Ex 35
35
VI. XYIIB'ANKIL LI ROCHOCH LI YOS (35-40)
Li hilob'aal kutan
(Ex 31,12-17)
1Laj Moisés kixch'utub' chixjunil li xkomonileb' laj Israel ut kixye reheb': “A'an a'in li nokooxtaqla chi xb'aanunkil li Qaawa': 2Chiru waqib' kutan texk'anjelaq, ab'an li xwuq kutan oxloq'oninb'ilaq eeb'aan, a'anaq tz'aqal hilob'aal kutan sa' xk'ab'a' li Qaawa'.#35,2 Ex 20,8-11; 23,12; 31,15; 34,21; Lv 23,3; Dt 5,12-14. Chixjunileb' li te'k'anjelaq sa' li kutan a'an, te'kamq. 3Sa' maajun aj ochoch teetz'ab' eexam sa' li kutan sábado”.
Li mayej cho'q re li Santil Na'ajej
(Ex 25,1-9)
4Moqon laj Moisés ki'aatinak rik'in chixjunil li xkomonileb' laj Israel ut kixye:
“A'an a'in li xtaqlahom li Qaawa': 5Teesik' mayej sa' xyanq li k'aru wank eere ut teeyeechi'i re li Qaawa'. Chixjunil li na'alaak sa' eech'ool teemayeja cho'q re li Qaawa': oor, plaat ut q'anch'iich', 6li kaqinoq' jo' ajwi' moraad, li kaqpuq'inkil t'ikr, li chaab'il liin, li rismal chib'aat, 7li xtz'uumal karneer kaq xb'onol, li chaab'il tz'uum ut li che' akasya xk'ab'a', 8li aseeyt re xya'al li saqenk, li sununkil b'an li na'ok sa' li aseeyt re li yuluk ut sa' li sununkil ensens, 9li pek ónice xk'ab'a' jo' ajwi' li pek li na'ok cho'q xsahob' ru li b'ools wank chire xmaqab' laj tij.
Eb' li loq'laj k'anjelob'aal
(Ex 39,32-43)
10“Chalqeb' laj k'anjel seeb'eb' xch'ool li wankeb' sa' eeyanq, chi xb'aanunkil li kixye li Qaawa': 11te'xyiib' li Santil Muheb'aal, li Muheb'aal ut li xmuheel, eb' li xchapleb', li xtz'alamche', eb' li che' li te'q'e'eb'aaq, eb' li roqechal ut li xna'ajeb' li roq; 12li Loq'laj Kaax ut eb' li che' re xpaqonkil, li xtz'apb'al xb'een ut li t'ikr li taak'anjelaq cho'q xtask'; 13li meex rochb'eeneb' li che' re xpaqonkil ut chixjunileb' li xk'anjelob'aal, li mayejanb'il wa, 14li xna'aj kanteel re li saqenk jo' ajwi' chixjunileb' li xk'anjelob'aal ut li xsaqenkeb', li aseeyt re li saqenk; 15li artal re li ensens ut eb' li che' re xpaqonkil; li aseeyt re li yuluk, li sununkil ensens, li nimla t'ikr li taak'eemanq sa' rokeb'aal li Loq'laj Muheb'aal, 16li artal reheb' li k'atb'il mayej, li xreex yiib'anb'il rik'in q'anch'iich', eb' li che' re xpaqonkil li artal ut chixjunileb' li xk'anjelob'aal; li pila rochb'een li roq; 17li xt'ilkem li neb'aal rochb'eeneb' li roqechal ut li xna'ajeb' te'ok wi'; li nimla t'ikr li taak'ehe'q sa' rokeb'aal li neb'aal; 18li chapcho wi' chixjunil li Santil Muheb'aal ut li neb'aal rochb'eeneb' li xk'aamal; 19li aq'ej re k'anjelak sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij”.
Eb' li tenamit ke'xk'am chaq li xmayejeb'
20Toja' naq chixjunil xkomonileb' laj Israel ke'elk chiru laj Moisés; 21ut jo'k'ihaleb' li na'alaak sa' xch'ooleb', a'eb' li neke'reek'a sa' li raanm, ke'chalk ut ke'xk'am chaq li xmayejeb' cho'q re li Qaawa', re xyiib'ankil xMuheb'aal li ch'utam, re chixjunil li loq'laj k'anjel taawanq chisa' ut reheb' li loq'laj aq'ej. 22Ke'chalk li winq ut eb' li ixq: chixjunileb' li ke'toch'e'k xch'ool ke'xk'am chaq xkok' kareen, ka'xik, matq'ab', q'ol ut chixjunil li k'aru oor, a' li oor li kixk'e li junjunq jo' eek'asinb'il mayej cho'q re li Qaawa'. 23Jo'k'ihaleb' li wankeb' xkaqinoq' ut moraad, xkaqjorinkil t'ikr, xchaab'il liin, rismal chib'aat, xtz'uumal karneer kaqi xb'onol malaj chaab'il tz'uum, ke'xk'am ajwi' chaq. 24Chixjunileb' li wank chi k'uulanb'il xmayejeb' plaat malaj q'anch'iich', ke'xk'am chaq jo' raab'il mayej cho'q re li Qaawa'. Jo'kan ajwi' ke'xb'aanu li wankeb' che' akasya rik'ineb', re naq taak'anjelaq sa' li Loq'laj Na'ajej. 25Chixjunileb' li ixq li neke'xnaw k'anjelak, ke'q'inok rik'in ruq'eb' ut ke'xk'am chaq kaqinoq' ut moraad, kaqjorinkil t'ikr ut chaab'il liin q'inb'il xb'aaneb'. 26Jo'k'ihaleb' li ixq li neke'xnaw q'inok ke'xq'in rismal chib'aat, chixjunileb' li ki'alaak sa' xch'ooleb'. 27Eb' li xb'eenil li tenamit ke'xk'am chaq li ónice ut eb' li chaab'il pek re te'k'eemanq cho'q xsahob' ru li efod ut li pektoral; 28sununkil b'an ut aseeyt re saqenk, li taak'anjelaq re li aseeyt re yuluk ut re li sununkil ensens.
29Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.
Eb' laj yiib'ahom re li Loq'laj Na'ajej
(Ex 31,1-11)
30Toja' naq laj Moisés kixye reheb' laj Israel: “K'ehomaq reetal: sa' xyanqeb' li ralal xk'ajol laj Judá li Qaawa' kixsik' ru laj Besalel, ralal laj Urí, ralal laj Jur, 31ut ak kixnujob'resi rik'in xmusiq' li Yos. Kixk'e xna'leb' ut xseeb'al xch'ool. Ch'olch'o chiru a'an chixjunileb' li k'anjel, 32re xk'oxlankil ut xb'aanunkil k'anjel rik'in oor, plaat ut q'anch'iich', 33re xtuqub'ankil ru li tertookil pek, re xpech'b'al li che' ut xb'aanunkil yalaq k'a' chi k'anjelil. 34Kixk'e xna'leb' re k'utuk, ut kixk'e ajwi' re laj Oholiab, ralal laj Ajisamak, xkomon eb' li ralal xk'ajol laj Dan. 35Kixnujob'resiheb' rik'in xseeb'al xch'ooleb' re xb'aanunkil yalaq k'a' chi k'anjelil: rik'in pech'ok che', b'ojok, xk'eeb'al chi pikb'il ru kaqinoq' ut moraad, kaqjorinkil noq' ut chaab'il liin, jo' ajwi' rik'in kemok. Eb' a'an wankeb' xna'leb' chi xb'aanunkil yalaq k'a' chi k'anjelil, jo' ajwi' chi xk'oxlankil chanru taa'uxmanq.
Currently Selected:
Ex 35: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Ex 35
35
VI. XYIIB'ANKIL LI ROCHOCH LI YOS (35-40)
Li hilob'aal kutan
(Ex 31,12-17)
1Laj Moisés kixch'utub' chixjunil li xkomonileb' laj Israel ut kixye reheb': “A'an a'in li nokooxtaqla chi xb'aanunkil li Qaawa': 2Chiru waqib' kutan texk'anjelaq, ab'an li xwuq kutan oxloq'oninb'ilaq eeb'aan, a'anaq tz'aqal hilob'aal kutan sa' xk'ab'a' li Qaawa'.#35,2 Ex 20,8-11; 23,12; 31,15; 34,21; Lv 23,3; Dt 5,12-14. Chixjunileb' li te'k'anjelaq sa' li kutan a'an, te'kamq. 3Sa' maajun aj ochoch teetz'ab' eexam sa' li kutan sábado”.
Li mayej cho'q re li Santil Na'ajej
(Ex 25,1-9)
4Moqon laj Moisés ki'aatinak rik'in chixjunil li xkomonileb' laj Israel ut kixye:
“A'an a'in li xtaqlahom li Qaawa': 5Teesik' mayej sa' xyanq li k'aru wank eere ut teeyeechi'i re li Qaawa'. Chixjunil li na'alaak sa' eech'ool teemayeja cho'q re li Qaawa': oor, plaat ut q'anch'iich', 6li kaqinoq' jo' ajwi' moraad, li kaqpuq'inkil t'ikr, li chaab'il liin, li rismal chib'aat, 7li xtz'uumal karneer kaq xb'onol, li chaab'il tz'uum ut li che' akasya xk'ab'a', 8li aseeyt re xya'al li saqenk, li sununkil b'an li na'ok sa' li aseeyt re li yuluk ut sa' li sununkil ensens, 9li pek ónice xk'ab'a' jo' ajwi' li pek li na'ok cho'q xsahob' ru li b'ools wank chire xmaqab' laj tij.
Eb' li loq'laj k'anjelob'aal
(Ex 39,32-43)
10“Chalqeb' laj k'anjel seeb'eb' xch'ool li wankeb' sa' eeyanq, chi xb'aanunkil li kixye li Qaawa': 11te'xyiib' li Santil Muheb'aal, li Muheb'aal ut li xmuheel, eb' li xchapleb', li xtz'alamche', eb' li che' li te'q'e'eb'aaq, eb' li roqechal ut li xna'ajeb' li roq; 12li Loq'laj Kaax ut eb' li che' re xpaqonkil, li xtz'apb'al xb'een ut li t'ikr li taak'anjelaq cho'q xtask'; 13li meex rochb'eeneb' li che' re xpaqonkil ut chixjunileb' li xk'anjelob'aal, li mayejanb'il wa, 14li xna'aj kanteel re li saqenk jo' ajwi' chixjunileb' li xk'anjelob'aal ut li xsaqenkeb', li aseeyt re li saqenk; 15li artal re li ensens ut eb' li che' re xpaqonkil; li aseeyt re li yuluk, li sununkil ensens, li nimla t'ikr li taak'eemanq sa' rokeb'aal li Loq'laj Muheb'aal, 16li artal reheb' li k'atb'il mayej, li xreex yiib'anb'il rik'in q'anch'iich', eb' li che' re xpaqonkil li artal ut chixjunileb' li xk'anjelob'aal; li pila rochb'een li roq; 17li xt'ilkem li neb'aal rochb'eeneb' li roqechal ut li xna'ajeb' te'ok wi'; li nimla t'ikr li taak'ehe'q sa' rokeb'aal li neb'aal; 18li chapcho wi' chixjunil li Santil Muheb'aal ut li neb'aal rochb'eeneb' li xk'aamal; 19li aq'ej re k'anjelak sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij”.
Eb' li tenamit ke'xk'am chaq li xmayejeb'
20Toja' naq chixjunil xkomonileb' laj Israel ke'elk chiru laj Moisés; 21ut jo'k'ihaleb' li na'alaak sa' xch'ooleb', a'eb' li neke'reek'a sa' li raanm, ke'chalk ut ke'xk'am chaq li xmayejeb' cho'q re li Qaawa', re xyiib'ankil xMuheb'aal li ch'utam, re chixjunil li loq'laj k'anjel taawanq chisa' ut reheb' li loq'laj aq'ej. 22Ke'chalk li winq ut eb' li ixq: chixjunileb' li ke'toch'e'k xch'ool ke'xk'am chaq xkok' kareen, ka'xik, matq'ab', q'ol ut chixjunil li k'aru oor, a' li oor li kixk'e li junjunq jo' eek'asinb'il mayej cho'q re li Qaawa'. 23Jo'k'ihaleb' li wankeb' xkaqinoq' ut moraad, xkaqjorinkil t'ikr, xchaab'il liin, rismal chib'aat, xtz'uumal karneer kaqi xb'onol malaj chaab'il tz'uum, ke'xk'am ajwi' chaq. 24Chixjunileb' li wank chi k'uulanb'il xmayejeb' plaat malaj q'anch'iich', ke'xk'am chaq jo' raab'il mayej cho'q re li Qaawa'. Jo'kan ajwi' ke'xb'aanu li wankeb' che' akasya rik'ineb', re naq taak'anjelaq sa' li Loq'laj Na'ajej. 25Chixjunileb' li ixq li neke'xnaw k'anjelak, ke'q'inok rik'in ruq'eb' ut ke'xk'am chaq kaqinoq' ut moraad, kaqjorinkil t'ikr ut chaab'il liin q'inb'il xb'aaneb'. 26Jo'k'ihaleb' li ixq li neke'xnaw q'inok ke'xq'in rismal chib'aat, chixjunileb' li ki'alaak sa' xch'ooleb'. 27Eb' li xb'eenil li tenamit ke'xk'am chaq li ónice ut eb' li chaab'il pek re te'k'eemanq cho'q xsahob' ru li efod ut li pektoral; 28sununkil b'an ut aseeyt re saqenk, li taak'anjelaq re li aseeyt re yuluk ut re li sununkil ensens.
29Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.
Eb' laj yiib'ahom re li Loq'laj Na'ajej
(Ex 31,1-11)
30Toja' naq laj Moisés kixye reheb' laj Israel: “K'ehomaq reetal: sa' xyanqeb' li ralal xk'ajol laj Judá li Qaawa' kixsik' ru laj Besalel, ralal laj Urí, ralal laj Jur, 31ut ak kixnujob'resi rik'in xmusiq' li Yos. Kixk'e xna'leb' ut xseeb'al xch'ool. Ch'olch'o chiru a'an chixjunileb' li k'anjel, 32re xk'oxlankil ut xb'aanunkil k'anjel rik'in oor, plaat ut q'anch'iich', 33re xtuqub'ankil ru li tertookil pek, re xpech'b'al li che' ut xb'aanunkil yalaq k'a' chi k'anjelil. 34Kixk'e xna'leb' re k'utuk, ut kixk'e ajwi' re laj Oholiab, ralal laj Ajisamak, xkomon eb' li ralal xk'ajol laj Dan. 35Kixnujob'resiheb' rik'in xseeb'al xch'ooleb' re xb'aanunkil yalaq k'a' chi k'anjelil: rik'in pech'ok che', b'ojok, xk'eeb'al chi pikb'il ru kaqinoq' ut moraad, kaqjorinkil noq' ut chaab'il liin, jo' ajwi' rik'in kemok. Eb' a'an wankeb' xna'leb' chi xb'aanunkil yalaq k'a' chi k'anjelil, jo' ajwi' chi xk'oxlankil chanru taa'uxmanq.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.