2 Samuel 2
2
Cota huënton copirno Tapi acopisoꞌ
1Ina piquëran Tapisoꞌ, Sinioro natanapon:
—Cota huënton noꞌpanënquë naꞌa ninanoroꞌsa yaꞌhuërin. ¿Noya ina ninanoroꞌsaquë pacaꞌhuaisoꞌ to? itërin.
—Noya paquëꞌ, itërin Siniorori.
—¿Inso ninanoquëta paꞌi? taantarin Tapi.
—Iporon ninanoquë paquëꞌ, itaantarin Siniorori.
2Inari napotohuachina Tapisoꞌ, saꞌinpitarë chachin inatohua paꞌnin. Saꞌinpitasoꞌ aꞌnara Ainoama itopi. Inasoꞌ, Quisiriroquë yaꞌhuërin. Aꞌnantaꞌ, Apicairo itopi. Inasoꞌ, Naparo itopisori ayananpirinsoꞌ. Naparocosoꞌ, Caromiroquë yaꞌhuërin. 3Sontaronënpitantaꞌ, saꞌina huiꞌninpitarë chachin imapi. Inapitaso napopinchin Ipronquë yaꞌhuëconpi. Aꞌnaquëontaꞌ, ina yaꞌcari ninanoaꞌhuaroꞌsaquë yaꞌhuëconpi.
4-5Ina piquëran Cota huënton quëmapiꞌsa Ipronquë niyontonpi. Tapinta ina huënton quëmapi niꞌton, copirnonëna nicacaso marëꞌ inaquë acopi.
Capisi ninano Carata parti yaꞌhuërin. Inaquë yaꞌhuëpisopitari Saono nosoroatona paꞌpitopisoꞌ, Tapi natantërin. Ina natantaton, inapita shaꞌhuitacaiso marëꞌ comisionoꞌsa aꞌparin. Iso pochin taꞌcaisoꞌ aꞌparin: “Saonosoꞌ copirnonënpoa niꞌton, ina naꞌcon nosoroatoma paꞌpitëramaꞌ. Ina marëꞌ canpitanta Sinioro chachin catahuainquëmaꞌ. 6Naporahuaton nosoroatënquëma noꞌtëquënáchin catahuainquëmaꞌ. Naporamaso marëꞌ carimantaꞌ, noya nicatënquëma nosoroaranquëmaꞌ. 7Napoaton iporasoꞌ, canpitanta chiníquën cancantocoꞌ. Saonosoꞌ nani chiminin. Ina chiminpirinhuëꞌ, Cota huënton israiroꞌsasoꞌ, copirnonëna nicaꞌhuaso marëꞌ nani acorinaco. Canpita topatamasoꞌ, nanitërahuë copirnonëma yaꞌconaꞌhuasoꞌ, tënin Tapi,” itopi. 8-32(-)
Currently Selected:
2 Samuel 2: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
