Oseas 13
13
1-3(-)
Israiroꞌsa Yosëri ataꞌhuantacaso yonquirinsoꞌ
4Sinioro naporin:
“Iquipitoquë yaꞌhuërama quëran huarëꞌ,
casáchin Sinioroco niꞌto, Yosënëmaco.
Co aꞌna ca pochin chinotamaso yaꞌhuërinhuëꞌ.
Carinquëmáchin nichaꞌëranquëmaꞌ.
5Inotëro parti huëcasënquëmaꞌ, aꞌpairanquëmaꞌ.
Inaquëso paꞌpi chiníquën piꞌi piꞌcatopirinhuëꞌ, aꞌpairanquëmaꞌ.
6Napoaponahuëꞌ, naꞌcon naꞌcon cosharohuanahuatomaꞌ,
nocantochináchin cancantëramaꞌ.
Inapoatoma naniantëramaco.
7Naporamaso marëꞌ
paꞌpiniꞌ yamapintërinso pochin pashitaꞌpaponquëmaꞌ.
Yaraniꞌ, iraquë ninatërinso pochin nitaranquëmaꞌ.
8-9Tocaniꞌ huaꞌhuinpita ayataton paaso piyapi quënanpachina, tëparin.
Inapotahuaton ninopinën paꞌsa paꞌsatërin.
Inapochachin carinquëmantaꞌ, nitaranquëmaꞌ.
Paꞌpininta mapintohuachina,
mapinën inaranchin pëꞌyarinso pochin nitaranquëmaꞌ.
Maton maꞌshantaꞌ, mapinën paꞌsa paꞌsatërin.
Inapochachin carinquëmantaꞌ,
israiroꞌsanquëma ataꞌhuantaranquëmaꞌ.
Co insonta paꞌpoyaponquëmahuëꞌ.
10¡Co Copirnonëma tëranta yaꞌipi ninanonëmaquë nichaꞌësarinquëmahuëꞌ!
¡Co huaꞌanoꞌsanëma tëranta napoarinhuëꞌ!
Inapita mini iráca nohuantatomaꞌ:
‘Copirno, huaꞌanoꞌsaꞌ, inapita acotocoi,’ tënamaꞌ.
11Noꞌhuitonëhuëquë copirnoroꞌsa acotëranquëmaꞌ.
Noꞌhuitonëhuëquë chachin osërëtëranquëmaꞌ.
12Yaꞌipi co noyahuëꞌ ninamasopita
quiricaquë nani ninshitërahuë.
Yaꞌipi oshanëma nani ninshitërahuë.
13Canpitasoꞌ, co yonquipisohuë pochin ninamaꞌ.
Huaꞌhuasha yahuaꞌhuatahuachina noya niacorin.
Canpitaso nipirinhuëꞌ apiaꞌhuaya pochin nicatomaꞌ,
co noya niacorinsohuë pochin ninamaꞌ.
14¡Co carima poꞌoroꞌ quëran nichaꞌësaranquëmahuëꞌ!
¡Piyapinëhuëpita nipiramahuëꞌ, co huachi nosoroaponquëmahuëꞌ!
Napoaton chimirin përato:
‘Chimirin. Quëmasoꞌ ataꞌhuantonaꞌpinquën.
¿Intohuata iporasoꞌ inapoyantëransoꞌ?’ itërahuë.
Poꞌoronta nontato:
‘Poꞌoroꞌ. Quëmantaꞌ naní quëran tëꞌhuachantërinën.
¿Intohuacha iporasoꞌ tëꞌhuachantërinënsoꞌ?’ itërahuë.
15Israiroꞌsa noya yaꞌhuëantapirinahuë tërantaꞌ,
cari chachin ataꞌhuantaantapo.
Piꞌi pipirinso parti quëran ihuan huëcaton
huinanoꞌsa ayanipon.
Nitapacaiso marëꞌ paꞌton nininsopita tapapisoꞌ,
inimiconënapitari matapon.
16Samariaquë yaꞌhuëpisopita cari ataꞌhuantarahuë.
Co natërinacohuë niꞌton, sahuëni quëran tëpaponaꞌ.
Huaꞌhuaroꞌsa masahuatonaꞌ, noꞌpaꞌ huihuiraꞌpiaponaꞌ.
Cayoronoꞌsantaꞌ, nichatëraꞌpiaponaꞌ,” tënin.
Currently Selected:
Oseas 13: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Oseas 13
13
1-3(-)
Israiroꞌsa Yosëri ataꞌhuantacaso yonquirinsoꞌ
4Sinioro naporin:
“Iquipitoquë yaꞌhuërama quëran huarëꞌ,
casáchin Sinioroco niꞌto, Yosënëmaco.
Co aꞌna ca pochin chinotamaso yaꞌhuërinhuëꞌ.
Carinquëmáchin nichaꞌëranquëmaꞌ.
5Inotëro parti huëcasënquëmaꞌ, aꞌpairanquëmaꞌ.
Inaquëso paꞌpi chiníquën piꞌi piꞌcatopirinhuëꞌ, aꞌpairanquëmaꞌ.
6Napoaponahuëꞌ, naꞌcon naꞌcon cosharohuanahuatomaꞌ,
nocantochináchin cancantëramaꞌ.
Inapoatoma naniantëramaco.
7Naporamaso marëꞌ
paꞌpiniꞌ yamapintërinso pochin pashitaꞌpaponquëmaꞌ.
Yaraniꞌ, iraquë ninatërinso pochin nitaranquëmaꞌ.
8-9Tocaniꞌ huaꞌhuinpita ayataton paaso piyapi quënanpachina, tëparin.
Inapotahuaton ninopinën paꞌsa paꞌsatërin.
Inapochachin carinquëmantaꞌ, nitaranquëmaꞌ.
Paꞌpininta mapintohuachina,
mapinën inaranchin pëꞌyarinso pochin nitaranquëmaꞌ.
Maton maꞌshantaꞌ, mapinën paꞌsa paꞌsatërin.
Inapochachin carinquëmantaꞌ,
israiroꞌsanquëma ataꞌhuantaranquëmaꞌ.
Co insonta paꞌpoyaponquëmahuëꞌ.
10¡Co Copirnonëma tëranta yaꞌipi ninanonëmaquë nichaꞌësarinquëmahuëꞌ!
¡Co huaꞌanoꞌsanëma tëranta napoarinhuëꞌ!
Inapita mini iráca nohuantatomaꞌ:
‘Copirno, huaꞌanoꞌsaꞌ, inapita acotocoi,’ tënamaꞌ.
11Noꞌhuitonëhuëquë copirnoroꞌsa acotëranquëmaꞌ.
Noꞌhuitonëhuëquë chachin osërëtëranquëmaꞌ.
12Yaꞌipi co noyahuëꞌ ninamasopita
quiricaquë nani ninshitërahuë.
Yaꞌipi oshanëma nani ninshitërahuë.
13Canpitasoꞌ, co yonquipisohuë pochin ninamaꞌ.
Huaꞌhuasha yahuaꞌhuatahuachina noya niacorin.
Canpitaso nipirinhuëꞌ apiaꞌhuaya pochin nicatomaꞌ,
co noya niacorinsohuë pochin ninamaꞌ.
14¡Co carima poꞌoroꞌ quëran nichaꞌësaranquëmahuëꞌ!
¡Piyapinëhuëpita nipiramahuëꞌ, co huachi nosoroaponquëmahuëꞌ!
Napoaton chimirin përato:
‘Chimirin. Quëmasoꞌ ataꞌhuantonaꞌpinquën.
¿Intohuata iporasoꞌ inapoyantëransoꞌ?’ itërahuë.
Poꞌoronta nontato:
‘Poꞌoroꞌ. Quëmantaꞌ naní quëran tëꞌhuachantërinën.
¿Intohuacha iporasoꞌ tëꞌhuachantërinënsoꞌ?’ itërahuë.
15Israiroꞌsa noya yaꞌhuëantapirinahuë tërantaꞌ,
cari chachin ataꞌhuantaantapo.
Piꞌi pipirinso parti quëran ihuan huëcaton
huinanoꞌsa ayanipon.
Nitapacaiso marëꞌ paꞌton nininsopita tapapisoꞌ,
inimiconënapitari matapon.
16Samariaquë yaꞌhuëpisopita cari ataꞌhuantarahuë.
Co natërinacohuë niꞌton, sahuëni quëran tëpaponaꞌ.
Huaꞌhuaroꞌsa masahuatonaꞌ, noꞌpaꞌ huihuiraꞌpiaponaꞌ.
Cayoronoꞌsantaꞌ, nichatëraꞌpiaponaꞌ,” tënin.
© 2011, Wycliffe Bible Translators, Inc. All rights reserved.