1 S 8
8
Eb' laj Israel te'raj junaq x'awab'ejeb'
1Naq ak xtixk chik laj Samuel, kixxaqab'eb' li ralal cho'q aj k'amol xb'eheb' laj Israel. 2Li xk'ab'a' li xb'een ralal, a'an aj Joel; ut li jun chik, aj Abías xk'ab'a'. Xkab'ichaleb' neke'raqok aatin sa' xb'eeneb' laj Israel aran Berseba. 3Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal. 4Toja' naq ke'xch'utub' rib' chixjunileb' li xcheekelal laj Israel, koheb' Ramá wan wi' laj Samuel 5ut ke'xye re: “K'e reetal, laa'at ak tiixat chik ut eb' laawalal ink'a' neke'xtaaqe laab'e. Jo'kan naq xaqab' junaq awab'ej cho'q qe, re naq a'an chik taataqlanq sa' qab'een, jo' na'uxk sa' chixjunileb' li tenamit”.#8,5 Dt 17,14.
6Ab'an ink'a' kiwulak chiru laj Samuel naq ke'xtz'aama x'awab'ejeb'. Jo'kan naq kitijok chiru li Qaawa', 7ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'. 8Chalen naq ke'wisi chaq Ejiipt toj anaqwan neke'xb'aanu we jo' tz'aqal yookeb' chi xb'aanunkil aawe anaqwan, xb'aan naq xine'xtz'eqtaana ut xe'ok chi xloq'oninkil eb' li jalanil yos. 9Jo'kan b'i', paab' li yookeb' chi xtz'aamankil chawu, ab'anan xb'enwa ch'olob' ut k'ut chiruheb' chanru li wank rub'el xwankil junaq awab'ej”.
10Toja' naq laj Samuel kixch'olob' chiruheb' li tenamit li yookeb' chi xpatz'b'al x'awab'ejeb' jo'ch'inal jo'nimal kiyehe'k re xb'aan li Qaawa'. 11Kixye reheb':
“Jo'ka'in tixb'aanu li awab'ej li taataqlanq sa' eeb'een. Tixb'oqeb' leeralal ut wankeb' li tixxaqab' chi rilb'aleb' li xb'eleb'aal ch'iich' ut li xkawaay, ut wankeb' chik tento te'aanilaq chiru li xb'eleb'aal ch'iich'. 12Wankeb' li tixxaqab' chi xjolominkil lajeetqk'aal rox o'q'ob' (1,000) malaj lajeetq roxk'aal (50) aj puub'. Wankeb' li tixk'eheb' chi k'anjelak sa' li xch'och' ut xq'olb'al li rawimq, wankeb' li tixk'e chi xyiib'ankileb' li ch'iich' re yalok jo'wi' li k'anjelob'aal reheb' li xkaar. 13Tixk'ameb' ajwi' leerab'in cho'q aj yiib'ahom sununkil b'an, cho'q aj yiib'ahom tzekemq ut kaxlan wa. 14Tixchap leech'och', li xna'ajeb' lee'uub' jo'wi' lee'oliiw, a'eb' li jwal chaab'il, ut tixk'e reheb' laj k'anjel chiru. 15Trisi li xlajeetqil leerawimq ut lee'uub' ut tixq'axtesi reheb' laj tenq' re jo'wi' reheb' laj k'anjel chiru. 16Tixmaq' ajwi' leemoos winq, leemoos ixq, eb' leeb'ooyx ut eb' leeb'uur, ut tixk'eheb' chi k'anjelak cho'q re a'an. 17Trisi li xlajeetqil leeketomq, ut laa'exaq ajwi' aj k'anjel chiru. 18K'ajo' naq taaraho'q eech'ool sa' li kutan a'an xb'aan li awab'ej xaqab'anb'il eeb'aan, ab'anan li Qaawa' ink'a' chik taarab'i leetij”, chan laj Samuel.
19Ab'an li tenamit ink'a' ke'raj rab'inkil laj Samuel ut ke'xye: “Ink'a'. Tento twanq junaq qa'awab'ej, 20ut jo'aqo ajwi' eb' li tenamit junch'ol. A'an taaraqoq aatin sa' qab'een, a'anaq laj k'amol qab'e ut laj jolominel sa' li yalok”.
21Kirab'i laj Samuel li k'aru ke'xye li tenamit ut kixnumsi chixjunil chiru li Qaawa'. 22Ut li Qaawa' kixye re laj Samuel: “B'aanu li k'aru xe'xpatz' ut xaqab' junaq x'awab'ejeb'”. Toja' naq laj Samuel kixye reheb' laj Israel: “Us, maak'a' naxye. Ab'an anaqwan ayuqex chejunjunqal sa' leetenamit”.
Currently Selected:
1 S 8: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
1 S 8
8
Eb' laj Israel te'raj junaq x'awab'ejeb'
1Naq ak xtixk chik laj Samuel, kixxaqab'eb' li ralal cho'q aj k'amol xb'eheb' laj Israel. 2Li xk'ab'a' li xb'een ralal, a'an aj Joel; ut li jun chik, aj Abías xk'ab'a'. Xkab'ichaleb' neke'raqok aatin sa' xb'eeneb' laj Israel aran Berseba. 3Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal. 4Toja' naq ke'xch'utub' rib' chixjunileb' li xcheekelal laj Israel, koheb' Ramá wan wi' laj Samuel 5ut ke'xye re: “K'e reetal, laa'at ak tiixat chik ut eb' laawalal ink'a' neke'xtaaqe laab'e. Jo'kan naq xaqab' junaq awab'ej cho'q qe, re naq a'an chik taataqlanq sa' qab'een, jo' na'uxk sa' chixjunileb' li tenamit”.#8,5 Dt 17,14.
6Ab'an ink'a' kiwulak chiru laj Samuel naq ke'xtz'aama x'awab'ejeb'. Jo'kan naq kitijok chiru li Qaawa', 7ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'. 8Chalen naq ke'wisi chaq Ejiipt toj anaqwan neke'xb'aanu we jo' tz'aqal yookeb' chi xb'aanunkil aawe anaqwan, xb'aan naq xine'xtz'eqtaana ut xe'ok chi xloq'oninkil eb' li jalanil yos. 9Jo'kan b'i', paab' li yookeb' chi xtz'aamankil chawu, ab'anan xb'enwa ch'olob' ut k'ut chiruheb' chanru li wank rub'el xwankil junaq awab'ej”.
10Toja' naq laj Samuel kixch'olob' chiruheb' li tenamit li yookeb' chi xpatz'b'al x'awab'ejeb' jo'ch'inal jo'nimal kiyehe'k re xb'aan li Qaawa'. 11Kixye reheb':
“Jo'ka'in tixb'aanu li awab'ej li taataqlanq sa' eeb'een. Tixb'oqeb' leeralal ut wankeb' li tixxaqab' chi rilb'aleb' li xb'eleb'aal ch'iich' ut li xkawaay, ut wankeb' chik tento te'aanilaq chiru li xb'eleb'aal ch'iich'. 12Wankeb' li tixxaqab' chi xjolominkil lajeetqk'aal rox o'q'ob' (1,000) malaj lajeetq roxk'aal (50) aj puub'. Wankeb' li tixk'eheb' chi k'anjelak sa' li xch'och' ut xq'olb'al li rawimq, wankeb' li tixk'e chi xyiib'ankileb' li ch'iich' re yalok jo'wi' li k'anjelob'aal reheb' li xkaar. 13Tixk'ameb' ajwi' leerab'in cho'q aj yiib'ahom sununkil b'an, cho'q aj yiib'ahom tzekemq ut kaxlan wa. 14Tixchap leech'och', li xna'ajeb' lee'uub' jo'wi' lee'oliiw, a'eb' li jwal chaab'il, ut tixk'e reheb' laj k'anjel chiru. 15Trisi li xlajeetqil leerawimq ut lee'uub' ut tixq'axtesi reheb' laj tenq' re jo'wi' reheb' laj k'anjel chiru. 16Tixmaq' ajwi' leemoos winq, leemoos ixq, eb' leeb'ooyx ut eb' leeb'uur, ut tixk'eheb' chi k'anjelak cho'q re a'an. 17Trisi li xlajeetqil leeketomq, ut laa'exaq ajwi' aj k'anjel chiru. 18K'ajo' naq taaraho'q eech'ool sa' li kutan a'an xb'aan li awab'ej xaqab'anb'il eeb'aan, ab'anan li Qaawa' ink'a' chik taarab'i leetij”, chan laj Samuel.
19Ab'an li tenamit ink'a' ke'raj rab'inkil laj Samuel ut ke'xye: “Ink'a'. Tento twanq junaq qa'awab'ej, 20ut jo'aqo ajwi' eb' li tenamit junch'ol. A'an taaraqoq aatin sa' qab'een, a'anaq laj k'amol qab'e ut laj jolominel sa' li yalok”.
21Kirab'i laj Samuel li k'aru ke'xye li tenamit ut kixnumsi chixjunil chiru li Qaawa'. 22Ut li Qaawa' kixye re laj Samuel: “B'aanu li k'aru xe'xpatz' ut xaqab' junaq x'awab'ejeb'”. Toja' naq laj Samuel kixye reheb' laj Israel: “Us, maak'a' naxye. Ab'an anaqwan ayuqex chejunjunqal sa' leetenamit”.
Q'eqchi DC Bible © Bible Society in Guatemala, 2005.