2 Reyes 24
24
1-7(-)
Coaquin copirno huaꞌanoꞌsapitarë chachin Papironiaꞌpaꞌ quëpapisoꞌ
(Cosiasë chimininso piquëran Coacasë huaꞌanëntaponahuëꞌ, cara yoquíchin huaꞌanëntërin. Nicao copirnori huëcapairahuaton, minsëirin. Inapotahuaton yaꞌhuërinꞌpaꞌ quëparin. Napohuachina, iyaꞌhuain Coasin itopiso shonca aꞌna piꞌipi huaꞌanëntaantarin. Ina chiminpachina, huiꞌnin Coaquin itopiso yaꞌhuërëꞌ huaꞌanëntaantarin.)
8Coaquin shonca posa piꞌipitahuasoꞌ, Cota huëntonquë copirno yaꞌconarin. Cara yoquíchin Quirosarinquë huaꞌanëntërin. Aꞌshinsoꞌ, Irinatan huiꞌnin, Niosta itopi. Quirosarinquë yaꞌhuërin. 9Coaquinta napoaponahuëꞌ, co Sinioro natëtonhuëꞌ co noyahuëꞌ ninin. Paꞌpincoꞌ naporinso chachin nininso marëꞌ Siniorori co noyahuëꞌ niꞌnin antaꞌ.
10Ina huaꞌanëntasoꞌ, Papironia copirno sontaronënpitari huëcapairin. Huëꞌsahuatonaꞌ, Quirosarin ninano ahuëcaiso marëꞌ tancapitiipi. 11Inapotasoiꞌ, Papironia copirno Napocotono itopisontaꞌ, canquirin.
12Napotohuachinara, Coaquin copirnoso co huachi chinitatonhuëꞌ, Napocotono natërin. Aꞌshin, huaꞌanoꞌsaꞌ, sontaro huaꞌanoꞌsaꞌ, ayonquirinsopita, inapitarë chachin napopi. Napohuachinara, Napocotono sontaronënpitari inapita mapi. Napocotono copirno yaꞌconin quëran huarëꞌ, posa piꞌipitapaso naporin.
13Ina piquëran Napocotonosoꞌ, Yosë chinotacaso pëiquë paꞌton nininsopita manin. Copirno huaꞌanëntërinso pëiquëntaꞌ, naporin. Naporahuaton iráca Saromon copirno Yosë chinotacaso pëiquë oro quëran Sinioro marëꞌ anitërinsopita yaꞌipi paꞌquirin. Siniorori inapotacaiso shaꞌhuitërinso chachin ninin. 14-16Naporahuaton Quirosarinquë yaꞌhuëpisopita, yaꞌipi pochin quiquirin. Huaꞌanoꞌsa nipisopita, noya noya sontaroꞌsaꞌ, maꞌsha ninaꞌpiroꞌsaꞌ, huaꞌna camayoroꞌsaꞌ, inapita. Yaꞌipiya quëran shonca huaranca yaꞌpi pochin quëpapi. Caraya pochin piyapiꞌsa Cota huëntonquë quëparitopi. Saꞌa saꞌahua nipisopitaráchin patopi. Naporoꞌ Coaquin copirnontaꞌ, aꞌshinë chachin quëpapi. Saꞌinpita, huaꞌanoꞌsaꞌ, maꞌhuanoꞌsaꞌ, yaꞌipi inapita Quirosarin quëran Papironiaꞌpaꞌ quëpapi. Canchisë huaranca sontaroꞌsa míso ahuëtopiráchin quëpapi. Maꞌsha ninaꞌpiroꞌsaꞌ, huaꞌna camayoroꞌsa inapitantaꞌ, huaranca icanpi.
17Naporoꞌ Napocotonosoꞌ, Cota huëntonquë copirno nicacaso marëꞌ Mataniasë acorin. Inasoꞌ, Coaquin apin. Ina acorahuaton nininën nisha acotërin Sitiquiasë itërin.
Sitiquiasë copirno yaꞌconinsoꞌ
18Sitiquiasësoꞌ, cato shonca aꞌna piꞌipitapon copirno yaꞌconin. Shonca aꞌna piꞌipi Quirosarinquë huaꞌanëntërin. Aꞌshinsoꞌ, Amotaro itopi. Inasoꞌ, Irimiasë huiꞌnin. Nipina ninanoquë yaꞌhuërinsoꞌ. 19Sitiquiasënta napoaponahuëꞌ, co Sinioro natëtonhuëꞌ co noyahuëꞌ ninin. Coaquin naporinso chachin nininso marëꞌ Siniorori co noyahuëꞌ niꞌnin. 20Napoaton Siniorori Quirosarinquë yaꞌhuëpisopita noꞌhuiton, co huachi ahuantërinhuëꞌ. Yaꞌipi Cota huëntonquë yaꞌhuëpisopitanta napotërin. Inapotahuaton noꞌpaꞌ quëtërin quëran aꞌparin.
Coꞌhuara inapochátërasohuë Sitiquiasësoꞌ, co huachi Napocotono copirno yanatërinhuëꞌ.
Currently Selected:
2 Reyes 24: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
