Josué 3
3
Cortaniiꞌ pëntontopisoꞌ
1Tahuëririnquë tashíramiachin Cosoisoꞌ Sitin quëran pipirin. Yaꞌipi israiroꞌsarë chachin pipirin. Paꞌsápatonaꞌ, Cortaniiquë canconpi. Canconahuatonaꞌ, nëꞌmëtë pëinëna ótëantapi. Sinioro camaitërinso ninacaiso marëꞌ inaquë yaꞌhuërapi. 2Cara tahuëri quëran Israiro huaꞌanoꞌsasoꞌ, yaꞌhuëapiso paꞌtopi. 3Papona pochin israiroꞌsa iso pochin camaipi: “Nihui huënton corto huaꞌanoꞌsari, Yosërëꞌquënpoa anoyatërëhuaso caposonën quëparapi niꞌsaramaꞌ. Quëparahuachinaꞌ, canpitarinta imacoꞌ. 4Ina imapatamaꞌ, insëchinsona pacamaso nitotaramaꞌ. Co inquëma tëranta iso ira paꞌtochinamahuëꞌ niꞌton, ina imacamaso yaꞌhuërin. Ama napoaponahuëꞌ, Yosë caposonën coꞌchachin yaꞌcaricosohuëꞌ. Aꞌna quiromitro pochin aquërinso piquëran imacoꞌ,” itopi.
5Ina quëran Cosoirinta itapon: “Iporasoꞌ Sinioro camaitërinsoꞌ nicatoma nitapacoꞌ. Tashiraya inasoꞌ, catahuainpoaso marëꞌ chini chiníquën nanantërinso aꞌnotarinpoaꞌ,” itërin. 6Tahuëririnquë corto huaꞌanoꞌsantaꞌ, itapon: “Yosërëꞌquënpoa anoyatërëhuaso caposonën pitënama quëran quëpacoꞌ. Quëchitahuatoma ina pitënama quëran Cortaniiꞌ pëntontocoꞌ,” itërin. Napotohuachina corto huaꞌanoꞌsasoꞌ, Cosoi camaitërinso chachin nipi.
7Naporoꞌ Siniorori Cosoi itapon: “Ipora tahuëri quëran huarëꞌ naꞌcon naꞌcon catahuaranquën. Napoaton, noya nicatënën israiroꞌsa natëponën. Inapohuato, inahuaso nitotapi huachi: ‘Moisësë catahuarinso pochachin Siniorori Cosoi yaꞌhuërëꞌ catahuarin,’ tosapi. 8Quëmariso nipirinhuëꞌ, corto huaꞌanoꞌsa camaiquëꞌ: ‘Siniororëꞌquënpoa anoyatërëhuaso caposonën, pitënama quëran Cortaniiquë canconpatamaꞌ, yonsansha huanicoꞌ,’ itëquëꞌ,” itërin.
9Siniorori napotohuachina Cosoisoꞌ israiroꞌsa itapon: “Huëcoꞌ, Sinioro catahuainpoaso marëꞌ shaꞌhuirinsoꞌ natancoꞌ. 10Yosëso nanpiárin. Ipora napoarin quëran catahuarinpoaso anitotarinpoaꞌ. Canpitaso ahuëta marëꞌ paꞌnamaquë, inimicoroꞌsa minsëraꞌpiapomaꞌ. Yosë catahuarinquëma niꞌton, napotaramaꞌ. Cananoꞌsaꞌ ataꞌhuantaramaꞌ. Itiroꞌsaꞌ, iporoꞌsaꞌ, huirisëroꞌsaꞌ, quiriquiroꞌsaꞌ, amororoꞌsaꞌ, quiposoroꞌsaꞌ, inapitanta napotaramaꞌ. 11Niꞌcoꞌ. Corto huaꞌanoꞌsaton, Siniororëꞌquënpoa anoyatërëhuaso caposonën, pitënpi quëran Cortaniiꞌ yaꞌcontapi. Sinioronënpoasoꞌ yaꞌipi isoroꞌpaquë yaꞌhuërinsopita huaꞌanëntërin. 12Iporasoꞌ shonca cato yaꞌpi huayoncoꞌ. Nani huënton quëran aꞌnaya aꞌnaya huayoncoꞌ. Israiroꞌsanpoasoꞌ shonca cato huëntonpoa niꞌton, ina nápo huayoncoꞌ. 13Corto huaꞌanoꞌsa Sinioro caposonën, pitënpi quëran nohuaraitapi. Inaso Sinioro, yaꞌipiroꞌpaꞌ huaꞌanëntërin. Ipora nohuaraitasoi chachin, Cortaniiso yanisarin huachi. Inapoaton pëtëtëran iꞌsha oꞌmarinsoꞌ, iꞌ paꞌcopitopiquë sanoirinso pochin nicapon,” itërin.
14-15(Naporo tahuëriꞌsa shaꞌtopisoꞌ macacaiso tahuëriꞌsa nisarin. Napoaton Cortaniiꞌ paquiitarin#3.14-15 Paquiitarin topachina: Co canpoa parti pochin nininhuëꞌ. Motopi parti niꞌton, shaꞌtopisoꞌ co manta onpotërinhuëꞌ..) Cosoiri napotohuachina israiroꞌsasoꞌ, yaꞌhuëapi quëran pipipi. Pipirahuatona corto huaꞌanoꞌsa imapi. Inapitasoꞌ Siniororëꞌ anoyatopiso caposonën, pitënpi quëran iꞌnaitomapi. Iꞌnaitasoi chachin pëtëtëran iꞌsha oꞌmarinsoꞌ, iꞌ paꞌcopitopiquë chinirinso pochin ninin. 16Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi. 17Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.
Currently Selected:
Josué 3: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Josué 3
3
Cortaniiꞌ pëntontopisoꞌ
1Tahuëririnquë tashíramiachin Cosoisoꞌ Sitin quëran pipirin. Yaꞌipi israiroꞌsarë chachin pipirin. Paꞌsápatonaꞌ, Cortaniiquë canconpi. Canconahuatonaꞌ, nëꞌmëtë pëinëna ótëantapi. Sinioro camaitërinso ninacaiso marëꞌ inaquë yaꞌhuërapi. 2Cara tahuëri quëran Israiro huaꞌanoꞌsasoꞌ, yaꞌhuëapiso paꞌtopi. 3Papona pochin israiroꞌsa iso pochin camaipi: “Nihui huënton corto huaꞌanoꞌsari, Yosërëꞌquënpoa anoyatërëhuaso caposonën quëparapi niꞌsaramaꞌ. Quëparahuachinaꞌ, canpitarinta imacoꞌ. 4Ina imapatamaꞌ, insëchinsona pacamaso nitotaramaꞌ. Co inquëma tëranta iso ira paꞌtochinamahuëꞌ niꞌton, ina imacamaso yaꞌhuërin. Ama napoaponahuëꞌ, Yosë caposonën coꞌchachin yaꞌcaricosohuëꞌ. Aꞌna quiromitro pochin aquërinso piquëran imacoꞌ,” itopi.
5Ina quëran Cosoirinta itapon: “Iporasoꞌ Sinioro camaitërinsoꞌ nicatoma nitapacoꞌ. Tashiraya inasoꞌ, catahuainpoaso marëꞌ chini chiníquën nanantërinso aꞌnotarinpoaꞌ,” itërin. 6Tahuëririnquë corto huaꞌanoꞌsantaꞌ, itapon: “Yosërëꞌquënpoa anoyatërëhuaso caposonën pitënama quëran quëpacoꞌ. Quëchitahuatoma ina pitënama quëran Cortaniiꞌ pëntontocoꞌ,” itërin. Napotohuachina corto huaꞌanoꞌsasoꞌ, Cosoi camaitërinso chachin nipi.
7Naporoꞌ Siniorori Cosoi itapon: “Ipora tahuëri quëran huarëꞌ naꞌcon naꞌcon catahuaranquën. Napoaton, noya nicatënën israiroꞌsa natëponën. Inapohuato, inahuaso nitotapi huachi: ‘Moisësë catahuarinso pochachin Siniorori Cosoi yaꞌhuërëꞌ catahuarin,’ tosapi. 8Quëmariso nipirinhuëꞌ, corto huaꞌanoꞌsa camaiquëꞌ: ‘Siniororëꞌquënpoa anoyatërëhuaso caposonën, pitënama quëran Cortaniiquë canconpatamaꞌ, yonsansha huanicoꞌ,’ itëquëꞌ,” itërin.
9Siniorori napotohuachina Cosoisoꞌ israiroꞌsa itapon: “Huëcoꞌ, Sinioro catahuainpoaso marëꞌ shaꞌhuirinsoꞌ natancoꞌ. 10Yosëso nanpiárin. Ipora napoarin quëran catahuarinpoaso anitotarinpoaꞌ. Canpitaso ahuëta marëꞌ paꞌnamaquë, inimicoroꞌsa minsëraꞌpiapomaꞌ. Yosë catahuarinquëma niꞌton, napotaramaꞌ. Cananoꞌsaꞌ ataꞌhuantaramaꞌ. Itiroꞌsaꞌ, iporoꞌsaꞌ, huirisëroꞌsaꞌ, quiriquiroꞌsaꞌ, amororoꞌsaꞌ, quiposoroꞌsaꞌ, inapitanta napotaramaꞌ. 11Niꞌcoꞌ. Corto huaꞌanoꞌsaton, Siniororëꞌquënpoa anoyatërëhuaso caposonën, pitënpi quëran Cortaniiꞌ yaꞌcontapi. Sinioronënpoasoꞌ yaꞌipi isoroꞌpaquë yaꞌhuërinsopita huaꞌanëntërin. 12Iporasoꞌ shonca cato yaꞌpi huayoncoꞌ. Nani huënton quëran aꞌnaya aꞌnaya huayoncoꞌ. Israiroꞌsanpoasoꞌ shonca cato huëntonpoa niꞌton, ina nápo huayoncoꞌ. 13Corto huaꞌanoꞌsa Sinioro caposonën, pitënpi quëran nohuaraitapi. Inaso Sinioro, yaꞌipiroꞌpaꞌ huaꞌanëntërin. Ipora nohuaraitasoi chachin, Cortaniiso yanisarin huachi. Inapoaton pëtëtëran iꞌsha oꞌmarinsoꞌ, iꞌ paꞌcopitopiquë sanoirinso pochin nicapon,” itërin.
14-15(Naporo tahuëriꞌsa shaꞌtopisoꞌ macacaiso tahuëriꞌsa nisarin. Napoaton Cortaniiꞌ paquiitarin#3.14-15 Paquiitarin topachina: Co canpoa parti pochin nininhuëꞌ. Motopi parti niꞌton, shaꞌtopisoꞌ co manta onpotërinhuëꞌ..) Cosoiri napotohuachina israiroꞌsasoꞌ, yaꞌhuëapi quëran pipipi. Pipirahuatona corto huaꞌanoꞌsa imapi. Inapitasoꞌ Siniororëꞌ anoyatopiso caposonën, pitënpi quëran iꞌnaitomapi. Iꞌnaitasoi chachin pëtëtëran iꞌsha oꞌmarinsoꞌ, iꞌ paꞌcopitopiquë chinirinso pochin ninin. 16Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi. 17Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.