1 Reyes 2
2
Yachiminaton Tapi camaitërisopita
1-2Tapisoꞌ nani yachiminin ninatanin. Napoaton huiꞌnin Saromon nontaton itapon: “Piyapico niꞌto cantaꞌ, co huaꞌquiya quëranhuëꞌ chiminarahuë huachi. Quëmaso nipirinhuëꞌ, quëmapi chachin huaniton, chiníquën cancantëquëꞌ. 3Nani Yosë camairinpoaꞌ, aꞌchintërinpoa ina nohuantërinso nicacasoꞌ. Yaꞌipi ina camaitërinso natëquëꞌ. Yaꞌipi Moisësë ninshitërinpoaso natëquëꞌ. Ina mini Yosë pënëninpoaꞌ. Ina pochin nipatan, nani maꞌsha ninanquë noya pipitarinquën. Intohuasona paꞌpataontaꞌ, noya paꞌsaran. 4Huiꞌnanpita, shiparinpita, inapitanta inasáchin natëcaiso yaꞌhuërin. Inapohuatamaꞌ, carë anoyatërinso chachin, quëmopinënporáchin israiroꞌsa copirnonëna nicaponaꞌ.
5Coapo naporinsoꞌ, ama naniantëquësohuëꞌ. Inasoꞌ, cato sontaro huaꞌanoꞌsa tëparin. Niro huiꞌnin Apiniro itopisoꞌton tëparahuaton, Itëra huiꞌnin Amasa itopisonta tëparin. Inapitariso quiraquë ahuëtatona tëpatopirinahuëꞌ, Coaporisoꞌ, ina iꞌhuërëtërin. Napoaponahuëꞌ, co quira tahuëri napotërinhuëꞌ. Topinan tahuëri napotërinso marëꞌ naꞌinin. Quëmari iporasoꞌ, noꞌtëquën anaꞌintacaso yaꞌhuërin. 6Napoaton yonquínahuan maꞌsha niquëꞌ. Inaporinso marëꞌ ama noya chiminchinsohuëꞌ.
7Carataquë yaꞌhuërinso Parisirai huiꞌninpitaso nipirinhuëꞌ, nosoroaton catahuaquëꞌ. Quëma coshatëranso misaquë chachin inahuanta coshachinaꞌ. Iráca iya mashoco Apësaron yaꞌhuërëtatonco noꞌhuirinco niꞌton, taꞌananpirahuë. Naporoꞌ inahuasoꞌ, nosoroatonaco paꞌpoyarinaco. Napoaton nosoroquëꞌ.
8Isontaꞌ, shaꞌhuichinquën yonquiquëꞌ: Cohuira huiꞌnin Simii itopisoꞌ, iporahuanta yaꞌhuëarin. Inasoꞌ, Mincamin huënton quëmapi. Paorinquë yaꞌhuërin. Iráca taꞌato Maanainquë paasoco, paꞌpi chiníquën noꞌhuirinco. Inaso niponahuëꞌ, noya huënantahuatora, Cortaniiꞌpaꞌ nacapirinco. Naporoꞌ: ‘Yoscoarëꞌ co carinquën tëparanquënhuëꞌ,’ itërahuë. 9Ipora quëmarisoꞌ ama huachi nichaꞌëquësohuëꞌ. Yonquínahuanquën niꞌton, maꞌsona onpotacasoꞌ nitotaran. Inaporinso marëꞌ ama noya chiminchinsohuë antaꞌ,” itërin.
Tapi chimininsoꞌ
10Ina piquëran Tapi chiminin. Chiminpachina, Quirosarinquë paꞌpitopi. Inaso ninanoꞌ, shaꞌhuitëranquëmaso chachin: “Tapi ninanonën,” itopi. 11Catapini shonca piꞌipi israiroꞌsa copirnonën yaꞌconin. Canchisë piꞌi Ipronquë huaꞌanëntërin. Cara shonca cara piꞌi, Quirosarinquë huaꞌanëntërin. 12Ina quëran Saronon copirno, paꞌpin yaꞌhuërëtaton, israiroꞌsa huaꞌanëntërin. Inasoꞌ huaꞌanëntohuachina, chini chiníquën nanantaton, yaꞌipi israiroꞌsa noya camairin. 13-46(-)
Currently Selected:
1 Reyes 2: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
