut maajun chik kikanaak chi yo'yo. 12Jo'kan ajwi' kixb'aanu laj Josué rik'ineb' chixjunil li tenamit a'an: kixchapeb', kixchap ajwi' li x'awab'ejeb' ut kixkamsiheb' chi ch'iich'; kixsach ruheb' jo' xtaqlahom laj Moisés, laj k'anjel chiru li Qaawa'. 13Ab'an maajun reheb' li tenamit li wankeb' sa' xb'een b'ool kik'ate'k xb'aaneb' laj Israel; ka'ajwi' Jasor kik'atmank xb'aan laj Josué. 14Ke'xkamsi chi ch'iich' jo'k'ihaleb' li wankeb' xyu'am sa'eb' li tenamit a'an; maajun kikanaak chi yo'yo, ut ke'reechani chixjunil li k'a'aq re ru jo'wi' li xketomqeb'.
15Jo' tz'aqal kixye li Qaawa' re laj Moisés laj k'anjel chiru, jo'kan ajwi' naq kichaq'rab'iik laj Josué xb'aan laj Moisés, ut kixb'aanu chi tz'aqal re ru: maajun reheb' li aatin yeeb'il xb'aan li Qaawa' re laj Moisés ink'a' ta kixb'aanu. 16Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel. 17Chalen chaq sa' li T'ojochil Tzuul li wank sa' xb'een Seír, toj Bahal-Gad sa' xtaq'ahil Líbano, sa' xtoon li tzuul Hermón, kixchap chixjunileb' li awab'ej ut kixkamsiheb'. 18Najt kiyalok laj Josué rik'ineb' chixjunileb' li awab'ej a'in. 19Maajun tenamit ke'xk'e rib'eb' sa' tuqtuukilal rik'ineb' laj Israel: ka'ajwi' eb' laj Jib li wankeb' aran Gabahón. Ut chixjunileb' li junch'ol chik rik'in yalok koxe'reechani. 20Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.#11,20 Dt 7,16.
21Sa'eb' li kutan a'an laj Josué kixsach chixjunileb' laj Anak li wankeb' sa' xyanqeb' li tzuul aran Debir, Anab, jo'wi' sa' xyanqeb' li xtzuulul Judá ut Israel.#11,21 Jue 1,10-11. 22Maajun aj Anak kikanaak sa' li xtenamiteb' laj Israel; ka'ajwi' aran Gasa, Gad ut Asdod ke'kanaak.
23Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.