1 Timoteo 5
5
Aꞌnaya aꞌnaya pënënacaso yaꞌhuërinsoꞌ
1Mashoroꞌsaꞌ co noyahuëꞌ nipachinaꞌ, ama noꞌhuiquësohuëꞌ. Tata pochin nicaton, sanoanan quëran pënënquëꞌ. Napopináchin piꞌipitëramasoꞌ, iyaparin pochin niꞌquëꞌ. Inapitantaꞌ nosoroaton, sanoanan quëran pënënquëꞌ. 2Sanapiꞌsantaꞌ pënënacasoꞌ yaꞌhuërin. Payaroꞌsaꞌ nipachin, mama pochin nicaton, sanoanan quëran pënënquëꞌ noya cancanchinaꞌ. Imoyaroꞌsantaꞌ napopináchin piꞌipitëramasoꞌ oshiparin miáchin pochin niꞌquëꞌ. Ama inapita piꞌpian tërantaꞌ narintëquësohuëꞌ. Noyasáchin yonquiaton, nontëquëꞌ.
Quëyoronoꞌsaꞌ napopisoꞌ
3Isontaꞌ api, imapisopita shaꞌhuitëquëꞌ nitochinaꞌ. “Quëyoronoꞌsaꞌ noyá saꞌahuamia nipachinaꞌ, nosoroatomaꞌ catahuacoꞌ,” itëquëꞌ. 4Nipirinhuëꞌ, huaꞌhuinpita yaꞌhuëtohuachin, inapita pënënquëꞌ aꞌshina catahuainaꞌ. Aminpitarintaꞌ catahuainaꞌ. Asoꞌsorin niꞌton, inahuarintaꞌ iꞌhuërëtantaꞌinaꞌ. Nosoroatonaꞌ, nocomantaꞌinaꞌ. Ina Yosë naꞌcon nohuantërin. 5Aꞌnaquën quëyoronoꞌsaso nipirinhuëꞌ, co huaꞌhuinpita yaꞌhuëtërinhuëꞌ. Yosëíchin yonquiarin. “Ina catahuarinco,” taꞌton, nani tahuëri Yosë nontarin. Tashirë chachin nontarin. Inapitasoꞌ catahuahuaꞌ. 6Aꞌnaquën quëyoronoꞌsaso nipirinhuëꞌ, nipaꞌyatacasoáchin yonquipi. Nanpiaponahuëꞌ, chimipi pochin cancantopi. Co huachi Yosë yonquipihuëꞌ niꞌton, co inapita catahuacasoꞌ yaꞌhuërinhuëꞌ. 7Nani api shaꞌhuitëranquën. Yaꞌipi imapisopita pënënquëꞌ natëinaꞌ. Ama aꞌnapitari pinocaiso marëhuëꞌ noya niinaꞌ. 8Quëmopinënaꞌ tëhuënchachin nosorocasoꞌ yaꞌhuërin. Pahuantohuachinaꞌ, catahuainaꞌ. Aꞌshinaꞌ, paꞌpinaꞌ, huiꞌninpita, inapita naꞌcon naꞌcon nosorocasoꞌ yaꞌhuërin. Catahuainaꞌ, nocomaꞌinaꞌ. Insoarisona co nocomahuachinahuëꞌ, co huachi Yosë natëapihuëꞌ. Co quëmopinënaꞌ nosorohuachinarahuëꞌ, naꞌcon naꞌcon oshahuanapi.
9Aꞌnaya aꞌnaya niyontonpiquë quëyoronoꞌsaꞌ nininënpita ninshichinaꞌ catahuacaiso marëꞌ. Payaroꞌsaráchin acoinaꞌ, saota shonca piꞌipitërinsoꞌ. Aꞌnaíchin soꞌyatërinsoꞌ. 10Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.
11-12Nanon quëyoronoꞌsaso nipirinhuëꞌ, ama acoinasohuëꞌ. “Quisocristo marëáchin sacatarahuë, co soꞌyantapohuëꞌ,” taponahuëꞌ, oshaquëran ina naniantaton, naquëranchin soꞌyaantacasoꞌ yonquiantapon nimara. Soꞌyaantacasoꞌ noya nipirinhuëꞌ, maꞌsona Quisocristo shaꞌhuitërinsoꞌ co naniantacasoꞌ yaꞌhuërinhuëꞌ. Naniantohuachin, ina marëꞌ oshahuanarin niꞌton, ama inapitasoꞌ acoinasohuëꞌ. 13Aꞌnaquëontaꞌ topinan niꞌtaponaꞌ paꞌsápatonaꞌ, chiropi. Naporahuaton, maꞌtona maꞌtona nonsapi, pinotapi, co napocasohuëꞌ nipirinhuëꞌ. 14Napoaton nanoꞌsaꞌ soꞌinari ayananpihuachinaꞌ, soꞌyantaꞌinaꞌ, tënahuë. Soꞌyantatonaꞌ, huaꞌhuaantaꞌinaꞌ. Soꞌinaꞌ, huaꞌhuinpita, inapita nocomahuachinaꞌ, noya nisapi. Napohuachinaꞌ, co aꞌnapitari pinosapihuëꞌ. 15Niꞌquëꞌ api. Aꞌnaquën quëyoronoꞌsaꞌ nani nisha cancantopi. Quisocristo aꞌporahuatonaꞌ, sopai natëpi.
16Quisocristo imapatëhuaꞌ, noya niahuaꞌ. Quëyoron quëmopinënpoaꞌ yaꞌhuëhuachin, canpoari chachin catahuahuaꞌ noya nanpicaso marëꞌ. Ina quëran aꞌnapita imapisopitarintaꞌ saꞌahuamiaroꞌsarachin catahuainaꞌ.
Ansianoꞌsaꞌ nininsoꞌ
17Aꞌnaquën ansianoꞌsaꞌ noya noya Yosë marëꞌ sacatopi. Paatonaꞌ, nani tahuëri aꞌchinápi, pënëntápi. Inapita noya noya niꞌcoꞌ. 18Yosë quiricanën quëran shaꞌhuitërinpoaꞌ. “Toro asacatohuatamaꞌ, aꞌcacoꞌ. Trico iꞌnataton toꞌnorayahuachin, ama tonpoanantocosohuëꞌ. Tananpitocoꞌ piꞌpian piꞌpian coshachin,” tënin. “Piyapi asacatohuatamaꞌ, pahuërëcoꞌ,” tënin antaꞌ. Napoaton ansianoꞌsaꞌ Yosë marëꞌ sacatopi niꞌton, catahuacoꞌ. Maꞌsha quëtocoꞌ ama pahuanchinasohuëꞌ.
19Nanan natantohuatan, ama aꞌnaroáchin natëquësohuëꞌ. Aꞌna piyapiriachin ansiano shaꞌhuirapihuachin, co natëcasoꞌ yaꞌhuërinhuëꞌ. Catoyaꞌpihuë nipon, carayaꞌpihuë nipon, inachachin shaꞌhuirapihuachinaꞌ, naporo huarëꞌ natëtëquëꞌ.
Nisha nisha pënëntërinsoꞌ
20Ansiano tëhuënchachin co noyahuëꞌ nipachina, pënënacasoꞌ yaꞌhuërin. Yaꞌipi imapisopita ayontonahuaton, chiníquën pënënquëꞌ. Aꞌnapitantaꞌ tëꞌhuatatonaꞌ, noya nicacaiso marëꞌ pënënquëꞌ.
21Tata Yosë Quisocristorë chachin niꞌsarinpoaꞌ. Anquëniroꞌsaꞌ acorinsopitantaꞌ niꞌsarinënpoaꞌ. Napoaton api, yaꞌipiya noꞌtëquën pënënquëꞌ. Ama aꞌnaroáchin anaꞌintëquësohuëꞌ. Noya natantëquëꞌ noꞌtëquën nitotacaso marëꞌ. Ina quëran noꞌtëquën yonquiaton, pënënquëꞌ. Inso tërantaꞌ co noyahuëꞌ nipachina, pënënacasoꞌ yaꞌhuërin. 22Ansiano yaacohuatan, noya yonquiaton, oshaquëran acoquëꞌ. Aꞌnaroáchin acohuatan, co noyahuëꞌ nipachina, quëmantaꞌ naꞌianan. Noyasáchin niquëꞌ.
23Apira apira yacanioran niꞌton, ama api iꞌsharáchin oꞌoquësohuëꞌ. Piꞌpian huinontaꞌ oꞌoquëꞌ, aquëtëꞌ caniotan.
24Aꞌnaquën co noyahuëꞌ nipachina, yaꞌipi piyapiꞌsari nitotopi. “Inasoꞌ oshahuanin. Ina marëꞌ Yosëri anaꞌintarin,” topi. Aꞌnaquënso nipirinhuëꞌ oshahuanaponahuëꞌ, co aꞌnaroáchin nitotërëhuahuëꞌ. Nipirinhuëꞌ, co cancanën quëran imarinhuëꞌ niꞌton, oshaquëran nitotarihuaꞌ. 25Inapochachin aꞌnaquën noya nipachina, yaꞌipi piyapꞌsaꞌ nitotopi. Aꞌnaquënsoꞌ nóya niponahuëꞌ, co aꞌnaroáchin nitotërëhuahuëꞌ. Oshaquëranchi inantaꞌ nitotarihuaꞌ.
Currently Selected:
1 Timoteo 5: cbt
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
1 Timoteo 5
5
Aꞌnaya aꞌnaya pënënacaso yaꞌhuërinsoꞌ
1Mashoroꞌsaꞌ co noyahuëꞌ nipachinaꞌ, ama noꞌhuiquësohuëꞌ. Tata pochin nicaton, sanoanan quëran pënënquëꞌ. Napopináchin piꞌipitëramasoꞌ, iyaparin pochin niꞌquëꞌ. Inapitantaꞌ nosoroaton, sanoanan quëran pënënquëꞌ. 2Sanapiꞌsantaꞌ pënënacasoꞌ yaꞌhuërin. Payaroꞌsaꞌ nipachin, mama pochin nicaton, sanoanan quëran pënënquëꞌ noya cancanchinaꞌ. Imoyaroꞌsantaꞌ napopináchin piꞌipitëramasoꞌ oshiparin miáchin pochin niꞌquëꞌ. Ama inapita piꞌpian tërantaꞌ narintëquësohuëꞌ. Noyasáchin yonquiaton, nontëquëꞌ.
Quëyoronoꞌsaꞌ napopisoꞌ
3Isontaꞌ api, imapisopita shaꞌhuitëquëꞌ nitochinaꞌ. “Quëyoronoꞌsaꞌ noyá saꞌahuamia nipachinaꞌ, nosoroatomaꞌ catahuacoꞌ,” itëquëꞌ. 4Nipirinhuëꞌ, huaꞌhuinpita yaꞌhuëtohuachin, inapita pënënquëꞌ aꞌshina catahuainaꞌ. Aminpitarintaꞌ catahuainaꞌ. Asoꞌsorin niꞌton, inahuarintaꞌ iꞌhuërëtantaꞌinaꞌ. Nosoroatonaꞌ, nocomantaꞌinaꞌ. Ina Yosë naꞌcon nohuantërin. 5Aꞌnaquën quëyoronoꞌsaso nipirinhuëꞌ, co huaꞌhuinpita yaꞌhuëtërinhuëꞌ. Yosëíchin yonquiarin. “Ina catahuarinco,” taꞌton, nani tahuëri Yosë nontarin. Tashirë chachin nontarin. Inapitasoꞌ catahuahuaꞌ. 6Aꞌnaquën quëyoronoꞌsaso nipirinhuëꞌ, nipaꞌyatacasoáchin yonquipi. Nanpiaponahuëꞌ, chimipi pochin cancantopi. Co huachi Yosë yonquipihuëꞌ niꞌton, co inapita catahuacasoꞌ yaꞌhuërinhuëꞌ. 7Nani api shaꞌhuitëranquën. Yaꞌipi imapisopita pënënquëꞌ natëinaꞌ. Ama aꞌnapitari pinocaiso marëhuëꞌ noya niinaꞌ. 8Quëmopinënaꞌ tëhuënchachin nosorocasoꞌ yaꞌhuërin. Pahuantohuachinaꞌ, catahuainaꞌ. Aꞌshinaꞌ, paꞌpinaꞌ, huiꞌninpita, inapita naꞌcon naꞌcon nosorocasoꞌ yaꞌhuërin. Catahuainaꞌ, nocomaꞌinaꞌ. Insoarisona co nocomahuachinahuëꞌ, co huachi Yosë natëapihuëꞌ. Co quëmopinënaꞌ nosorohuachinarahuëꞌ, naꞌcon naꞌcon oshahuanapi.
9Aꞌnaya aꞌnaya niyontonpiquë quëyoronoꞌsaꞌ nininënpita ninshichinaꞌ catahuacaiso marëꞌ. Payaroꞌsaráchin acoinaꞌ, saota shonca piꞌipitërinsoꞌ. Aꞌnaíchin soꞌyatërinsoꞌ. 10Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.
11-12Nanon quëyoronoꞌsaso nipirinhuëꞌ, ama acoinasohuëꞌ. “Quisocristo marëáchin sacatarahuë, co soꞌyantapohuëꞌ,” taponahuëꞌ, oshaquëran ina naniantaton, naquëranchin soꞌyaantacasoꞌ yonquiantapon nimara. Soꞌyaantacasoꞌ noya nipirinhuëꞌ, maꞌsona Quisocristo shaꞌhuitërinsoꞌ co naniantacasoꞌ yaꞌhuërinhuëꞌ. Naniantohuachin, ina marëꞌ oshahuanarin niꞌton, ama inapitasoꞌ acoinasohuëꞌ. 13Aꞌnaquëontaꞌ topinan niꞌtaponaꞌ paꞌsápatonaꞌ, chiropi. Naporahuaton, maꞌtona maꞌtona nonsapi, pinotapi, co napocasohuëꞌ nipirinhuëꞌ. 14Napoaton nanoꞌsaꞌ soꞌinari ayananpihuachinaꞌ, soꞌyantaꞌinaꞌ, tënahuë. Soꞌyantatonaꞌ, huaꞌhuaantaꞌinaꞌ. Soꞌinaꞌ, huaꞌhuinpita, inapita nocomahuachinaꞌ, noya nisapi. Napohuachinaꞌ, co aꞌnapitari pinosapihuëꞌ. 15Niꞌquëꞌ api. Aꞌnaquën quëyoronoꞌsaꞌ nani nisha cancantopi. Quisocristo aꞌporahuatonaꞌ, sopai natëpi.
16Quisocristo imapatëhuaꞌ, noya niahuaꞌ. Quëyoron quëmopinënpoaꞌ yaꞌhuëhuachin, canpoari chachin catahuahuaꞌ noya nanpicaso marëꞌ. Ina quëran aꞌnapita imapisopitarintaꞌ saꞌahuamiaroꞌsarachin catahuainaꞌ.
Ansianoꞌsaꞌ nininsoꞌ
17Aꞌnaquën ansianoꞌsaꞌ noya noya Yosë marëꞌ sacatopi. Paatonaꞌ, nani tahuëri aꞌchinápi, pënëntápi. Inapita noya noya niꞌcoꞌ. 18Yosë quiricanën quëran shaꞌhuitërinpoaꞌ. “Toro asacatohuatamaꞌ, aꞌcacoꞌ. Trico iꞌnataton toꞌnorayahuachin, ama tonpoanantocosohuëꞌ. Tananpitocoꞌ piꞌpian piꞌpian coshachin,” tënin. “Piyapi asacatohuatamaꞌ, pahuërëcoꞌ,” tënin antaꞌ. Napoaton ansianoꞌsaꞌ Yosë marëꞌ sacatopi niꞌton, catahuacoꞌ. Maꞌsha quëtocoꞌ ama pahuanchinasohuëꞌ.
19Nanan natantohuatan, ama aꞌnaroáchin natëquësohuëꞌ. Aꞌna piyapiriachin ansiano shaꞌhuirapihuachin, co natëcasoꞌ yaꞌhuërinhuëꞌ. Catoyaꞌpihuë nipon, carayaꞌpihuë nipon, inachachin shaꞌhuirapihuachinaꞌ, naporo huarëꞌ natëtëquëꞌ.
Nisha nisha pënëntërinsoꞌ
20Ansiano tëhuënchachin co noyahuëꞌ nipachina, pënënacasoꞌ yaꞌhuërin. Yaꞌipi imapisopita ayontonahuaton, chiníquën pënënquëꞌ. Aꞌnapitantaꞌ tëꞌhuatatonaꞌ, noya nicacaiso marëꞌ pënënquëꞌ.
21Tata Yosë Quisocristorë chachin niꞌsarinpoaꞌ. Anquëniroꞌsaꞌ acorinsopitantaꞌ niꞌsarinënpoaꞌ. Napoaton api, yaꞌipiya noꞌtëquën pënënquëꞌ. Ama aꞌnaroáchin anaꞌintëquësohuëꞌ. Noya natantëquëꞌ noꞌtëquën nitotacaso marëꞌ. Ina quëran noꞌtëquën yonquiaton, pënënquëꞌ. Inso tërantaꞌ co noyahuëꞌ nipachina, pënënacasoꞌ yaꞌhuërin. 22Ansiano yaacohuatan, noya yonquiaton, oshaquëran acoquëꞌ. Aꞌnaroáchin acohuatan, co noyahuëꞌ nipachina, quëmantaꞌ naꞌianan. Noyasáchin niquëꞌ.
23Apira apira yacanioran niꞌton, ama api iꞌsharáchin oꞌoquësohuëꞌ. Piꞌpian huinontaꞌ oꞌoquëꞌ, aquëtëꞌ caniotan.
24Aꞌnaquën co noyahuëꞌ nipachina, yaꞌipi piyapiꞌsari nitotopi. “Inasoꞌ oshahuanin. Ina marëꞌ Yosëri anaꞌintarin,” topi. Aꞌnaquënso nipirinhuëꞌ oshahuanaponahuëꞌ, co aꞌnaroáchin nitotërëhuahuëꞌ. Nipirinhuëꞌ, co cancanën quëran imarinhuëꞌ niꞌton, oshaquëran nitotarihuaꞌ. 25Inapochachin aꞌnaquën noya nipachina, yaꞌipi piyapꞌsaꞌ nitotopi. Aꞌnaquënsoꞌ nóya niponahuëꞌ, co aꞌnaroáchin nitotërëhuahuëꞌ. Oshaquëranchi inantaꞌ nitotarihuaꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.