Hechos 7
7
Istipan shaꞌhuirinsoꞌ
1Ina quëran Corto huaꞌan chini chiníquën nanantërinsoari natanin.
—¿Tëhuënchachin naporan nonapon? itërin.
2—Co onporontaꞌ api Yosë pinorahuëꞌ. Natanco, apiroꞌsaꞌ. Iyaroꞌsaꞌ canpitantaꞌ natanco noꞌtëquën shaꞌhuichinquëmaꞌ. Iráca quëran huarëꞌ shimashonënpoapita Yosë imapi. Cantaꞌ ina imarahuë. Tata Yosësoꞌ noya noya. Iráca Tata Apraan nisha noꞌpaquë yaꞌhuasoꞌ, yaꞌnotimarin. Co Aranquë paꞌshátëraponhuëꞌ, nontërin. Misopotamia parti yaꞌhuëpirinhuëꞌ, inaquë Yosëri itapon: 3“Yaꞌhuëran quëran pipimiatëquëꞌ. Quëmopinënpitantaꞌ patomiatëquëꞌ. Aꞌna parti paaton, inaquë yaꞌhuëquëꞌ. Carinquën aꞌnotaranquën, inaquë yaꞌhuëmiatëquëꞌ,” itërin Yosëri. 4Natanahuaton, Apraan pipirin. Cartia parti quëran pipirahuaton, Aranquë paꞌnin. Inaquë yaꞌhuëantapirinhuëꞌ. Ina quëran paꞌpin chiminpachina, Yosë nohuanton, Canaan parti huëꞌnin. Yaꞌhuërëhuaquë chachin huëꞌnin. 5Huëꞌpirinhuëꞌ, Yosë nohuanton, co noꞌpaꞌ yaꞌhuëtërinhuëꞌ. Co piꞌpisha tërantaꞌ huaꞌanëntërinhuëꞌ. “Aꞌna tahuëri Canaan parti yaꞌhuëmiataramaꞌ. Quëma shiparinpita naꞌasahuatonaꞌ, ina noꞌpaꞌ huaꞌanëntapi,” itërin Yosëri. Co huiꞌnahuayantërasohuëꞌ, napotërin. 6Ina quëran Yosëri itantarin: “Aꞌna tahuëri quëma shiparinpita nisha parti yacapataponaꞌ. Inaquë nisha piyapiꞌsari chiníquën asacatapi. Co pahuërëaponaraihuëꞌ, asacatapi. Catapini pasa piꞌipi aparisitapi. 7Nipirinhuëꞌ, nisha piyapiꞌsaꞌ shiparinpita aparisitopisoꞌ anaꞌintarahuë. Ina quëran shiparinpita pipirapi. Isëquë chachin huënantahuachinaꞌ, chinotarinaco,” itërin Yosëri. 8Ina quëran itantapon: “Caora nohuanto, catahuaranquën. Huiꞌnanpita, yaꞌipi shiparinpita, inapitantaꞌ catahuarahuë. Napoaton marca niacotocoꞌ imaramacosoꞌ anitotacamaso marëꞌ,” itërin. Ina quëran Apraan huiꞌnin yaꞌhuëtërin. Isaco itërin. Posa tahuëritohuachina, marca acotërin. Isaco mashotohuachina, huiꞌnin yaꞌhuëtërin. Cacopo itopi. Ina quëran inantaꞌ huiꞌninpita yaꞌhuëtantarin. Shonca catoꞌ yaꞌhuëtërin. Yaꞌipiya marca niacotëraꞌpiapi. Inapita quëran shonca catoꞌ huënton cotioroꞌsaꞌ yaꞌhuërëhuaꞌ. Inapitasoꞌ shimashonënpoaꞌ, tënëhuaꞌ.
9Aꞌnaraꞌ Cosi itopi. Iinpitari apiratatonaꞌ, noꞌhuipi. Iina chachin nipirinhuëꞌ, co quëꞌyapihuëꞌ. Napoaton nisharoꞌsaꞌ yaꞌnohuachinara, paꞌanpi asacatacaiso marëꞌ. Nisha piyapiꞌsari Iquipitoꞌpaꞌ quëpapi. Yosëriso nipirinhuëꞌ catahuarin. 10Parisitopirinhuëꞌ, nichaꞌërin. Ina nohuanton, Iquipito copirnori noya niꞌnin. “Cosi noya quëmapi. Noya yonquirin,” taꞌton, chiníquën nanan quëtërin. Yaꞌipi copirno maꞌshanënpita aꞌpairin. Yaꞌipi Iquipito piyapiꞌsaꞌ camairin.
11Naporoꞌ Iquipito parti cosharoꞌ co noya papotërinhuëꞌ. Huaꞌquiꞌ co mantaꞌ papotërinhuëꞌ niꞌton, tanarotopi. Canaan partintaꞌ capa cosharoꞌ. Shimashonënpoaꞌ co mantaꞌ yaꞌhuëtopihuëꞌ capacaisoꞌ. Parisitápi. 12“Iquipito parti trico yaꞌhuërin,” topiso marëꞌ Cacoposoꞌ huiꞌninpita aꞌparin cosharoꞌ paꞌanacaiso marëꞌ. Iina chachin maꞌpaponaraihuëꞌ, nani mashotërin niꞌton, co nohuitopihuëꞌ. Ina paꞌanatonaꞌ, yaꞌhuëpiꞌpaꞌ cosharoꞌ quëpaantapi capacaiso marëꞌ. Ina capatonaꞌ, nanpipi. 13Ina quëran pëꞌyahuachinara, paꞌpini aꞌpaantarin. Naporoꞌ Cosiri shaꞌhuitërin. “Casoꞌ co nishacohuëꞌ. Cosico. Iyaya, itoco,” itërin. Copirnontaꞌ iinpita anohuitërin. 14Ina quëran Cosiri paꞌpin amatërin. Yaꞌipi quëmopinënpitantaꞌ amatërin. Yaꞌipi quëran canchisë shonca aꞌnatërápo piyapi yaꞌhuërin. 15“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi. 16Cacopo chiminpachina, nonën isëquë chachin quënantapi paꞌpitacaiso marëꞌ. Siquimoquë paꞌpitopi. Ina noꞌpa chachin iráca Apraani, amororoꞌsaꞌ paꞌantërin.
17Yosëri chachin nani iráca Apraan shaꞌhuitërin Canaan parti huaꞌanëntacasoꞌ. Nipirinhuëꞌ, shinpita co aꞌnaroáchin panantapihuëꞌ. Huaꞌquiꞌ Iquipitoquë yaꞌhuëpi. Inaquë naꞌapi. Panantacaisoꞌ tahuëri yaꞌcaritohuachina, notohuaroꞌ israroꞌsaꞌ yaꞌhuëpi. 18Napoin quëran Iquipito parti nisha copirno yaꞌconin. Cosisoꞌ iráca chiminin niꞌton, co nohuitërinhuëꞌ. 19Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin. 20Naporoꞌ, iyaroꞌsaꞌ, Moisësë nasitërin. Yosëri noya niꞌnin. Paꞌpin aꞌshinë chachin nosoropi niꞌton, cara yoqui poꞌorahuatonaꞌ, pëinënquë acanopitopi. 21Ina quëran aipiran acohuachinaꞌ, Yosë nohuanton copirno huiꞌnini chachin manin asoꞌsocaso marëꞌ. Huaꞌhuin pochin niꞌnin. 22Iquipito maistroꞌsari noya aꞌchintopi. Yaꞌipi nitotopisoꞌ aꞌchintopi. Napoaton noya noya nonin. Nani maꞌsha nicacasoꞌ nitotërin.
23Catapini shonca piꞌipitohuachina, aꞌnapita israiroꞌsaꞌ yonquiaton, paꞌnin niꞌtapon. 24Inaquë aꞌna Israiro quëmapi quënanconin. Co mantaꞌ onpopirinhuëꞌ, Iquipito quëmapiri ahuëaton, yatëpararin quënanconin. Quëmopinën nosoroaton, “cari iꞌhuërëchi,” tënin. Ina quëran Iquipito quëmapi ahuëaton, tëparin. 25“Israiroꞌsasoꞌ iyahuëpita. Yosë catahuaarinco inapita nichaꞌëcaꞌhuasoꞌ,” tënin Moisësë yonquinënquë. Inapitaso nipirinhuëꞌ inari nichaꞌëcasoꞌ co yonquipihuëꞌ. 26Tahuëririnquë catoꞌ israiroꞌsa capini niahuërapi, Moisësëri quënanconin. “¿Onpoatomataꞌ canpita capini niahuëaramaꞌ? Nanan anoyatocoꞌ,” itërin. 27Ahuëtonaꞌpiso nipirinhuëꞌ co nohuantërinhuëꞌ natëcasoꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ. 28Iꞌhuara Iquipito quëmapi tëparan. ¿Inapochachin cantaꞌ yatëparanco ti?” itërin. 29Ina natanahuaton, tëꞌhuatërin. “Copirno natantohuachin, noꞌhuiarinco,” taꞌton, pipimiatërin huachi. Matian parti yacapatërin. Inaquë saꞌaton, catoꞌ huiꞌnin yaꞌhuëtërin.
30Catapini shonca piꞌipi Moisësë inaquë yaꞌhuërin. Ina quëran aꞌna tahuëri inotëroꞌ parti paꞌnin. Sinai motopi yaꞌcariya niꞌsoꞌ, sarsa nara orotarinsoꞌ quënanin. Inaquë chachin anquëniri yaꞌnotimarin. 31Ina niꞌsahuaton, paꞌyanin. “¿Maꞌtaꞌ inasoꞌ nimara?” taꞌton, yaꞌcariconin. Naporoꞌ Yosëri itapon: 32“Casoꞌ Yosëco. Quëma shimashonënpita chinotërinaco. Apraan, Isaco, Cacopo, inapita chinotërinaco,” itërin. Moisësë tëꞌhuataton, ropa ropátarin. Monshorahuaton, co yaniꞌninhuëꞌ. 33Ina quëran Yosëri itantarin: “Sapatën ocoiquëꞌ. Isëquë nontaranquën niꞌton, isëquë chachin chinotancosoꞌ yaꞌhuërin, tënahuë. 34Piyapinëhuëpita Iquipitoquë yaꞌhuëpirinahuëꞌ, parisitápi niꞌnahuë. Chiníquën aparisitopi niꞌton, tarëtápi, natanahuë. Napoaton nichaꞌësarahuë huachi. Huëquëꞌ inatohuaꞌ aꞌpaꞌinquën nichaꞌëcamaso marëꞌ,” itantarin.
35Napoaton Moisësë inatohua chachin paantarin. Iráca israiroꞌsaꞌ yacatahuapirinhuëꞌ, co yanatëpihuëꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ,” itopi. Yosëso nipirinhuëꞌ Moisësë chachin huaꞌan acorin. Naraꞌhuaya quëran anquëniri yaꞌnotasoꞌ, Yosëri shaꞌhuitërin inapita nichaꞌëcaso marëꞌ. 36Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin. 37Moisësëri chachin inapita itërin: “Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inantaꞌ Israiro quëmapi nisarin,” tënin. 38Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.
39Shimashonënpoaso nipirinhuëꞌ co nohuantopihuëꞌ Moisësë natëcaisoꞌ. Yaaꞌpopi. Iquipito parti naꞌhuanatonaꞌ, inatohuaꞌ yapaꞌmantapi. 40Napoaton Moisësë motopiquë yaꞌhuasoꞌ, iin, Aaron itopisoꞌ, nontopi. “Mamanshiroꞌsaꞌ nitocoi, ina imahuaꞌ. Moisësë Iquipito quëran ocoipirinpoahuëꞌ, ¿intohuasoꞌ paꞌmara?” taꞌtonaꞌ, mamanshi nipi. 41Ohuacaꞌhuaya pochin nininso nipi. Maꞌsha tëparahuatonaꞌ, mamanshi moshapi. Inahuara nipisoꞌ niponahuëꞌ, paꞌyatatonaꞌ pita nipi. 42Napoaton Yosëri tananpitërin. Tananpitohuachina, maꞌsha inápaquë yaꞌhuërinsopita moshapi. Piꞌi, yoqui, tayora, inapita moshapi. Pënëntonaꞌpi iráca Yosë quiricanënquë ninshitaton, tapon:
“Israiroꞌsaꞌ nontaton, Yosëri itërin:
‘Catapini shonca piꞌipi inotëro parti paasëmaꞌ maꞌsha tëpahuatamara,
co chinotatomaco naporamahuëꞌ.
43Nisha piyapiroꞌsaꞌ moshapisoꞌ yonquiramaꞌ.
Moroco artaronën quëparahuatomaꞌ, ina chinotëramaꞌ.
Aꞌna tayorantaꞌ mosharamaꞌ, Nipan itopisoꞌ.
Napoaton anaꞌintaranquëmaꞌ.
Ca nohuanton, inimicoroꞌsaꞌ huëꞌsahuatonaꞌ, minsëarinënquëmaꞌ.
Papironia aquëtëꞌ quëpararinënquëmaꞌ,’ itërin Yosëri,” tënin.
44Shimashonënpoapita iráca inotëro parti pacaponaꞌ, Yosë chinotacaso nëꞌmëtëꞌ pëi quëparápi. Yosëri chachin Moisësë shaꞌhuitërin ina pochin nicatonaꞌ, chinotacaiso marëꞌ. Aꞌnotërinso pochachin nipi. Inaquë Yosë pënëntërinso nanan ninshitërinsoꞌ yaꞌhuërin. 45Ina quëran huiꞌninpitantaꞌ inachachin pëiꞌ yaꞌhuëtopi. Nisha piyapiꞌsaꞌ isëquë yaꞌhuëpirinahuëꞌ, Yosë nohuanton, aꞌpapi. Cosoiri minsëhuachina, aꞌpapi isëquë yaꞌhuëcaiso marëꞌ. Ina pëi chachin isëquë quëpi Yosë chinotacaiso marëꞌ. Tapi huaꞌan yaꞌconaquë huarëꞌ ina pëiquë Yosë chinotopi. 46Yosëri noya catahuarin niꞌton, Tapi noya huaꞌanëntërin. Inari pancana yapëitopirinhuëꞌ, co Yosë nohuantërinhuëꞌ. 47Ina quëran huiꞌnin Saromon itopisoꞌ, panca pëiꞌ naꞌpi quëran ninin inaquë chinotacaiso marëꞌ. 48Nipirinhuëꞌ, Yosësoꞌ chini chiníquën nanantërin. Co nipisoꞌ pëiquëráchin yaꞌhuërinhuëꞌ. Pënëntonaꞌpi inachachin shaꞌhuitërinpoaꞌ:
49“Yosëri itapon: Inápaquë huënsërahuë huaꞌanëntaꞌhuaso marëꞌ.
Isoroꞌpantaꞌ nantëhuë ayaꞌnanahuëquë pochin nitërahuë.
¿Onpopintaꞌ yapëirapipiramacohuëꞌ?
¿Insëquë chachintaꞌ acotapomaco yaꞌhuëcaꞌhuaso marëꞌ? Co pëiquëráchin yaꞌhuarahuëꞌ.
50Cari yaꞌipi maꞌsha ninahuë, itërin Yosëri,” tënin.
51Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ. 52Iráca quëran huarëꞌ naꞌa pënëntonaꞌpiroꞌsaꞌ pënëntopirinahuëꞌ, ¿insotaꞌ shimashonëmapitari noya niꞌpi? Yaꞌipiya aparisitopi. “Aꞌna tahuëri noya noya nininsoꞌ oꞌmararin,” topachinara, noꞌtëquën ninopirinahuëꞌ, tëpapi. Ina quëran Cristo chachin oꞌmahuachina, shaꞌhuirapitomaꞌ, atëpatëramaꞌ. 53Yosë iráca pënëntërinsoꞌ anquëniri chachin shaꞌhuitopirinquëmahuëꞌ, canpitasoꞌ co natëramahuëꞌ, itërin Istipani.
Istipan tëpapisoꞌ
54Natanahuatonaꞌ, chiníquën noꞌhuitonaꞌ, yatëpapi. 55Istipanso nipirinhuëꞌ Ispirito Santori noyá yaꞌcoancantërin niꞌton, inápaquë nëꞌpëtërin. Yosë yaꞌhuërinso chachin niꞌnin. Huënaráchin huënaráchin yaꞌnorin. Quisoso Yosë inchinanën quëran huaniárin, niꞌnin.
56—Niꞌcochi iyaroꞌsaꞌ. Piꞌiroꞌtë niiꞌsoatërin niꞌnahuë. Quisoso chachin Yosë inchinanën quëran huaniarin, quënanahuë, itërin Istipani.
57Ina natantahuatonaꞌ, nipicopihuëratëtopi. Chiníquën noꞌhuitonaꞌ, aꞌnaroáchin maconpi. 58Ninano quëran quëparahuatonaꞌ, naꞌpiquë tëꞌyararapi. Shaꞌhuirapipisopitasoꞌ, aipi aꞌmopisoꞌ ocoirahuatonaꞌ, aꞌna huiꞌnapi Saono itopisoꞌ quëtopi aꞌpaicaso marëꞌ. 59Tëꞌyarasoiꞌ, Istipansoꞌ chiníquën parisitaponahuëꞌ, Quisoso nontërin: “Huaꞌyanëhuë Sinioro matahuatonco, quëpaquëꞌ,” itërin. 60Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.
Currently Selected:
Hechos 7: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 7
7
Istipan shaꞌhuirinsoꞌ
1Ina quëran Corto huaꞌan chini chiníquën nanantërinsoari natanin.
—¿Tëhuënchachin naporan nonapon? itërin.
2—Co onporontaꞌ api Yosë pinorahuëꞌ. Natanco, apiroꞌsaꞌ. Iyaroꞌsaꞌ canpitantaꞌ natanco noꞌtëquën shaꞌhuichinquëmaꞌ. Iráca quëran huarëꞌ shimashonënpoapita Yosë imapi. Cantaꞌ ina imarahuë. Tata Yosësoꞌ noya noya. Iráca Tata Apraan nisha noꞌpaquë yaꞌhuasoꞌ, yaꞌnotimarin. Co Aranquë paꞌshátëraponhuëꞌ, nontërin. Misopotamia parti yaꞌhuëpirinhuëꞌ, inaquë Yosëri itapon: 3“Yaꞌhuëran quëran pipimiatëquëꞌ. Quëmopinënpitantaꞌ patomiatëquëꞌ. Aꞌna parti paaton, inaquë yaꞌhuëquëꞌ. Carinquën aꞌnotaranquën, inaquë yaꞌhuëmiatëquëꞌ,” itërin Yosëri. 4Natanahuaton, Apraan pipirin. Cartia parti quëran pipirahuaton, Aranquë paꞌnin. Inaquë yaꞌhuëantapirinhuëꞌ. Ina quëran paꞌpin chiminpachina, Yosë nohuanton, Canaan parti huëꞌnin. Yaꞌhuërëhuaquë chachin huëꞌnin. 5Huëꞌpirinhuëꞌ, Yosë nohuanton, co noꞌpaꞌ yaꞌhuëtërinhuëꞌ. Co piꞌpisha tërantaꞌ huaꞌanëntërinhuëꞌ. “Aꞌna tahuëri Canaan parti yaꞌhuëmiataramaꞌ. Quëma shiparinpita naꞌasahuatonaꞌ, ina noꞌpaꞌ huaꞌanëntapi,” itërin Yosëri. Co huiꞌnahuayantërasohuëꞌ, napotërin. 6Ina quëran Yosëri itantarin: “Aꞌna tahuëri quëma shiparinpita nisha parti yacapataponaꞌ. Inaquë nisha piyapiꞌsari chiníquën asacatapi. Co pahuërëaponaraihuëꞌ, asacatapi. Catapini pasa piꞌipi aparisitapi. 7Nipirinhuëꞌ, nisha piyapiꞌsaꞌ shiparinpita aparisitopisoꞌ anaꞌintarahuë. Ina quëran shiparinpita pipirapi. Isëquë chachin huënantahuachinaꞌ, chinotarinaco,” itërin Yosëri. 8Ina quëran itantapon: “Caora nohuanto, catahuaranquën. Huiꞌnanpita, yaꞌipi shiparinpita, inapitantaꞌ catahuarahuë. Napoaton marca niacotocoꞌ imaramacosoꞌ anitotacamaso marëꞌ,” itërin. Ina quëran Apraan huiꞌnin yaꞌhuëtërin. Isaco itërin. Posa tahuëritohuachina, marca acotërin. Isaco mashotohuachina, huiꞌnin yaꞌhuëtërin. Cacopo itopi. Ina quëran inantaꞌ huiꞌninpita yaꞌhuëtantarin. Shonca catoꞌ yaꞌhuëtërin. Yaꞌipiya marca niacotëraꞌpiapi. Inapita quëran shonca catoꞌ huënton cotioroꞌsaꞌ yaꞌhuërëhuaꞌ. Inapitasoꞌ shimashonënpoaꞌ, tënëhuaꞌ.
9Aꞌnaraꞌ Cosi itopi. Iinpitari apiratatonaꞌ, noꞌhuipi. Iina chachin nipirinhuëꞌ, co quëꞌyapihuëꞌ. Napoaton nisharoꞌsaꞌ yaꞌnohuachinara, paꞌanpi asacatacaiso marëꞌ. Nisha piyapiꞌsari Iquipitoꞌpaꞌ quëpapi. Yosëriso nipirinhuëꞌ catahuarin. 10Parisitopirinhuëꞌ, nichaꞌërin. Ina nohuanton, Iquipito copirnori noya niꞌnin. “Cosi noya quëmapi. Noya yonquirin,” taꞌton, chiníquën nanan quëtërin. Yaꞌipi copirno maꞌshanënpita aꞌpairin. Yaꞌipi Iquipito piyapiꞌsaꞌ camairin.
11Naporoꞌ Iquipito parti cosharoꞌ co noya papotërinhuëꞌ. Huaꞌquiꞌ co mantaꞌ papotërinhuëꞌ niꞌton, tanarotopi. Canaan partintaꞌ capa cosharoꞌ. Shimashonënpoaꞌ co mantaꞌ yaꞌhuëtopihuëꞌ capacaisoꞌ. Parisitápi. 12“Iquipito parti trico yaꞌhuërin,” topiso marëꞌ Cacoposoꞌ huiꞌninpita aꞌparin cosharoꞌ paꞌanacaiso marëꞌ. Iina chachin maꞌpaponaraihuëꞌ, nani mashotërin niꞌton, co nohuitopihuëꞌ. Ina paꞌanatonaꞌ, yaꞌhuëpiꞌpaꞌ cosharoꞌ quëpaantapi capacaiso marëꞌ. Ina capatonaꞌ, nanpipi. 13Ina quëran pëꞌyahuachinara, paꞌpini aꞌpaantarin. Naporoꞌ Cosiri shaꞌhuitërin. “Casoꞌ co nishacohuëꞌ. Cosico. Iyaya, itoco,” itërin. Copirnontaꞌ iinpita anohuitërin. 14Ina quëran Cosiri paꞌpin amatërin. Yaꞌipi quëmopinënpitantaꞌ amatërin. Yaꞌipi quëran canchisë shonca aꞌnatërápo piyapi yaꞌhuërin. 15“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi. 16Cacopo chiminpachina, nonën isëquë chachin quënantapi paꞌpitacaiso marëꞌ. Siquimoquë paꞌpitopi. Ina noꞌpa chachin iráca Apraani, amororoꞌsaꞌ paꞌantërin.
17Yosëri chachin nani iráca Apraan shaꞌhuitërin Canaan parti huaꞌanëntacasoꞌ. Nipirinhuëꞌ, shinpita co aꞌnaroáchin panantapihuëꞌ. Huaꞌquiꞌ Iquipitoquë yaꞌhuëpi. Inaquë naꞌapi. Panantacaisoꞌ tahuëri yaꞌcaritohuachina, notohuaroꞌ israroꞌsaꞌ yaꞌhuëpi. 18Napoin quëran Iquipito parti nisha copirno yaꞌconin. Cosisoꞌ iráca chiminin niꞌton, co nohuitërinhuëꞌ. 19Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin. 20Naporoꞌ, iyaroꞌsaꞌ, Moisësë nasitërin. Yosëri noya niꞌnin. Paꞌpin aꞌshinë chachin nosoropi niꞌton, cara yoqui poꞌorahuatonaꞌ, pëinënquë acanopitopi. 21Ina quëran aipiran acohuachinaꞌ, Yosë nohuanton copirno huiꞌnini chachin manin asoꞌsocaso marëꞌ. Huaꞌhuin pochin niꞌnin. 22Iquipito maistroꞌsari noya aꞌchintopi. Yaꞌipi nitotopisoꞌ aꞌchintopi. Napoaton noya noya nonin. Nani maꞌsha nicacasoꞌ nitotërin.
23Catapini shonca piꞌipitohuachina, aꞌnapita israiroꞌsaꞌ yonquiaton, paꞌnin niꞌtapon. 24Inaquë aꞌna Israiro quëmapi quënanconin. Co mantaꞌ onpopirinhuëꞌ, Iquipito quëmapiri ahuëaton, yatëpararin quënanconin. Quëmopinën nosoroaton, “cari iꞌhuërëchi,” tënin. Ina quëran Iquipito quëmapi ahuëaton, tëparin. 25“Israiroꞌsasoꞌ iyahuëpita. Yosë catahuaarinco inapita nichaꞌëcaꞌhuasoꞌ,” tënin Moisësë yonquinënquë. Inapitaso nipirinhuëꞌ inari nichaꞌëcasoꞌ co yonquipihuëꞌ. 26Tahuëririnquë catoꞌ israiroꞌsa capini niahuërapi, Moisësëri quënanconin. “¿Onpoatomataꞌ canpita capini niahuëaramaꞌ? Nanan anoyatocoꞌ,” itërin. 27Ahuëtonaꞌpiso nipirinhuëꞌ co nohuantërinhuëꞌ natëcasoꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ. 28Iꞌhuara Iquipito quëmapi tëparan. ¿Inapochachin cantaꞌ yatëparanco ti?” itërin. 29Ina natanahuaton, tëꞌhuatërin. “Copirno natantohuachin, noꞌhuiarinco,” taꞌton, pipimiatërin huachi. Matian parti yacapatërin. Inaquë saꞌaton, catoꞌ huiꞌnin yaꞌhuëtërin.
30Catapini shonca piꞌipi Moisësë inaquë yaꞌhuërin. Ina quëran aꞌna tahuëri inotëroꞌ parti paꞌnin. Sinai motopi yaꞌcariya niꞌsoꞌ, sarsa nara orotarinsoꞌ quënanin. Inaquë chachin anquëniri yaꞌnotimarin. 31Ina niꞌsahuaton, paꞌyanin. “¿Maꞌtaꞌ inasoꞌ nimara?” taꞌton, yaꞌcariconin. Naporoꞌ Yosëri itapon: 32“Casoꞌ Yosëco. Quëma shimashonënpita chinotërinaco. Apraan, Isaco, Cacopo, inapita chinotërinaco,” itërin. Moisësë tëꞌhuataton, ropa ropátarin. Monshorahuaton, co yaniꞌninhuëꞌ. 33Ina quëran Yosëri itantarin: “Sapatën ocoiquëꞌ. Isëquë nontaranquën niꞌton, isëquë chachin chinotancosoꞌ yaꞌhuërin, tënahuë. 34Piyapinëhuëpita Iquipitoquë yaꞌhuëpirinahuëꞌ, parisitápi niꞌnahuë. Chiníquën aparisitopi niꞌton, tarëtápi, natanahuë. Napoaton nichaꞌësarahuë huachi. Huëquëꞌ inatohuaꞌ aꞌpaꞌinquën nichaꞌëcamaso marëꞌ,” itantarin.
35Napoaton Moisësë inatohua chachin paantarin. Iráca israiroꞌsaꞌ yacatahuapirinhuëꞌ, co yanatëpihuëꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ,” itopi. Yosëso nipirinhuëꞌ Moisësë chachin huaꞌan acorin. Naraꞌhuaya quëran anquëniri yaꞌnotasoꞌ, Yosëri shaꞌhuitërin inapita nichaꞌëcaso marëꞌ. 36Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin. 37Moisësëri chachin inapita itërin: “Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inantaꞌ Israiro quëmapi nisarin,” tënin. 38Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.
39Shimashonënpoaso nipirinhuëꞌ co nohuantopihuëꞌ Moisësë natëcaisoꞌ. Yaaꞌpopi. Iquipito parti naꞌhuanatonaꞌ, inatohuaꞌ yapaꞌmantapi. 40Napoaton Moisësë motopiquë yaꞌhuasoꞌ, iin, Aaron itopisoꞌ, nontopi. “Mamanshiroꞌsaꞌ nitocoi, ina imahuaꞌ. Moisësë Iquipito quëran ocoipirinpoahuëꞌ, ¿intohuasoꞌ paꞌmara?” taꞌtonaꞌ, mamanshi nipi. 41Ohuacaꞌhuaya pochin nininso nipi. Maꞌsha tëparahuatonaꞌ, mamanshi moshapi. Inahuara nipisoꞌ niponahuëꞌ, paꞌyatatonaꞌ pita nipi. 42Napoaton Yosëri tananpitërin. Tananpitohuachina, maꞌsha inápaquë yaꞌhuërinsopita moshapi. Piꞌi, yoqui, tayora, inapita moshapi. Pënëntonaꞌpi iráca Yosë quiricanënquë ninshitaton, tapon:
“Israiroꞌsaꞌ nontaton, Yosëri itërin:
‘Catapini shonca piꞌipi inotëro parti paasëmaꞌ maꞌsha tëpahuatamara,
co chinotatomaco naporamahuëꞌ.
43Nisha piyapiroꞌsaꞌ moshapisoꞌ yonquiramaꞌ.
Moroco artaronën quëparahuatomaꞌ, ina chinotëramaꞌ.
Aꞌna tayorantaꞌ mosharamaꞌ, Nipan itopisoꞌ.
Napoaton anaꞌintaranquëmaꞌ.
Ca nohuanton, inimicoroꞌsaꞌ huëꞌsahuatonaꞌ, minsëarinënquëmaꞌ.
Papironia aquëtëꞌ quëpararinënquëmaꞌ,’ itërin Yosëri,” tënin.
44Shimashonënpoapita iráca inotëro parti pacaponaꞌ, Yosë chinotacaso nëꞌmëtëꞌ pëi quëparápi. Yosëri chachin Moisësë shaꞌhuitërin ina pochin nicatonaꞌ, chinotacaiso marëꞌ. Aꞌnotërinso pochachin nipi. Inaquë Yosë pënëntërinso nanan ninshitërinsoꞌ yaꞌhuërin. 45Ina quëran huiꞌninpitantaꞌ inachachin pëiꞌ yaꞌhuëtopi. Nisha piyapiꞌsaꞌ isëquë yaꞌhuëpirinahuëꞌ, Yosë nohuanton, aꞌpapi. Cosoiri minsëhuachina, aꞌpapi isëquë yaꞌhuëcaiso marëꞌ. Ina pëi chachin isëquë quëpi Yosë chinotacaiso marëꞌ. Tapi huaꞌan yaꞌconaquë huarëꞌ ina pëiquë Yosë chinotopi. 46Yosëri noya catahuarin niꞌton, Tapi noya huaꞌanëntërin. Inari pancana yapëitopirinhuëꞌ, co Yosë nohuantërinhuëꞌ. 47Ina quëran huiꞌnin Saromon itopisoꞌ, panca pëiꞌ naꞌpi quëran ninin inaquë chinotacaiso marëꞌ. 48Nipirinhuëꞌ, Yosësoꞌ chini chiníquën nanantërin. Co nipisoꞌ pëiquëráchin yaꞌhuërinhuëꞌ. Pënëntonaꞌpi inachachin shaꞌhuitërinpoaꞌ:
49“Yosëri itapon: Inápaquë huënsërahuë huaꞌanëntaꞌhuaso marëꞌ.
Isoroꞌpantaꞌ nantëhuë ayaꞌnanahuëquë pochin nitërahuë.
¿Onpopintaꞌ yapëirapipiramacohuëꞌ?
¿Insëquë chachintaꞌ acotapomaco yaꞌhuëcaꞌhuaso marëꞌ? Co pëiquëráchin yaꞌhuarahuëꞌ.
50Cari yaꞌipi maꞌsha ninahuë, itërin Yosëri,” tënin.
51Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ. 52Iráca quëran huarëꞌ naꞌa pënëntonaꞌpiroꞌsaꞌ pënëntopirinahuëꞌ, ¿insotaꞌ shimashonëmapitari noya niꞌpi? Yaꞌipiya aparisitopi. “Aꞌna tahuëri noya noya nininsoꞌ oꞌmararin,” topachinara, noꞌtëquën ninopirinahuëꞌ, tëpapi. Ina quëran Cristo chachin oꞌmahuachina, shaꞌhuirapitomaꞌ, atëpatëramaꞌ. 53Yosë iráca pënëntërinsoꞌ anquëniri chachin shaꞌhuitopirinquëmahuëꞌ, canpitasoꞌ co natëramahuëꞌ, itërin Istipani.
Istipan tëpapisoꞌ
54Natanahuatonaꞌ, chiníquën noꞌhuitonaꞌ, yatëpapi. 55Istipanso nipirinhuëꞌ Ispirito Santori noyá yaꞌcoancantërin niꞌton, inápaquë nëꞌpëtërin. Yosë yaꞌhuërinso chachin niꞌnin. Huënaráchin huënaráchin yaꞌnorin. Quisoso Yosë inchinanën quëran huaniárin, niꞌnin.
56—Niꞌcochi iyaroꞌsaꞌ. Piꞌiroꞌtë niiꞌsoatërin niꞌnahuë. Quisoso chachin Yosë inchinanën quëran huaniarin, quënanahuë, itërin Istipani.
57Ina natantahuatonaꞌ, nipicopihuëratëtopi. Chiníquën noꞌhuitonaꞌ, aꞌnaroáchin maconpi. 58Ninano quëran quëparahuatonaꞌ, naꞌpiquë tëꞌyararapi. Shaꞌhuirapipisopitasoꞌ, aipi aꞌmopisoꞌ ocoirahuatonaꞌ, aꞌna huiꞌnapi Saono itopisoꞌ quëtopi aꞌpaicaso marëꞌ. 59Tëꞌyarasoiꞌ, Istipansoꞌ chiníquën parisitaponahuëꞌ, Quisoso nontërin: “Huaꞌyanëhuë Sinioro matahuatonco, quëpaquëꞌ,” itërin. 60Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.