1 Samuel 31
31
Saono huiꞌninpitërë chachin chiminpisoꞌ
1Huiristino sontaroꞌsari israiroꞌsa ahuëipi. Ahuërahuatona notohuaroꞌ tiquipi Quiripoa motopiquë inapotopi. Napotohuachinara, aꞌnapitaso taꞌapi. 2Saononta huiꞌninpitarë chachin taꞌapirinahuëꞌ, huiristinoꞌsari imapi. Icantatonaꞌ, cara chachin huiꞌninpita tëpapi: Conatan, Apinatapo, Maraquisoa, inapita. 3Ina quëran Saonoráchin cancantopi huachi. Pëꞌchinan camayoroꞌsari shinërënëna quëran ohuanpi. Inapotohuachinara, inapita paꞌpi tëꞌhuatërin. 4Napoaton catahuacaso marëꞌ sontaro acorinsoꞌ, itapon:
—Pasopitasoꞌ co marcahuanoꞌsahuëꞌ. Inapitaso yatëpahuachinaco, aparisitatonaco tëpaponaco. Napoaton sahuëninën quëran papitatonco tëpaco, itërin. Napotopirinhuëꞌ, inariso paꞌpi tëꞌhuaton co nohuantërinhuëꞌ. Napohuachina inaora chachin sahuëninën yaꞌhuaratërin. 5Catahuacaso marëꞌ sontaro acorinsoari Saono chimininso niꞌnin. Ina niꞌpachina niinapotaton inanta chiminin. 6Ina pochin naporo tahuëri Saono huiꞌninpitarë chachin chiminin. Catahuacaso marëꞌ acorinso sontarontaꞌ, chiminin. Aꞌnapita sontaronënpitanta chiminpi. 7Israiroꞌsa Cortaniiꞌ motopiana aquëtëran yaꞌhuëpisopita natantopi: “Saono, huiꞌninpitarë chachin nani chiminpi. Sontaronënpitanta napopinchin chiminpi. Napopinchin taꞌapi,” topi. Ina natantatonaꞌ, yaꞌhuëpiso ninanoroꞌsa pipinanpitona taꞌapi. Napohuachinara, huiristinoꞌsaso canconahuatona inaquë yaꞌhuëconpi huachi. Ina noꞌpasoꞌ, Cortaniiꞌ quëran piꞌi pipirinso parti quëparitërin.
8Tahuëririnquë huiristinoꞌsasoꞌ, israiroꞌsa chiminpisopita maꞌshanëna matapona paꞌpi. Naporoꞌ Saono huiꞌninpitarë chachin chiminpiso quënanpi. 9Quënanahuatonaꞌ, Saonosoꞌ nishitëconotopi. Ahuëtacaso marëꞌ ohuararinsopitanta matopi. Inapotahuatonaꞌ, yaꞌipi yaꞌhuëpiquë nanan shaꞌhuicaiso marëꞌ sontaroꞌsa aꞌpapi. Aꞌpahuachinara, inahuaso mamanshi pëiroꞌsaquë shaꞌhuiconpi. 10Nonënsoꞌ, Piti-san ninano itopisoꞌ pairanënquë pëꞌtënpi. Ahuëtacaso marëꞌ ohuararinsopitasoꞌ, Asotariti moshapiso pëiquë acopi.
11Carata parti Capisi ninanoquë yaꞌhuëpisopitasoꞌ, Saono napotopiso natantopi. 12Natantatonaꞌ, chiníquën cancantopisopitari yonquipi catahuacaisoꞌ. Yaꞌipi tashi iratatonaꞌ, Saono nonën pëꞌtënpiso mapi. Huiꞌninpitanta nonëna pëꞌtënpi niꞌton, inanta mapi. Yaꞌipi masahuatona Capisiꞌpaꞌ quëpantapi. Cancontarahuatonaꞌ, ahuiquitopi. 13Inapotahuatonaꞌ, nara tashinantërinsoanaquë nansëna paꞌpitopi. Inapotatona canchisë tahuëri co coshataponaraihuëꞌ, sëtopiso nanipi.
Currently Selected:
1 Samuel 31: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
