Os 2
2
1Yehomaq reheb' leeras eeriitz'in: “Intenamitex”,
ut yehomaq reheb' leeranab': “Uxtaananb'ilex”.
Li rixaqil laj Oseas a'an reetalil li xtenamit li Yos
2Li Qaawa' kixye chi jo'ka'in:
“Q'usumaq leena', jitomaq,
xb'aan naq moko insum'aatin ta chik,
ut moko laa'in ta chik li xb'eelom.
Xkanab'aq li yumb'eetak
ut mixsik'eb' chik li xsum.#2,2-3, 5 Ez 16,8-63.
3Wi ink'a' tixkanab' xb'aanunkil,
laa'in tinkanab' sa' xutaan ut chi t'ust'u, jo' naq kiyo'laak;#2,3 Is 47,1-3; Ez 16,37-39; Ap 17,16.
jo' li chaqich'och' tkanaaq ut chi pojtz' ch'och',
re naq taakamq xb'aan xmajelal li ha'.
4Ink'a' tintoq'ob'a ruheb' li ralal xk'ajol
xb'aan naq ralaleb' li yumb'eetak.
5Li xna'eb' kixmux li xyu'am;
li ixq li ki'alank reheb' kixsach xloq'al naq kixye:
«Tinxik rik'ineb' li neke'rahink we,
a'eb' li neke'k'ehok inwa ut wuk'a',
jo'wi' linliin ut lintuuxnoq', lin'aseeyt ut linb'iin»,#2,5 Jr 2,23-25; 3,1-2; Os 4,12-14. chan.
6“Jo'kan naq laa'in tintz'ap li xb'e rik'in k'ix,
tinram chi tz'ak li xb'e re naq maab'ar chik taanume'q.
7Tixtaaqeheb' li xsum, ab'an ink'a' toxtaweb';
tixsik'eb', ab'an maab'ar tixtaweb'.
Toja' naq tixye: «Tinsutq'iiq wi' chik rik'in linb'eelom,
xb'aan naq sa ajwi' xinwank rik'in chiru anaqwan», cha'aq.
8“Ab'an a'an ink'a' naxnaw
naq laa'in ajwi' nink'ehok re
li xtriiw, li xb'iin ut li xchaab'il aseeyt;
laa'in xink'ehok re naab'al li xplaat
ut li x'oor li xyiib'ahom wi' laj Bahal.
9Jo'kan naq sa' xq'ehil li q'olok
tinxok wi' chik lintriiw ut linb'iin,
ut tinmaq' chiru lintuuxnoq' ut linliin
li xink'e chi raq'un.
10Ut anaqwan tinkanab' sa' xutaan
chiruheb' li neke'rahink re,
ut maajun chik taakoloq re sa' wuq'.
11Tinsach chixjunil li nasaho'k wi' xch'ool,
a' li utz'uk, li xninq'ehinkil li xtiklajik li po, li hilob'aal kutan
jo'wi' chixjunileb' li ninq'e.#2,11 Is 1,12-14; Am 5,21-23.
12Tink'e chi sache'k chixjunileb' li rawimq li naxye wi':
«A'aneb' a'in linq'ajkamunkil li xk'ehomeb' we li neke'rahink we».
Tink'eheb' chi pimo'k ut tinkanab' cho'q xwaheb' li k'iche'il xul.
13Tolinrahob'tesi li ixq a'an
xb'aan naq xk'atok k'ajpom chiruheb' laj Bahal,
xtiqib' rib' chi chaab'il rik'in matq'ab' ut q'ol
ut xkoho chirixeb' li neke'rahink re,
chi ink'a' chik nikinxk'oxla laa'in li Qaawa'
-chan li Yos-.
14“Jo'kan naq tinq'unb'esi li xch'ool:
tink'am sa' li chaqich'och'
ut tinye re naq q'axal ninra.
15Aran tink'e chaq wi' chik li x'uub';
li xtaq'ahil Akor#2,15 Jos 7,24-26. tkanaaq cho'q nimla sahilal,
ut tinraatina wi' chik jo' chaq sa' li xsaajilal,#2,15-16 Jr 2,2.
jo' naq ki'elk chaq Ejiipt.
16Sa' li kutan a'an tixye we: «At inb'eelom», cha'aq;
ut ink'a' chik: «At inBahal».
17Twisi sa' xch'ool li xk'ab'a'eb' laj Bahal
ut maajoq'e chik tixpatz'eb' -chan li Yos-.
18“Sa' li kutan a'an, sa' xk'ab'a' lintenamit,
tink'ojob' jun sumwank rik'ineb' li josq' aj xul,
rik'ineb' li neke'xik'ank ut eb' li k'anti'.
Twisi sa' li na'ajej a'in li xna' simaj, li q'esnal ch'iich' ut li yalok
re naq twanq sa' tuqtuukilal lintenamit.
19Laa'in tatink'am wik'in chi junajwa;
ut laa'ataq li wixaqil sa' tiikilal ut jo' aak'ulub',
xb'aan naq nawil xtoq'ob'aal aawu ut jwal nakatinra.
20Tatink'am wik'in rik'in chaab'ilal
ut aran taanaw naq laa'in li Qaawa' laaYos.
21“Laa'in li Qaawa' ninye a'in:
Sa' li kutan a'an tinsum'aatina li choxa
ut a'an tixsum'aatina li ruuchich'och';
22chiru li ch'och' taa'elq chaq li triiw, li b'iin ut li chaab'il aseeyt,
ut chi jo'kan k'ajo' naq taa'uuchinq li xtaq'ahil Jisrehel.
23Tinkanab' laj Israel sa' li xna'aj,
twuxtaana ru li «Ink'a' uxtaananb'il ru»;
ut li «Maawa' intenamit» tinye re: «Laa'at lintenamit»,#2,23 Zak 13,8-9; Ro 9,25; 1 P 2,10.
ut a'an tixye we: «At inYos»”, cha'aq.
Currently Selected:
Os 2: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.