Santiago 3
3
Nanamënpoaꞌ nininsoꞌ
1Ama iyaroꞌsaꞌ naꞌanquëmaꞌ cortoquë pënëntocosohuëꞌ. Piyapiꞌsaꞌ pënënpirëhuahuëꞌ co canpoa tërantaꞌ noya nipatëhuahuëꞌ, aquëtë chachin Yosë anaꞌintarinpoaꞌ. 2Yaꞌipinpoaꞌ co noyahuëꞌ nicatëhuaꞌ, oshahuanëhuaꞌ. Noyasáchin nonacasosoꞌ saca sacaiꞌ. Noyasáchin nonëhuaꞌ naporini, Yosë pochachin cancanchitërihuahuëꞌ. Co huachi aquëtëꞌ tëhuëꞌitërihuahuëꞌ. 3Cahuario paꞌpatëra, piꞌpian huaꞌnayon acatëntërëꞌ noꞌtëquën pacacaso marëꞌ. Ina quëran motën noꞌtëquën otëërarëꞌ. 4Nanchantaꞌ panca masho nipirinhuëꞌ, quëmapiri otëërin. Noꞌsoratënën huaꞌhuishin niponahuëꞌ, noya otëërarin. Panca ihuani mapiriontaꞌ, noya otëërarin. Insëquësona yaquëpahuachina, noya quëparin. 5Inapochachin nanamënpoaꞌ piꞌpiraꞌhuaya niponahuëꞌ, nonpatëhuaꞌ, naꞌcon nocanëhuaꞌ. Noya nonpatëhuaꞌ, piyapiꞌsaꞌ achinicancanarihuaꞌ. Nipirinhuëꞌ, co noyahuëꞌ nonpatëhuara, anishacancantarihuaꞌ. Niꞌcoꞌ. Pën piꞌpiraꞌhuaya niponahuëꞌ, matohuachina, panca imin aꞌnaroáchin huiquitërin. 6Nanamënpoasoꞌ pën pochin ninin. Paꞌpi co noyahuëꞌ ninin. Ina marëꞌ oshahuanëhuaꞌ. Sopai chachin camairinpoaꞌ co noyahuëꞌ nonacasoꞌ. Nanamënpoa quëran nipinorëhuaꞌ, ninoꞌhuirëhuaꞌ. Maꞌtëhuaꞌ maꞌtëhuaꞌ nonëhuaꞌ. Co noyahuëꞌ nonpatëhuara, nitapicancanarëhuaꞌ.
7Nisha nisha maꞌsharoꞌsaꞌ tananquë yaꞌhuërinsopita pëꞌtahuarëꞌ. Pëꞌtahuahuatëra, co huachi maninpohuëꞌ. Anpiantëhuanoꞌsaꞌ, iꞌquë yaꞌhuërinsopita, inapita pëꞌtahuarëꞌ. Pëhuara, mayo, inapita pochin nininsontaꞌ mapatëra, pëꞌtahuarëꞌ. 8Nipirinhuëꞌ, co insontaꞌ inaora nanitërinhuëꞌ noya nonacasoꞌ. Aꞌnaroáchin co noyahuëꞌ nonëhuaꞌ. Co noyahuëꞌ nonpatëhuaꞌ, yaꞌhuan tomainën pochin nonëhuaꞌ. Aꞌnaroáchin yanquëëtërinso pochin naꞌa piyapiꞌsaꞌ atapicancanarihuaꞌ. 9Nanamënpoa quëran Yosë chinotërëhuaꞌ. “Tata Yosë huaꞌanëntërinpoasoꞌ nóya,” tënëhuaꞌ. Ina nanamënpoa quëran chachin piyapiꞌsaꞌ pinorëhuaꞌ. Yaꞌipinpoaꞌ Yosë chachin nininpoaꞌ. Ina pochin cancantacaso marëꞌ acopirinpoahuëꞌ, nipinorëhuaꞌ. 10Yosë noya nontapomarahuëꞌ, piyapi pinopatamaꞌ, co noyahuëꞌ cancantaramaꞌ. Co iyaroꞌsaꞌ nisha nisha nonacasoꞌ yaꞌhuërinhuëꞌ. 11-12Niꞌcoꞌ. Quëpa papotohuachina, quëpa nitërin. Co nisha nitërinhuëꞌ. Misëra papotohuachina, misëra nitërin. Co quëpa nitërinhuëꞌ. Aꞌna huinan yaꞌhuëhuachina, noyaiꞌ, caꞌcaiꞌ, co cato chachin pipirinhuëꞌ. Noyápiachin nipachina, co onporontaꞌ caꞌcaquën pipirinhuëꞌ. Inapochachin iyaroꞌsaꞌ, co nisha nisha nonacasoꞌ yaꞌhuërinhuëꞌ. Noyasáchin noncoꞌ.
Yosë noya ayonquirinpoasoꞌ
13¡Tëhuënchachin noya yonquihuatamaꞌ, noya nisaramaꞌ! Napoaton noya nicoꞌ aꞌnapitantaꞌ noya yonquiramasoꞌ nitochinaꞌ. “Co canpoara noya nitotërëhuahuëꞌ. Yosëíchin catahuarinpoaꞌ noya yonquicasoꞌ,” taꞌtomaꞌ, noya nicoꞌ. 14Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ. 15Co Yosë nohuanton ina pochin cancantërëhuahuëꞌ. Piyapiꞌsaꞌ inahuara ina pochin yonquipi. Ninocanatonaꞌ, niapiratopi. Inachin yonquipi. Sopai nohuanton, ina pochin yonquipi. 16Niapiratohuatëhuara, yaninoꞌhuirëhuaꞌ. Co aꞌnapita nohuantopisoꞌ yonquihuatëhuahuëꞌ, nisha nisha cancantarihuaꞌ. Inapohuatëhuaꞌ, paꞌpi co noyahuëꞌ nisarëhuaꞌ. 17Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ. 18Yosë yonquihuatëhuaꞌ, sano cancantatëhuaꞌ, nanan anoyatarihuaꞌ. Napoaton, noya niniꞌtëhuaꞌ yaꞌhuarihuaꞌ. Noya nipatëhuaꞌ, aꞌnapitantaꞌ nicatonpoaꞌ, noya nisapi.
Currently Selected:
Santiago 3: cbt
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Santiago 3
3
Nanamënpoaꞌ nininsoꞌ
1Ama iyaroꞌsaꞌ naꞌanquëmaꞌ cortoquë pënëntocosohuëꞌ. Piyapiꞌsaꞌ pënënpirëhuahuëꞌ co canpoa tërantaꞌ noya nipatëhuahuëꞌ, aquëtë chachin Yosë anaꞌintarinpoaꞌ. 2Yaꞌipinpoaꞌ co noyahuëꞌ nicatëhuaꞌ, oshahuanëhuaꞌ. Noyasáchin nonacasosoꞌ saca sacaiꞌ. Noyasáchin nonëhuaꞌ naporini, Yosë pochachin cancanchitërihuahuëꞌ. Co huachi aquëtëꞌ tëhuëꞌitërihuahuëꞌ. 3Cahuario paꞌpatëra, piꞌpian huaꞌnayon acatëntërëꞌ noꞌtëquën pacacaso marëꞌ. Ina quëran motën noꞌtëquën otëërarëꞌ. 4Nanchantaꞌ panca masho nipirinhuëꞌ, quëmapiri otëërin. Noꞌsoratënën huaꞌhuishin niponahuëꞌ, noya otëërarin. Panca ihuani mapiriontaꞌ, noya otëërarin. Insëquësona yaquëpahuachina, noya quëparin. 5Inapochachin nanamënpoaꞌ piꞌpiraꞌhuaya niponahuëꞌ, nonpatëhuaꞌ, naꞌcon nocanëhuaꞌ. Noya nonpatëhuaꞌ, piyapiꞌsaꞌ achinicancanarihuaꞌ. Nipirinhuëꞌ, co noyahuëꞌ nonpatëhuara, anishacancantarihuaꞌ. Niꞌcoꞌ. Pën piꞌpiraꞌhuaya niponahuëꞌ, matohuachina, panca imin aꞌnaroáchin huiquitërin. 6Nanamënpoasoꞌ pën pochin ninin. Paꞌpi co noyahuëꞌ ninin. Ina marëꞌ oshahuanëhuaꞌ. Sopai chachin camairinpoaꞌ co noyahuëꞌ nonacasoꞌ. Nanamënpoa quëran nipinorëhuaꞌ, ninoꞌhuirëhuaꞌ. Maꞌtëhuaꞌ maꞌtëhuaꞌ nonëhuaꞌ. Co noyahuëꞌ nonpatëhuara, nitapicancanarëhuaꞌ.
7Nisha nisha maꞌsharoꞌsaꞌ tananquë yaꞌhuërinsopita pëꞌtahuarëꞌ. Pëꞌtahuahuatëra, co huachi maninpohuëꞌ. Anpiantëhuanoꞌsaꞌ, iꞌquë yaꞌhuërinsopita, inapita pëꞌtahuarëꞌ. Pëhuara, mayo, inapita pochin nininsontaꞌ mapatëra, pëꞌtahuarëꞌ. 8Nipirinhuëꞌ, co insontaꞌ inaora nanitërinhuëꞌ noya nonacasoꞌ. Aꞌnaroáchin co noyahuëꞌ nonëhuaꞌ. Co noyahuëꞌ nonpatëhuaꞌ, yaꞌhuan tomainën pochin nonëhuaꞌ. Aꞌnaroáchin yanquëëtërinso pochin naꞌa piyapiꞌsaꞌ atapicancanarihuaꞌ. 9Nanamënpoa quëran Yosë chinotërëhuaꞌ. “Tata Yosë huaꞌanëntërinpoasoꞌ nóya,” tënëhuaꞌ. Ina nanamënpoa quëran chachin piyapiꞌsaꞌ pinorëhuaꞌ. Yaꞌipinpoaꞌ Yosë chachin nininpoaꞌ. Ina pochin cancantacaso marëꞌ acopirinpoahuëꞌ, nipinorëhuaꞌ. 10Yosë noya nontapomarahuëꞌ, piyapi pinopatamaꞌ, co noyahuëꞌ cancantaramaꞌ. Co iyaroꞌsaꞌ nisha nisha nonacasoꞌ yaꞌhuërinhuëꞌ. 11-12Niꞌcoꞌ. Quëpa papotohuachina, quëpa nitërin. Co nisha nitërinhuëꞌ. Misëra papotohuachina, misëra nitërin. Co quëpa nitërinhuëꞌ. Aꞌna huinan yaꞌhuëhuachina, noyaiꞌ, caꞌcaiꞌ, co cato chachin pipirinhuëꞌ. Noyápiachin nipachina, co onporontaꞌ caꞌcaquën pipirinhuëꞌ. Inapochachin iyaroꞌsaꞌ, co nisha nisha nonacasoꞌ yaꞌhuërinhuëꞌ. Noyasáchin noncoꞌ.
Yosë noya ayonquirinpoasoꞌ
13¡Tëhuënchachin noya yonquihuatamaꞌ, noya nisaramaꞌ! Napoaton noya nicoꞌ aꞌnapitantaꞌ noya yonquiramasoꞌ nitochinaꞌ. “Co canpoara noya nitotërëhuahuëꞌ. Yosëíchin catahuarinpoaꞌ noya yonquicasoꞌ,” taꞌtomaꞌ, noya nicoꞌ. 14Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ. 15Co Yosë nohuanton ina pochin cancantërëhuahuëꞌ. Piyapiꞌsaꞌ inahuara ina pochin yonquipi. Ninocanatonaꞌ, niapiratopi. Inachin yonquipi. Sopai nohuanton, ina pochin yonquipi. 16Niapiratohuatëhuara, yaninoꞌhuirëhuaꞌ. Co aꞌnapita nohuantopisoꞌ yonquihuatëhuahuëꞌ, nisha nisha cancantarihuaꞌ. Inapohuatëhuaꞌ, paꞌpi co noyahuëꞌ nisarëhuaꞌ. 17Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ. 18Yosë yonquihuatëhuaꞌ, sano cancantatëhuaꞌ, nanan anoyatarihuaꞌ. Napoaton, noya niniꞌtëhuaꞌ yaꞌhuarihuaꞌ. Noya nipatëhuaꞌ, aꞌnapitantaꞌ nicatonpoaꞌ, noya nisapi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.