Dt 27
27
IV. XNINQ'EHINKIL LI SUMWANK (27-28)
Eb' li loq'laj pek ut li artal sa' li tzuul Ebal
1Laj Moisés ut eb' li xcheekel winqilal aj Israel ke'xk'e li chaq'rab' a'in sa' xb'een li tenamit:
“Chepaab'aq chixjunil li chaq'rab' li tinch'olob' cheru sa' li kutan a'in. 2Naq texnume'q junpak'al li nima' Jordán re ok sa' li ch'och' tixk'e eere li Qaawa' leeYos, teexaqab' ninqi pek, teesaqob'resiheb' rik'in chun 3ut teetz'iib'a chiruheb', chixjunil li raatinul li chaq'rab' a'in. Teeb'aanu a'in naq toxex'okaq sa' li xq'emal ch'och' tixk'e eere li Qaawa' leeYos, kama' kixye eere li Qaawa', li xYos eb' leexe'toonil yuwa'. 4Ut naq akaq xexnume'k junpak'al li nima' Jordán, teexaqab'eb' li pek a'in sa' li tzuul Ebal, kama' yookin chi xyeeb'al eere anaqwan, ut teesaqob'resiheb' rik'in chun. 5Aran taayiib' jun li artal rik'in pek sa' xk'ab'a' li Qaawa' laaYos: ink'a' taatuqub' ru rik'in ch'iich'. 6Taayiib' li x'artal li Qaawa' laaYos rik'in pek ink'a' q'unob'resinb'il ru,#27,5-6 Ex 20,25. ut sa' xb'een li artal taayeechi'i k'atb'il mayej chiru li Qaawa' laaYos. 7Aran ajwi' taayeechi'i laamayej re xk'amb'al aawib' sa' usilal rik'in li Yos; tatwa'aq ut taasaho'q aach'ool chiru li Qaawa' laaYos. 8Ut taatz'iib'a chixjunil li raatinul li chaq'rab' a'in chiruheb' li pek a'an. Taatz'iib'a chi chaab'il”, chan laj Moisés.#27,2-8 Jos 8,30-32.
9Chirix chik a'an laj Moisés ut eb' laj tij aj Leví ke'aatinak reheb' chixjunil laj Israel chi jo'ka'in:
“Mat-eek'ank ut ab'i, Israel. Sa' li kutan a'in laa'at chik li xtenamit li Qaawa' laaYos. 10Taawab'i li xyaab' xkux li Qaawa' laaYos ut taak'anjela ru li chaq'rab' ut eb' li aatin yookin chi xjultikankil aawe sa' li kutan a'in”, chankeb'.
Kab'laju chi majewal
11Sa' ajwi' li kutan a'an laj Moisés kixchaq'rab'iheb' li tenamit chi jo'ka'in:
12“A'aneb' a'in li te'xaqliiq sa' li tzuul Karisín re rosob'tesinkil li tenamit, naq akaq xexnume'k junpak'al li nima' Jordán: laj Simehón, laj Leví, laj Judá, laj Isakar, laj José ut laj Benjamín.#27,12 Dt 11,29; Jos 8,33-35. 13Ut a'aneb' a'in li toxe'xk'e rib' sa' li tzuul Ebal re xmajewankil li tenamit: laj Rubén, laj Gad, laj Aser, laj Sabulón, laj Dan ut laj Neftalí. 14Toja' naq eb' laj Leví te'ok chi aatinak ut te'xye reheb' chixjunil laj Israel chi kaw xyaab'eb' xkux:
15«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich'#27,15 Ex 20,4; 34,17; Lv 19,4; 26,1; Dt 4,15-18; 5,8. re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».
16«Tz'eqtaananb'ilaq li ani tixtz'eqtaana li xna' xyuwa'».#27,16 Ex 20,12; Dt 5,16. Ut chixjunil li tenamit te'xye: «Jo'kan».
17«Tz'eqtaananb'ilaq li ani tixjilosi xnub'ajl li ras riitz'in».#27,17 Dt 19,14; Job 24,2; Pr 22,28; Os 5,10. Ut chixjunil li tenamit te'xye: «Jo'kan».
18«Tz'eqtaananb'ilaq li ani tixjal xb'e junaq mutz'».#27,18 Lv 19,14. Ut chixjunil li tenamit te'xye: «Jo'kan».
19«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an».#27,19 Ex 22,21; 23,9; Lv 19,33-34; Dt 24,17-18. Ut chixjunil li tenamit te'xye: «Jo'kan».
20«Tz'eqtaananb'ilaq li ani taayoklaaq rik'in li rixaqil li xyuwa',#27,20 Lv 18,8; 20,11; Dt 22,30. xb'aan naq tixk'ut xxutaan li xyuwa'». Ut chixjunil li tenamit te'xye: «Jo'kan».
21«Tz'eqtaananb'ilaq li ani taayoklaaq rik'in yalaq k'aru chi xulil».#27,21 Ex 22,19; Lv 18,23; 20,15. Ut chixjunil li tenamit te'xye: «Jo'kan».
22«Tz'eqtaananb'ilaq li ani taayoklaaq rik'in li ranab', xrab'in li xyuwa' malaj xko' li xna'».#27,22 Lv 18,9; 20,17. Ut chixjunil li tenamit te'xye: «Jo'kan».
23«Tz'eqtaananb'ilaq li ani taayoklaaq rik'in li xna' li rixaqil».#27,23 Lv 18,17; 20,14. Ut chixjunil li tenamit te'xye: «Jo'kan».
24«Tz'eqtaananb'ilaq li ani tixkamsi li ras riitz'in sa' muqmu».#27,24 Ex 20,13; 21,12-14. Ut chixjunil li tenamit te'xye: «Jo'kan».
25«Tz'eqtaananb'ilaq li ani taak'uluq tumin re xkamsinkil junaq li maak'a' xmaak». Ut chixjunil li tenamit te'xye: «Jo'kan».
26«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru».#27,26 Jr 11,3; Gal 3,10. Ut chixjunil li tenamit te'xye: «Jo'kan».
Currently Selected:
Dt 27: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Dt 27
27
IV. XNINQ'EHINKIL LI SUMWANK (27-28)
Eb' li loq'laj pek ut li artal sa' li tzuul Ebal
1Laj Moisés ut eb' li xcheekel winqilal aj Israel ke'xk'e li chaq'rab' a'in sa' xb'een li tenamit:
“Chepaab'aq chixjunil li chaq'rab' li tinch'olob' cheru sa' li kutan a'in. 2Naq texnume'q junpak'al li nima' Jordán re ok sa' li ch'och' tixk'e eere li Qaawa' leeYos, teexaqab' ninqi pek, teesaqob'resiheb' rik'in chun 3ut teetz'iib'a chiruheb', chixjunil li raatinul li chaq'rab' a'in. Teeb'aanu a'in naq toxex'okaq sa' li xq'emal ch'och' tixk'e eere li Qaawa' leeYos, kama' kixye eere li Qaawa', li xYos eb' leexe'toonil yuwa'. 4Ut naq akaq xexnume'k junpak'al li nima' Jordán, teexaqab'eb' li pek a'in sa' li tzuul Ebal, kama' yookin chi xyeeb'al eere anaqwan, ut teesaqob'resiheb' rik'in chun. 5Aran taayiib' jun li artal rik'in pek sa' xk'ab'a' li Qaawa' laaYos: ink'a' taatuqub' ru rik'in ch'iich'. 6Taayiib' li x'artal li Qaawa' laaYos rik'in pek ink'a' q'unob'resinb'il ru,#27,5-6 Ex 20,25. ut sa' xb'een li artal taayeechi'i k'atb'il mayej chiru li Qaawa' laaYos. 7Aran ajwi' taayeechi'i laamayej re xk'amb'al aawib' sa' usilal rik'in li Yos; tatwa'aq ut taasaho'q aach'ool chiru li Qaawa' laaYos. 8Ut taatz'iib'a chixjunil li raatinul li chaq'rab' a'in chiruheb' li pek a'an. Taatz'iib'a chi chaab'il”, chan laj Moisés.#27,2-8 Jos 8,30-32.
9Chirix chik a'an laj Moisés ut eb' laj tij aj Leví ke'aatinak reheb' chixjunil laj Israel chi jo'ka'in:
“Mat-eek'ank ut ab'i, Israel. Sa' li kutan a'in laa'at chik li xtenamit li Qaawa' laaYos. 10Taawab'i li xyaab' xkux li Qaawa' laaYos ut taak'anjela ru li chaq'rab' ut eb' li aatin yookin chi xjultikankil aawe sa' li kutan a'in”, chankeb'.
Kab'laju chi majewal
11Sa' ajwi' li kutan a'an laj Moisés kixchaq'rab'iheb' li tenamit chi jo'ka'in:
12“A'aneb' a'in li te'xaqliiq sa' li tzuul Karisín re rosob'tesinkil li tenamit, naq akaq xexnume'k junpak'al li nima' Jordán: laj Simehón, laj Leví, laj Judá, laj Isakar, laj José ut laj Benjamín.#27,12 Dt 11,29; Jos 8,33-35. 13Ut a'aneb' a'in li toxe'xk'e rib' sa' li tzuul Ebal re xmajewankil li tenamit: laj Rubén, laj Gad, laj Aser, laj Sabulón, laj Dan ut laj Neftalí. 14Toja' naq eb' laj Leví te'ok chi aatinak ut te'xye reheb' chixjunil laj Israel chi kaw xyaab'eb' xkux:
15«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich'#27,15 Ex 20,4; 34,17; Lv 19,4; 26,1; Dt 4,15-18; 5,8. re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».
16«Tz'eqtaananb'ilaq li ani tixtz'eqtaana li xna' xyuwa'».#27,16 Ex 20,12; Dt 5,16. Ut chixjunil li tenamit te'xye: «Jo'kan».
17«Tz'eqtaananb'ilaq li ani tixjilosi xnub'ajl li ras riitz'in».#27,17 Dt 19,14; Job 24,2; Pr 22,28; Os 5,10. Ut chixjunil li tenamit te'xye: «Jo'kan».
18«Tz'eqtaananb'ilaq li ani tixjal xb'e junaq mutz'».#27,18 Lv 19,14. Ut chixjunil li tenamit te'xye: «Jo'kan».
19«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an».#27,19 Ex 22,21; 23,9; Lv 19,33-34; Dt 24,17-18. Ut chixjunil li tenamit te'xye: «Jo'kan».
20«Tz'eqtaananb'ilaq li ani taayoklaaq rik'in li rixaqil li xyuwa',#27,20 Lv 18,8; 20,11; Dt 22,30. xb'aan naq tixk'ut xxutaan li xyuwa'». Ut chixjunil li tenamit te'xye: «Jo'kan».
21«Tz'eqtaananb'ilaq li ani taayoklaaq rik'in yalaq k'aru chi xulil».#27,21 Ex 22,19; Lv 18,23; 20,15. Ut chixjunil li tenamit te'xye: «Jo'kan».
22«Tz'eqtaananb'ilaq li ani taayoklaaq rik'in li ranab', xrab'in li xyuwa' malaj xko' li xna'».#27,22 Lv 18,9; 20,17. Ut chixjunil li tenamit te'xye: «Jo'kan».
23«Tz'eqtaananb'ilaq li ani taayoklaaq rik'in li xna' li rixaqil».#27,23 Lv 18,17; 20,14. Ut chixjunil li tenamit te'xye: «Jo'kan».
24«Tz'eqtaananb'ilaq li ani tixkamsi li ras riitz'in sa' muqmu».#27,24 Ex 20,13; 21,12-14. Ut chixjunil li tenamit te'xye: «Jo'kan».
25«Tz'eqtaananb'ilaq li ani taak'uluq tumin re xkamsinkil junaq li maak'a' xmaak». Ut chixjunil li tenamit te'xye: «Jo'kan».
26«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru».#27,26 Jr 11,3; Gal 3,10. Ut chixjunil li tenamit te'xye: «Jo'kan».
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.