Os 3
3
Laj Oseas ut li ixq aj yumb'eet
1Li Qaawa' kixye wi' chik we: “Ayu wi' chik ut chara jun li ixq aj muxul sumlaak, jalan chik winq naxra. Jo'ka'in naq li Qaawa' naxraheb' laj Israel, us ta eb' a'in neke'xik chirixeb' li jalanil yos ut neke'xtzeka li k'uluj yiib'anb'il rik'in chaqi uub', li mayejanb'il chiruheb' li xyoseb'”.
2Toja' naq laa'in kinloq' jun li ixq chiru o'laju chi tumin plaat ut rik'in waqib' aroow chi seb'aad. 3Ut kinye re: “Tatwanq sa' li wochoch chiru k'iila kutan ut ink'a' chik tatyumb'eetaq: maajun chik li winq taak'ul aawik'in ut laa'in ajwi' ink'a' tinwanq aawik'in”.
4Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.
5Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.
Currently Selected:
Os 3: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.