Ex 39
39
Li efod
(Ex 28,1-43)
1Rik'in kaqinoq' ut moraad, rik'in kaqjorinkil noq' ut chaab'il liin ke'xyiib' li raq'eb' laj tij li te'raq'u naq te'k'anjelaq sa' li Loq'laj Na'ajej. Ke'xyiib' ajwi' li xloq'laj aq' laj Aharón, jo' kitaqlaak wi' laj Moisés xb'aan li Qaawa'.
2Ke'xyiib' li efod rik'in oor, kaqinoq' ut moraad, rik'in kaqjorinkil noq' ut b'aqb'il liin li jwal chaab'il. 3Ke'xten li oor, ke'xyiib' chi perpo ut chanchan li noq' naq ke'xset chi kok' ru, re xtz'ulb'al rik'in li kaqinoq' ut moraad, rik'in li kaqjorinkil noq' ut li chaab'il liin. 4Ke'xk'e wiib' kok' xb'een-tel chapcho wi' sa' xmaril. 5Juntaq'eet rik'in li efod li xyiib'ankil li k'aam najit'e'k wi' li efod, junelikaj ru chixjunil: yiib'anb'il rik'in oor, kaqinoq' ut moraad, kaqjorinkil noq' ut b'aqb'il liin li jwal chaab'il, jo' kitaqlaak wi' laj Moisés xb'aan li Qaawa'.
6Ke'xyiib' ajwi' eb' li pek ónice xk'ab'a'eb', ke'xletzeb' rik'in oor ut let'exinb'ileb' li xk'ab'a'eb' li ralal xk'ajol laj Israel chiru, kama' nalet'exiik li kaaxt. 7Chirix chik a'an laj Besalel kixk'eheb' sa' xb'een xteleb' li efod, jo'aqeb' li pek taajultiko'q wi' re li Qaawa' eb' li ralal xk'ajol laj Israel, kama' kichaq'rab'iik wi' laj Moisés xb'aan li Qaawa'.
Li pektoral
8Ke'xyiib' ajwi' chi chaab'il li pektoral, pikb'il ru jo' li efod, yiib'anb'il rik'in oor, rik'in kaqinoq' ut moraad, kaqjorinkil noq' ut b'aqb'il liin li jwal chaab'il. 9Li pektoral a'an kaaxukuut ut ka'ta: jun k'utub' li xnimal li roq ut jun k'utub' xnimal li ru; ka'ta. 10Ke'xb'ut' xsa' rik'in kaahib' tzol chi kok' pek: sa' li xb'een tzol wank jun sardio, jun topacio ut jun esmeralda; 11sa' li xkab' tzol wank jun rubí, jun safiro ut jun diamante; 12sa' li rox wank jun ópalo, jun ágata ut jun amatista, 13ut sa' li xka wank jun krisólito, jun ónice ut jun jaspe. Chixjunileb' li pek a'in letzb'ileb' rik'in oor. 14Kab'lajuheb' li pek a'in, kama' li xk'ab'a'eb' li ralal xk'ajol laj Israel, ut sa' xb'een li junjunq tz'iib'anb'il, jo' rik'in kaaxt, li xk'ab'a' junaq xteepal aj Israel.
15Ke'xyiib' rik'in tz'aqal oor kok' kareen cho'q re li pektoral, tz'ulb'ileb' kama'eb' li k'aam. 16Ke'xyiib' ajwi' rik'in oor wiib' xsahob' ru ut wiib' x'argoya, ut ke'xk'e eb' li argoya sa' xkab'ichaleb' li xxuk li pektoral. 17Moqon ke'xch'ik xkab'ichaleb' li kok' kareen oor sa'eb' li wiib' chi argoya, sa' xkab'ichaleb' li xxuk li pektoral; 18ke'xletz ajwi' xkab'ichaleb' li kok' kareen rik'in li wiib' xsahob' ru, re naq te'xchap rib' chi uub'ej rik'in li wank sa' xb'een xtel li efod. 19Ke'xyiib' wiib' chik argoya rik'in oor, ut ke'xk'e sa' xkab'ichaleb' li xxuk li pektoral, sa' xmaril chisa', sa' xjayal li efod. 20Ke'xyiib' wiib' chik argoya rik'in oor ut ke'xletzeb' sa' xb'een xtel li efod, taq'a, chi uub'ej, nach' rik'in li xtiqb'al, sa' xb'een li xk'aamal li efod. 21Chirix chik a'an ke'xb'ak' x'argoyil li pektoral chiru x'argoyil li efod rik'in jun k'aam kaqmoqin xb'onol, re naq li pektoral tkanaaq sa' xb'een xk'aamal li efod ut ink'a' taa'elq chiru, jo' tz'aqal kitaqlaak wi' laj Moisés xb'aan li Qaawa'.
Li t'ikr li nak'eemank sa' xb'een li efod
22Ke'xkem li t'ikr nak'eemank sa' xb'een li efod, rik'in púrpura moraad xb'onol; 23teeto sa' xyi ut wank xta chire li xtehelal, kemb'il chi kaw re naq ink'a' taapeje'q. 24Ut sa' chixjunil li xb'asb'al re, taq'a, ke'xk'eheb' li granaad yiib'anb'ileb' rik'in kaqinoq' ut moraad, kaqjorinkil noq' ut b'aqb'il liin li jwal chaab'il; 25ut chire, sa' xyanqeb' a'an, ke'xk'e ajwi' li kok' kanpaan yiib'anb'ileb' rik'in tz'aqal oor: 26jun ch'ina kanpaan ut jun granaad, jun chik ch'ina kanpaan ut jun granaad. Jo'kan ke'xb'aanu taq'a, sa' chixjunil li re li t'ikr li na'oksimank re xb'aanunkil li loq'laj k'anjel, jo' tz'aqal kitaqlaak wi' laj Moisés xb'aan li Qaawa'.
Eb' li raq'eb' laj tij
27Ke'xkem ajwi' rik'in chaab'il liin li xjut-aq' laj Aharón ut eb' li xjut-aq' eb' li ralal; 28li xpuniteb', li xsahob' ru li xpuniteb' rik'in chaab'il liin, ut ke'xyiib' xweexeb' rik'in b'aqb'il liin li jwal chaab'il; 29jo'kan ajwi' li xk'aamal xsa'eb' pikb'ileb' ru rik'in b'aqb'il liin li jwal chaab'il, rik'in kaqinoq' ut moraad, kaqjorinkil noq', jo' tz'aqal kitaqlaak wi' laj Moisés xb'aan li Qaawa'.
Li ch'ina perel oor
30Ke'xyiib' ajwi' jun ch'ina perel rik'in tz'aqal oor ut chiru a'an ke'xtz'iib'a a'in kama' naq nalet'exiik li kaaxt: “Q'axtesinb'il cho'q re li Qaawa'”. 31Ke'xb'ak' rik'in jun k'aam li kaqmoqin xb'onol, re naq taawanq sa' xb'een li punit, jo' kichaq'rab'iik wi' laj Moisés xb'aan li Qaawa'.
Kiraqe'k xyiib'ankil li Rochoch li Yos
32Jo'ka'in naq kiraqe'k xyiib'ankil chixjunil li Santil Muheb'aal ut li xMuheb'aal li Sumwank. Eb' laj Israel ke'xb'aanu chixjunil jo' kitaqlaak wi' laj Moisés xb'aan li Qaawa': tz'aqal jo'ka'in ke'xb'aanu.
Ke'xq'axtesi re laj Moisés chixjunil li xb'aanuhomeb'
(Ex 35,10-19)
33Kule'xk'ut chiru laj Moisés li Santil Muheb'aal, li Muheb'aal ut chixjunileb' li xk'anjelob'aaleb'; eb' li xchapleb', li tz'alamche', eb' li che' li te'q'e'eb'aaq, eb' li roqechal ut li xna'ajeb' li roq; 34li xtz'apb'al xb'een yiib'anb'il rik'in chaab'il tz'uum, ut li t'ilkem; 35li xLoq'laj Kaaxil li Sumwank rochb'eeneb' li che' re xpaqonkil ut li xtz'apb'al xb'een; 36li meex rochb'een chixjunileb' li xk'anjelob'aal ut li mayejanb'il wa; 37li xna'aj kanteel yiib'anb'il rik'in tz'aqal oor ut eb' li xna'aj li saqenk (eb' li xna'aj li saqenk li tento te'kanaaq sa' xb'een), jo' ajwi' chixjunileb' li xk'anjelob'aal ut li xya'al xam; 38li artal yiib'anb'il rik'in oor, li aseeyt re yuluk, li sununkil ensens ut li nimla t'ikr taak'eemanq sa' rokeb'aal li Muheb'aal; 39li artal yiib'anb'il rik'in q'anch'iich' ut li xreex yiib'anb'il ajwi' rik'in q'anch'iich', eb' li che' re xpaqonkil ut chixjunileb' li xk'anjelob'aal; li pila rochb'een li roq; 40li t'ilkem sutsu wi' li neb'aal, eb' li oqech ut li xna'ajeb' te'ok wi', li nimla t'ikr li taak'ehe'q sa' rokeb'aal li neb'aal, li xk'aamaleb', li xsutb'al ut chixjunil li taak'anjelaq cho'q re li Santil Ochoch, sa' xMuheb'aal li Sumwank; 41eb' li raq'eb' laj tij li te'raq'u naq te'k'anjelaq sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij.
42Eb' laj Israel ke'xb'aanu chixjunil jo' tz'aqal kitaqlaak wi' laj Moisés xb'aan li Qaawa'. 43Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.
Currently Selected:
Ex 39: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Ex 39
39
Li efod
(Ex 28,1-43)
1Rik'in kaqinoq' ut moraad, rik'in kaqjorinkil noq' ut chaab'il liin ke'xyiib' li raq'eb' laj tij li te'raq'u naq te'k'anjelaq sa' li Loq'laj Na'ajej. Ke'xyiib' ajwi' li xloq'laj aq' laj Aharón, jo' kitaqlaak wi' laj Moisés xb'aan li Qaawa'.
2Ke'xyiib' li efod rik'in oor, kaqinoq' ut moraad, rik'in kaqjorinkil noq' ut b'aqb'il liin li jwal chaab'il. 3Ke'xten li oor, ke'xyiib' chi perpo ut chanchan li noq' naq ke'xset chi kok' ru, re xtz'ulb'al rik'in li kaqinoq' ut moraad, rik'in li kaqjorinkil noq' ut li chaab'il liin. 4Ke'xk'e wiib' kok' xb'een-tel chapcho wi' sa' xmaril. 5Juntaq'eet rik'in li efod li xyiib'ankil li k'aam najit'e'k wi' li efod, junelikaj ru chixjunil: yiib'anb'il rik'in oor, kaqinoq' ut moraad, kaqjorinkil noq' ut b'aqb'il liin li jwal chaab'il, jo' kitaqlaak wi' laj Moisés xb'aan li Qaawa'.
6Ke'xyiib' ajwi' eb' li pek ónice xk'ab'a'eb', ke'xletzeb' rik'in oor ut let'exinb'ileb' li xk'ab'a'eb' li ralal xk'ajol laj Israel chiru, kama' nalet'exiik li kaaxt. 7Chirix chik a'an laj Besalel kixk'eheb' sa' xb'een xteleb' li efod, jo'aqeb' li pek taajultiko'q wi' re li Qaawa' eb' li ralal xk'ajol laj Israel, kama' kichaq'rab'iik wi' laj Moisés xb'aan li Qaawa'.
Li pektoral
8Ke'xyiib' ajwi' chi chaab'il li pektoral, pikb'il ru jo' li efod, yiib'anb'il rik'in oor, rik'in kaqinoq' ut moraad, kaqjorinkil noq' ut b'aqb'il liin li jwal chaab'il. 9Li pektoral a'an kaaxukuut ut ka'ta: jun k'utub' li xnimal li roq ut jun k'utub' xnimal li ru; ka'ta. 10Ke'xb'ut' xsa' rik'in kaahib' tzol chi kok' pek: sa' li xb'een tzol wank jun sardio, jun topacio ut jun esmeralda; 11sa' li xkab' tzol wank jun rubí, jun safiro ut jun diamante; 12sa' li rox wank jun ópalo, jun ágata ut jun amatista, 13ut sa' li xka wank jun krisólito, jun ónice ut jun jaspe. Chixjunileb' li pek a'in letzb'ileb' rik'in oor. 14Kab'lajuheb' li pek a'in, kama' li xk'ab'a'eb' li ralal xk'ajol laj Israel, ut sa' xb'een li junjunq tz'iib'anb'il, jo' rik'in kaaxt, li xk'ab'a' junaq xteepal aj Israel.
15Ke'xyiib' rik'in tz'aqal oor kok' kareen cho'q re li pektoral, tz'ulb'ileb' kama'eb' li k'aam. 16Ke'xyiib' ajwi' rik'in oor wiib' xsahob' ru ut wiib' x'argoya, ut ke'xk'e eb' li argoya sa' xkab'ichaleb' li xxuk li pektoral. 17Moqon ke'xch'ik xkab'ichaleb' li kok' kareen oor sa'eb' li wiib' chi argoya, sa' xkab'ichaleb' li xxuk li pektoral; 18ke'xletz ajwi' xkab'ichaleb' li kok' kareen rik'in li wiib' xsahob' ru, re naq te'xchap rib' chi uub'ej rik'in li wank sa' xb'een xtel li efod. 19Ke'xyiib' wiib' chik argoya rik'in oor, ut ke'xk'e sa' xkab'ichaleb' li xxuk li pektoral, sa' xmaril chisa', sa' xjayal li efod. 20Ke'xyiib' wiib' chik argoya rik'in oor ut ke'xletzeb' sa' xb'een xtel li efod, taq'a, chi uub'ej, nach' rik'in li xtiqb'al, sa' xb'een li xk'aamal li efod. 21Chirix chik a'an ke'xb'ak' x'argoyil li pektoral chiru x'argoyil li efod rik'in jun k'aam kaqmoqin xb'onol, re naq li pektoral tkanaaq sa' xb'een xk'aamal li efod ut ink'a' taa'elq chiru, jo' tz'aqal kitaqlaak wi' laj Moisés xb'aan li Qaawa'.
Li t'ikr li nak'eemank sa' xb'een li efod
22Ke'xkem li t'ikr nak'eemank sa' xb'een li efod, rik'in púrpura moraad xb'onol; 23teeto sa' xyi ut wank xta chire li xtehelal, kemb'il chi kaw re naq ink'a' taapeje'q. 24Ut sa' chixjunil li xb'asb'al re, taq'a, ke'xk'eheb' li granaad yiib'anb'ileb' rik'in kaqinoq' ut moraad, kaqjorinkil noq' ut b'aqb'il liin li jwal chaab'il; 25ut chire, sa' xyanqeb' a'an, ke'xk'e ajwi' li kok' kanpaan yiib'anb'ileb' rik'in tz'aqal oor: 26jun ch'ina kanpaan ut jun granaad, jun chik ch'ina kanpaan ut jun granaad. Jo'kan ke'xb'aanu taq'a, sa' chixjunil li re li t'ikr li na'oksimank re xb'aanunkil li loq'laj k'anjel, jo' tz'aqal kitaqlaak wi' laj Moisés xb'aan li Qaawa'.
Eb' li raq'eb' laj tij
27Ke'xkem ajwi' rik'in chaab'il liin li xjut-aq' laj Aharón ut eb' li xjut-aq' eb' li ralal; 28li xpuniteb', li xsahob' ru li xpuniteb' rik'in chaab'il liin, ut ke'xyiib' xweexeb' rik'in b'aqb'il liin li jwal chaab'il; 29jo'kan ajwi' li xk'aamal xsa'eb' pikb'ileb' ru rik'in b'aqb'il liin li jwal chaab'il, rik'in kaqinoq' ut moraad, kaqjorinkil noq', jo' tz'aqal kitaqlaak wi' laj Moisés xb'aan li Qaawa'.
Li ch'ina perel oor
30Ke'xyiib' ajwi' jun ch'ina perel rik'in tz'aqal oor ut chiru a'an ke'xtz'iib'a a'in kama' naq nalet'exiik li kaaxt: “Q'axtesinb'il cho'q re li Qaawa'”. 31Ke'xb'ak' rik'in jun k'aam li kaqmoqin xb'onol, re naq taawanq sa' xb'een li punit, jo' kichaq'rab'iik wi' laj Moisés xb'aan li Qaawa'.
Kiraqe'k xyiib'ankil li Rochoch li Yos
32Jo'ka'in naq kiraqe'k xyiib'ankil chixjunil li Santil Muheb'aal ut li xMuheb'aal li Sumwank. Eb' laj Israel ke'xb'aanu chixjunil jo' kitaqlaak wi' laj Moisés xb'aan li Qaawa': tz'aqal jo'ka'in ke'xb'aanu.
Ke'xq'axtesi re laj Moisés chixjunil li xb'aanuhomeb'
(Ex 35,10-19)
33Kule'xk'ut chiru laj Moisés li Santil Muheb'aal, li Muheb'aal ut chixjunileb' li xk'anjelob'aaleb'; eb' li xchapleb', li tz'alamche', eb' li che' li te'q'e'eb'aaq, eb' li roqechal ut li xna'ajeb' li roq; 34li xtz'apb'al xb'een yiib'anb'il rik'in chaab'il tz'uum, ut li t'ilkem; 35li xLoq'laj Kaaxil li Sumwank rochb'eeneb' li che' re xpaqonkil ut li xtz'apb'al xb'een; 36li meex rochb'een chixjunileb' li xk'anjelob'aal ut li mayejanb'il wa; 37li xna'aj kanteel yiib'anb'il rik'in tz'aqal oor ut eb' li xna'aj li saqenk (eb' li xna'aj li saqenk li tento te'kanaaq sa' xb'een), jo' ajwi' chixjunileb' li xk'anjelob'aal ut li xya'al xam; 38li artal yiib'anb'il rik'in oor, li aseeyt re yuluk, li sununkil ensens ut li nimla t'ikr taak'eemanq sa' rokeb'aal li Muheb'aal; 39li artal yiib'anb'il rik'in q'anch'iich' ut li xreex yiib'anb'il ajwi' rik'in q'anch'iich', eb' li che' re xpaqonkil ut chixjunileb' li xk'anjelob'aal; li pila rochb'een li roq; 40li t'ilkem sutsu wi' li neb'aal, eb' li oqech ut li xna'ajeb' te'ok wi', li nimla t'ikr li taak'ehe'q sa' rokeb'aal li neb'aal, li xk'aamaleb', li xsutb'al ut chixjunil li taak'anjelaq cho'q re li Santil Ochoch, sa' xMuheb'aal li Sumwank; 41eb' li raq'eb' laj tij li te'raq'u naq te'k'anjelaq sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij.
42Eb' laj Israel ke'xb'aanu chixjunil jo' tz'aqal kitaqlaak wi' laj Moisés xb'aan li Qaawa'. 43Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.