Esdras 1
1
Siro copirno camaitërinsoꞌ
(Cotioroꞌsa Quirosarin quëran quëpapisoꞌ, nani canchisë shonca piꞌipi pochin nanirin. Papironia noꞌpaquësoꞌ Napocotono piquëran, nisha nisha copirnoroꞌsari huaꞌanëntërin. Papironiaroꞌsa minsërahuatonaꞌ, Mitia, Pirsia, inapita copirnoroꞌsari, huaꞌanëntaantapi. Napoin quëran Siro itopisoꞌ copirno yaꞌcoantarin.)
1Pirsia copirno Siro itopisoꞌ, aꞌna piꞌipira huaꞌanëntarin. Naporoꞌ Irimiasë quëran Sinioro shaꞌhuirinsoꞌ nanicaso marëꞌ, Siroso nanan aꞌparin. Yaꞌipi huaꞌanëntërinquë nitotacaiso marëꞌ iso pochin ninshitahuaton aꞌparin:
2“Caso Siroco. Pirsia copirnoco niꞌto, napotaranquëmaꞌ. Siniorosoꞌ Yosë niꞌton, inápaquë huaꞌanëntërin. Ina acorinco nisha nisha nacionoꞌsa huaꞌanëntaꞌhuaso marëꞌ. Camairinco niꞌton, Quirosarinquë ina chinotacaso pëi anitarahuë. Inaso ninanoꞌ, Cota parti yaꞌhuërin. 3Napoaton Sinioro piyapinënquëma nipatamaꞌ, pacoꞌ. Paatoma ina chinotacaso pëiꞌ, Quirosarinquë nicontacoꞌ. Siniorosoꞌ Yosënëma niꞌton, catahuarinquëma pëinën nitamasoꞌ. Inasoꞌ Yosë, Quirosarinquë yaꞌhuërin. 4Inpitasona ina piyapi nipachinaꞌ, niyacapapisopitari catahuain: Prata, oro, maꞌsha, pëꞌtahua, inapita quëran catahuainaꞌ. Inahuara nohuanton Yosë chinotacaso pëi nicacaiso marëꞌ maꞌsha yaacohuachinantaꞌ, acoinaꞌ. Inasoꞌ pëi Quirosarinquë yaꞌhuëapon,” tënin.
Quirosarinquë huënantapisoꞌ
5Ina nitotatona Cota huënton huaꞌanoꞌsaꞌ, Mincamin huënton huaꞌanoꞌsaꞌ, corto huaꞌanoꞌsaꞌ, nihuiroꞌsaꞌ, inapitaso yonquipi panantacaisoꞌ. Sinioro chinotacaso pëi Quirosarinquë yaanoyataantapi. Sinioro nohuanton ina pochin yonquiatonaꞌ, tapatapi huachi. 6Ina nicatona niyacapapisopitari prata, oro, maꞌsha paꞌton nininsopita, pëꞌtahua, inapita quëran catahuapi. Naporahuaton inahuara nohuanton Yosë chinotacaso pëi nicacaiso marëꞌ nani maꞌsha acopi. 7Sinioro chinotacaso pëiquë nisha nisha maꞌsha ohuarapisoꞌ iráca yaꞌhuërin. Yaꞌhuëpirinhuëꞌ, Napocotonori Quirosarin quëran ocoirahuaton, mamanshinënpita moshapiquë acoonin. Siro copirnori inapita ayantaantarin. 8Ayantohuachina, Mitritatisë itopisori maꞌparin. Inasoꞌ, paꞌton nininsopita tapanaꞌpi huaꞌan. Inari yaꞌipi pichisahuaton, Sispasaro huaꞌan quëtërin. Inasoꞌ, Cota huënton huaꞌan. 9-11Isonápo maꞌsharoꞌsa ohuarapisopita pichipiso yaꞌhuërin: Cara shonca tasonoꞌsa oro quëran nininsoꞌ. Huaranca tasonoꞌsa prata quëran nininsoꞌ. Cato shonca iscon cosoroaꞌhua. Cara shonca posicho oro quëran. Catapini pasa shonca posicho prata quëran. Huaranca maꞌshanta nisha nisha nipisopita. Inapitasoꞌ yaꞌipiya quëran aꞌnatërápo huaranca catapini pasa icanin. Yaꞌipi inapita Sispasarosoꞌ maꞌpatahuaton, Quirosarinquë quëpanantarin.
Currently Selected:
Esdras 1: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
